અમેરિકામાં ભારતીય મહિલાઓ સાથે મારામારી અને ગાળાગાળી કરી હુમલો કરવાનો બનાવ સામે આવ્યો છે. જ્યાં ભોજન માટે એક હોટેલમાં આવેલી ચાર ભારતીય-અમેરિકી મહિલાઓ ઉપર મેક્સિકન-અમેરિકન મહિલાએ જાતીય ટિપ્પણી કરીને મારપીટ કરી હતી. ઘટનાનો વિડીયો સામે આવ્યા બાદ પોલીસે આ મામલે કાર્યવાહી કરી હતી.
#BREAKING | American woman who assaulted 4 Indian American women and hurled racial abuses at them arrested by Texas Police
— Republic (@republic) August 26, 2022
Tune in here – https://t.co/0eImh6q2ST pic.twitter.com/kgVL8XZoFA
આ ઘટના બુધવાર (24 ઓગસ્ટ 2022)ની છે. ઘટના અમેરિકાના ડેલ્લાસની હોવાનું કહેવાય છે. જ્યાં ભારતીય અને અમેરિકન મહિલાઓ ડિનર માટે ગયાં હતાં, જ્યાં તેમને એકબીજા સાથે ભારતીય ઉચ્ચારમાં વાતચીત કરતાં જોઈને એક અમેરિકી મહિલા આવીને કારણ વગર ગાળાગાળી કરવા માંડી હતી અને એક ભારતીય મહિલા પર હાથ પણ ઉઠાવ્યો હતો. આ ઘટનાનો વિડીયો કોઈકે ઉતારી લીધો હતો અને વાયરલ કરી દીધો હતો.
વાયરલ વિડીયોમાં જોઈ શકાય છે કે મેક્સિકન-અમેરિકન મહિલા ભારતીય મહિલાઓ સાથે ગાળાગાળી કરી રહી છે અને તેમને ભારત પરત જવા માટે કહી રહી છે. આરોપી મહિલાએ એક ભારતીય મહિલાને તમાચો પણ મારી દીધો હતો તો ‘આઈ હેટ યૂ ઇન્ડિયન્સ, ગો બેક’ના નારા પણ લગાવ્યાં હતાં.
A racist woman in Texas harasses a group of Indian people just for having accents.
— Fifty Shades of Whey (@davenewworld_2) August 25, 2022
This behavior is absolutely repulsive. pic.twitter.com/ZvX3mdQ6Wm
આરોપી મહિલા બૂમો પાડતાં કહે છે કે, હું મેક્સિકન-અમેરિકન છું. હું અહીં જન્મી છું, પણ જ્યાં પણ જાઉં છું ત્યાં દરેક જગ્યાએ તમે ભારતીય જ જોવા મળો છો. ભારતમાં સારી જિંદગી હોય તો તમે અહીં શા માટે આવો છો? તમને સારું જીવન જોઈતું હતું તો તમે અહીં આવી ગયા. જે બાદ તે ‘આઈ હેટ યૂ ઇન્ડિયન્સ, ગો બેક’ કહીને મહિલાઓને અપશબ્દો કહેતી સંભળાય છે અને પછી મારપીટ કરવા માંડે છે. તેણે ગોળી મારવાની પણ ધમકી આપી હતી.
આ વિડીયો સોશિયલ મીડિયા પર પોસ્ટ કરીને એક યુઝરે લખ્યું કે, “આ ઘટના ડેલ્લાસની છે. જ્યાં મારી માતા અને તેનાં મિત્રો ડિનર માટે ગયાં હતાં. યુઝરે જણાવ્યું કે, તેઓ પાર્કિંગ તરફ પરત ફરી રહ્યાં હતાં, ત્યારે કોઈ મેક્સિકન-અમેરિકન મહિલા આવી ગઈ અને તમામ વિરુદ્ધ જાતીય ટિપ્પણી કરવા માંડી હતી. જોકે, ભારતીય મહિલાઓ તેને આમ વર્તન ન કરવા માટે કહેતી રહી પરંતુ તેણે ચાલુ જ રાખ્યું હતું.
આ વિડીયો સોશિયલ મીડિયા પર ફરતો થયા બાદ ટેક્સાસ પોલીસે આરોપી મહિલા એસ્મેરાલ્ડા ઓપ્ટ્નની ગુરુવારે (25 ઓગસ્ટ 2022) ધરપકડ કરી લીધી હતી. તેની સામે જાતીય હુમલા અને આતંકવાદી હુમલાની ધમકી આપવાની કલમો લગાડવામાં આવી છે. આ ઉપરાંત, તેને 10 હજાર અમેરિકન ડોલરનો દંડ પણ ફટકારવામાં આવ્યો છે.
This is so scary. She actually had a gun and wanted to shoot because these Indian American women had accents while speaking English.
— Reema Rasool (@reemarasool) August 25, 2022
Disgusting. This awful woman needs to be prosecuted for a hate crime. pic.twitter.com/SNewEXRt3z
સોશિયલ મીડિયા પર વિડીયો વાયરલ થયા બાદ અમેરિકામાં રહેતા ભારતીય સમુદાયે આ મુદ્દે પ્રતિક્રિયા આપી હતી, ઉપરાંત એશિયન મૂળની અમેરિકન નેતા રીમા રસૂલે પણ ટ્વિટ કર્યું હતું. તેમણે કહ્યું કે, આ ભયાનક અનુભવ હતો. મહિલા પાસે બંદૂક પણ હતી અને તે ભારતીય મૂળની મહિલાઓને શૂટ કરવા માંગતી હતી. આ મહિલાને તેમના અંગ્રેજી બોલવાના ઉચ્ચારણથી વાંધો હતો. આરોપી મહિલા વિરુદ્ધ આ ધૃણાસ્પદ ગુના બદલ કેસ ચલાવવામાં આવે તેવી પણ તેમણે માંગ કરી હતી.
Second racist anti-Indian attack this week.
— Hindu American Foundation (@HinduAmerican) August 25, 2022
See the similar seething hatred that we saw in the Taco Bell assault in CA & this one in TX.
From “cow-piss drinker” to “curry ass bit—“ to “why are you here”, we see racist & #Hinduphobic invectives deployed.
Very disturbing trend https://t.co/bUcy5TFXsx
ઉલ્લેખનીય છે કે આ પ્રકારની આ અઠવાડિયામાં બીજી ઘટના બની છે. આ પહેલાં કેલિફોર્નિયામાં કૃષ્ણ નામના એક ભારતીય વ્યક્તિ પર ગૌમૂત્ર અને ગાયના ગોબરને લઈને ટિપ્પણી કરવામાં આવી હતી.
