અભિનેતા સૈફ અલી ખાન (Saif Ali Khan) અને તેની પત્ની કરીના કપૂરના બાંદ્રા (વેસ્ટ) સ્થિત ઘરમાં એક લૂંટારુ (robber) ઘૂસી ગયો. લૂંટના પ્રયાસ દરમિયાન તેણે સૈફ પર છરી વડે હુમલો કર્યો ત્યારે તે ઘાયલ થયો હતો. આ ઘટના ગુરુવારે મધરાતે લગભગ 2:30 વાગ્યે બની હતી જ્યારે અભિનેતા પરિવારના અન્ય સભ્યો સાથે પોતાના ઘરમાં સૂઈ રહ્યા હતા.
Bollywood actor Saif Ali Khan was attacked by an unknown intruder who broke into his home and attacked him with a knife. The actor has been hospitalized at Mumbai’s Lilavati Hospital#SaifAliKhan #Actor #Mumbai #LilavatiHospital pic.twitter.com/lCO9PyPAtD
— Mid Day (@mid_day) January 16, 2025
પોલીસે જણાવ્યું કે ઘરના લોકો જાગી ગયા બાદ લૂંટારો ઘટનાસ્થળેથી ભાગી ગયો હતો અને પોલીસ તેને શોધવાનો પ્રયાસ કરી રહી છે. બાંદ્રા પોલીસ એફઆઈઆર નોંધવાની પ્રક્રિયામાં છે અને ગુનેગારને પકડવા માટે અનેક પોલીસ ટીમો બનાવવામાં આવી છે.
એક વરિષ્ઠ આઈપીએસ અધિકારીએ ઘટનાની પુષ્ટિ કરતા કહ્યું કે, “સૈફ અલી ખાનને લીલાવતી હોસ્પિટલમાં (Lilavati hospital) દાખલ કરવામાં આવ્યા છે જ્યાં તેમની સારવાર ચાલી રહી છે. લૂંટારુ સાથે ઝપાઝપીમાં તેમને છરીના ઘા વાગ્યા હતા કે નહીં તે હજુ સ્પષ્ટ નથી.” તેઓ ઘાયલ છે. અમે આ ઘટનાની તપાસ કરી રહ્યા છીએ. મુંબઈ ક્રાઈમ બ્રાન્ચ પણ આ ઘટનાની સમાંતર તપાસ કરી રહી છે.
