Sunday, June 23, 2024
More
    હોમપેજગુજરાતફિટનેસ ઇન્ફ્લુએન્સર રજત દલાલની અમદાવાદ પોલીસે કરી ધરપકડ: સોશિયલ મીડિયા પોસ્ટ બાબતે...

    ફિટનેસ ઇન્ફ્લુએન્સર રજત દલાલની અમદાવાદ પોલીસે કરી ધરપકડ: સોશિયલ મીડિયા પોસ્ટ બાબતે ઝઘડો થતાં વિદ્યાર્થીનું અપહરણ કરીને માર માર્યો, મોઢા પર કર્યો હતો પેશાબ

    હાલ વિદ્યાર્થીને સારવાર માટે હોસ્પિટલમાં દાખલ કરવામાં આવ્યો છે. ફરિયાદ બાદ અમદાવાદની સાબરમતી પોલીસે રજત દલાલ અને તેના સાગરીતોની ધરપકડ કરી લીધી છે.

    - Advertisement -

    બોડી બિલ્ડર અને ઇન્સ્ટાગ્રામ ઇન્ફ્લુએન્સર રજત દલાલની એક વિદ્યાર્થીનું અપહરણ કરવા અને તેની સાથે અશોભનીય વર્તન કરવા બદલ અમદાવાદ પોલીસ દ્વારા ધરપકડ કરવામાં આવી છે. આરોપ છે કે રજત દલાલે વિદ્યાર્થીનું અપહરણ કર્યા બાદ તેના ચહેરા પર ગાયનું છાણ લગાવ્યું હતું અને તેને બાથરૂમ સાફ કરવા દબાણ કર્યું હતું. આ સિવાય તેણે વિદ્યાર્થીના ચહેરા પર પેશાબ કર્યો અને તેની સાથે મારપીટ પણ કરી. આ ઘટના ત્યારે સામે આવી જ્યારે પીડિત વિદ્યાર્થીએ રજત દલાલ સાથેનો એક વિડીયો સોશિયલ મીડિયા પર શેર કર્યો હતો.

    અહેવાલો અનુસાર, અમદાવાદના સાબરમતી વિસ્તારના એક વિદ્યાર્થીએ સાબરમતી પોલીસ સ્ટેશનમાં કુખ્યાત બોડી બિલ્ડર અને ઇન્સ્ટાગ્રામ ઇન્ફ્લુએન્સર રજત દલાલ વિરુદ્ધ અપહરણ અને હુમલાની ફરિયાદ નોંધાવી હતી. જે બાદ તેની ધરપકડ કરાઈ છે.

    પોલીસ અનુસાર, વિદ્યાર્થીએ પોતાની ફરિયાદમાં જણાવ્યું છે કે એક મહિના પહેલા રજત દલાલ એક જિમમાં ગેસ્ટ તરીકે ગયો હતો, જ્યાં વિદ્યાર્થીએ તેની સાથે સેલ્ફી લીધી હતી. રજત દલાલ જીમમાં કસરત અને ક્લાસ આપવા આવતો હતો. થોડા દિવસો પહેલા, સોશિયલ મીડિયા પર એક વિડીયો પોસ્ટ કરતી વખતે, વિદ્યાર્થીએ કહ્યું હતું કે દરરોજ સવારે જીમમાં રજત દલાલનો ચહેરો જોવાથી મારો દિવસ બગાડે છે. આનાથી નારાજ રજત દલાલે વિદ્યાર્થીને જીમમાં બોલાવ્યો અને તેનું સરનામું પૂછ્યું. આ પછી રજત દલાલે વિદ્યાર્થીને કહ્યું કે તેઓ તેમની સોસાયટીની બહાર રાહ જોઈ રહ્યા છે. જ્યારે વિદ્યાર્થી તેને મળવા ગયો ત્યારે રજત દલાલે તેનું અપહરણ કર્યું હતું.

    - Advertisement -

    અપહરણ કર્યા પછી, તે વિદ્યાર્થીને જગતપુરની ગ્રીન ગેલ્સ સોસાયટીમાં લઈ ગયો, જ્યાં તેઓએ તેની સાથે દુર્વ્યવહાર કર્યો અને તેને કોમન પ્લોટમાં ઉઠક-બેઠક કરવા દબાણ કર્યું. આ પછી તેઓ વિદ્યાર્થીને ચાંદખેડામાં એક ગૌશાળામાં લઈ ગયા, જ્યાં તેઓએ તેના ચહેરા પર ગાયનું છાણ ચોપડી દીધું અને વિડીયો રેકોર્ડ કરતી વખતે તેને ચપ્પલ વડે માર માર્યો. રજત દલાલે વિદ્યાર્થીને ધમકાવીને કહ્યું કે, “મારો વિડીયો બનાવવાની તારી હિંમત કેવી રીતે થઈ? હું તને ટુકડે ટુકડે ટુકડે ટુકડે ફાડી નાખીશ અને તને છોડીશ નહિ.”

    હાલ વિદ્યાર્થીને સારવાર માટે હોસ્પિટલમાં દાખલ કરવામાં આવ્યો છે. ફરિયાદ બાદ અમદાવાદની સાબરમતી પોલીસે રજત દલાલ અને તેના સાગરીતોની ધરપકડ કરી લીધી છે.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં