10 લાખ લોકોને નોકરી આપવા મોદી સરકાર મિશન મોડમાં જોવા મળી રહી છે. લોકોને રોજગાર આપવા માટે મોદી સરકારે મોટી જાહેરાત કરી છે. વડાપ્રધાન કાર્યાલય તરફથી ટ્વીટ કરીને કહેવામાં આવ્યું છે કે આગામી દોઢ વર્ષમાં એટલે કે 18 મહિનામાં સરકાર વિવિધ વિભાગોમાં 10 લાખ લોકોને નોકરી આપશે.
PMO ઈન્ડિયાએ આજે (14 જૂન 2022) ટ્વિટ કરીને આ સંબંધમાં માહિતી આપી હતી. ટ્વિટમાં લખ્યું હતું કે, “વડાપ્રધાન નરેન્દ્ર મોદીએ તમામ વિભાગો અને મંત્રાલયોની સમીક્ષા કરી અને નિર્દેશ આપ્યો છે કે આગામી દોઢ વર્ષમાં એક લાખ લોકોની મિશન મોડમાં ભરતી કરવામાં આવે.”
PM @narendramodi reviewed the status of Human Resources in all departments and ministries and instructed that recruitment of 10 lakh people be done by the Government in mission mode in next 1.5 years.
— PMO India (@PMOIndia) June 14, 2022
નોંધપાત્ર છે કે ગયા વર્ષે કેન્દ્રીય મંત્રી જિતેન્દ્ર સિંહે રાજ્યસભામાં એક પ્રશ્નના જવાબમાં જણાવ્યું હતું કે 1 માર્ચ 2020 સુધીમાં કેન્દ્ર સરકારના વિભાગોમાં 8.72 લાખ પદ ખાલી હતા. હવે એ સ્પષ્ટ છે કે હાલમાં આ ખાલી પોસ્ટ વધીને 10 લાખની નજીક પહોંચી ગઈ હશે, જેના પર પીએમ નરેન્દ્ર મોદીએ ભરતી માટે સમીક્ષા કર્યા પછી આદેશ આપ્યો છે. જિતેન્દ્ર સિંહે જણાવ્યું હતું કે કેન્દ્ર સરકારના તમામ વિભાગોમાં કુલ 40 લાખ 4 હજાર પદો છે, જેમાંથી લગભગ 31 લાખ 32 હજાર કર્મચારીઓની નિમણૂક કરવામાં આવી છે. આ રીતે 8.72 લાખ જગ્યાઓ પર ભરતીની જરૂર છે.
ઉલ્લેખનીય છે કે સરકારમાં નોકરીની ભરતી માટે બે સંસ્થાઓ છે. પ્રથમ- યુનિયન પબ્લિક સર્વિસ કમિશન (UPSC) અને બીજું- સ્ટાફ સિલેક્શન કમિશન (SSC). UPSC ની રચના બંધારણમાં સમાવિષ્ટ જોગવાઈ હેઠળ કરવામાં આવી હતી જે કેન્દ્ર સરકાર હેઠળ ઉચ્ચ સિવિલ સેવાઓ અને સિવિલ પોસ્ટ્સ પર નિમણૂક માટે પરીક્ષાનું આયોજન કરે છે. કોઈપણ નોકરીની ભરતીની પ્રક્રિયામાં કમિશન સાથે પરામર્શ ફરજિયાત છે. આ સિવાય પ્રમોશન અને ટ્રાન્સફરના કેસમાં પણ નિયમોનું પાલન કરવામાં આવે છે. દેશના ઘણા રાજ્યોમાં ઘણા યુવાનો લાંબા સમયથી સરકારી નોકરીની માંગ કરી રહ્યા હતા. તેમના માટે ઘણી જગ્યાએ દેખાવો પણ કરવામાં આવ્યા હતા. આવી સ્થિતિમાં મોદી સરકારનો આ નિર્ણય તેમના માટે કોઈ સારા સમાચારથી ઓછાં નથી.
