બકરીદના દિવસે હૈદરાબાદમાં ગૌવંશ ભરેલા ટ્રક રોકીને તેનો વિરોધ કરનાર બે હિંદુ મહિલાઓનો વિડીયો સોશિયલ મીડિયામાં ઝડપથી વાયરલ થઈ રહ્યો છે. વાયરલ વિડીયોમાં બંને મહિલાઓ હજારોના મુસ્લિમ ટોળાં વચ્ચે ગૌવંશ ભરેલા ટ્રક સામે વિરોધ કરી રહી છે. આ ઘટનાને લઈને હજારો મુસ્લિમોનો ટોળું પણ ત્યાં ઘસી આવ્યું હતું. પરંતુ બંને હિંદુ મહિલાઓએ ગૌવંશ ભરેલા ટ્રકને આગળ જતાં અટકાવ્યા હતા. વિડીયો સોશિયલ મીડિયા પર વાયરલ થયા બાદ હૈદરાબાદથી ભાજપના લોકસભા ઉમેદવાર રહેલા માધવી લતાએ બંને હિંદુ મહિલાઓનું સન્માન કર્યું હતું અને તેમની પ્રશંસા કરી હતી.
સોમવારે (17 જૂન) હૈદરાબાદમાં સ્થિત માલકપેટ વિસ્તારમાં આ ઘટના બનાવા પામી હતી. અહીં બે હિંદુ મહિલાઓએ ગૌવંશ ભરેલા ટ્રક અટકાવ્યા હતા અને ગૌવંશને બચાવ્યા હતા. ઘટનાનો વિડીયો સોશિયલ મીડિયા પર ઝડપથી વાયરલ થયો હતો. વિડીયોમાં બંને બહાદુર મહિલાઓને હજારોના મુસ્લિમ ટોળાં સામે બાથ ભીડતી જોઈ શકાય છે. હિંમત સાથે બંને મહિલાઓ ટ્રક પર ચડી ગઈ હતી અને મુસ્લિમોના ટોળાં વચ્ચે પણ તેમણે ગૌવંશને બચાવી લીધા હતા.
Brave lady in old malakpet stopping gomaatas being transported for the festival of Bakrid pic.twitter.com/dqTgQgThla
— SanghiDentico🇮🇳,🚩🚩🕉️ (@priyathedentico) June 16, 2024
વિડીયોમાં બંને હિંદુ મહિલાઓને મુસ્લિમો સાથે બોલાચાલી કરતી જોઈ શકાય છે. હજારોની સંખ્યામાં એકઠા થયેલા મુસ્લિમ ટોળાંએ પણ જોર-જોરથી બોલવાનું શરૂ કર્યું હતું. તેમ છતાં બંને મહિલાઓ ટ્રક આગળથી ખસી નહોતી. ત્યારબાદ એક મહિલા ટ્રકના બોનેટ પર ચડીને બેસી ગઈ હતી અને ટ્રકને આગળ વધતાં જ અટકાવી દીધા હતા. મુસ્લિમ વ્યક્તિઓએ મહિલાઓને પકડવા પણ પ્રયાસ કર્યો હતો, પરંતુ મહિલાઓની બહાદુરી જોતાં કોઈ આગળ આવી શક્યા નહોતા. ટ્રક પર ચડેલી મહિલા મુસ્લિમ ટોળાંને કહી રહી હતી કે, “મને મારીને આગળ વધો.”
માધવી લતાએ બહાદુર મહિલાઓનું કર્યું સન્માન
આ ઘટના બાદ ભાજપ નેતા અને હૈદરાબાદથી ભાજપના લોકસભા ઉમેદવાર રહેલા માધવી લતાએ બંને મહિલાઓનું સન્માન કર્યું હતું. તેમણે સોશિયલ મીડિયા પ્લેટફોર્મ X પર આ વિશેની માહિતી આપી હતી. તેમના ઓફિશિયલ X હેન્ડલ પર લખવામાં આવ્યું છે કે, “આજે માલકપેટ વિસ્તારની સાહસી ખેડૂત બહેનો શ્રીવનિતા મૈથિલી અને સુનિતાએ શ્રીમતી માધવી લતાની મુલાકાત કરી. માધવી લતાજીને માલકપેટમાં ગાયોની હત્યા રોકવામાં તેમના સમર્થનની વિનંતી કરી હતી. શ્રીમતી કે. માધવી લતાજીએ તેમને પૂર્ણ સમર્થનનું આશ્વાસન આપ્યું અને તેમની બહાદુરી અને શક્તિની પ્રશંસા કરી.”
Today, the courageous farmer sisters of the Malakpet area, Srivanitha Mythili and Sunitha, met with Smt. K. Madhavi Latha Ji to request her support in preventing the slaughter of cows in Malakpet. Smt. K. Madhavi Latha Ji assured them of her full support and praised their bravery… pic.twitter.com/p0c2V9OWNs
— Kompella Madhavi Latha (@Kompella_MLatha) June 17, 2024
પોસ્ટમાં વધુમાં લખાયું છે કે, “બહાદુર બહેનો સાથે BJYM અધ્યક્ષ ચૌકી રેવંત, ચૌકી પ્રશાંત, ચૌકી અરવિંદ, એમ. પ્રવીણ અને ચૌકી સાઈનાથ પણ ઉપસ્થિત હતા. શ્રીમતી કે. માધવી લતાએ તેમના સામૂહિક પ્રયાસો અને તેમના ઉદ્દેશ્ય પ્રત્યેના સમર્પણની સરાહના કરી હતી અને તમામનું સન્માન કર્યું હતું.”
Smt. K. Madhavi Latha Ji felicitated the brave Gau Rakshak sisters, Srivanitha Mythili and Sunita, for their commendable efforts in protecting cows in Malakpet. She emphasized that protecting cows is akin to protecting the country, and expressed her unwavering support for the… pic.twitter.com/5g8xYrsHZZ
— Kompella Madhavi Latha (@Kompella_MLatha) June 17, 2024
માધવી લતાના ઓફિશિયલ X હેન્ડલ પરથી અન્ય એક પોસ્ટ પણ કરવામાં આવી છે. જેમાં કહેવાયું છે કે, “શ્રીમતી કે. માધવી લતાજીએ માલકપેટમાં ગાયોની રક્ષામાં સરાહનીય પ્રયાસ બદલ બહાદુર ગૌરક્ષક બહેનો, શ્રીવનિતા મૈથિલી અને સુનિતાને સન્માનિત કરી છે. તેમણે એ વાત પર ભાર આપ્યો કે, ગૌરક્ષા દેશની રક્ષા કરવા સમાન છે. તેમણે નારીશક્તિ આંદોલન માટે સમર્થન પણ વ્યક્ત કર્યું અને છેલ્લા શ્વાસ સુધી આ મુદ્દા પર તેમની પ્રતિબદ્ધતા વ્યક્ત કરી હતી.”
