Sunday, April 14, 2024
More
    હોમપેજન્યૂઝ રિપોર્ટમોદી-યોગીને મા-બહેનની ગાળો આપીને હિંદુ સમાજ પર અભદ્ર ટિપ્પણી કરનાર ગામના મુખી...

    મોદી-યોગીને મા-બહેનની ગાળો આપીને હિંદુ સમાજ પર અભદ્ર ટિપ્પણી કરનાર ગામના મુખી સત્તારની ધરપકડ; લોકોમાં ભયનો માહોલ

    અંકિતે પોતાની ફરિયાદમાં વધુમાં જણાવ્યું હતું કે જ્યારે તેણે સત્તારને રોકવાનો પ્રયાસ કર્યો ત્યારે તેની સાથે પણ દુર્વ્યવહાર કરવામાં આવ્યો હતો. સત્તારે અંકિત અને અમિતને મારી નાખવાની ધમકી પણ આપી હતી.

    - Advertisement -

    ઉત્તર પ્રદેશના સીતાપુર જિલ્લામાં પોલીસે મોદી-યોગીને મા-બહેનની ગાળો આપનાર સત્તારની ધરપકડ કરી છે, સત્તાર પર આરોપ છે કે તેણે વડા પ્રધાન નરેન્દ્ર મોદી અને યુપીના મુખ્ય પ્રધાન યોગી આદિત્યનાથને કથિત રીતે મા-બહેન પર ગાળો આપી હતી. આરોપી ખાનપુર સદાત નામના ગામનો પ્રધાન છે. સત્તાર પર સમગ્ર હિન્દુ સમાજનું અપમાન કરવાનો પણ આરોપ છે. આ ઘટનાનો એક ઓડિયો પણ વાયરલ થઈ રહ્યો છે. મામલો રવિવાર (4 ડિસેમ્બર, 2022)નો હોવાનું કહેવામાં આવી રહ્યું છે.

    અહેવાલો મુજબ મોદી-યોગીને મા-બહેનની ગાળો આપવાની આ ઘટના પોલીસ સ્ટેશન કોતવાલી લહરપુર વિસ્તારની છે. અંકિત નામના યુવકે આ અંગે પોલીસમાં ફરિયાદ કરી હતી. અંકિતનું કહેવું છે કે ઘટનાના દિવસે તે તેના મિત્ર અમિત સાથે ખાનપુર સદાત ગામમાં કોઈ કામ માટે ગયો હતો. અહીં તેણે જોયું કે ગામનો પ્રધાન સત્તાર પીએમ મોદી સાથે મુખ્યમંત્રી યોગી આદિત્યનાથને મા-બહેનની ગાળો આપી રહ્યો હતો. ફરિયાદીનો આરોપ છે કે આ દરમિયાન સત્તારે સમગ્ર હિન્દુ સમાજ પર અપમાનજનક ટિપ્પણીઓ પણ કરી હતી.

    અંકિતે પોતાની ફરિયાદમાં વધુમાં જણાવ્યું હતું કે જ્યારે તેણે સત્તારને રોકવાનો પ્રયાસ કર્યો ત્યારે તેની સાથે પણ દુર્વ્યવહાર કરવામાં આવ્યો હતો. સત્તારે અંકિત અને અમિતને મારી નાખવાની ધમકી પણ આપી હતી. ફરિયાદમાં કહેવામાં આવ્યું છે કે સત્તારની આ હરકતથી ત્યાં હાજર હિન્દુઓ ડરી ગયા હતા અને તેઓએ પોતાના ઘર અને દુકાનોના બારણાં બંધ કરી દીધા કરી દીધા હતા. એવું પણ કહેવામાં આવ્યું હતું કે પ્રધાન દ્વારા અપાતી ગાળો સાંભળીને સ્થાનિક હિન્દુ સમુદાયના લોકોમાં ગુસ્સો છે. અંકિતે પોલીસને આરોપી પ્રધાન વિરુદ્ધ કેસ નોંધવાની પણ માંગ કરી છે.

    - Advertisement -

    આ દરમિયાન સોશિયલ મીડિયા પર એક ઓડિયો પણ વાયરલ થઈ રહ્યો છે જેમાં કોઈ વ્યક્તિ મોદી અને યોગી પર અપમાનજનક ટિપ્પણી કરતો હુવાનું સાંભળવા મળે છે. પીડિત અંકિતના કહેવા પ્રમાણે ઓડિયોમાં અવાજ ગામના મુખી સત્તારનો છે. ઓડિયોમાં પ્રધાન સત્તારની કહેવામાં આવી રહેલી આ ઓડિયો ક્લીપમાં મોદી અને યોગી તેમની માતા અને બહેન પર અપશબ્દો બોલતા સાંભળી શકાય છે, આં ઓડિયોમાં ‘જો તમે તમારી બેટીને વેચી દીધી હોત, તોય તમને મત મળી ગયા હોત’. ઉપરાંત ‘પરચમ લહેરાએગા’ અને ‘આગ લગા દેંગે’ જેવા અવાજો પણ સાંભળી શકાય છે.

    અંકિતની ફરિયાદ પર, પોલીસે આરોપી એવા ગામના મુખી સત્તાર વિરુદ્ધ IPCની કલમ 504, 506, 295-A અને ક્રિમિનલ લૉ એમેન્ડમેન્ટ 2013ની કલમ 7 હેઠળ કેસ નોંધ્યો હતો. એફઆઈઆરની નકલ ઑપઈન્ડિયા પાસે ઉપલબ્ધ છે. પોલીસે દરોડો પાડીને સત્તારની ધરપકડ કર્યા બાદ તેને આગળની કાર્યવાહી માટે કોર્ટમાં મોકલી આપ્યો હતો.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં