હિન્દુ પક્ષે ફરી એકવાર કોર્ટને વારાણસીમાં સ્થિત જ્ઞાનવાપી મસ્જિદ અંદર આવેલા અલગ ઢાંચાની વીડિયોગ્રાફી કરવાની માંગ કરી છે. માં શૃંગાર ગૌરીની પૂજા સાથે જોડાયેલા આ મામલાને લઈને પહેલા સમાચાર આવી રહ્યા હતા કે હિંદુ પક્ષે કેસ પાછો ખેંચવાનું નક્કી કર્યું છે, પરંતુ હવે કેસ દાખલ કરનાર પાંચ મહિલાઓએ સ્પષ્ટ કર્યું છે કે તેઓ આ લડત ચાલુ રાખશે. જેમાં જેમના બાબતે કેસ પાછો ખેચવાની વાત વહેતી થઈ હતી તે રાખી સિંહે સ્પષ્ટ કર્યું હતું કે તેઓ કેસ પરત ખેંચવાના નથી. સાથે તેમના વકીલ શિવમ ગૌડએ પણ આ બાબતે કહ્યું હતું કે “અમે છેલ્લે સુધી લડાઈ લડીશું. કેસ પાછો ખેચવાની કોઈ વાત જ નથી.”
સાથે જ ‘સનાતન વૈદિક સંસ્થા‘ના પ્રમુખ જીતેન્દ્ર સિંહે પણ સ્પષ્ટ કર્યું હતું કે કેસ પાછો ખેચવાની વાત અફવા છે જેને મીડિયાએ વાતને તોડી મરોડીને રજૂ કરી છે તેવો આરોપ લગાવ્યો હતો. જો કે તેઓનો ફોન બંધ હતો અને તેઓ 24 કલાક સુધી સંપર્ક વિહોણા હતા તે બાબતે કોઈ જ જવાબ આપ્યો ના હતો. અત્રે એ નોંધનીય છે કે કોર્ટે વિડીયોગ્રાફી ના આદેશ આપ્યા છે પરંતુ આ આદેશનું પાલન કરવા ગયેલી ટિમને અરાજક ટોળાંએ રોકી હતી.
આ બાબતની તપાસ માટે કોર્ટે એક એડવોકેટ કમિશ્નર નિયુક્ત કર્યા છે પરંતુ મસ્જિદ સમિતિને તેમની સામે વાંધો છે. મસ્જિદ કમિટીએ આરોપ લગાવ્યો છે કે એડવોકેટ કમિશ્નર એક પક્ષીય કામ કરી રહ્યા છે. જ્ઞાનવાપી મસ્જિદ કમિટીએ તેઓને બદલવાની પણ માંગ કરી છે.
આજ રીતે રામ મંદિર બાબતે ખૂબ જ લાંબી લડાઈ ચાલી હતી. આઝાદી પહેલા તો ખરો જ પરંતુ આઝાદી બાદના 70 વર્ષ સુધી સંઘર્ષ કરવો પડ્યો હતો. 2019માં રામ મંદિર પર ચુકાદો આવ્યો હતો સુપ્રીમ કોર્ટે તમામ પુરાવાઓ ધ્યાનમાં રાખીને આખો નિર્ણય હિન્દુ પક્ષ તરફ આપ્યો હતો જ્યારે મુસ્લિમ પક્ષ ને મસ્જિદ માટે અલગ જગ્યા ફાળવી આપવા માટેનો ચુકાદો આપ્યો હતો.
