એટાહમાં મુખ્યમંત્રી યોગી આદિત્યનાથના પ્રશંસક ભાજપના કાર્યકર, તથા છાતી પર CM યોગીનું ટેટૂ કરાવનાર યામીન સિદ્દીકીને જાનથી મારી નાખવાની ધમકી મળી છે. નયાગાંવ પોલીસ સ્ટેશન વિસ્તારના સરાય આઘાટમાં રવિવારે બકરીદની નમાજ અદા કરીને પરત ફરી રહેલા યામીન સિદ્દીકીને શહેરના જ બે લોકોએ ધમકી આપી હતી.
આરોપ છે કે યામીન જ્યારે મસ્જિદમાં આવ્યો ત્યારે લોકોએ તેને મારી નાખવાની ધમકી આપી હતી. જણાવી દઈએ કે, યામીન હાલમાં જ પોતાની છાતી પર CM યોગીનું ટેટૂ કરાવીને ચર્ચામાં આવ્યો હતો. બાદમાં યામીને ભાજપનું સભ્યપદ પણ લીધું હતું.
Threatening Yameen, who got CM Yogi’s tattoo on his chest, the accused said that if he comes to the mosque I will kill him @BBCHindi @CNNnews18 @TimesNow @UPTakOfficial @CrimeTakBrand @IndiaToday @ndtv @aajtak @ZEEUPUK @MirrorNow @IndiaTVHindi pic.twitter.com/JgwAHmqmT7
— Amir qadri (@AmirqadriAgra) July 10, 2022
યામીનના જણાવ્યા અનુસાર, રવિવારે સવારે તે નમાઝ અદા કરવા માટે શહેરની ઇદગાહમાં ગયો હતો. તે નમાજ અદા કરીને પરત ફરી રહ્યો હતો ત્યારે રસ્તામાં લાલા વારસી અને તેના ભાઈ શાહરૂખે તેને ઘેરી લીધો હતો. ધમકી આપી કહ્યું કે ‘તું યોગીનો મોટા ફેન બનીને ફરે છે’. તેમણે મુખ્યમંત્રી માટે પણ અપશબ્દોનો ઉપયોગ કર્યો હતો.
આરોપીઓએ અપશબ્દો બોલ્યા હતા અને કહ્યું હતું કે જો તે ફરીથી મસ્જિદની આસપાસ દેખાશે તો તને મારી નાખીશું. યામીને જણાવ્યું કે આ બંને દબંગ સ્વભાવના લોકો છે. ભૂતકાળમાં તેમણે પોલીસને ખોટી માહિતી આપીને અને અફવાઓ ફેલાવીને વાતાવરણ બગાડવાનો પ્રયાસ કર્યો હતો.
યામીન સિદ્દીકીએ કહ્યું કે આ લોકોએ મને મુખ્યમંત્રી યોગી આદિત્યનાથના પ્રશંસક હોવાના કારણે મારી નાખવાની ધમકી આપી છે. આ અંગે સીઓ રાજકુમારે જણાવ્યું કે જો ફરિયાદ આપવામાં આવી છે તો રિપોર્ટ દાખલ કરવામાં આવશે. આરોપીઓ સામે કાર્યવાહી કરવામાં આવશે.
યામીન 4 જૂને પોતાની છાતી પર CM યોગીનું ટેટૂ કરાવવા માટે આગ્રા ગયો હતો. યામીન જણાવે છે કે તે સીએમ યોગીને પોતાના આદર્શ માને છે અને તેમનો મોટા પ્રશંસક છે.
યામીન સિદ્દીકી 20 જૂને એટામાં ભાજપમાં જોડાયો હતો. તે સોશિયલ મીડિયા દ્વારા મુખ્યમંત્રી યોગી અને ભાજપ માટે પ્રચાર કરે છે. ધમકી મળ્યા પછી, યામીને જણાવ્યુ છે કે તેના જીવને જોખમ છે.
