ગઈકાલથી વડાપ્રધાન નરેન્દ્ર મોદીનો એક વિડીયો સોશિયલ મીડિયા પર વાયરલ થઇ રહ્યો છે. પીએમ મોદી હાલ બે દિવસ માટે કર્ણાટકના પ્રવાસે ગયા હતા, જે દરમિયાન એરપોર્ટ પર તેમના સ્વાગત દરમિયાનના એક વિડીયોની નાની ક્લિપ સોશિયલ મીડિયા પર વાયરલ થઇ રહી છે. આ અધૂરી ક્લિપ શૅર કરીને પીએમની મજાક ઉડાવવામાં આવી રહી છે.
યુથ કોંગ્રેસના નેતા શ્રીનિવાસે પીએમ નરેન્દ્ર મોદીનો એક વિડીયો શૅર કર્યો હતો. 24 સેકન્ડની આ ક્લિપમાં પીએમ મોદી એરપોર્ટ પર વિમાનમાંથી ઉતરીને આવતા દેખાય છે અને તેમના સ્વાગત માટે કેટલાક નેતાઓ અને અધિકારીઓ ઉભેલા દેખાય છે. તેમજ પાછળ ફોટોશૂટ માટે કેમેરામેન ઉભેલા દેખાય છે. શ્રીનિવાસે આ વિડીયો શૅર કરીને કટાક્ષમાં કહ્યું, “મોદીજી શું કરવા માંગે છે?”
What is Modi ji trying to do? pic.twitter.com/uIBI65t1R4
— Srinivas BV (@srinivasiyc) June 21, 2022
વામપંથી અશોક સ્વૈને પીએમનો આ જ વિડીયો શૅર કર્યો હતો અને તેમને બૉલીવુડના ડાયરેક્ટર સાથે સરખાવ્યા હતા. જે બાદ થોડી જ ક્ષણોમાં આ જ ક્લિપ વામપંથી પત્રકારો અને નેતાઓ પાસે પહોંચી ગઈ હતી અને તમામે શૅર કરીને પીએમ પર કટાક્ષ કર્યો હતો કે કાયમ ફોટોશૂટમાં વ્યસ્ત રહેવાનો આરોપ લગાવ્યો હતો.
India’s Dear Leader is no less than a Bollywood Director! pic.twitter.com/Eo86MyDF8P
— Ashok Swain (@ashoswai) June 21, 2022
વામપંથીઓના પ્રિય અને દક્ષિણ ફિલ્મોના જાણીતા અભિનેતા પ્રકાશ રાજે પણ આ તકનો લાભ લઇ લીધો હતો અને પીએમનો વિડીયો શૅર કરીને કટાક્ષ કરવાના પ્રયાસ કર્યા હતા. તેમણે પીએમને સુપ્રીમ એક્ટર/ડાયરેક્ટર ગણાવ્યા હતા અને કહ્યું કે કેમેરા એન્ગલની વાત આવે ત્યાં તેમને કોઈ હરાવી શકે નહીં.
When it comes to camera angles.. can any one beat our own Supreme actor/director #justasking pic.twitter.com/Fz1107x4G4
— Prakash Raj (@prakashraaj) June 21, 2022
જોકે, આ અધૂરો વિડીયો ફરતો થયા બાદ મોડેથી આ ઘટનાનો સંપૂર્ણ વિડીયો સામે આવ્યો હતો. જેમાં દેખાય છે કે વડાપ્રધાન કેમેરા એંગલ કે ફોટોશૂટ માટે નહીં પરંતુ અન્ય કારણોસર થોભી ગયા હતા. આ આખો વિડીયો સામે આવ્યા બાદ વામપંથી એજન્ડા ફરી એકવાર ધરાશાયી થઇ ગયો હતો.
The person was going to touch the feet of PM Modi, so he stopped him from going ahead.
— Prakash (@Gujju_Er) June 21, 2022
Watch this full video,
When one more person tried to touch feet PM Modi again stopped and denied him to do it. pic.twitter.com/JpZKcFWLvu
વિડીયોમાં જોવા મળે છે કે, પીએમ મોદી આગળ વધે છે તેમ એક વ્યક્તિ તેમના ચરણસ્પર્શ કરવા માટે આગળ વધે છે. જે બાદ વડાપ્રધાન તેમને તેમ કરતા અટકાવી દે છે અને પોતાના સ્થાને જ રહેવા માટે જણાવે છે. જે બાદ તેઓ આગળ વધે છે. જે બાદ ફરીથી અન્ય એક વ્યક્તિ તેમના ચરણસ્પર્શ માટે આગળ વધે છે ત્યારે વડાપ્રધાન પાછળ ખસી જાય છે અને તેમને તેમ કરવાની ના પાડે છે. જે બાદ તેઓ નમસ્કાર કરતા આગળ વધે છે.
આમ આ સાચો વિડીયો એમ પણ દર્શાવે છે કે વડાપ્રધાન મોદીને આ રીતે કોઈ વગર કારણે તેમના ચરણ સ્પર્શ કરે તે પસંદ નથી. અગાઉ પણ વડીલો તેમજ મહિલાઓએ જ્યારે પણ તેમના ચરણસ્પર્શ કરવાનો પ્રયાસ કર્યો છે ત્યારે વડાપ્રધાન તેમને સામેથી પગે લાગતા હોય એવા દ્રશ્યો સામે આવ્યાં હતાં.
આ સમગ્ર વિડીયો ત્રીસ સેકન્ડનો છે. પરંતુ પીએમની મજાક ઉડાવવાના હેતુસર શૅર કરનારાઓએ છેલ્લી આઠ સેકન્ડ એડિટ કરી નાંખી હતી અને પીએમનું ફોટોશૂટ ચાલુ હોવાનો એજન્ડા જોડી દીધો હતો.
જોકે, સાચો વિડીયો સામે આવ્યા બાદ યુઝરોએ વામપંથી નેતાઓ અને પત્રકારોની ઝાટકણી કાઢી હતી અને સાચો વિડીયો શૅર કર્યો હતો.
