Thursday, July 18, 2024
More
    હોમપેજદેશજ્યાં મુસ્લિમ વસ્તી છે તે બૂથ પર માત્ર 5 વર્ષમાં મતદારો 117%...

    જ્યાં મુસ્લિમ વસ્તી છે તે બૂથ પર માત્ર 5 વર્ષમાં મતદારો 117% વધ્યા…: હાઈકોર્ટે પણ કહેવું પડ્યું– બાંગ્લાદેશી ઘૂસણખોરો ઝારખંડની ધરતી પર સ્થાયી થઈને ઉઠાવી રહ્યા છે લાભ

    હાઈકોર્ટની આ ટિપ્પણી ઝારખંડની સમસ્યાને દર્શાવે છે જે ધીમે ધીમે એક નાસૂર બની ગઈ છે.

    - Advertisement -

    રાજ્યમાં વધી રહેલી ઘૂસણખોરીને લઈને ઝારખંડ હાઈકોર્ટ કડક બની છે. તેમણે રાજ્યમાંથી બાંગ્લાદેશી ઘૂસણખોરોને હાંકી કાઢવા કાર્યવાહી કરવાનો આદેશ આપ્યો છે. હાઈકોર્ટે એક અરજી પર સુનાવણી કરતા રાજ્યમાં ઘૂસણખોરોની હાજરી અંગે પણ રિપોર્ટ માંગ્યો છે.

    જસ્ટિસ સુજીત નારાયણ પ્રસાદ અને જસ્ટિસ એકે રાયની ખંડપીઠે બુધવારે (3 જુલાઈ, 2024) આ નિર્દેશો આપ્યા હતા. હાઈકોર્ટે રાજ્ય સરકારને આદેશ આપ્યો છે કે રાજ્યમાં હાજર ઘૂસણખોરોને બે અઠવાડિયામાં શોધી કાઢો, તેમની ઓળખ કરો અને તેમની સામે શું કાર્યવાહી કરવામાં આવી તે અંગેનો અહેવાલ દાખલ કરો. હાઈકોર્ટે કેન્દ્ર સરકાર પાસેથી પણ રિપોર્ટ માંગ્યો છે.

    ડેનિયલ ડેનિશની અરજી પર સુનાવણી દરમિયાન હાઈકોર્ટનું આ કડક વલણ જોવા મળ્યુ. અરજીમાં કોર્ટને કહેવામાં આવ્યું હતું કે બાંગ્લાદેશને અડીને આવેલા રાજ્યના સાંતાલ પરગણાના જિલ્લાઓમાં બાંગ્લાદેશના પ્રતિબંધિત સંગઠનો આયોજિત રીતે ઝારખંડની આદિવાસી છોકરીઓ સાથે લગ્ન કરીને તેમનું ધર્માંતરણ કરાવી રહ્યા છે. નવા મદરેસાઓ પણ ખુલી રહ્યા છે. અહીં 46 નવા મદરેસાઓ ખૂલ્યાં છે. સંતાલ પરગણામાં ગોડ્ડા, દેવઘર, દુમકા, જામતારા, સાહિબગંજ અને પાકુર જિલ્લાઓનો સમાવેશ થાય છે.

    - Advertisement -

    હાઈકોર્ટની આ ટિપ્પણી ઝારખંડની સમસ્યાને દર્શાવે છે જે ધીમે ધીમે એક નાસૂર બની ગઈ છે. સાંતાલ પરગણાના જિલ્લાઓ પશ્ચિમ બંગાળ સાથે સરહદ ધરાવે છે. પહેલા ઘૂસણખોરો બાંગ્લાદેશથી પશ્ચિમ બંગાળ આવે છે અને અહીંથી ઝારખંડમાં ફેલાઈ જાય છે.

    ડેમોગ્રાફી બદલવાની વાત નવી નથી

    ઝારખંડ હાઈકોર્ટની ટિપ્પણીઓને રેખાંકિત કરતી ઘણી ઘટનાઓ પહેલાથી જ પ્રકાશમાં આવી ચુકી છે. અગાઉ માર્ચ 2024 માં, આજતકના એક અહેવાલમાં, અરજીમાં ઉલ્લેખિત સમસ્યા વિશે જ વાત કરવામાં આવી હતી. આજતકના રિપોર્ટમાં કહેવામાં આવ્યું છે કે બાંગ્લાદેશી મુસ્લિમ ઘૂસણખોરો પશ્ચિમ બંગાળ થઈને અહીં આવે છે. આ પછી તે સ્થાયી થઈ જાય છે. આમાંથી કેટલીક આદિવાસી છોકરીઓને નિશાન બનાવે છે. જ્યારે છોકરીઓ તેમના દેખાડાં તરફ આકર્ષાય છે, ત્યારે તેમની સાથે લગ્ન કરી લેવાઈ છે.

    લગ્ન બાદ કાગળ પર યુવતીની ઓળખ આદિવાસી તરીકે રહે છે. આ પછી, તે છોકરીના નામે જમીન લેવામાં આવે છે અથવા તેની જ જમીન પડાવી લેવામાં આવે છે. રિપોર્ટમાં કહેવામાં આવ્યું છે કે આ બધું કરવા માટે બાંગ્લાદેશથી આવતા ઘૂસણખોરોને ફંડિંગ મળે છે. યુવતીની ઓળખ આદિવાસી તરીકે રાખવા પાછળનો હેતુ સરકારી લાભ મેળવવાનો છે. આ સિવાય ઘણી જગ્યાએ મુસ્લિમો સાથે લગ્ન કરનાર યુવતીઓને ચૂંટણી પણ લડાવવામાં આવી હતી.

    આજતકના અહેવાલમાં એવું પણ કહેવામાં આવ્યું હતું કે અહીં ઘૂસણખોરી કરનારા બાંગ્લાદેશીઓ આ જમીનમાં ખાણકામ માટે પણ આમ કરી રહ્યા છે. એકંદરે, આ વિસ્તારની ઓળખ ધીમે ધીમે બદલાઈ રહી છે. બાંગ્લાદેશી ઘૂસણખોરો ઝારખંડમાં પ્રવેશતાની સાથે જ બનાવટી ઓળખ કાર્ડ પણ મેળવી લે છે. જે લોકો અહીં સ્થાયી થયા છે તેઓ પણ આમાં તેમની મદદ કરે છે.

    માત્ર જમીનમાં જ નહીં ચૂંટણીમાં પણ ઘૂસણખોરી

    બાંગ્લાદેશી ઘૂસણખોરોની આ સમસ્યા લગ્ન કરવા અને જમીન પચાવી પાડવા પૂરતી મર્યાદિત નથી. તેનું જોડાણ લોકસભા ચૂંટણી સાથે પણ છે. આ માટે આપણે સાંતાલના મોટા જિલ્લા સાહિબગંજના રાજમહેલ વિધાનસભા તરફ નજર કરવી પડશે. થોડા દિવસો પહેલા રાજમહેલના ધારાસભ્ય અનંત ઓઝાએ OpIndiaને કહ્યું હતું કે તેમના વિસ્તારના કેટલાક ગામોમાં મુસ્લિમ મતોમાં ભારે વધારો થયો છે. તેમણે કહ્યું હતું કે આ કામ પશ્ચિમ બંગાળની સરહદે આવેલા ગામોમાં કરવામાં આવ્યું છે.

    અનંત ઓઝાના જણાવ્યા અનુસાર, તેમની વિધાનસભાના બૂથ નંબર 187 પર 2019માં તેમની પાસે 672 મત હતા. 2024માં તે વધીને 1461 થયા. એટલે કે તે લગભગ 117% વધ્યા. આ સાથે, સરકારી મદરેસા બૂથ પર મત 754 વધીને 1189 થઈ ગયા. આ વિધાનસભાની અંદર આવા ઓછામાં ઓછા 73 બૂથ છે જ્યાં મતદારોની વૃદ્ધિ અસામાન્ય રીતે થઈ છે.

    ધારાસભ્ય અનંત ઓઝાએ OpIndiaને જણાવ્યું હતું કે આ તમામ બૂથ મુસ્લિમ વસ્તી વચ્ચે આવેલા છે. આ જ વિસ્તારમાં હિંદુ વસ્તી ધરાવતા 17 બૂથ પર આ સમયગાળા દરમિયાન વસ્તી ઘટી છે. આ અંગે તેમણે રાજ્ય ચૂંટણી પંચને ફરિયાદ પણ કરી હતી. રાજ્ય ચૂંટણી પંચે આ મામલે એક ટીમ બનાવી કાર્યવાહી કરવા જણાવ્યું છે.

    કહેવામાં આવી રહ્યું છે કે આ વિસ્તારમાં મતદારોનું ફિઝિકલ વેરિફિકેશન પર પણ વિચાર કરવામાં આવી રહ્યો છે. જો કે, આ દરમિયાન સમસ્યાનો વ્યાપ વધી રહ્યો છે. આવી સ્થિતિમાં હવે કોર્ટે પણ આ મામલે એન્ટ્રી કરવી પડી છે. કોર્ટના આદેશ બાદ રાજ્ય સરકાર આ બાંગ્લાદેશી ઘૂસણખોરો સામે શું કાર્યવાહી કરે છે તે જોવું રહ્યું.

    - Advertisement -
    Join OpIndia's official WhatsApp channel

    સંબંધિત લેખો

    - Advertisement -

    તાજા સમાચાર

    ચૂકશો નહીં