પહલગામ આતંકવાદી હુમલામાં (Pahalgam Terrorist Attack) જીવ ગુમાવનારા લોકો માટે અખો દેશ શોકમાં ડૂબેલો છે. બીજી તરફ, ભારતીય સશસ્ત્ર દળોએ આ હુમલામાં સામેલ અન્ય આતંકવાદીઓને ખત્મ કરવા માટે કાર્યવાહી શરૂ કરી દીધી છે. આ દરમિયાન ઉત્તર પ્રદેશના કાનપુરથી (Kanpur) કાશ્મીર ગયેલા શુભમ દ્વિવેદીના પરિવારનો એક વિડીયો સામે આવ્યો છે. તેમના મૃત્યુ પછી, તેમનો પરિવાર તેમના મૃતદેહ સાથે કાનપુર આવ્યો હતો. ઉત્તર પ્રદેશના મુખ્યમંત્રી યોગી આદિત્યનાથ (CM Yogi Adityanath) પણ તેમની પત્ની ઐશાન્યા સહિત પરિવારના સભ્યોને સાંત્વના આપવા માટે ત્યાં પહોંચ્યા હતા. દરમિયાન પરિવારે તેમની સમક્ષ આપવીતી જણાવી હતી.
સીએમ યોગીને મળ્યા બાદ ઐશાન્યાની ધીરજ પણ તૂટી ગઈ. તેમણે રડતા રડતા મુખ્યમંત્રીને આખી ઘટના કહી. તેમણે એવી કેટલીક વાતો પણ કહી હતી જેના કારણે પહલગામ આતંકવાદી હુમલામાં કેટલાક સ્થાનિક સ્લીપર સેલની સંડોવણીની શક્યતા ઉભી થઈ રહી છે.
पहलगाम में जब आतंकी हिंदू पर्यटकों को चुन-चुनकर मार रहे थे तब जम्मू-कश्मीर पुलिस के 3 सिपाही वहीं मौजूद थे और आराम से तमाशा देखते रहे। लोगों ने कहा कि कम से कम आर्मी कैंप तक ही ले चलो फिर भी उन्होंने कुछ नहीं किया। जहां हमला हुआ वहां तक बहुत से पर्यटक जाना नहीं चाहते थे। पर… pic.twitter.com/ZGaxd25LzV
— Divya Kumar Soti (@DivyaSoti) April 25, 2025
અમર ઉજાલાના અહેવાલ મુજબ, ઐશાન્યાએ જણાવ્યું કે શુભમ અને તે ઘોડા પર ઉપર તરફ જઈ રહ્યા હતા. જોકે તેમને દૂર સુધી જવાનું મન નહોતું થતું. એટલા માટે મેં ઘોડેસવારને મને ઉપર લઈ જવાની પણ ના પાડી. ઐશાન્યાએ કહ્યું કે તેઓ થાકી ગયા હતા અને આગળ જવા માંગતા ન હતા. આમ છતાં, ઘોડાનો માલિક રોકાયો નહીં અને કહ્યું કે ઉપર સુધી તો જવું જ પડશે. શુભમે એમ પણ કહ્યું કે જો તમે ઇચ્છો તો, તમે આખું ભાડું લઈ શકો છો પણ અમને નીચે ઉતારી દો. છતાં, ઘોડાના માલિકે તેની વાત સાંભળી નહીં.
પરિવારના સભ્યોએ મુખ્યમંત્રીને એમ પણ કહ્યું કે ઘોડાના માલિકો પ્રવાસીઓને ટેકરીની ટોચ પર લઈ જઈ રહ્યા હતા. પણ તે તેમની મરજી મુજબ લઈ જઈ રહ્યા હતા. જ્યારે ગોળીબાર શરૂ થયો, ત્યારે લોકોમાં નાસભાગ મચી ગઈ. તે દરમિયાન, ત્રણ સ્થાનિક પોલીસ કર્મચારીઓ ત્યાં ઉભેલા હતા, છતાં તેમણે કોઈ પણ રીતે મદદ કરી નહીં. લોકો તેમને રક્ષણ આપવા અને કેમ્પમાં લઈ જવા માટે બૂમો પાડી રહ્યા હતા પરંતુ કોઈએ તેમને મદદ કરી નહીં.
શુભમના પિતાએ જણાવ્યું કે પહલગામની જે હોટલમાં તેઓ રોકાયા હતા, ત્યાં કેટલાક લોકો પ્રવાસીઓના રહેઠાણ અને તેમના નંબર વગેરે વિશે પૂછપરછ કરી રહ્યા હતા. આ બધી બાબતો પરથી એવું લાગતું હતું કે તે લોકો અમારી રેકી કરી રહ્યા હતા.
પરિવારના સભ્યોને મળ્યા બાદ સીએમ યોગીએ મીડિયાને જણાવ્યું કે આતંકવાદને તેના મૂળમાંથી નાબૂદ કરવામાં આવશે. શુભમના પરિવાર પાસેથી મળેલી માહિતીના આધારે, એવું લાગે છે કે ઘોડાના માલિકો સહિત કેટલાક સ્થાનિક લોકો આતંકવાદી સંગઠનો સાથે જોડાયેલા હોઈ શકે છે. તે બધાને યોગ્ય જવાબ મળશે.
આ દરમિયાન, અન્ય એક મહિલા પ્રવાસીએ કહ્યું કે એક ઘોડેસવાર વારંવાર તેની વિગતો પૂછી રહ્યો હતો અને કુરાન વિશે વાત કરી રહ્યો હતો. મહિલા પ્રવાસીએ એમ પણ કહ્યું કે ઘોડેસવાર પણ પૂછી રહ્યો હતો કે તેની સાથે આવેલા લોકો હિંદુ છે કે મુસ્લિમ, મહિલાએ તેના ઇરાદા સમજી લીધા હતા અને તેથી તેને કહ્યું કે તેઓ બધા મુસ્લિમ છે. તે એમ પણ કહી રહ્યો હતો કે જો તમે અમરનાથ આવશો તો રજિસ્ટ્રેશન વગર જ તેમને યાત્રા કરાવશે. તેનો ફોટો બતાવતા મહિલાએ કહ્યું કે તે 35 બંદૂકો વિશે પણ વાત કરી રહ્યો હતો.
