Sunday, May 19, 2024
More
    Home Blog Page 3

    દિલ્હી એક્સાઇઝ પોલિસી કૌભાંડ કેસમાં AAPને સહ-આરોપી બનાવવામાં આવશે, તૈયાર થઈ રહી છે પક્ષ વિરુદ્ધ ફરિયાદ: EDએ સુપ્રીમ કોર્ટને જણાવ્યું

    દિલ્લી દારૂ કૌભાંડમાં હવે એક ખુબ જ મહત્વના સમાચાર સામે આવી રહ્યા છે. એન્ફોર્સમેન્ટ ડિરેક્ટોરેટ (ED) એ ગુરુવારે સુપ્રીમ કોર્ટને જણાવ્યું કે દિલ્હી એક્સાઇઝ પોલિસી કેસ સાથે જોડાયેલા મની લોન્ડરિંગ કેસમાં આમ આદમી પાર્ટીને (AAP) સહ-આરોપી બનાવવામાં આવશે.

    જસ્ટિસ સંજીવ ખન્ના અને દીપાંકર દત્તાની બેન્ચ સમક્ષ હાજર થતાં ED માટે એડિશનલ સોલિસિટર જનરલ એસવી રાજુએ જણાવ્યું હતું કે AAP વિરુદ્ધ ફરિયાદ તૈયાર થઈ રહી છે અને તેના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલે આ કેસમાં ₹100 કરોડની માંગણી કરી હોવાના પ્રત્યક્ષ પુરાવા છે. રાજુએ કહ્યું કે એવા પુરાવા છે કે કેજરીવાલે ₹100 કરોડની લાંચ માંગી હતી જે ગોવા ચૂંટણી ખર્ચ માટે AAP પાસે ગઈ હતી.

    એએસજીએ વધુમાં એવી દલીલ કરી હતી કે AAPના વડા તરીકેની દ્વેષપૂર્ણ જવાબદારી ઉપરાંત, કેજરીવાલ એ વ્યક્તિ તરીકે પણ સીધા જ જવાબદાર છે જેમણે આબકારી નીતિ ઘડવામાં મુખ્ય ભૂમિકા ભજવી હતી. તેમણે કહ્યું કે ગોવામાં સાત સ્ટાર હોટલમાં કેજરીવાલના રોકાણને આંશિક રીતે આરોપી દ્વારા ભંડોળ પૂરું પાડવામાં આવ્યું હતું તે દર્શાવવાના પુરાવા છે.

    બેન્ચે EDને પૂછ્યું કે શું તપાસ અધિકારી ધરપકડની સત્તાનો ઉપયોગ કરતી વખતે દોષિત સામગ્રીઓને અવગણી શકે છે. આ પ્રશ્ન પૂછવામાં આવ્યો હતો કારણ કે કેજરીવાલના વકીલે અગાઉ દાવો કર્યો હતો કે તેમને નિર્દોષ ઠેરવતા ઘણા સાક્ષીઓના નિવેદનો હતા, જેને ED દ્વારા અવગણવામાં આવ્યા હતા અને અધિકારીઓએ તેમની ધરપકડ કરવા માટે ગુનાહિત સામગ્રીઓ પસંદ કરી હતી.

    નોંધનીય છે કે આજે, ગુરુવારે (17 મે) આ બાબતની સુનાવણી આગળ ચાલવાની છે. શક્યતા છે કે ED હજુ કોઇ મોટા ખુલાસાઓ કરી શકે છે.

    ‘હું બૂમો પાડતી રહી, એ ગાળો આપીને મારતો રહ્યો’: AAP સાંસદ સ્વાતિ માલીવાલની ફરિયાદ બાદ કેજરીવાલના PSને શોધી રહી છે દિલ્હી પોલીસ, મોડી રાતે કરાયો મેડિકલ રિપોર્ટ

    સ્વાતિ માલીવાલે દિલ્હીના મુખ્યમંત્રી અરવિંદ કેજરીવાલના અંગત સચિવ (PS) વિરુદ્ધ FIR નોંધાવી છે. તેમણે ઘટનાના 81 કલાક બાદ પોલીસને 2.5 પાનાની ફરિયાદ આપી હતી. તેમણે ફરિયાદમાં જણાવ્યું હતું કે બિભવે તેમના ચહેરા, પેટ અને છાતી પર 5-6 વાર માર માર્યો હતો. માલીવાલે પોતાની ફરિયાદમાં જણાવ્યું હતું કે, “હું સીએમ આવાસના ડ્રોઈંગ રૂમમાં હતી અને ત્યાં રાહ જોઈ રહી હતી, ત્યારે તેમનો અંગત સચિવ આવ્યો અને મારી સાથે દુર્વ્યવહાર કરવા લાગ્યો. કોઈપણ ઉશ્કેરણી વગર થપ્પડ મારી. મેં બૂમો પાડી અને કહ્યું મને છોડો, મને જવા દો. પણ તે મારતો રહ્યો.”

    સ્વાતિ માલીવાલના જણાવ્યા અનુસાર, પર્સનલ સ્ટાફ તેમની સાથે દુર્વ્યવહાર કરતો રહ્યો, તેને ધમકાવતો રહ્યો અને ‘જોઈ લઈશું, પતાવી દઈશું’ જેવા શબ્દો પણ બોલ્યા. આ પછી તેણે પહેલા તેના ચહેરા પર અને પછી પેટ પર માર માર્યો. માલીવાલના કહેવા પ્રમાણે, આ પછી તે બહાર દોડી ગઈ અને પોલીસને બોલાવી.

    પોલીસે માલીવાલના ઘરે જઈને ફરિયાદ નોંધી

    તેમની ફરિયાદ બાદ સ્પેશિયલ સેલની ટીમે સ્વાતિ માલીવાલ સાથે સુરક્ષા વ્યવસ્થા સહિત અનેક મુદ્દાઓ પર વાત કરી હતી. સ્પેશિયલ સેલના એડિશનલ કમિશનર પ્રમોદ કુશવાહા પોતે માલીવાલના ઘરે તેમનું નિવેદન નોંધવા પહોંચ્યા હતા. પોલીસ લગભગ 4 કલાક સુધી તેમના ઘરે રોકાઈ હતી.

    આખો મામલો સાંભળ્યા અને સમજ્યા પછી, સ્વાતિ માલીવાલના નિવેદનના આધારે, પોલીસે બિભવ કુમાર વિરુદ્ધ ભારતીય દંડ સંહિતાની કલમ 354, 506, 509, 323 અને અન્ય કલમો હેઠળ FIR દાખલ કરી. ત્યારબાદ તેમને મેડિકલ માટે એઈમ્સમાં લાવવામાં આવ્યા હતા. જ્યાં તેમનું ચેકઅપ કરવામાં આવ્યું હતું. જ્યારે તે રાત્રે 3 વાગ્યે ઘરે પરત ફર્યો ત્યારે એક વિડીયો સામે આવ્યો જેમાં તેઓ ધ્રુજતા ધ્રુજતા ઘરમાં પ્રવેસતા દેખાયા હતા.

    મહિલા આયોગે બિભવને મોકલ્યું છે તેડું

    એફઆઈઆર નોંધાયા બાદ ઉત્તર જિલ્લાની પોલીસ ટીમ અને ક્રાઈમ બ્રાન્ચની 10 ટીમો સમગ્ર કેસની તપાસમાં વ્યસ્ત થઈ ગઈ છે. આ ક્રમમાં એક ટીમ બિભવના ઘરે તેની પૂછપરછ કરવા પહોંચી હતી. જોકે તે ત્યાં મળી આવ્યો ન હતો. તે 16 મેના રોજ લખનૌ એરપોર્ટ પર કેજરીવાલ સાથે જોવા મળ્યો હતો. આ મામલાની સ્વતઃ સંજ્ઞાન લેતા રાષ્ટ્રીય મહિલા આયોગે બિભવ કુમારને આજે સવારે 11 વાગ્યે હાજર થવા જણાવ્યું છે.

    ઘટના બાદ માલીવાલની પહેલી સોશિયલ મીડિયા પોસ્ટ

    પોલીસને ફરિયાદ આપ્યા બાદ સ્વાતિ માલીવાલે એક્સ પર એક પોસ્ટ પણ લખી હતી. તેમણે કહ્યું, “મારી સાથે જે થયું તે ખૂબ જ ખરાબ હતું. મારી સાથે બનેલી ઘટના અંગે મેં પોલીસને મારું નિવેદન આપ્યું છે. મને આશા છે કે યોગ્ય કાર્યવાહી કરવામાં આવશે. છેલ્લા દિવસો મારા માટે ખૂબ જ મુશ્કેલ રહ્યા છે. પ્રાર્થના કરનારાઓનો હું આભાર માનું છું. જેમણે ચરિત્રહનનનો પ્રયાસ કર્યો, તેઓએ કહ્યું કે, આ અન્ય પક્ષના કહેવાથી કરવામાં આવી રહ્યું છે, ભગવાન તેમનું પણ ભલું કરે. દેશમાં મહત્વપૂર્ણ ચૂંટણીઓ ચાલી રહી છે, સ્વાતિ માલીવાલ મહત્વના નથી, દેશના મુદ્દા મહત્વપૂર્ણ છે. ભાજપના લોકોને ખાસ વિનંતી છે કે આ ઘટના પર રાજકારણ ન કરો.”

    ઉલ્લેખનીય છે કે સ્વાતિ માલીવાલ સાથે આ ઘટના 13 મેના રોજ બની હતી. તે દિવસે, પોલીસને તેમના નામે બે કોલ આવ્યા હતા જેમાં તેમણે હુમલાની માહિતી આપી હતી. આ પછી તે પોલીસ સ્ટેશન પણ ગઈ હતી પરંતુ કોઈ ફરિયાદ આપ્યા વિના જ પાછી ફરી હતી અને પછી મીડિયામાં કંઈ કહ્યું ન હતું. તેમના મૌનથી અનેક સવાલો ઉઠી રહ્યા હતા. જો કે, હવે તેમણે પોલીસને પોતાની ફરિયાદ આપતાં પોલીસે બિભવ સામે ગુનો નોંધ્યો છે. બીજી તરફ સ્વાતિ માલીવાલના નિવાસસ્થાનની સુરક્ષા વધારી દેવામાં આવી છે.

    ‘ઘણો સંઘર્ષ કર્યો, પણ હવે ગર્વથી કહી શકીશું કે અમે ભારતીય છીએ’: CAAથી નાગરિકતા મેળવનારા શરણાર્થીઓએ કહ્યું- તમામ શ્રેય મોદી-શાહને, તેમનો આભાર

    તાજેતરમાં જ પાડોશી દેશોમાંથી ધાર્મિક આધાર પર પ્રતાડિત થઈને આવેલા લઘુમતી સમાજના લોકોને નાગરિકતા સંશોધન કાયદા (CAA) હેઠળ નાગરિકતા આપવામાં આવી છે. બુધવારે (15 મે) 14 વ્યક્તિઓને નાગરિકતા માટેનાં પ્રમાણપત્રો આપવામાં આવ્યાં હતાં. આ પ્રમાણપત્ર મેળવ્યા બાદ નાગરિકતા પામનાર લોકો આધિકારિક રીતે ભારતીય થઈ ગયા છે. ત્યારે હવે CAAના માધ્યમથી ભારતની નાગરિકતા પ્રાપ્ત કરનાર લોકોની પ્રતિક્રિયા સામે આવી છે.

    ઉલ્લેખનીય છે કે તાજેતરમાં જ ગૃહ સચિવ અજય કુમાર ભલ્લાએ કુલ 14 વ્યક્તિઓને સિટિઝનશિપ સર્ટિફિકેટ એનાયત કર્યાં. આ દરમિયાન અન્ય સચિવો, IB ડાયરેક્ટર, રજિસ્ટ્રાર જનરલ ઑફ ઇન્ડિયા અને અન્ય વરિષ્ઠ અધિકારીઓ ઉપસ્થિત રહ્યા. ગૃહ સચિવે નાગરિકતા પ્રાપ્ત કરનાર તમામ વ્યક્તિઓને અભિનંદન પણ પાઠવ્યા હતા. કાયદો લાગુ થયા બાદ પાકિસ્તાન, બાંગ્લાદેશ અને અફઘાનિસ્તાનથી 31 ડિસેમ્બર, 2014 પહેલાં ધાર્મિક આધાર પર પ્રતાડિત થઈને ભારત આવ્યા હોય તેવા વ્યક્તિઓની અરજી આવી હતી. ત્યારબાદ આ અરજીઓ ઉપર જે-તે અધિકારીઓની અધ્યક્ષતામાં બનેલી સમિતિએ ડોક્યુમેન્ટ વેરિફિકેશનની પ્રક્રિયા પૂર્ણ કરી અરજદારોને શપથ લેવડાવ્યા હતા.

    ભારતીય બનનાર લોકોની પ્રતિક્રિયા

    ઉલ્લેખનીય છે કે નાગરિકતા મેળવનાર લોકોએ મીડિયા સમક્ષ હર્ષ પ્રગટ કર્યો હતો. આ પૈકી પરમદાસ નામના વ્યક્તિએ કહ્યું હતું કે, “આ ઋષિમુનીઓની ધરતી છે, જાણે અમે નરકથી સ્વર્ગમાં આવી પહોંચ્યા છીએ. વડાપ્રધાન મોદી રામ છે અને ગૃહમંત્રી અમિત શાહ હનુમાન છે. લોકો અમને પાકિસ્તાની-પાકિસ્તાની કહેતા હતા. આ એક કલંક જેવું લાગતું હતું. આજે નાગરિકતાનું પ્રમાણપત્ર મળ્યા બાદ અમારું આ કલંક મટી ગયું છે. આજે અમે ગર્વથી કહી શકીએ છીએ કે અમે પણ ભારતીય છીએ.”

    અન્ય એક યશોદા નામની મહિલાએ ANI સાથે વાત કરતા જણાવ્યું હતું કે, “અમે 2013માં ભારત આવ્યા હતા. અમને પહેલા પાણી અને વીજળીની ખૂબ તકલીફ હતી. હવે અમારી પાસે નાગરિકા છે. અમારું તો ન થઇ શક્યું, પરંતુ અમારા બાળકોનું ભવિષ્ય ઉજ્જવળ છે. અમે નાગરિકતા મેળવવા ઘણો સંઘર્ષ કર્યો છે. અમે વડાપ્રધાન મોદીના આભારી છીએ. અમારા બાળકો હવે શિક્ષણ મેળવી શકશે. હવે કોઈ અમને પાકિસ્તાની નહીં કહે.”

    અન્ય એક સોનાદાસ નામના વ્યક્તિએ CAAનો તમામ શ્રેય વડાપ્રધાન મોદી અને ગૃહમંત્રી અમિત શાહને આપ્યો હતો. તેમણે કહ્યું કે, “આ સંઘર્ષ અમારો નહીં, પરંતુ વડાપ્રધાન મોદી અને ગૃહમંત્રી અમિત શાહનો છે. ભારત સાથે અમારા બાળકોનું જોડાણ અમારા માટે ગર્વની વાત છે. અમને પૂર્ણ ભરોસો થઇ ગયો છે કે વડાપ્રધાન અને ગૃહમંત્રી છાતી ઠોકીને જે કામ કહે છે તે કરીને બતાવે છે. લગભગ હજુ 200 લોકોએ નાગરિકતા મેળવવા માટે આવેદન આપ્યું છે. અમારી સરકારને માંગ છે કે જે લોકો વર્ષ 2014 બાદ પણ ભારતમાં આવ્યા છે તેમને પણ નાગરિકતા આપવામાં આવે.”

    વર્ષ 2019માં CAA ગૃહમાં પસાર અને 2024માં અધિસુચના જાહેર

    CAA વર્ષ ડિસેમ્બર, 2019માં સંસદનાં બંને ગૃહમાંથી પસાર કરવામાં આવ્યો હતો. ત્યારબાદ તેને રાષ્ટ્રપતિની મંજૂરી પણ મળી ગતિ અને કાયદો બન્યો હતો. પરંતુ રાષ્ટ્રપતિ ભવનના ગેઝેટ અનુસાર, ગૃહ મંત્રાલય તેને લાગુ કરવાની અધિસૂચના બહાર પાડે ત્યારબાદ તે લાગુ કરવામાં આવે છે. દરમ્યાન, દેશભરમાં આ કાયદા વિરુદ્ધ મુસ્લિમોને ભડકાવીને પ્રદર્શનો પણ કરવામાં આવ્યાં અને મહિનાઓ સુધી દિલ્હીના શાહીનબાગમાં પ્રદર્શનો ચાલ્યાં. આ જ પ્રદર્શનના નામે પછીથી રાજધાનીમાં હિંદુવિરોધી હિંસા થઈ. ત્યારબાદ કોરોના મહામારી આવવાના કારણે ગૃહ મંત્રાલય નિયમો બનાવીને અધિસૂચના બહાર પાડી શક્યું ન હતું. આખરે માર્ચ, 2024માં અધિસૂચના બહાર પાડવામાં આવી.

    આ નિયમ હેઠળ પાકિસ્તાન, બાંગ્લાદેશ અને અફઘાનિસ્તાનથી આવેલા હિંદુ, શિખ, પારસી, બૌદ્ધ કે જૈન વ્યક્તિ, જેણે 31 ડિસેમ્બર, 2014ના રોજ અથવા તે પહેલાં ભારતમાં પ્રવેશ કરી લીધો હોય અને જેમને પાસપોર્ટ એક્ટ, 1920ની કલમ 3(2)(C) હેઠળ અને ફોરેનર્સ એક્ટ, 1946ની જોગવાઈઓ હેઠળ બનાવવામાં આવેલ નિયમો કે આદેશોમાંથી છૂટ મળી હોય, તેઓ નાગરિકત્વ પ્રાપ્ત કરી શકશે.

    બિનહિંદુઓ માટે હેડલાઇનમાં ‘ભૂવા’, ‘ભગત’ અને ‘તાંત્રિક’ લખવાની બૌદ્ધિક બદમાશી ક્યારે બંધ કરશે ‘ચતુર્થ સ્તંભ’?

    તાજેતરમાં સુરતથી એક ઘટના સામે આવી. ઘટનામાં એક યુવક પોતાના ઘરમાં જાદુ-ટોણાં અને ઝાડફૂંક કરવાના નામે મહિલાઓ સાથે અભદ્ર વર્તન કરતો હોવાના કેટલાક વિડીયો પણ વાયરલ થયા હતા. વિડીયો જેમ વાયરલ થયો, તેમ મીડિયામાં સમાચારો પણ આવવાના શરૂ થયા. મીડિયા ચેનલો અને છાપાંના નામ ભલે અલગ-અલગ હતાં, પણ તમામમાં એક બાબત સરખી હતી. લગભગ તમામે હેડલાઈનમાં લખ્યું હતું- ભૂવો. પણ હકીકત એ છે કે જે આરોપી પકડાયો છે તે મુસ્લિમ છે અને નામ છે ઈમરાન.

    વિડીયોમાં આ વ્યક્તિ ઇસ્લામિક પહેરવેશમાં જોવા મળી રહ્યો છે. ઇસ્લામમાં મૂર્તિ પૂજા/શિર્ક હરામ છે, તો પછી તે મઝહબનો કોઈ વ્યક્તિ શિર્ક કરી કેવી રીતે શકે? તેણે ક્યાં દેવી-દેવતાની મૂર્તિ પૂજી કે તેને ભૂવાની ઉપમા આપવામાં આવે?

    વિડીયોમાં ક્યાંય હિંદુ દેવી-દેવતાનું નિશાન નહીં અને કલમા પઢતો ઇમરાન ભૂવો?

    વિડીયો ધ્યાનથી જોશો તો સમજાશે કે તેમાં ક્યાંય કોઈ હિંદુ દેવીદેવતાની મૂર્તિ કે ફોટો જોવા મળતાં નથી. 5 મિનીટ 11 સેકંડ લાંબા વિડીયોમાં જોવા મળે છે કે ઈમરાન અને અન્ય કેટલાક લોકો એક યુવતીને ઘેરીને બેઠા છે. ઈમરાનના હાથમાં સિગારેટ છે અને તેની બાજુમાં અને યુવતીની પાછળ એક સગીર હાથમાં માઈક લઈને બેઠો છે. યુવતી અર્ધચેતન અવસ્થામાં આમ-તેમ ઝૂલી રહી છે અને ત્યાં જ તેની પાછળ બેઠેલો સગીર સફેદ કલરના માઈકમાં અરબી ભાષામાં કશું બોલવા લાગે છે. સાથે સાથે ઈમરાન પણ કલમા પઢતો જોવા મળી રહ્યો છે. આ વિડીયોમાં દેખાતો ઈમરાન ઉર્ફે જોલિયો યુવતીઓને વાળથી પકડીને ગાળો ભાંડતો પણ જોવા મળી રહ્યો છે.

    હવે વિડીયોનું ધ્યાનથી નિરીક્ષણ કર્યા બાદ એક વાત તો નક્કી થઇ ગઈ કે ઇમરાનના ઘરના વિડીયોમાં ક્યાંય હિંદુ દેવી-દેવતાની મૂર્તિ/ફોટો/પોસ્ટર કશું જ ન દેખાયું. તો હવે મીડિયા કયા આધાર પર તેને ‘ભૂવો’ કહીને સંબોધી રહ્યું છે? જોકે આ પહેલી વાર નથી, જેમાં મીડિયાએ મુસ્લિમ આરોપી માટે ભૂવા, તાંત્રિક, સાધુ જેવા શબ્દો વાપર્યા હોય. વલસાડનો નૂર મહોમ્મદ હોય, સુરતનો જ અહેમદ નૂર પઠાણ હોય, કે તલાળાનો અલ્તાફ મૂસા કે એની ગેંગ હોય- આ તમામ ઘટનાઓમાં મીડિયાએ મુસ્લિમ આરોપીઓને તાંત્રિક અને ભૂવા જેવા નામ આપીને હિંદુ ધર્મ અને તેની ધાર્મિક માન્યતાઓને બદનામ કર્યા સિવાયનો બીજો કોઈ ધંધો જ નથી કર્યો.

    હેડલાઈનોની ‘બદમાશી’ વાંચકોને ચોક્કસ ગેરમાર્ગે દોરે

    મોટા-મોટા અક્ષરોમાં હેડલાઈન લખીને બિનહિંદુ આરોપીઓને ‘ભૂવા’ અને તાંત્રિક જેવાં સંબોધન આપવાં તે વાચકોને ગેરમાર્ગે દોરી શકે છે. વિચારવા જેવી વાત તે છે કે તંત્રવિદ્યા એ હિંદુ ધર્મની ધાર્મિક વિધિ હોય છે ને તે વિધિ કરનાર સાધકને ‘તાંત્રિક’ કહેવામાં આવે છે. અહીં સવાલ ઉભો તે થાય છે કે બળાત્કાર કરનાર, અભદ્ર વર્તન કરી માર મારનાર, છેતરપિંડી કરીને લૂંટ ચલાવનાર વ્યક્તિને ‘તાંત્રિક’ કઈ રીતે કહી શકાય?

    ધ્યાન રહે કે અનેક વાંચકો છાપાંમાં કે સોશિયલ મીડિયામાં સમાચારોની માત્ર હેડલાઈન જ વાંચતા હોય છે. અહેવાલના કોઈ એક ખૂણામાં આરોપીનું નામ લખીને મેઈનસ્ટ્રીમ મીડિયા છૂટી પડે છે. તેવામાં પૂરેપૂરી શક્યતાઓ છે કે તેઓ ગેરમાર્ગે દોરાય. લોકો એવું સમજી બેસે કે ગુનો આચરનાર આરોપી હિંદુ હશે, સોશિયલ મીડિયામાં આવા જ છાપાંઓના કટિંગ અને વેબસાઈટોના સ્ક્રીનશૉટ ફરતા થાય અને બદનામી થાય સનાતન ધર્મની. ઉપર ટાંકેલા આરોપીઓમાં એક પણ નામ હિંદુનું નથી પરંતુ સમાચારોની હેડલાઈન ગેરમાર્ગે દોરે તે પ્રકારની ચોક્કસ છે.

    વિચારવાલાયક બાબત તે પણ છે કે મીડિયા દ્વારા કરવામાં આવતી આવી ‘બૌદ્ધિક બદમાશી’નું કારણ શું? હિંદુ ધર્મમાં માનનાર કોઈ વ્યક્તિ કે જેને લોકો સાધુ, ભગત, કે અન્ય કોઈ સનાતની ઉપમાથી જાણતા હોય ત્યારે આ જ મીડિયા તરખાટ મચાવી દે છે. એવું તો આજદિન સુધી નથી થયું કે કોઈ હિંદુ આવી કોઈ ઘટનામાં ઝડપાયો હોય અને મીડિયાએ તેને મૌલવી, ઉલેમા, ખાદીમ કે પછી પાસ્ટર, ફાધર ગણાવ્યો હોય. આવા કિસ્સાઓમાં ઉલટાની આખી લેફ્ટ ઈકોસિસ્ટમ અને તેમના દરબારીઓ આરોપીની હિંદુ ધર્મમાં માન્યતાને લઈને આખા સનાતન ધર્મને બદનામ કરી નાખશે.

    વાસ્તવમાં તંત્રવિદ્યા અને ભૂવાપણું શું?

    સનાતન ધર્મમાં તંત્રવિદ્યા એ ધાર્મિક અને ખૂબ જ ગૂઢ અનુષ્ઠાન છે. આદિ-અનાદિ કાળથી તંત્ર સાધના એ હિંદુ ધાર્મિક આસ્થાનું અવિભાજ્ય અંગ છે. ખૂબ જ રહસ્યમય એવી આ તંત્રવિદ્યાનો અનેક હિંદુ શાસ્ત્રોમાં પણ ઉલ્લેખ છે. વર્તમાન સમયમાં કેટલાક લેભાગુ અને છેતરપિંડી કરતા બિનહિંદુ તત્વોને ‘તાંત્રિક’ નામ આપીને મેઈનસ્ટ્રીમ મીડિયા લોકોને ગેરમાર્ગે દોરે છે. આવા લોકોને ‘તાંત્રિક’ કહીને ઉલ્લેખીને મીડિયા આડકતરી રીતે લોકોમાં સનાતન ધર્મ અને તેના ધાર્મિક અનુષ્ઠાનો અને તેની સાથે જોડાયેલા લોકોના નામને કાળો બટ્ટો લગાવવાનું ચૂકતી નથી.

    હવે જો ભુવાની વાત કરીએ, તો ગુજરાતના લગભગ તમામ ખૂણે, મોટાભાગના હિંદુ લોકો દૈવી શક્તિને માનતા હોય છે. કોઈ એક સમાજ કે સમુદાયના પરિવારોની કુળદેવી કે કુળદેવતા પણ હોય છે. કુટુંબના ઇષ્ટની સેવા-પૂજા માટે હિંદુ માન્યતાઓ અનુસાર ધાર્મિક અનુષ્ઠાનથી એક વ્યક્તિની પસંદગી કરવામાં આવે છે. હવે આ વ્યક્તિ જ પોતાના કુટુંબ-કબીલાના દેવ કે દેવીની સેવા-પૂજા કરતા હોય છે. આવા લોકોને સામાન્ય રીતે ભગત, સેવક કે પછી ભૂવા કહેવામાં આવે છે. કેટલાક કિસ્સાઓમાં આ પ્રકારના આગેવાનો પોતાના દેવની ઉપાસનામાં ભાવવિભોર થઈને ધાર્મિક ગતિવિધિઓ કરતા હોય છે. આ પ્રકારની પરંપરાઓ કશ્મીરથી લઈને કન્યાકુમારી સુધી દેશના અનેક ખૂણે જોઈ શકાય છે. તાજેતરમાં આવેલી ‘કંતારા’ ફિલ્મનું ઉદાહરણ જોશો તો કહેવાનો ભાવાર્થ સરળતાથી સમજાઈ જશે. સ્વભાવિક છે કે આ પ્રકારનાં અનુષ્ઠાન આદિ-અનાદી કાળથી ચાલતા આવ્યાં છે અને આગળ પણ ચાલતાં જ રહેશે.

    અના પરથી એટલું તો સમજાઈ જ ચૂક્યું હશે કે ભૂવા કે તાંત્રિક કોને કહેવાય. ભુવા, ભગત, તાંત્રિક, સાધુ, મહાત્મા, મહારાજ, પૂજારી વગેરે સંબોધનો હિંદુ ધર્મ સિવાય બીજા કોઈ પંથ, મઝહબ કે સમુદાયમાં ન જ આવે. પણ તે છતાં શીરાની જેમ ગળે ઉતરે એટલી સરળ વાત આપણી મીડિયાને નથી સમજાતી. દરેક વખતે પોતાને ‘નંબર વન’ ગણીને પોતાને ‘લોકશાહીના ચોથા સ્તંભ’ ગણાવીને મોટી-મોટી ડંફાસો મારનારાઓ ક્યારે સમજશે કે તેમનું કામ જવાબદારીપૂર્વક લોકોને સાચી માહિતી આપવાનું છે.

    જોકે, સત્ય એ પણ છે કે ગુજરાતી મીડિયા પાસે પહેલેથી જ શબ્દભંડોળનો દુકાળ છે. પરંતુ આવી વારંવાર થતી ‘ભૂલો’ને શબ્દભંડોળના નામે છાવરી ન લેવાય. લખનારાઓને લખતાં ન આવડતું હોય કે શબ્દો ન હોય તો તેની જવાબદારી અને કામ છે કે પહેલાં તેની વ્યવસ્થા કરે અને પછી બોલપેન પકડે. તેની અજ્ઞાનતા કે અણઆવડતના કારણે ભોગ કોઈ માણસ કે પછી આવા કિસ્સાઓમાં આખો સમુદાય બને તે ન ચાલે.

    વિવાદોમાં ઘેરાયેલી ક્ષત્રિય સંકલન સમિતિએ આખરે આંદોલનને ‘વિરામ’ આપવાની જાહેરાત કરી: ભાજપને 7 બેઠકો પર હરાવવાની વાત કરનાર કરણસિંહે હવે કહ્યું- રિઝલ્ટ જે આવે એ!

    રાજકોટ લોકસભા બેઠક પરથી ભારતીય જનતા પાર્ટીના ઉમેદવાર પરષોત્તમ રૂપાલાના નિવેદન વિરુદ્ધ શરૂ થયેલું અને ભાજપના વિરોધ અને કોંગ્રેસના સમર્થન સુધી પહોંચેલું ક્ષત્રિય સંકલન સમિતિનું આંદોલન આખરે ઔપચારિક રીતે સ્થગિત કરવામાં આવ્યું છે. આંદોલનની બાગડોર જેના હાથમાં હતી તેવી રાજપૂત સંસ્થાઓની સંકલન સમિતિ દ્વારા આંદોલનને વિરામ આપવાની આ સત્તાવાર જાહેરાત કરવામાં આવી છે. 

    ગુરુવારે (16 મે) ક્ષત્રિય સંકલન સમિતિએ એક પ્રેસ કૉન્ફરન્સ યોજી હતી. જેમાં પ્રવક્તા કરણસિંહ ચાવડાએ જણાવ્યું કે, તેઓ આંદોલનને વિરામ આપી રહ્યા છે. સાથે કહ્યું કે, ચૂંટણીનાં પરિણામો જે આવે તે તેનાથી અસ્મિતાને કોઇ અસર નહીં થાય. જોકે એવું પણ કહ્યું કે, ભવિષ્યમાં સમયની સાથે કોઇ નવા પ્રશ્ન ઉભા થશે તો સમિતિ અવાજ ઉઠાવશે.

    કરણસિંહે કહ્યું કે, ક્ષત્રિય સમાજનું આંદોલન વ્યક્તિગત કે રાજકીય ન હતું, પરંતુ સમાજની અસ્મિતાની લડાઇ માટેની ચળવળ હતી. હવે તેને વિરામ આપવામાં આવે છે. તેમણે કહ્યું કે, સમિતિ રાજકીય પાર્ટીઓ અને સમાજના આગેવાનોને જાણ કરે છે કે કોઈ પણ વ્યક્તિ પ્રત્યે રાગદ્વેષ ન રાખે અને તે પ્રકારે વાણીવિલાસ પણ ન કરે. સાથે ‘આ આંદોલન કોઇ વ્યક્તિઓ કે સરકાર સામે ન હતું’ તેમ કહીને એવી ચીમકી પણ ઉચ્ચારી કે અમારા સભ્યો, નેતાઓને રંજાડવાના પ્રયાસ થશે તો આંદોલન બમણા વેગથી શરૂ થશે. 

    કરણસિંહે આગળ કહ્યું કે, “રિઝલ્ટ જે આવે તે. અમે નથી કહેતા કે પરિણામ શું આવશે. રૂપાલા હારે કે જીતે તે બે નંબરની બાબત છે. અમે રૂપાલા હારે તે માટે તમામ પ્રયાસો કર્યા છે. પરંતુ પરિણામથી અમારી અસ્મિતાની લડાઈને કોઇ આંચ આવવાની નથી. અમે આંદોલનને વિરામ આપીએ છીએ. ઘણા મને પૂછે કે આ આંદોલન પૂર્ણ થઈ ગયું? ના. આ આંદોલનને અમે વિરામ આપીએ છીએ. કોઇ સમાજ એવું ન કહી શકે કે તેના તમામ પ્રશ્નો પતી ગયા. કાલે નવા પ્રશ્નો ઉભા થશે.”

    અહીં કરણસિંહ ચાવડા કહી રહ્યા છે કે પરિણામોથી આંદોલનને કોઇ અસર ન થશે, પરંતુ નોંધવું જોઈએ કે 7 મેના રોજ મતદાન પૂર્ણ થયા બાદ યોજેલી એક પ્રેસ કૉન્ફરસમાં સંકલન સમિતિના આ જ કરણસિંહ ચાવડાએ દાવો કર્યો હતો કે ભારતીય જનતા પાર્ટી 7 બેઠકો પર હારશે અને બાકીની 4 બેઠકો પર ટક્કર જોવા મળશે. 

    તાજેતરમાં પી. ટી જાડેજાના ઑડિયોના કારણે વિવાદમાં આવી હતી ક્ષત્રિય સંકલન સમિતિ 

    7 મેના રોજ ગુજરાતમાં મતદાન પૂર્ણ થઈ જતાં ક્ષત્રિય સંકલન સમિતિ અને તેનું આંદોલન બંને અપ્રાસંગિક બની ગયાં હતાં, પરંતુ થોડા દિવસ પહેલાં સમિતિ ફરી વિવાદમાં આવી હતી, જ્યારે તેના એક સભ્ય અને જાણીતા આગેવાન પી. ટી જાડેજાના અમુક ઑડિયો વાયરલ થયા હતા. આ વાયરલ ઑડિયોમાં પી. ટી જાડેજા ક્ષત્રિય સંકલન સમિતિને ‘ગદ્દાર’ ગણાવે છે અને કહે છે કે તેઓ તમામનો પર્દાફાશ કરશે. સાથે તેમણે અન્ય ઘણી સ્ફોટક વાતો કહી હતી, જેના કારણે સમિતિ વિવાદમાં સપડાઇ ગઈ હતી. જોકે, પછીથી જાડેજાએ એક વિડીયો મારફતે જણાવ્યું હતું કે તેમને અમુક નારાજગી હતી, પણ પોતે સંકલન સમિતિ સાથે જ રહેશે. 

    પછીથી ક્ષત્રિય સંકલન સમિતિએ પણ ભીનું સંકેલવાના પ્રયાસ કર્યા, પરંતુ પ્રશ્નો પૂછાતા જ રહ્યા કે આખરે શા માટે તેઓ આ વિશે કશું કેમ બોલતા નથી. તે પહેલાં પણ કોંગ્રેસને સમર્થન આપવાથી લઈને રાહુલ ગાંધીનો વિરોધ ન કરવા જેવી બાબતોને લઈને સતત સમિતિને સવાલો કરવામાં આવતા રહ્યા હતા. 

    મતદાન બાદ ક્ષત્રિય સંકલન સમિતિએ કહ્યું હતું કે તેઓ ભાજપને 7 બેઠકો પર હરાવશે. પરંતુ હવે પરિણામોની પણ રાહ જોવામાં આવી નથી અને આંદોલનને વિરામ આપી દેવામાં આવ્યો છે. સાથે એમ પણ કહેવામાં આવ્યું કે આંદોલન રાજકીય ન હતું અને પરિણામો આવે તેનાથી તેમને કોઇ ફેર પડતો નથી. 

    AAP સાંસદ સ્વાતિ માલીવાલે આખરે નોંધાવી ફરિયાદ, હવે તપાસ કરશે દિલ્હી પોલીસ: કેજરીવાલના નિવાસસ્થાને મારપીટ થયાનો છે આરોપ

    આમ આદમી પાર્ટીનાં રાજ્યસભા સાંસદ સ્વાતિ માલીવાલે આખરે પોતાની સાથે બનેલી ઘટનાને લઈને પોલીસ ફરિયાદ નોંધાવી છે. દિલ્હી પોલીસ તરફથી આ જાણકારી મળી રહી છે. તાજેતરમાં જ દિલ્હીના મુખ્યમંત્રી અરવિંદ કેજરીવાલના સત્તાવાર નિવાસસ્થાનમાં સ્વાતિ માલીવાલ સાથે કેજરીવાલના PA બિભવ કુમારે મારપીટ અને દુર્વ્યવહાર કર્યાનો આરોપ લગાવવામાં આવ્યો હતો, ત્યારથી મામલો ચર્ચામાં છે.

    ગુરુવારે (16 મે) દિલ્હી પોલીસના અધિકારીઓ સ્વાતિ માલીવાલના નિવાસસ્થાને પહોંચ્યા હતા અને તેમનું નિવેદન નોંધ્યું હતું. એડિશ્નલ કમિશનર ઑફ પોલીસ રેન્કના અધિકારીએ ટીમ સાથે લગભગ ચાર કલાક સુધી સ્વાતિ માલીવાલ પાસેથી વિગતો મેળવી હતી. અહીં સાંસદે લેખિત ફરિયાદ પણ નોંધાવી હોવાનું જણાવવામાં આવી રહ્યું છે. પોલીસ જલ્દીથી જ આ મામલે હવે FIR દાખલ કરશે. 

    આ ઘટના સોમવારે (13 મે) બની હતી. સવારે અચાનક સમાચાર સામે આવ્યા હતા કે કેજરીવાલના નિવાસસ્થાનેથી એક ફોન ગયો હતો, જેમાં એક વ્યક્તિએ પોતાની સાથે મારપીટ થઈ હોવાનું જણાવ્યું હતું. પછીથી સામે આવ્યું કે ફોન કરનાર વ્યક્તિ બીજી કોઇ નહીં પરંતુ દિલ્હી મહિલા આયોગનાં પૂર્વ ચેરમેન અને હાલ આમ આદમી પાર્ટીનાં રાજ્યસભા સાંસદ સ્વાતિ માલીવાલ હતાં. 

    રિપોર્ટ્સ અનુસાર, પોલીસ કેજરીવાલના નિવાસસ્થાને પહોંચતાં સ્વાતિ ત્યાંથી પોલીસ મથકે પણ પહોંચ્યાં હતાં, પરંતુ ત્યારબાદ તેમને અમુક ફોન આવતાં ત્યાંથી ચાલ્યાં ગયાં હતાં અને કહ્યું હતું કે તેઓ ફરી આવીને પોલીસ ફરિયાદ નોંધાવશે. પરંતુ તેઓ પહોંચ્યાં ન હતાં. પરંતુ હવે તેમણે પોલીસને ફરિયાદ આપી હોવાનું કહેવાય છે. 

    સ્વાતિ માલીવાલે આપેલી પોલીસ ફરિયાદમાં કોની ઉપર શું આરોપ લગાવવામાં આવ્યા છે તે હજુ સુધી જાણી શકાયું નથી. આ વિગતોની રાહ જોવામાં આવી રહી છે. હાલ પોલીસે ફરિયાદ આપી હોવાનું જણાવ્યું છે, પરંતુ ગુનો નોંધાયો કે કેમ તે આ ક્ષણે જાણી શકાયું નથી. 

    જે અભિનેત્રીના નામ-ફોટા સાથે દિવ્ય ભાસ્કરે છાપી માર્યું કથન, તેમણે કહ્યું- મેં અખબાર સાથે વાત જ નથી કરી, માહિતી ખોટી; પોલ ખુલતાં ‘બ્લેકલિસ્ટ’ થઈ જવાનો ડર બતાવાયો

    આપણી મરજીના અખબાર દિવ્ય ભાસ્કરે બુધવારે (15 મે) ઇન્ટરનેશનલ ડે ઑફ ફેમિલિઝ (વિશ્વ પરિવાર દિવસ) પર એક લેખ પ્રકાશિત કર્યો. છાપાંની ભાષામાં એને ‘સ્ટોરી’ કહેવાય. આ સ્ટોરીમાં તેમણે જુદા-જુદા કલાકારો પાસેથી પરિવારની પરિભાષા જાણીને તેને શબ્દોનું સ્વરૂપ આપ્યું. આ સ્ટોરી છપાઇ પણ ખરી. પણ સ્ટોરી અને અખબાર બંને વિવાદમાં ત્યારે આવી ગયાં, જ્યારે તેમાં જે એક અભિનેત્રીના નામ અને ફોટા સાથે કથન છપાયું તેમણે સામે આવીને કહ્યું કે તેમણે તો અખબાર સાથે વાત જ નથી કરી!

    આ અભિનેત્રી છે કિંજલ રાજપ્રિયા. ગુજરાતી ફિલ્મોમાં અવારનવાર જોવા મળતાં હોય છે. ભાસ્કરે તેમની સાથે વાતચીત કરી હોવાનો દાવો કરીને આ જ સ્ટોરીમાં એક કથન છાપ્યું છે. જે આ પ્રમાણે છે. ‘જ્યારે હું એમબીએ પૂરું કરીને એક કંપનીમાં જોડાવાની તૈયારી કરી રહી હતી, ત્યારે ફિલ્મોની ઘણી ઓફર્સ આવી. તે સમયે ફિલ્મની સ્ક્રિપ્ટ વાંચીને મારી પહેલી ફિલ્મ કઈ બનશે તે અંગેનો નિર્ણય મારા પેરેન્ટ્સનો જ હતો. મિસ ઇન્ડિયા સ્પર્ધા વખતે પણ મમ્મી મારી સાથે હતી. મારી આ સફર પેરેન્ટ્સ વગર શક્ય ન થઈ શકત.’

    કિંજલ રાજપ્રિયાના ધ્યાને પછીથી આ ચડ્યું તો તેમણે સોશિયલ મીડિયા મારફતે ચોખવટ કરીને કહેવું પડ્યું કે ભાસ્કરે છાપેલી બધી જ માહિતી ખોટી છે. તેમણે ઇન્સ્ટાગ્રામ સ્ટોરીથી જણાવ્યું અને X પર પણ એક પોસ્ટ કરી. તેમણે કહ્યું કે, કામની વ્યસ્તતાના કારણે તેઓ દિવ્ય ભાસ્કર સાથે વાત કરવાનું ચૂકી ગયાં હતાં અને સંભવતઃ છાપાંએ કોઇ બીજાના વિચારો તેમના નામે ચડાવી દીધા છે. 

    ભાસ્કરે કિંજલના નામે MBAથી માંડીને મિસ ઇન્ડિયા સુધીના ગપગોળા ચલાવ્યા છે, પણ તેમણે સ્પષ્ટ કર્યું કે તેમણે ક્યારેય MBA કર્યું જ નથી, કે ક્યારે આવી કોઇ કોન્ટેસ્ટમાં ભાગ લીધો નથી. તેમણે B.Sc બાયોટેક્નોલોજીનો અભ્યાસ કર્યો છે અને કોલેજ સમયે થોડું થિએટર કર્યું હતું. જોકે, પછીથી કહ્યું કે તેઓ સતત આપવામાં આવેલા ટેકા બદલ પરિવારનાં આભારી છે, પરંતુ અખબારે આપેલી માહિતી ખોટી છે. 

    વાત આટલેથી પૂરી થઈ જતી નથી. કિંજલ રાજપ્રિયાનું કહેવું છે કે તેમણે આ મુદ્દો ઉઠાવ્યો તો દિવ્ય ભાસ્કરમાંથી એક પત્રકારે તેમને ફોન કરીને કહ્યું કે, આવું કરવાથી ‘બ્લેક લિસ્ટ’ થઈ જવાય! કિંજલે કહ્યું કે તેમણે અખબારની ભૂલ સુધારી અને તેમ છતાં તેમને ફોન કરીને કહેવામાં આવ્યું કે આમાં મોટું સ્વરૂપ આપવાની જરૂર ન હતી. એટલે કે ભૂલ સુધારવાને બદલે અભિનેત્રીને ગર્ભિત ધમકી આપવામાં આવી કે તેઓ બ્લેકલિસ્ટ થઈ શકે છે! 

    ‘અખબારોમાં આવ્યું તે બધું સાચું જ’ એવી માન્યતા હવે અખબારો જ ખોટી પાડી રહ્યાં છે. જોડણીની ભૂલો કે પછી સરતચૂકથી રહી ગયેલી બાબતો તો સમજી શકાય તેમ છે, પરંતુ આખેઆખું નિવેદન જ કઈ રીતે સરતચૂકથી છપાય શકે? ગામ આખાને જવાબદારીનાં ભાષણો આપતું મીડિયા આમ બિનજવાબદારીપૂર્વક છાપકામ કરે અને વળી ઉપરથી ‘બ્લેકલિસ્ટ’ થવાની ધમકીઓ આપે તો વાચકોમાં શું સંદેશ જાય? 

    આ મામલે દિવ્ય ભાસ્કરે કોઇ પ્રતિક્રિયા આપી હોવાનું આ પ્રકાશિત થઈ રહ્યું છે ત્યાં સુધીમાં ધ્યાને નથી. બીજી તરફ, કિંજલ રાજપ્રિયાનો પણ સંપર્ક કરવાના પ્રયાસ કરવામાં આવ્યા, પરંતુ સ્થાપિત થઈ શક્યો નથી. સંપર્ક થયે રિપોર્ટ અપડેટ કરી દેવામાં આવશે.

    હિંદુવાદી નેતાઓની હત્યાના કાવતરાં રચનાર સુરતના મૌલવી સોહેલના પાકિસ્તાની હેન્ડલર ડોંગર વિશે ખુલાસો: 17 પાકિસ્તાની નંબર અને 42 મેઈલ આઈડી દ્વારા અપાતી હતી ધમકી

    હિંદુવાદી નેતાઓને ધમકી આપવી અને તેમની હત્યાના કાવતરાં ર્ચા મામલે હવે તપાસમાં રોજ કૈક નવા ખુલાસા થઈ રહ્યા છે. તાજા જાણકારી મુજબ સુરતથી ઝડપાયેલ આરોપી મૌલવી સોહેલના પાકિસ્તાની હેન્ડલરનું નામ અને ફોટો પણ સામે આવ્યો છે. પાકિસ્તાનના ડોંગર નામના હેન્ડલર માટે સૂરતનો આ મૌલવી અને અન્ય ઘણાં લોકો સ્લિપર સેલ તરીકે કાર્ય કરતાં હતા. ઉપરાંત મૌલવી પાસેથી 2 ચૂંટણીકાર્ડ અને 2 જન્મના દાખલા પણ મળી આવ્યા હતા.

    તાજા અહેવાલ મુજબ સુરક્ષા એજન્સીઓની સંયુક્ત તપાસમાં આ સુરતના મૌલવી સોહેલ અબુબકર ટીમોલના પાકિસ્તાન સ્થિત હેન્ડલનું નામ ડોંગર હોવાનું સામે આવ્યું હતું. વધુ તપાસમાં તેનો એક ફોટો પણ મળી આવ્યો હતો. આગળ એ પણ ખુલાસો થયો કે આ હેન્ડલર જ 17 પાકિસ્તાની નંબર અને મેઈલ આઈડી દ્વારા હિંદુ નેતાઓને ધમકી આપતો હતો.

    પ્રાથમિક તપાસમાં સામે આવ્યું કે આ લોકો ગ્રુપ બનાવીને લોકોને ધમકી આપતા હતા. હિંદુ મંદિરે જતી શબનમ શેખને પણ આ લોકોએ ધમકી આપી હતી. પોલીસે પોતાના નિવેદનમાં જણાવ્યું કે આ આખા મામલામાં તે ટેરર ફંડિંગનો એન્ગલ પણ ખાસ જોઈ રહી છે.

    નેપાળથી ઝડપાયો હતો મૌલવીનો સાગરીત, તેની પાસે પણ બેવડી નાગરિકતા

    આ સમગ્ર કેસમાં તાજેતરમાં જ બિહારના મુઝફ્ફરપુરથી મહોમ્મદ અલી નામના એક શખ્સની ધરપકડ કરવામાં આવી હતી. આ આરોપીની પૂછપરછમાં અનેક ચોંકાવનારા ખુલાસા થયા હતા. પોલીસ તપાસમાં જાણવા મળ્યું છે કે, આરોપી પાસે ભારત સહિત નેપાળની પણ નાગરિકતા હતી. એકસાથે બે દેશોની નાગરિકાને લઈને તેની પૂછપરછ કરવામાં આવી હતી. પોલીસ ટીમ તપાસ માટે નેપાળ પણ ગઈ હતી.

    આ સિવાય નોંધનીય છે કે, તાજેતરમાં જ સુરત ક્રાઈમ બ્રાન્ચે મૌલવીના સાગરિત એવા શાહનાઝ ઉર્ફે મોહમ્મદ અલી મોહમ્મદ સાબીરની બિહારના મુઝફ્ફરપુરથી ધરપકડ કરી હતી. ક્રાઈમ બ્રાન્ચે આરોપીને મુઝફ્ફરપુર કોર્ટમાં રજૂ કરી તેના ત્રણ દિવસના રિમાન્ડ મેળવ્યા હતા અને તેને સુરત લાવવામાં આવ્યો હતો. જ્યાં હાલ તેની પૂછપરછ થઈ હતી. પોલીસે પોતાના નિવેદનમાં એ પણ જણાવ્યું કે આગળની તપાસમાં હજુ ઘણા નામ ખુલી શકે છે.

    ‘AAP અંદરોઅંદર ચર્ચા કરીને નિર્ણય લેશે, એ તેમની ઉપર છે’: ‘લડકી હું, લડ સકતી હું’નો નારો આપનાર પ્રિયંકા ગાંધીએ સ્વાતિ માલીવાલ વિશેના પ્રશ્ન પર આપ્યો આવો જવાબ

    સ્વાતિ માલીવાલ સાથે દિલ્હી સીએમ કેજરીવાલના ઘરે થયેલી મારપીટ મુદ્દે હવે આમ આદમી પાર્ટી અને INDI ગઠબંધનની અન્ય વિપક્ષી પાર્ટીઓને પ્રશ્નો પૂછાવા માંડ્યા છે. જોકે, અત્યાર સુધી તેઓ મૌન જ રહ્યા હતા. તાજેતરમાં આ મામલે કોંગ્રેસ નેતા પ્રિયંકા ગાંધીને પ્રશ્ન કરવામાં આવ્યો તો તેમણે કહ્યું કે, આ આમ આદમી પાર્ટીનો આંતરિક મામલો છે અને અંદરોઅંદર ચર્ચા કરીને તેઓ નિર્ણય લેશે. 

    સ્વાતિ માલીવાલ સાથે બનેલી ઘટના પર પ્રિયંકા ગાંધીએ કહ્યું, “આમાં બે વાત છે. મહિલાઓ સાથે ક્યાંય પણ અત્યાચાર થાય, કંઈ પણ ખોટું થાય તો અમે તેમની સાથે જ ઊભાં છીએ. હું હંમેશા મહિલાઓ સાથે જ ઉભી રહું છું, ભલે તે કોઇ પણ પાર્ટીની હોય.” આગળ તેમણે કહ્યું કે, “આમ આદમી પાર્ટી અંદરોઅંદર ચર્ચા કરશે, એ તેમનાં નેતા છે તો તેઓ અંદરોઅંદર નિર્ણય લેશે. એ તેમની ઉપર છે.”

    નોંધવું જોઈએ કે આ એ જ પ્રિયંકા ગાંધી છે, જેઓ 2022ની ઉત્તર પ્રદેશ વિધાનસભા ચૂંટણી વખતે ‘લડકી હું, લડ સકતી હું’નું સૂત્ર લઇ આવ્યાં હતાં. તેઓ આમ પણ કાયમ મહિલા સન્માન અને સ્ત્રી સશક્તિકરણની વાતો કરતાં રહે છે. મોદી સરકાર વિરુદ્ધ મહિલા સન્માનનો કોઈ મુદ્દો બનાવવાનો હોય તો કોંગ્રેસ તેમને જ આગળ કરે છે. પરંતુ હવે જ્યારે ગઠબંધનની સહયોગી પાર્ટી પર સવાલો થઈ રહ્યા છે અને વાંકમાં આવી છે તો તેને પ્રશ્ન કરવાને બદલે કે જે-તે મહિલા સાંસદ માટે અવાજ ઉઠાવવાને બદલે તેઓ કહી રહ્યાં છે કે આ પાર્ટી અંદરોઅંદર ચર્ચા કરીને નિર્ણય લેશે. 

    આવી જ કંઈક વાત રાજ્યસભા સાંસદ કપિલ સિબ્બલે પણ કરી. તેમણે કહ્યું કે, “આ તો AAP પાર્ટીનો અંદરોઅંદરનો મામલો છે.” ત્યારબાદ તેઓ પણ અન્ય મુદ્દાઓ લઇ આવ્યા અને વાતને અવળે પાટે ચડાવવાના પ્રયાસ કરવામાં આવ્યા. 

    નોંધવું જોઈએ કે આ પહેલાં સમાજવાદી પાર્ટીના અધ્યક્ષ અખિલેશ યાદવે એક પ્રેસ કૉન્ફરન્સમાં સ્વાતિ માલીવાલ વિશેના પ્રશ્ન પર કહ્યું હતું કે, તેના કરતાં પણ મહત્વની ઘણી બાબતો છે. જ્યારે કેજરીવાલે તો જવાબ આપવાનું પણ યોગ્ય ન સમજ્યું. તેમના વતી AAP તરફથી સંજય સિંઘે જવાબ આપ્યો તો તેઓ પણ વાતને અવળે પાટે લઇ ગયા.   

    16 મે, 2014…..એ તારીખ, જ્યારે દેશે નરેન્દ્ર મોદીના હાથમાં સોંપી હતી સત્તાની બાગડોર: એક દાયકામાં અભૂતપૂર્વ બદલાવોનું સાક્ષી રહ્યું ભારત

    તારીખોનું મહત્વ છે. ઇતિહાસની અમુક તારીખો ભૂલાવી ન જોઈએ. તેને ફરી-ફરી યાદ કરવામાં આવે તે જરૂરી છે. ભારતના ઇતિહાસની આવી જ એક તારીખ છે 16 મે, 2014. દાયકાઓના અસ્તવ્યસ્ત શાસન અને જૂની સરકારોનાં અગણિત કૌભાંડોમાંથી બહાર નીકળીને દેશને આગળ ધપાવવાનું મન બનાવી ચૂકેલી જનતાએ આ દિવસે જ જનાદેશ સંભળાવ્યો અને દેશની બાગડોર એવા વ્યક્તિના હાથમાં સોંપી, જેણે જે આશા અને આકાંક્ષાઓ સાથે જનતાએ જવાબદારી સોંપી હતી તેને પૂર્ણ કરવામાં છેલ્લાં 1૦ વર્ષમાં કોઇ કસર બાકી રાખી નથી. 

    આ એ જ દિવસ છે, જ્યારે 2014ની લોકસભા ચૂંટણીનાં પરિણામો ઘોષિત થયાં હતાં. દેશમાં મોદી લહેર હતી જ, એ દેખાઈ પરિણામના દિવસે. ભાજપને સ્પષ્ટ બહુમતી મળી, સરકાર બદલાશે તે નક્કી થઈ ગયું, નરેન્દ્ર મોદી પહેલેથી જ વડાપ્રધાન પદના ઉમેદવાર નક્કી હતા. આ એ જ દિવસ હતો, જ્યારે દેશે સામૂહિક રીતે નક્કી કરી લીધું હતું કે હવે પાછળ જોયા વગર, ભૂતકાળને ભૂલીને આગળ વધવાનો સમય છે. આ આગેકૂચની મશાલ નરેન્દ્ર દામોદરદાસ મોદીના હાથમાં સોંપાઈ. એ ઘડી અને આજનો દિવસ, ત્યારે ભારત જુદું હતું, આજનું ભારત જુદું છે.

    13 વર્ષ ગુજરાતના મુખ્યમંત્રી રહી ચૂકેલા મોદીએ જ્યારે ચૂંટણી પહેલાં ભાજપની કમાન સંભાળી ત્યારે વિપક્ષોએ એકજૂટ થઈને બહુ પ્રયાસો કર્યા. તેમને હરાવી દેવા માટે, પાડી દેવા માટે બહુ ધમપછાડા થયા. અપપ્રચાર તો છેક 2002થી ચાલ્યો આવતો હતો, તેની તીવ્રતા 2014માં અનેકગણી વધારવામાં આવી. પણ મોદીની સાથે જનતા હતી. જનતાએ આ અપપ્રચારને કાને ધર્યા વગર મોદીને ખોબલે ખોબલે આશીર્વાદ આપ્યા અને સિંહાસન સુધી દોરી લઇ ગઇ. 

    નરેન્દ્ર મોદીના બંને કાર્યકાળ અભૂતપૂર્વ બદલાવના રહ્યા છે. પહેલાં પાંચ વર્ષ તો તોપણ એક સાફસફાઈમાં ગયાં. જે જરૂરી એટલા માટે હતી, કારણ કે તેના વગર નવાં કામો થઈ શકે તેમ ન હતાં. ‘સત્તા ભલે આવી હોય પણ સિસ્ટમ તેમના હાથમાં છે’વાળી વાત હમણાં પણ લાગુ પડે છે તો ત્યારે તો વધારે પ્રાસંગિક હતી, કારણ કે ત્યાર સુધી સત્તામાં જેઓ રહ્યા હતા તેઓ એક મજબૂત સિસ્ટમ બનાવીને ગયા હતા. સત્તા બદલવી કદાચ સહેલી હશે, સિસ્ટમ બનાવવી અઘરું કાર્ય છે, પણ મોદી અને તેમની સરકાર પૂરેપૂરી નિષ્ઠાથી છેલ્લાં 10 વર્ષથી તે કરી રહ્યા છે. 

    છતાં પહેલા કાર્યકાળમાં પણ ઘણાં એવાં કામો થયાં, જે આમ તો સ્વતંત્રતાનાં 10 વર્ષમાં જ થઈ જવા જોઈતાં હતાં, પણ મોદીએ એવી ફરિયાદો કરવાનું માંડી વાળીને એક છેડેથી કામો કરવા માંડ્યાં. શૌચાલયો હોય કે દેશના કરોડો લોકોનાં બૅન્ક ખાતાં ખોલવાં, કે પછી દેશના ખૂણે-ખૂણે સુધી વીજળી પહોંચાડવી. મોદીની વિશેષતા એ છે કે તેમને ખબર હોય છે કે કયા સમયે તેમની પ્રાથમિકતાઓ કઈ-કઈ છે. તે પ્રમાણે જ તેઓ કામ કરતા રહ્યા છે. 

    2014થી 2019ના કાર્યકાળ દરમિયાન તેમણે જે કામો કર્યાં, દેશના નાગરિકોમાં મનમાં વિશ્વાસ અપાવ્યો તેના જ જોરે 2019માં ફરીથી જનતાએ જનાદેશ આપ્યો. 2019નાં પરિણામો અપેક્ષિત હતાં, કારણ કે મોદી કામ કરીને ચૂંટણીમાં ઉતર્યા હતા. જ્યારે જનતાની વચ્ચે ગયા ત્યારે તેમણે રિપોર્ટકાર્ડ રજૂ કર્યો અને કામ જોઈને લોકોએ મોદીના ચહેરા પર જ ફરી એક વખત પ્રચંડ બહુમતીથી ભાજપને જનાદેશ આપ્યો અને ફરી સત્તા પર પહોંચાડ્યા. 

    મોદી સરકારનો બીજો કાર્યકાળ સફળતાઓથી પૂર્ણ રહ્યો, પણ પડકારો પણ બહુ આવ્યા. કોરોના જેવી મહામારી આવી, વૈશ્વિક સમીકરણો બદલાયાં, મોદીને હટાવી દેવા માટે એક ગ્લોબલ ઇકોસિસ્ટમ પણ સક્રિય થઈ હતી, પણ આ બધા પડકારોની વચ્ચે પણ સરકાર પોતાનું લક્ષ્ય ન ચૂકી. ન કોઇ ફરિયાદો કરી કે ન હાથ ઊંચા કર્યા. તેમની જવાબદારી હતી, જવાબદારી નિભાવી. આરોપો લાગ્યા, આક્ષેપો થયા તેમ છતાં પણ કામ કરતા રહ્યા. મહામારી સમયે પણ વિકાસકામો ચાલુ રહ્યાં ને સાથોસાથ જનતાને તકલીફ ન પડે તે દિશામાં પણ સરકાર સતત પ્રયાસો કરતી રહી. મોદીના દીર્ઘદર્શી નેતૃત્વનું જ પરિણામ છે કે આવી મહામારીમાં પણ દેશ ટકી રહ્યો. 

    મોદીએ આ દસ વર્ષમાં દેશને ઘણું આપ્યું છે. એ વાત સાચી છે કે જે કંઈ ફેરફારો આવ્યા છે તે એક સામૂહિક પ્રયાસોનું પરિણામ છે, પણ મોદીની સૌથી મોટી સફળતા એ છે કે તેઓ રાષ્ટ્રની સામૂહિક ચેતના જગાવવામાં સફળ રહ્યા છે. એક નેતાનું કામ જ આ છે. મોદીએ આ કામ બખૂબી કર્યું છે. તેઓ આખા દેશને એ વિશ્વાસ અપાવવામાં સફળ રહ્યા કે ભારતને વિકસિત ભારત પણ બનાવી શકાય છે અને વિશ્વગુરુ પણ. જે કંઈ મેળવ્યું છે તે મોદીના નેતૃત્વ અને દેશના પ્રયાસો થકી મેળવ્યું છે, દેશ જે મેળવશે તેમાં પણ આ નેતૃત્વ અને પાયો જ મહત્વના સાબિત થશે. 

    આ સામૂહિક ચેતનાનું જ પરિણામ છે કે આજે અયોધ્યાના ભવ્ય મંદિરમાં પ્રભુ શ્રીરામ બિરાજમાન થઈ શક્યા છે. તેનું જ પરિણામ છે કે કાશ્મીર આજે મુખ્યધારામાં ભળી રહ્યું છે. આ પ્રયાસોના પરિણામે જ દેશની કરોડો માતાઓ-બહેનોના જીવનમાં ખુશીઓ આવી છે અને આ સામૂહિક પ્રયાસોના પરિણામે જ રાષ્ટ્ર પોતાની મૂળ ઓળખ પરત મેળવવા તરફ આગળ વધી રહ્યું છે. આ પ્રયાસોના પરિણામે જ વિદેશના માનચિત્ર પર ભારતનું સ્થાન મોખરે છે અને આ પ્રયાસોના પરિણામે જ આજે દરેકે દરેક ભારતીય છાતી કાઢીને કહેતો થયો છે કે- મેરા ભારત મહાન. 

    બીજી બાજુ આટલાં વર્ષોમાં મોદીની વિરુદ્ધ જેમને બાપે માર્યાં વેર છે તેમણે પોતાના પ્રયાસોમાં કોઇ કચાશ રાખી નથી. હજુ પણ તેમના પ્રયાસો ચાલુ જ છે. આખી એક ગ્લોબલ ઇકોસિસ્ટમ મોદીને હરાવી દેવા માટે સક્રિય બની છે, પણ તેઓ દરેક વખતે મજબૂત બનીને બહાર આવ્યા છે. તેનું કારણ એ છે કે મોદીએ દેશનો વિશ્વાસ જીતી લીધો છે. આ વિશ્વાસ 22 વર્ષથી સતત થતા પુરુષાર્થ થકી આવ્યો છે, આ વિશ્વાસ 18 કલાકની મહેનત અને અવિરત પરિશ્રમથી આવ્યો છે. 

    હાલ લોકસભા ચૂંટણી ચાલી રહી છે. 4 જૂન, 2024ના રોજ પરિણામો જાહેર થશે. દેશ પહેલેથી જ મન બનાવી ચૂક્યો છે. જે પ્રધાનસેવક રાષ્ટ્રને અહીં સુધી લઇ આવ્યો છે, હવે આગળ લઇ જવા માટે પણ બાગડોર તેના જ હાથમાં સોંપાશે. આ દેશે ક્યારેય વિકલ્પો વિશે વિચાર્યું નથી, આ વખતે પણ વિચારવાનો કોઈ પ્રશ્ન નથી.