નૂપુર શર્માની હત્યા માટે ઉશ્કેરણીજનક નિવેદન આપનાર અજમેર શરીફ દરગાહના ખાદીમ સલમાન ચિશ્તીને બચાવ માટે ટિપ્સ આપનાર અજમેર શરીફ દરગાહના સર્કલ ઓફિસર અને ડીએસપી સંદીપ સારસ્વતને ફરજમુક્ત કરવામાં આવ્યા છે. તેમનો વિડીયો વાયરલ થયા બાદ આ કાર્યવાહી કરવામાં આવી છે. જોકે, પોલીસે એમ પણ કહ્યું કે વિડીયોમાં સંભળાતો અવાજ સ્પષ્ટપણે કોનો છે તે કહી શકાય તેમ નથી.
#WATCH | Rajasthan: In a viral video, Ajmer Sharif Dargah CO Sandeep Saraswat seen asking accused Salman Chishti,”which intoxication did you take while making the video,” adding, “say you were intoxicated to get saved.”
— ANI MP/CG/Rajasthan (@ANI_MP_CG_RJ) July 7, 2022
CO Sandeep Saraswat is now awaiting posting order: Ajmer SP https://t.co/i0KCkImHMx pic.twitter.com/9Va468HTi2
સોશિયલ મીડિયા પર વાયરલ થયેલો આ વિડીયો અજમેર શરીફ દરગાહના ખાદીમ સલમાન ચિશ્તીની ધરપકડ વખતેનો છે. વિડીયોમાં પોલીસ તેને સમજાવે છે અને કહે છે કે, “તું એમ કહેજે કે નશામાં હતો, જેથી બચી જશે.” જોકે, વિડીયો વાયરલ થયા બાદ સંદીપ સરસ્વતે તેને રણનીતિનો ભાગ ગણાવ્યો હતો. બીજી તરફ, પૂર્વ મંત્રી અને ભાજપ નેતા વાસુદેવ દેવનાની સહિત અનેક લોકોએ પોલીસની કાર્યપદ્ધતિ પર સવાલો ઉઠાવ્યા છે.
इस संबंध में या स्पष्ट किया जाता है की :-@RajPoliceHelp@PoliceRajasthan@IgpAjmer https://t.co/F9ZPE8PrSU pic.twitter.com/ECdHOrDdi5
— Ajmer Police (@AjmerpoliceR) July 6, 2022
વધુમાં, રાજસ્થાન પોલીસની કસ્ટડીમાં રહેલા સલમાન ચિશ્તીનો વધુ એક વિડીયો સોશિયલ મીડિયા પર વાયરલ થઇ રહ્યો છે. આ વિડીયોમાં ચિશ્તીને હસતો અને ‘થમ્બ્સ અપ’નો ઈશારો કરતો જોઈ શકાય છે. તેના વર્તન પરથી લાગે છે કે સલમાન ચિશ્તીને તેની ભૂલનો બિલકુલ અહેસાસ નથી કે તેને સજાનો કોઈ ડર નથી. મીડિયા રિપોર્ટમાં આ વિડીયો બુધવાર (6 જુલાઈ 2022)નો હોવાનું જણાવવામાં આવી રહ્યું છે, જ્યારે તેને જજના નિવાસસ્થાને લઇ જવામાં આવી રહ્યો હતો.
ઉલ્લેખનીય છે કે ભાજપનાં પૂર્વ પ્રવક્તા નૂપુર શર્મા અંગે ભડકાઉ વિડીયો બનાવવા અંતે તેમની હત્યા માટે ઉશ્કેરવાના આરોપસર અજમેર દરગાહના ખાદીમ સલમાન ચિશ્તીને મંગળવારે (5 જુલાઈ 2022) મોડી રાત્રે પકડી લેવામાં આવ્યો હતો. સલમાને વિડીયોમાં નૂપુરનનુ સર કલમ કરનારને પોતાનું ઘર ઇનામમાં આપવાની વાત કહી હતી. ધરપકડ બાદ તેને સ્થાનિક કોર્ટમાં રજૂ કરવામાં આવ્યો હતો. મેજિસ્ટ્રેરે બે દિવસના પોલીસ રિમાન્ડ મંજૂર કર્યા હતા.
સલમાન ચિશ્તી હિસ્ટ્રીશીટર છે. તેની વિરુદ્ધ 13થી વધુ કેસ દાખલ છે, જેમાં હત્યા અને હત્યાના પ્રયાસ જેવા ગંભીર આરોપ પણ સામેલ છે. તેમ છતાં તેના માટે રાજસ્થાન પોલીસ શું કામ તેના પ્રત્યે સહાનુભૂતિ દાખવી રહી છે તે લોકો સમજી શક્યા નથી. રાજસ્થાનમાં મુખ્યમંત્રી અશોક ગેહલોતના નેતૃત્વમાં કોંગ્રેસની સરકાર છે. અજમેર પોલીસ વારંવાર ભાર આપી રહી હતી કે તે નશામાં હતો.
6 જુલાઈના રોજ વાયરલ થયેલા એક વિડીયોમાં અજમેર પોલીસ સલમાન ચિશ્તીને તેના ઘરેથી ધરપકડ કરીને લઈ જતી દેખાય છે. ચિશ્તીને તેના ઘરેથી લઇ જતી વખતે કોઈ કહે છે કે, “વિડીયો બનાવતી વખતે કયો નશો કરી રહ્યો હતો?” વિડીયોમાં સલમાન કહેતો જોવા મળે છે કે તે શરાબ પીતો નથી અને ડ્રગ્સ પણ લેતો નથી. ત્યારે એક પોલીસ અધિકારી કહે છે કે, “કહેજે કે તું નશામાં હતો, જેથી તને બચાવી શકાય.” આ પહેલા એએસપી વિકાસ સાંગવાને પણ એવું જ કહ્યું હતું કે ખાદીમ ભડકાઉ નિવેદન આપતી વખતે નશામાં હતો.
