પીએમ મોદી વિશે અભદ્ર ટિપ્પણી કરતો વિડીયો વાયરલ થયા બાદ આમ આદમી પાર્ટીના ગુજરાત પ્રદેશ અધ્યક્ષ ગોપાલ ઇટાલિયાને મહિલા આયોગ દ્વારા સમન્સ પાઠવવામાં આવ્યા હતા. ત્યારબાદ આજે તેઓ દિલ્હી સ્થિત મહિલા આયોગ સમક્ષ હાજર રહ્યા હતા. જ્યાંથી દિલ્હી પોલીસે ગોપાલ ઇટાલિયાની અટકાયત કરી લીધી હોવાની માહિતી મળી રહી છે.
Delhi | AAP Gujarat chief Gopal Italia detained from NCW office by Delhi Police https://t.co/qSkvPOJqPD pic.twitter.com/LKjdiDbvSn
— ANI (@ANI) October 13, 2022
ગોપાલ ઇટાલિયાની અટકાયત અને તેમને પાઠવવામાં આવેલ સમન્સને લઈને મહિલા આયોગનાં અધ્યક્ષ રેખા શર્માએ જણાવ્યું હતું કે, ગોપાલ ઇટાલિયાએ સમન્સ મેળવવા અંગે ઇનકાર કર્યો હતો, પરંતુ તેમનો જવાબ તૈયાર છે. તેમણે વિડીયોમાં પોતે ન હોવાનો પણ દાવો કર્યો છે. તેમણે જણાવ્યું કે, “ગોપાલ ઇટાલિયાના નિવેદનો અને લેખિત નિવેદનો મેળ ખાઈ રહ્યાં નથી. તેમણે સરખો જવાબ આપ્યો નથી.”
મહિલા આયોગ અધ્યક્ષે વધુમાં જણાવ્યું કે, “મેં પોલીસને પણ તેમની સામે કાર્યવાહી કરવા માટે કહ્યું છે કારણ કે તેઓ કાયદો-વ્યવસ્થાને અસર થાય તેવું વાતાવરણ સર્જી રહ્યા હતા અને તેમના સમર્થકોએ બળજબરીથી ઓફિસમાં ઘૂસવાનો પ્રયાસ કર્યો હતો.”
He denied getting a summon but his reply is ready. He also denied his presence in the video but in his reply, he accepts tweeting.He had claimed it wasn’t him in the video: NCW chief on AAP Gujarat chief summoned over a purported video where he used derogatory language for the PM pic.twitter.com/XO9O4EOOtO
— ANI (@ANI) October 13, 2022
રેખા શર્માએ આગળ કહ્યું કે, “મારી 2 વાગ્યે મહત્વની બેઠક હતી, પરંતુ હું બહાર પણ ન નીકળી શકી. 100-150 માણસો જો આવીને મને ધમકી આપતા હોય તો તેઓ કેવા પ્રકારના નેતાઓ છે? તેમણે (ઇટાલિયા) માત્ર NCW ઓફિસ આવીને અમુક જવાબો આપવાના હતા, તેમણે જૂઠું બોલવાની અને આટલા વકીલો સાથે લાવવાની શું જરૂર પડી?”
ગોપાલ ઇટાલિયાનો વિડીયો વાયરલ થયા બાદ સોશિયલ મીડિયામાં તેમની પાર્ટીના નેતાઓ અને સમર્થકોએ જૂની તસ્વીરો ફેરવીને ગોપાલ ઇટાલિયાની ‘ધરપકડ’ થઇ હોવાના દાવા કર્યા હતા.
दम है कितना दमन में तेरे देख लिया है देखेंगे,
— Dr Safin 🇮🇳 (@HasanSafin) October 13, 2022
जगह है कितनी जेल में तेरे देख लिया है देखेंगे।#ISupportGopalItalia pic.twitter.com/23DYjBND0w
જોકે, ઇટાલિયાની આ તસ્વીર હાલની નહીં પરંતુ પાંચ મહિના પહેલાંની છે. દિલ્હી પોલીસે પણ આ દાવાનું ખંડન કરતાં કહ્યું કે, ગોપાલ ઇટાલિયાની આ તસ્વીર હાલની નથી અને એમાં પહેરેલાં કપડાં પણ જુદાં છે.
#BREAKING Delhi Police sources refute Gopal Italia & AAP’s claims. They also said that “Gopal Italia is wearing different clothes in the picture”@shankar_news18 with details
— News18 (@CNNnews18) October 13, 2022
(@GrihaAtul)#Gopaltalia #AAP #GujaratElections pic.twitter.com/U8WI9ZH3a0
ઉલ્લેખનીય છે કે થોડા દિવસો પહેલાં ગોપાલ ઇટાલિયાનો એક વિડીયો સોશિયલ મીડિયા ઉપર વાયરલ થયો હતો, જેમાં તેઓ વડાપ્રધાન નરેન્દ્ર મોદી વિશે અભદ્ર ભાષા વાપરતા જોવા મળે છે. આ વિડીયોનો વિરોધ પણ ખૂબ થયો હતો તેમજ રાષ્ટ્રીય મહિલા આયોગે પણ સંજ્ઞાન લીધું હતું.
રાષ્ટ્રીય મહિલા આયોગે આમ આદમી પાર્ટીના ગુજરાત પ્રદેશ અધ્યક્ષ ગોપાલ ઇટાલિયાને નોટીસ પાઠવીને વાયરલ વિડીયો મામલે 13 ઓક્ટોબરના રોજ હાજર થવા માટે જણાવ્યું હતું. તેમજ એમ પણ કહેવામાં આવ્યું હતું કે તેઓ હાજર નહીં થાય તો આયોગ કડક પગલાં લઇ શકે છે.
આજે ગોપાલ ઇટાલિયા મહિલા આયોગ સમક્ષ હાજર થવા માટે દિલ્હી ગયા હતા, જોકે, ત્યાં તેમણે સંતોષકારક જવાબો આપ્યા ન હતા તેમજ કાયદો-વ્યવસ્થાની સ્થિતિ બગાડવાના પ્રયાસો કરતાં પોલીસે કાર્યવાહી કરી હતી.
ત્રણ કલાકની પૂછપરછ બાદ ઇટાલિયાની મુક્તિ
દિલ્હી પોલીસે બપોરે ગુજરાતના આપ પ્રદેશ અધ્યક્ષ ગોપાલ ઇટાલિયાની અટકાયત કર્યા બાદ ત્રણ કલાક સુધી પૂછપરછ કરી હતી. ત્યારબાદ તેમને છોડી મૂકવામાં આવ્યા હતા. આ દરમિયાન તેમને વાયરલ વિડીયો અંગે પૂછવામાં આવ્યું હોવાનું અનુમાન છે.
