Thursday, September 29, 2022
More
    હોમપેજન્યૂઝ રિપોર્ટભાજપા હવે નૂપુરની ના રહી: કથિત વિવાદાસ્પદ નિવેદન બાદ વિરોધ વધતાં નૂપુર...

    ભાજપા હવે નૂપુરની ના રહી: કથિત વિવાદાસ્પદ નિવેદન બાદ વિરોધ વધતાં નૂપુર શર્મા પર BJPની મોટી કાર્યવાહી, પ્રાથમિક સદસ્યતા રદ્દ

    અરબ દેશોનું દબાણ હોવાની ચર્ચા.

    ભારતીય જનતા પાર્ટી (BJP) દ્વારા નૂપુર શર્મા પાર્ટીમાંથી સસ્પેન્ડ કરી દેવાયા છે. સૂત્રોએ જણાવ્યું કે મોહમ્મદ પયગંબર પર વિવાદાસ્પદ ટિપ્પણી બાદ તેમના સસ્પેન્શનની કાર્યવાહી કરવામાં આવી છે. અગાઉ, પાર્ટીએ રવિવારે પ્રોફેટ મોહમ્મદ પર કરવામાં આવેલી કથિત વિવાદાસ્પદ ટીપ્પણીઓ પરના હંગામાને શાંત કરવાના પ્રયાસોના ભાગરૂપે કહ્યું હતું કે તે તમામ ધર્મોનું સન્માન કરે છે અને કોઈપણ ધર્મના આદરણીય લોકોનું અપમાન સ્વીકારતું નથી.

    ભાજપના પ્રવક્તા નૂપુર શર્માએ તાજેતરમાં જ પયગંબર મોહમ્મદ પર વિવાદિત નિવેદન આપ્યું હતું. આ પછી શરૂ થયેલા હોબાળા વચ્ચે બીજેપી હાઈકમાન્ડે આજે નૂપુર શર્મા વિરુદ્ધ કાર્યવાહી કરી છે. હાઈકમાંડ દ્વારા નૂપુર શર્મા પાર્ટીમાંથી સસ્પેન્ડ કરવામાં આવ્યા છે. આ સાથે ભાજપ હાઈકમાન્ડે મીડિયા ઈન્ચાર્જ નવીન કુમાર જિંદાલને પણ સસ્પેન્ડ કરી દીધા છે.

    નોંધનીય છે કે જ્ઞાનવાપી વિવાદિત માળખા કેસના વિષય પર ટેલિવિઝન ચર્ચા દરમિયાન 27 મે, 2022ના રોજ નૂપુર શર્માએ આ અપમાનજનક ટિપ્પણી કરી હોવાનો આરોપ છે. આ પહેલા મહારાષ્ટ્રમાં શર્મા વિરુદ્ધ બે એફઆઈઆર નોંધવામાં આવી હતી. પ્રથમ FIR શંકાસ્પદ ઇસ્લામિક સંગઠન રઝા એકેડમીની ફરિયાદના આધારે 29 મેના રોજ નોંધવામાં આવી હતી. બીજી FIR મુંબ્રાના એક મોહમ્મદ ગુરફાનની ફરિયાદના આધારે તેમની વિરુદ્ધ નોંધવામાં આવી હતી.

    - Advertisement -

    30 મેના રોજ, ભારતીય જનતા પાર્ટીના પ્રવક્તા નૂપુર શર્મા સામે હૈદરાબાદમાં એક ન્યૂઝ ચેનલ પર ચર્ચા દરમિયાન પયગંબર મુહમ્મદ વિશેની કથિત ‘નિંદાજનક’ ટિપ્પણી બદલ ત્રીજો પ્રથમ તપાસ રિપોર્ટ નોંધવામાં આવી હતી.

    એક ટીવી ડિબેટમાં નૂપુર શર્માએ કહ્યું હતું કે, “તેઓને (કો પેનલિસ્ટ કે જે મુસ્લિમ હતા)ને કહેવામાં આવવું જોઈએ કે તેઓ ચૂપ રહે અને અમારા (હિંદુ) ધર્મનું અપમાન કરવાનું બંધ કરે, નહીં તો, જ્યાં દુઃખ પહોંચે ત્યાં અમે તેમને મારવામાં ખૂબ સક્ષમ છીએ. ઉદાહરણ તરીકે, તેઓ તેને (જ્ઞાનવાપી સંકુલ શિવલિંગ)ને ગમે તેટલો ફુવારો કહેવા માંગે છે પરંતુ વાસ્તવિકતા એ છે કે સર્વોચ્ચ અદાલતે પણ તે વિસ્તારની તાત્કાલિક સુરક્ષાનો આદેશ આપ્યો હતો.”

    ભાજપા પ્રવકતા નૂપુર શર્મા વધુમાં કહે છે કે, “શું અમે તમારા ઉડતા ઘોડાઓ અને કુરાનમાં લખેલા તથ્યો કે પ્રોફેટ મુહમ્મદ છ વર્ષની ઉંમરે લગ્ન કરે છે અને જ્યારે તે નવ વર્ષની થાય ત્યારે લગ્ન પૂર્ણ કરે છે તેની મજાક શરૂ કરીએ… કુરાન 88 : 20 મુજબ પૃથ્વી સપાટ છે. ફક્ત તમારા ઉડતા ઘોડાઓ પર ઉડી જાઓ …”

    ભાજપના પ્રવક્તા નૂપુર શર્માએ તાજેતરમાં જ પયગંબર મોહમ્મદ પર વિવાદિત નિવેદન આપ્યું હતું. આ પછી શરૂ થયેલા હોબાળા વચ્ચે બીજેપી હાઈકમાન્ડે આજે નૂપુર શર્મા વિરુદ્ધ કાર્યવાહી કરી છે. તો નૂપુર શર્માને સસ્પેન્ડ કરવામાં આવ્યા છે. આ સાથે ભાજપ હાઈકમાન્ડે મીડિયા ઈન્ચાર્જ નવીન કુમાર જિંદાલને પણ સસ્પેન્ડ કરી દીધા છે.

    સંબંધિત લેખો

    - Advertisement -

    તાજા સમાચાર

    ચૂકશો નહીં