‘હવે તમે દેશના રાષ્ટ્રપતિને આદેશ આપશો?’: સુપ્રીમ કોર્ટના વર્તન પર ઉપરાષ્ટ્રપતિ ધનખડના સવાલ, કહ્યું- ન્યાયાધીશો ‘સુપર પાર્લામેન્ટ’ની જેમ કોઈ જવાબદારી વગર કરે છે કામ

ઉપરાષ્ટ્રપતિ જગદીપ ધનખડે (Jagdeep Dhankhar) ગુરુવારે સુપ્રીમ કોર્ટની (Supreme Court) સત્તાઓ પર કડક ટિપ્પણી કરતા કહ્યું કે લોકશાહીમાં એવી પરિસ્થિતિ ન હોઈ શકે જ્યાં કોર્ટ રાષ્ટ્રપતિને સૂચનાઓ આપે. સુપ્રીમ કોર્ટે એક ઐતિહાસિક ચુકાદામાં રાષ્ટ્રપતિ અને રાજ્યપાલોને કાયદાને મંજૂરી આપવા માટે સમયમર્યાદા નક્કી કર્યાના થોડા દિવસો બાદ તેમની ટિપ્પણી આવી છે.

8 એપ્રિલના રોજ, સુપ્રીમ કોર્ટે પહેલી વાર એક અવલોકનમાં સલાહ આપી હતી કે રાષ્ટ્રપતિએ રાજ્યપાલો દ્વારા મોકલવામાં આવેલા બાકી બિલો પર ત્રણ મહિનાની અંદર નિર્ણય લેવો જોઈએ. ઉપરાષ્ટ્રપતિ જગદીપ ધનખડે સુપ્રીમ કોર્ટની આ ટિપ્પણી પર પ્રતિક્રિયા આપી છે અને તેના પર ચિંતા વ્યક્ત કરી છે અને કહ્યું છે કે ભારતે આવી લોકશાહીની કલ્પના પણ કરી ન હતી.

સુપ્રીમ કોર્ટના નિર્ણય પર ઉપરાષ્ટ્રપતિ ધનખડે કહ્યું, “અમે ક્યારેય લોકશાહીની સ્થિતિ આટલી ખરાબ થશે તેવી કલ્પના નહોતી કરી. રાષ્ટ્રપતિને સમયસર નિર્ણય લેવાનું કહેવામાં આવે છે અને જો તેમ ન થાય તો કાયદો બનાવવામાં આવે છે!”

રાજ્યસભાના તાલીમાર્થીઓને સંબોધતા જગદીપ ધનખડે કહ્યું, “આપણી પાસે એવા ન્યાયાધીશો છે જે કાયદા બનાવશે, જે કારોબારી કાર્યો કરશે, જે ‘સુપર પાર્લામેન્ટ’ તરીકે પણ કાર્ય કરશે અને તેમની કોઈ જવાબદારી રહેશે નહીં કારણ કે દેશનો કાયદો તેમના પર લાગુ પડતો નથી.”

ન્યાયાધીશ યશવંત વર્મા કેસની ઓન કરી વાત

રાજ્યસભાના તાલીમાર્થીઓની છઠ્ઠી બેચને સંબોધતા, ધનખડે દિલ્હી હાઇકોર્ટના ન્યાયાધીશ યશવંત વર્માના નિવાસસ્થાનમાંથી મળેલી મોટી રકમની રોકડ રકમ વિશે વિસ્તૃત વાત કરી અને વિવાદ પર ન્યાયતંત્રના પ્રતિભાવની ટીકા કરી હતી.

Let me take incidents that are most recent. They are dominating our minds. An event happened on the night of the 14th and 15th of March in New Delhi, at the residence of a judge. For seven days, no one knew about it. We have to ask questions to ourselves: Is the delay… pic.twitter.com/fqiT8t5a3l

— Vice-President of India (@VPIndia) April 17, 2025

દેશને હચમચાવી નાખનારા વિવાદને યાદ કરતાં ધનખડે કહ્યું, “14 અને 15 માર્ચની રાત્રે, નવી દિલ્હીમાં એક ન્યાયાધીશના નિવાસસ્થાને એક ઘટના બની હતી. સાત દિવસ સુધી કોઈને તેના વિશે ખબર પડી નહીં. આપણે પોતાને પ્રશ્નો પૂછવા પડશે. શું વિલંબ સમજી શકાય તેવો છે? શું તે માફ કરી શકાય તેવું છે? શું તે કેટલાક મૂળભૂત પ્રશ્નો ઉભા કરતું નથી? કોઈપણ સામાન્ય પરિસ્થિતિમાં વસ્તુઓ અલગ હોત. જ્યારે 21 માર્ચે, એક અખબારે આ માહિતી આપી ત્યારે દેશના લોકો પહેલા ક્યારેય ના થયો હોય તેવા આઘાતમાં સરી ગયા હતા.”

‘મારી સામે કોઈ પણ કરી શકે કેસ, પણ જજ સામે કેસ કરવા વિશેષ પરવાનગી જરૂરી’- ધનખડ

તેમણે ભારપૂર્વક જણાવ્યું હતું કે જસ્ટિસ વર્માના નિવાસસ્થાને આગ ઓલવવાની માટે ફાયર બ્રિગેડની કામગીરી દરમિયાન રોકડ રકમ મળી આવ્યા પછી પણ તેમની સામે કોઈ એફઆઈઆર નોંધવામાં આવી નથી, અને કહ્યું કે દેશમાં કોઈપણ વ્યક્તિ સામે કેસ દાખલ કરી શકાય છે પરંતુ જો કોઈ ન્યાયાધીશ સામે કેસ દાખલ કરવો હોય તો ખાસ પરવાનગી લેવી જરૂરી છે.

Not for a moment will I ever say that we must not give premium to innocence. Democracy is nurtured, its core values blossom, and human rights are taken at a high pedestal when we believe in innocence till the guilt is established. Therefore, I must not be misunderstood as casting… pic.twitter.com/IziN2OYf57

— Vice-President of India (@VPIndia) April 17, 2025

તેમણે કહ્યું, “આ દેશમાં કોઈપણ વ્યક્તિ વિરુદ્ધ FIR દાખલ કરી શકાય છે, પછી ભલે તે કોઈપણ બંધારણીય પદાધિકારી હોય, પછી ભલે તે તમારી સામે ઊભેલી (તેઓ પોતે) વ્યક્તિ હોય. ફક્ત કાયદાના શાસનને સક્રિય કરવાની જરૂર છે. આ માટે કોઈ પરવાનગીની જરૂર નથી. પરંતુ જો તે ન્યાયાધીશો, તેમની શ્રેણીનો મામલો હોય, તો સીધી FIR દાખલ કરી શકાતી નથી. આ માટે, ન્યાયતંત્રમાં સંબંધિત લોકો પાસેથી મંજૂરી લેવી પડે છે, પરંતુ બંધારણમાં આ જોગવાઈ નથી.”