હાલમાં જ પોતાની એક ફિલ્મ ‘ફ્લૉપ’ ગયા બાદ અભિનેત્રી તાપસી પન્નુએ નવી એક ફિલ્મની જાહેરાત કરી છે. તાપસી પન્નુની ‘દોબારા’ નામની આ ફિલ્મનું ટ્રેલર પણ હાલમાં જ રિલીઝ કરવામાં આવ્યું હતું. જોકે, આ ફિલ્મ રિલીઝ થાય તે પહેલાં જ વિવાદોમાં આવી ગઈ છે અને તેનું ટ્રેલર જોઈને લોકો કહી રહ્યા છે કે તે એક સ્પેનિશ ફિલ્મની કૉપી છે તો કેટલાકે એમ પણ પૂછ્યું હતું કે તાપસીની એક પછી એક ફિલ્મો ફ્લૉપ જાય છે, તેમ છતાં શા માટે તેને ફિલ્મો મળતી રહે છે?
27 જુલાઈ 2022ના રોજ ફિલ્મ ‘દોબારા’નું ટ્રેલર રિલીઝ કરવામાં આવ્યું હતું. 3 દિવસમાં ફિલ્મના ટ્રેલરને 45 લાખથી વધુ વ્યૂ મળ્યા છે, જયારે 62 હજારથી વધુ લોકોએ ટ્રેલર ‘લાઈક’ કર્યું છે. સોશિયલ મીડિયા પર આ ટ્રેલરને લઈને મિશ્ર પ્રતિક્રિયાઓ જોવા મળી રહી છે. કેટલાક લોકો વખાણી રહ્યા છે તો કેટલાક લોકો કહી રહ્યા છે કે બૉલીવુડમાં હવે ઓરિજનલ ફિલ્મો બનવાની બંધ થઇ ગઈ છે અને વિદેશી ફિલ્મો પર જ આધાર રાખવો પડે છે.
તાપસીએ ફિલ્મનું ટ્રેલર સોશિયલ મીડિયા પર પણ શૅર કર્યું હતું. જેની પર લોકોની વિવિધ પ્રતિક્રિયાઓ જોવા મળી હતી.
વૈભવ સક્સેના નામના એક યુઝરે કહ્યું કે, તાપસીનો આત્મવિશ્વાસ એક અલગ સ્તરનો છે. એક ફ્લૉપ (ફિલ્મ)નો હિસાબ કરે ત્યાં સુધીમાં તો બીજી એક (ફિલ્મ) આવી ગઈ.
Confidence alag hi level ka hai aapka ma'am pehle ek flop ka toh hisaab laga lete ki dusri aur aagayi
— VAIBHAV SAKSENA (@SAFFRONIST100) July 27, 2022
વળી વસંત પટેલ નામના એક યુઝરે આ ફિલ્મને ‘વધુ એક માથાનો દુઃખાવો’ ગણાવ્યો હતો.
Another headache 😬
— Vasant Patel (@VasantP00190520) July 28, 2022
એક યુઝરે તાપસીની હાલમાં જ આવેલી ફિલ્મ ‘શાબાશ મિથુ’ ફ્લૉપ ગઈ હોવાના સમાચારનો સ્ક્રીનશોટ શૅર કરીને લખ્યું હતું કે, અમે ફરીથી તૈયાર જ છીએ.
We all ready again😂😂😂 pic.twitter.com/Sxi6hh1B7K
— Nicky sikarwar (@Nickysikarwar) July 27, 2022
અભય નામના યુઝરે કહ્યું કે, તાપસી માટે વધુ એક ફ્લૉપ ફિલ્મ સાબિત થવા જઈ રહી છે. તેમણે #BoycottBollywood હેશટેગ પણ વાપર્યું હતું.
@taapsee Another Flop Is On The Way #BoycottBollywood Jaari Hai ✊ https://t.co/mgu8hsIv6T
— ABHAY #JusticeForSushant (@TeamAbhay4SSR) July 27, 2022
એક યુઝરે કહ્યું કે, સીધી મિરાજની જ નકલ કરી દીધી. આવી રીતે તો અમારો લાલુ કંદોઈ પણ ડાયરેક્ટર અને શાલુ ભાભી પણ હિરોઈન બની શકે છે.
Scene to scene mirage ki hi copy mar di.. Aise to hamara lalu halwayi bhi director aur expression less shalu bhabhi bhi heroin ban skte hain 🤗
— बुल्ला भैय्या junior 🧘 (@Bullafam) July 28, 2022
અન્ય એક યુઝરે પણ સ્પેનિશ ફિલ્મ ‘મિરાજ’ની તસવીર શૅર કરીને પ્રશ્ન કર્યો હતો કે, ‘કૉપીવુડ કેટલી નકલ કરે છે.’
Kitni COPY Marta h COPYWOOD 👇🤬🤬🤬🤬
— Paras (@ProudHindu4u) July 27, 2022
Spanish movie MIRAGE pic.twitter.com/8BaQVdbHa8
અમિત નામના એક યુઝરે પ્રશ્ન કર્યો કે, જો આટલા કુશળ લોકો હોય તો ખરાબ અભિનય કૌશલ્ય અને ફ્લૉપ ફિલ્મો છતાં તેમને એક પછી એક ફિલ્મો કઈ રીતે મળી રહી છે?
भाईलोग – मैं एक बात जानना चाहता हूं, जब इतने सारे टैलेंटेड लोग हैं, तो खराब अभिनय कौशल और इतनी फ्लॉप फिल्मों के साथ उन्हें एक के बाद एक फिल्म कैसे मिलती है
— Amit (@Strange0611) July 27, 2022
તાપસી પન્નુની આ ફિલ્મ ‘દોબારા’ આગામી 19 ઓગસ્ટના રોજ થીએટરોમાં રિલીઝ થવા જઈ રહી છે. જેને અનુરાગ કશ્યપે નિર્દેશિત કરી છે. જોકે, ફિલ્મ રિલીઝ થાય તે પહેલાં જ ટ્રેલર જોઈને લોકોએ તેની સરખામણી સ્પેનિશ ફિલ્મ ‘મિરાજ’ સાથે કરવા માંડી હતી. આ એક મિસ્ટ્રી ડ્રામા ફિલ્મ હતી, જે 2018માં આવી હતી.
તાપસી પન્નુની એક ફિલ્મ ‘શાબાશ મિથુ’ હાલમાં જ રિલીઝ થઇ હતી. જોકે, ફિલ્મ કંઈ ઉકાળી શકી ન હતી અને બહુ ઓછી કમાણી કરી શકી હતી.
