સોશિયલ મીડિયા ઉપર ચીનના કેટલાક વિડીયો ઝડપથી વાયરલ થઇ રહ્યા છે. જેમાં દેખાય છે કે શહેરના રસ્તા પર મોટી સંખ્યામાં ટેન્ક ઉતારવામાં આવી છે. વિડીયો-તસ્વીરોમાં મોટી સંખ્યામાં કતારબંધ ઉભેલી ટેન્ક નજરે પડે છે. આ વિડીયો ચીનમાં સ્થિત શેડોન્ગ પ્રાંતનો હોવાનું કહેવાય છે.
આ ટેન્ક એક બેન્કની સ્થાનિક શાખાને બચાવવા માટે તહેનાત કરવામાં આવી છે. બેંકે લોકોને ખાતામાંથી પૈસા ઉપાડવા ઉપર રોક લગાવી દીધી છે અને એટલા માટે લોકોને બેન્કમાં ઘૂસતા રોકવા માટે આ ટેન્ક મૂકી દેવામાં આવી છે. લોકો પોતાની બચત ઉપાડવાની માંગ સાથે પ્રદર્શન કરી રહ્યા છે, જ્યારે બીજી તરફ ચીન સરકારે આ ટેન્કનો કાફલો ખડકી દીધો છે, જેથી લોકો બેન્કમાં પ્રવેશી ન શકે.
🚨🚨🚨🚨Breaking news🚨🚨🚨🚨
Tanks are being put on the streets in China to protect the banks.
This is because the Henan branch of the Bank of China declaring that people’s savings in their branch are now ‘investment products’ and can’t be withdrawn.
— Wall Street Silver (@WallStreetSilv) July 20, 2022
એક રિપોર્ટ અનુસાર, ચીનમાં લગભગ 4 લાખ ગ્રાહકોના પૈસા ફસાયેલા છે. જેના કારણે લોકો ઉગ્ર પ્રદર્શન પણ કરી રહ્યા છે. સંકટમાં ફસાયેલી મોટાભાગની બેન્ક ગ્રામ્ય વિસ્તારોની હોવાનું જાણવા મળ્યું છે. હેનાન પ્રાંતની ચાર બેંકોએ કેશ ઉપાડવા પર પ્રતિબંધ મૂકી દીધો છે. એટલું જ નહીં, પરંતુ બેન્કની વેબસાઈટ પણ કામ કરી રહી નથી અને લોકો ઓનલાઇન બેન્કિંગની સુવિધાઓનો ઉપયોગ પણ કરી શકવા સક્ષમ નથી.
ગત 10 જુલાઈના રોજ હેનાન પ્રાંતમાં ઝેન્ગઝૉ શહેરની પિપલ્સ બેન્ક ઑફ ચાઈનાની બહાર હજારો લોકોએ એકઠા થઈને પ્રદર્શન કર્યું હતું અને પોતાના પૈસા પરત આપવાની માંગ કરી હતી. એક વિડીયો પણ વાયરલ થયો હતો, જેમાં કેટલાક લોકો પ્રદર્શનકારીઓને માર મારતા અને ઘસડીને લઇ જતા જોવા મળ્યા હતા. જે બાદ હવે લોકો બેકાબૂ થવાના ડરે ચીનમાં રસ્તા પર ટેન્ક ઉતારી દેવામાં આવી છે.
એક રિપોર્ટ અનુસાર, ચીનના ગ્રામ્ય વિસ્તારોની કેટલીક બેન્કે પોતાના ગ્રાહકોને ઊંચા દરના વ્યાજનો વાયદો આપ્યો હતો, જેના કારણે લોકોએ મોટી સંખ્યામાં પોતાની બચત રોકી દીધી હતી. બીજી તરફ, ચીનમાં રિયલ એસ્ટેટ સંકટના કારણે પરિસ્થિતિ બગડી અને બેન્ક દ્વારા આપવામાં આવેલ લૉનની રકમ પણ ફસાઈ ગઈ. જેના કારણે બેન્કો પાસે રોકડની અછત છે.
જોકે, લોકોના વિરોધ પ્રદર્શન બાદ રાષ્ટ્રીય બેન્કિંગ નિયામકે જણાવ્યું હતું કે હેનાન અને અન્ય પ્રાંતોની પાંચ ગ્રામ્ય બેન્કના ગ્રાહકોની રકમ એપ્રિલથી જમા કરવામાં આવી હતી તેમને પરત આપવામાં આવશે. જે હેઠળ 50 હજાર યુઆન સુધીની જમા રકમવાળા ગ્રાહકોને 15 જુલાઈથી પૈસા પરત ચૂકવવામાં આવશે. જ્યારે અન્ય ગ્રાહકોને પૈસા ચૂકવવાની વ્યવસ્થા ત્યારબાદ કરવામાં આવશે. પરંતુ 15 જુલાઈ પછી પણ બહુ ઓછા લોકોને પૈસા મળ્યા છે.
આ કૌભાંડનો પર્દાફાશ ગત એપ્રિલમાં થયો હતો. જ્યારે ચીનની ચાર ગ્રામીણ બેન્કોના ગ્રાહકોને રોકડ ઉપાડવા પર રોક લાગી ગઈ હતી. તેમને બેંકની સિસ્ટમમાં ખામી હોવાનું કહેવામાં આવ્યું હતું. જે બાદ અન્ય કેટલીક બેન્કમાં પણ આવી જ સમસ્યાઓ આવી હતી. જોકે, ચીનના અધિકારીઓએ આ મામલે તપાસનો આદેશ આપ્યા બાદ ચાર મહિને પણ સમસ્યાનું સમાધાન થઇ શક્યું નથી.
તપાસમાં સામે આવ્યું હતું કે, બેન્કોએ લોકો પાસેથી પૈસા લઈને ઓનલાઇન પ્લેટફોર્મ દ્વારા પૈસાનું રોકાણ કર્યું હતું અને આ કૌભાંડ 2011 થી ચાલતું હતું. તેમજ વધુ ગ્રાહકો આકર્ષવા માટે બેન્ક સામાન્ય કરતાં વધુ વ્યાજ આપવાનું વચન આપતી હતી. આ બાબતો સામે આવ્યા બાદ વિરોધ પ્રદર્શન પણ થયાં હતાં.
લોકોએ કાઢી સોનુ સુદના દાવાની હવા, અભિનેતા સોનુ સૂદે મંગળવારે (19 જુલાઈ, 2022) એક સનસનાટીભર્યો દાવો કર્યો હતો કે તેમની ટીમ કોમામાં રહેલા એક વ્યક્તિને ડૉક્ટરોએ હાર માની લીધા પછી પણ તેને બચાવવામાં સફળ રહી. તો બીજી તરફ લોકો તે વ્યક્તિના બાઈકના નંબરપ્લેટ ખોટી હોવાના પુરાવાઓ આપી રહ્યા છે, અને આ રીતે લોકોએ કાઢી સોનું સુદના દાવાની હવા કાઢી નાખી હતી.
સૂદે, એક થ્રેડમાં શ્રેણીબદ્ધ ટ્વીટ્સમાં, એક વ્યક્તિની વાત શેર કરી જેને ડોકટરોએ હાર માનીલીધા બાદ તેની ટીમ દ્વારા નવજીવન આપવામાં આવ્યું હતું, અન્યથા તેને બચાવી શકાયો ન હોત.
સૂદે લખ્યું હતું કે “તાજેતરમાં રામ પ્રસાદ ભંડારી નામનો એક વ્યક્તિ અને તેની પુત્રી સાથે તેલંગાણાથી મોટરસાઈકલ ચલાવીને તેના દરવાજે આવ્યા.” અભિનેતાએ તેની એક તસવીર પણ શેર કરી હતી જેમાં તે આંધ્ર પ્રદેશમાં રજિસ્ટર્ડ બાઇક પર બેઠેલી એક વ્યક્તિ અને નાની બાળકી સાથે જોઈ શકાય છે.
A man named Ram Prasad Bhandari and his little daughter showed up at my doorstep recently, all the way from Telangana, I was left feeling really humbled after meeting them.
સોનુ સૂદે પછીની ટ્વીટમાં જણાવ્યું હતું કે “તે વ્યક્તિ થોડા સમય પહેલા કોમામાં હતો અને ડોકટરોએ તમામ આશાઓ છોડી દીધી હતી. ત્યારે જ તેની ટીમ તેની મદદે આવી અને તે વ્યક્તિનો જીવ બચાવી શકાયો.”
સોનુ સૂદે વધુમાં ઉમેર્યું, “છોકરીની આંખોમાં આનંદ હતો, તેને ખુશ અને સ્વસ્થ જોવી મારા માટે અદ્ભુત હતી, આવી ક્ષણો મને મારા હેતુ માટે વધુ મહેનત કરવાની પ્રેરણા આપે છે, આ આશીર્વાદ છે જે વ્યક્તિને અહેસાસ કરાવે છે કે એક નાનકડું કાર્ય તે કેટલું મોટું અસર કરી શકે છે.”
લોકોએ સોનુ સૂદની વાતને ઘેરી
એક ટ્વિટર યુઝર @BefittingFacts એ ખુલાસો કર્યો કે બાઇક નંબર કોઈપણ વાહન માટે રજીસ્ટર નથી અને બાઇક નંબર પણ એડિટ કરવામાં આવ્યો છે.
Hello @APPOLICE100@MTPHereToHelp, This Bike is not registered in any motor vehicle and the bike’s number plate in this photo is also edited. Please check and take necessary steps against this fraud Messiah. https://t.co/0gxSPqdVC3
અન્ય એક ટ્વિટર યુઝરે આંધ્રપ્રદેશ પોલીસ, તેલંગાણા પોલીસ અને ભારતના ગૃહ મંત્રાલયને ટૅગ કરીને સોનુ સૂદ સામે પગલાં લેવાનું કહ્યું, જે એક એવા વ્યક્તિની વાત શેર કરી રહ્યો છે જે બાઇક ચલાવી રહ્યો છે તેની આરટીઓ નોંધણી કે કોઈ રેકોર્ડ નથી. .
અન્ય એક સોશિયલ મીડિયા યુઝરે સૂદના ટ્વીટનો જવાબ આપતાં તેને છેતરપિંડી ગણાવી અને એક તસવીર શેર કરી જે દર્શાવે છે કે બાઇકનો રજિસ્ટ્રેશન નંબર સત્તાવાર રેકોર્ડમાં હાજર નથી.
જો કે, આ પહેલીવાર નથી જ્યારે સોનુ સૂદ પર છેતરપિંડી કરવાનો અથવા સોશિયલ મીડિયાનો ઉપયોગ કરીને પોતાને મસીહા તરીકે સ્થાપિત કરવાનો આરોપ લાગ્યો છે . સોશિયલ મીડિયા પર અભિનેતા સોનુ સૂદની આવો અભિનય પણ નવી ઘટના નથી. જ્યારથી કોરોનાવાયરસ મહામારી ત્રાટકી ત્યારથી, અભિનેતાએ પોતાનો મોટાભાગનો સમય પોતાને એક પ્રકારના મસીહા તરીકે રજૂ કરવામાં વિતાવ્યો છે.
પરંતુ, અનેક વખત, સોશિયલ મીડિયા યુઝર્સે ખુલાસો કર્યો છે કે કેવી રીતે ‘દર્દીઓ’ને તકલીફમાં મદદ કરવાનો સૂદનો દાવો પોતાની મસીહા હોવાની ઈમેજ બિલ્ડીંગ સિવાય બીજું કંઈ ન હતું. મે 2021 માં, જ્યારે મેડિકલ ઓક્સિજનની માંગ ચરમસીમાએ હતી, ત્યારે તેમની ટીમે ભાજપના નેતા તેજસ્વી સૂર્યાના કાર્યાલયમાંથી મદદ લીધી હતી , પરંતુ એક નિવેદન બહાર પાડીને ઓક્સિજનની વ્યવસ્થાનો તમામ શ્રેય પોતે લેવાનો પ્રયાસ કર્યો હતો. સપ્ટેમ્બર 2021 માં, IT વિભાગે સૂદ સાથે જોડાયેલા ઘણા સ્થળો પર દરોડા પાડ્યા હતા . સતત ત્રણ દિવસ સુધી શોધખોળ કર્યા બાદ આઇટી વિભાગે જણાવ્યું કે સૂદે રૂ. 20 કરોડથી વધુની ટેક્સ ચોરી કરી છે.
દેશમાં છેલ્લા બે-ત્રણ દિવસથી જીએસટીને લઈને ચર્ચા ચાલે છે ત્યારે એક દાવો એવો પણ કરવામાં આવી રહ્યો છે કે સ્મશાનમાં થતી અંતિમવિધિ માટેની સેવાઓ ઉપર પણ જીએસટી લાગુ કરવામાં આવશે. જોકે, ભારત સરકારે સ્મશાન સેવાઓ પર જીએસટી લાગુ થવાના દાવા કરતા આ તમામ અહેવાલોને ખોટા ઠેરવ્યા છે અને સ્પષ્ટતા કરી છે કે આ દાવા ભ્રામક અને તથ્યહીન છે.
ગત 29 જૂને 47મી જીએસટી કાઉન્સિલની બેઠક બાદ જાહેરાત કરવામાં આવી હતી કે, રસ્તા, પુલ, રેલવે, મેટ્રો, એફ્લુએન્ટ ટ્રીટમેન્ટ પ્લાન્ટ અને સ્મશાન વગેરેના વર્ક કોન્ટ્રાકટ પર લાગુ જીએસટી 12 ટકાથી વધારીને 18 ટકા કરવામાં આવ્યો છે. આ ઘોષણા બાદ અમુક પત્રકારો અને વિપક્ષના નેતાઓએ આનું ઊંધું અર્થઘટન કરીને ફેક ન્યૂઝ ફેલાવ્યા હતા.
અમદાવાદ સ્થિત ન્યૂઝવ્યૂઝ ડોટ કોમના એડિટર અને ગુજરાતના જાણીતા પત્રકાર ડૉ. ધીમંત પુરોહિતે 18 જુલાઈના રોજ એક ટ્વિટ કર્યું હતું અને જેમાં દાવો કરવામાં આવ્યો હતો કે સ્મશાન સેવાઓ પર 18 ટકા જીએસટી લાગુ પડશે. જોકે, હવે તેમની પ્રોફાઈલ પર આ ટ્વિટ દેખાઈ રહ્યું નથી.
આ ઉપરાંત, અખબાર ગુજરાત સમાચાર જૂથની ચેનલ GSTVના ફેસબુક પેજ પરથી પણ ભ્રામક સમાચારો શૅર કરવામાં આવ્યા હતા. જેમાં લખ્યું હતું કે, ‘સરકાર મર્યા બાદ પણ શાંતિથી સળગવા નહીં દે, લાકડા પર 18 ટકા જીએસટી. જે બાદ પોસ્ટમાં લોકોના ખભે બંદૂક ફોડી સરકારને આડેહાથ લેવાના પ્રયત્ન કરવામાં આવ્યા હતા.
ત્યારબાદ કર્ણાટકના કોંગ્રેસ ધારાસભ્ય પ્રિયાંક ખડગેએ પણ એક ટ્વિટ કરીને ભાજપ સરકાર અને પીએમ મોદી પર કટાક્ષ કર્યો હતો અને કહ્યું હતું કે, ભાજપ સરકાર તમને શાંતિથી મરવા પણ નહીં દે. આ સાથે તેમણે એક ન્યૂઝ આર્ટિકલ શૅર કર્યો હતો. જોકે, તે લેખમાં પણ સ્પષ્ટપણે ઉલ્લેખ કરવામાં આવ્યો હતો કે સેવાઓ પર નહીં પરંતુ બાંધકામના કોન્ટ્રાક્ટ પર જીએસટી લાગુ કરવામાં આવશે.
BJP Govt won’t even allow you to die peacefully. 18% GST on crematorium.
સોશિયલ મીડિયા પર આ ખોટા સમાચાર વાયરલ થયા બાદ ભારત સરકાર તરફથી સ્પષ્ટતા કરવી પડી હતી. પ્રેસ ઇન્ફોર્મેશન બ્યુરોના ફેક્ટચેકિંગ માટેના ટ્વિટર હેન્ડલ પરથી આ અંગે સ્પષ્ટતા કરવામાં આવી હતી. પીઆઈબીએ જણાવ્યું કે, સ્મશાન કે શબઘરની સેવાઓ ઉપર કોઈ જીએસટી લાગુ કરવામાં આવ્યો નથી અને આ દાવા ભ્રામક છે. એ પણ જણાવવામાં આવ્યું કે, જીએસટી સેવાઓ પર નહીં પરંતુ બાંધકામના વર્ક કોન્ટ્રાક્ટ પર લાગુ કરવામાં આવશે.
Claim: There will be 18% GST on Crematorium Services.#PIBFactCheck
જીએસટી એક્ટ 2017ના શેડ્યુલ 3ના સેક્શન 7(4) માં આ બાબતોનો ઉલ્લેખ કરવામાં આવ્યો છે. જેમાં સ્પષ્ટપણે જણાવવામાં આવ્યું છે કે અંતિમવિધિ, દફનવિધિ, સ્મશાન કે શબઘરની સેવાઓ તેમજ ટ્રાન્સપોર્ટેશનને જીએસટીમાંથી બાકાત રાખવામાં આવે છે. આ પહેલાં સ્મશાનના બાંધકામના કોન્ટ્રાક્ટ પર 12 ટકા જીએસટી લાગુ કરવામાં આવતો હતો, જે જીએસટી કાઉન્સિલની બેઠકમાં તમામ રાજ્યોની સંમતિથી 18 ટકા કરવામાં આવ્યો છે.
(સાભાર: નાણામંત્રાલય)
જોકે, આ બેઠક બાદ થયેલી જાહેરાતને ફેરવી-તોળીને તેને જુદી રીતે રજૂ કરવામાં આવી હતી. પરંતુ આખરે પીઆઈબીએ સ્પષ્ટતા કરી છે.
આથી, સ્મશાન સેવાઓ પર 18 ટકા જીએસટી લાગુ થશે તેવા દાવા ભ્રામક અને ખોટા ઠરે છે.
ગુજરાત કોંગ્રેસના પ્રદેશ અધ્યક્ષ જગદીશ ઠાકોરે ફરી એક વખત એવું નિવેદન આપી દીધું છે કે જેનાથી કોંગ્રેસ પાર્ટી બેકફૂટ પર આવી ગઈ છે. જગદીશ ઠાકોર અમદાવાદમાં યોજાયેલી ‘સદભાવના સભા’માં સંબોધન કરતાં બોલ્યા હતા કે, ડૉ. મનમોહન સિંહે દેશના સંસાધનો પર પહેલો હક લઘુમતીઓનો હોવાનું કહ્યું હતું, કોંગ્રેસ આજે પણ એ વિચારધારા સાથે જોડાયેલી છે.
‘દેશના સંસાધનો પર પહેલો હક લઘુમતીઓનો છે’ તેવા પૂર્વ વડાપ્રધાન ડૉ. મનમોહન સિંહના નિવેદનને પુનરાવર્તિત કરતાં જગદીશ ઠાકોર કહે છે કે, “ડંકાની ચોટ પર આ દેશના વડાપ્રધાન (મનમોહન સિંહ) કહેતા હતા કે હિંદુસ્તાનની તિજોરી ઉપર પહેલો અધિકાર લઘુમતીઓનો છે. આ દેશનો કોંગ્રેસનો વડાપ્રધાન ડંકાની ચોટ ઉપર બોલતો હતો. એ બોલવાથી કેટલું નુકસાન થયું એ પણ કોંગ્રેસ જાણે છે.”
મુસ્લિમ મતદારોથી ખીચોખીચ ભરેલા હૉલમાં જગદીશ ઠાકોરે પીએમ મોદી કે અન્ય નેતાઓનું નામ લીધા વિના કહ્યું હતું કે, “દિલ્હીમાં બેઠેલા પોપટનો જીવ ગુજરાતમાં છે, અને આપણે આ પોપટની ડોક મરડી નાંખવાની છે.” મંચ પરથી આમ કહેવાતાં જ સભાગૃહમાં તાળીઓ પડવા માંડી હતી. ઉપરાંત, કોંગ્રેસ પ્રમુખ ઠાકોરે એમ પણ કહ્યું કે, લઘુમતી સમાજના 20 હજારથી વધુ વોટ ધરાવતી 60 બેઠકો છે અને તે તમામ બેઠકો પર કોંગ્રેસ આવા કાર્યક્રમો આયોજિત કરવા જઈ રહી છે. આવા કાર્યક્રમોમાં મુસ્લિમોના દરેક ફીરકા અને જમાતને આમંત્રણ આપવા માટે તેમણે અપીલ કરી હતી.
ગુજરાત કોંગ્રેસ પ્રમુખ જગદીશ ઠાકોર આટલેથી અટક્યા ન હતા. તેમણે મુસ્લિમોને મકાનો આપવાનો વાયદો કરતાં કહ્યું કે, “અમદાવાદમાં જ્યાં-જ્યાં લઘુમતી વિસ્તારોમાં ઝૂંપડપટ્ટી છે, જેમની હાલત ખરાબ છે તે વિસ્તારોના નામો લખો અને નક્કી કરો કે કોંગ્રેસની સરકાર લાવીએ અને એક વર્ષમાં 10 માળની બિલ્ડીંગમાં રૂમ રસોડા સાથેના મકાનો કોંગ્રેસ આપશે.”
ડૉ. મનમોહન સિંહે વડાપ્રધાન પદ પર રહીને દેશના સંસાધનો પર પહેલો હક લઘુમતીઓનો હોવાનું કહીને મુસ્લિમ મતો પોતાની તરફ કરવાના પ્રયત્નો કર્યા હતા. આમ પણ મુસ્લિમ તુષ્ટીકરણમાં કોંગ્રેસનો ઇતિહાસ જૂનો રહ્યો છે. હવે, જગદીશ ઠાકોરે પણ એ જ નિવેદનનું પુનરાવર્તન કરીને સ્પષ્ટ કર્યું છે કે કોંગ્રેસ આ વિચારધારાથી જરાય આઘીપાછી થઇ નથી.
ગુજરાતમાં કોંગ્રેસનું પ્રદર્શન સતતને સતત કથળી રહ્યું છે. છેલ્લાં પાંચ વર્ષોમાં કોંગ્રેસ એકેય ચૂંટણીમાં સારું પ્રદર્શન કરી શકી નથી. 2017ની વિધાનસભા ચૂંટણીમાં 65 બેઠકો મેળવ્યા બાદ ત્યારપછીની તમામ ચૂંટણીઓમાં પાર્ટીને નિરાશા જ સાંપડી છે. ત્યારે પાર્ટીએ ફરી તુષ્ટીકરણના સહારે મતો મેળવવાના પ્રયાસો શરૂ કરી દીધા હોય તેમ જણાઈ રહ્યું છે.
અન્ય પાર્ટીઓ પર વિવિધ સમુદાયો વચ્ચે વૈમનસ્ય ફેલાવવાના આરોપ લગાવતી ફરતી કોંગ્રેસે જ હવે તુષ્ટીકરણનું રાજકારણ શરૂ કર્યું છે. લઘુમતી અને ખાસ કરીને મુસ્લિમ મતદારો હંમેશા કોંગ્રેસ પક્ષે રહ્યા છે ત્યારે કોંગ્રેસે આ મતો પોતાની તરફ કરવા માટેના પ્રયત્નો શરૂ કરી દીધા છે.
વધુમાં, જગદીશ ઠાકોરે એમ પણ કહ્યું કે, ડૉ. મનમોહન સિંહના આ નિવેદનથી પાર્ટીને નુકસાન થયું હોવા છતાં તેઓ આ જ વિચારધારાને વરેલા છે! જેથી અહીં પ્રશ્ન એ પણ સર્જાય છે કે શું કોંગ્રેસ હવે હિંદુ મતોની જરૂરિયાત સમજતી નથી? ખેર. ડૉ. મનમોહન સિંહે નિવેદન આપ્યું હતું ત્યારે દેશની રાજકીય પરિસ્થિતિ અલગ હતી, આજે અલગ છે. આજના સમયમાં આવાં નિવેદનોને ફરી જીવતાં કરવા કોંગ્રેસ માટે ફાયદા કરતાં નુકસાનકારક વધુ સાબિત થાય તો નવાઈ નહીં.
દ્વારકા અને શ્રીકૃષ્ણ પર ફિલ્મ આવી રહી છે, આ તેલુગુ ફિલ્મનું નામ છે ‘કાર્તિકેય 2’, જેનું હિન્દી ટીઝર તાજેતરમાં વૃંદાવનના ઇસ્કોન મંદિરમાં રિલીઝ કરવામાં આવ્યું હતું. સામાન્ય રીતે બોલિવૂડમાં આવું થતું નથી, તેથી જ તમે કદાચ ચોંકી જશો. ફિલ્મનું ટીઝર લોન્ચ મંદિરમાં કે તીર્થસ્થળે? આની પાછળ કારણ છે. આપણા સાંસ્કૃતિક અને આધ્યાત્મિક વારસા પરની ફિલ્મો બોલિવૂડમાં બનતી નથી. દ્વારકા અને શ્રીકૃષ્ણ પર ફિલ્મ ‘કાર્તિકેય 2’નો મુખ્ય હીરો નિખિલ સિદ્ધાર્થ છે, જે તેલુગુ સિનેમાના ઉભરતા યુવા કલાકારોમાંનો એક છે.
દ્વારકા અને શ્રીકૃષ્ણ પર ફિલ્મ દ્વારકા અને ભગવાન કૃષ્ણના રહસ્યોને ઉજાગર કરે છે. તેનું નિર્માણ અભિષેક અગ્રવાલ દ્વારા કરવામાં આવ્યું છે, જે ‘ધ કાશ્મીર ફાઇલ્સ’ના નિર્માતા પણ હતા. હવે તે રવિ તેજાની પૈન-ઇન્ડિયા ફિલ્મ ‘ટાઈગર નાગેશ્વર રાવ’ પ્રોડ્યુસ કરી રહ્યા છે. જ્યારે ‘ કાર્તિકેય 2 ‘ ચંદુ મોન્ડેતી દ્વારા નિર્દેશિત છે, આ ફિલ્મમાં અનુપમા પરમેશ્વરન મુખ્ય ભૂમિકામાં છે. અનુપમ ખેર પણ એક પાત્રમાં જોવા મળશે. અમે નિખિલ સિદ્ધાર્થ સાથે ફિલ્મ અને વિવિધ વિષયો પર એક વિશિષ્ટ વાતચીત કરી હતી, જે અમે તમારા માટે શબ્દશ: લાવ્યા છીએ, વાંચો આખો ઈન્ટરવ્યું.
‘કાર્તિકેય 2’ના હીરો નિખિલ સિદ્ધાર્થનો ઈન્ટરવ્યૂઃ બોલિવૂડ અને હિન્દી ભાષાથી લઈને પીએમ મોદી અને ‘ધ કાશ્મીર ફાઇલ્સ’ સુધીની વાત
પ્રશ્ન : તમારી આગામી ફિલ્મ ‘કાર્તિકેય 2’ ની વાર્તા દરિયામાં ડૂબી ગયેલા દ્વારકા શહેરની આસપાસ ફરે છે. આ થીમ પસંદ કરવાનું કારણ શું હતું? તમને આમાં રસ ક્યાંથી પડ્યો?
જવાબ : એ જોઈને ખૂબ જ આશ્ચર્ય થાય છે કે આપણા કેટલાક સાંસ્કૃતિક વારસાને દંતકથા અને કાલ્પનિક તરીકે નકારવામાં આવ્યા છે, જ્યારે અમારી પાસે સ્થાપત્ય અને સ્થાપત્યના રૂપમાં તેમના વિશેના વાસ્તવિક પુરાવા છે. દ્વારકા અને રામ સેતુ ખરેખર અસ્તિત્વ ધરાવે છે, અને આપણે આ અસ્તિત્વને સન્માન આપવાની જરૂર છે. મેં આ થીમ પસંદ કરી છે કારણ કે હું નાનો હતો ત્યારથી ઈતિહાસ/પૌરાણિક કથાઓ મને રોમાંચિત કરતી આવી છે. શ્રી રામ, શિવ અને કૃષ્ણ ભગવાનની વાર્તાઓએ મને હંમેશા આકર્ષિત કર્યો છે.
પ્રશ્ન : તમે વાસ્તવિક જીવનમાં ભગવાન કૃષ્ણ સાથે કેવી રીતે જોડાયેલા છો? તાજેતરમાં તમે ઇસ્કોન મંદિરની મુલાકાત લીધી અને તેના પદાધિકારી રાધા રમણ દાસને મળ્યા. આ બાબતે તમારો અનુભવ શેર કરો.
જવાબ: હું યાદવ સમુદાયમાંથી આવું છું, તેથી મારો પરિવાર હંમેશા મોટા પાયે કૃષ્ણાષ્ટમી (શ્રી કૃષ્ણ જન્માષ્ટમી) ઉજવે છે. આ હંમેશા અમારા પરિવારનો મુખ્ય તહેવાર રહ્યો છે. વૃંદાવન ઈસ્કોન મંદિરમાં રાધા રમણ દાસજીને મળવાથી અને મંદિર પરિસરમાંથી આવતી સકારાત્મક ઉર્જાએ મને ‘કૃષ્ણ તત્વ’ના પ્રેમમાં પાડી દીધો.
પ્રશ્ન : શું તમારી પાસે ‘કાર્તિકેય 2’ વિશે ઉત્તર ભારતીયો માટે કોઈ સંદેશ છે? આ ફિલ્મ જોવા માટે તમે તેમને શું કહેવા માગો છો? તાજેતરમાં ‘RRR’, ‘KGF 2’ અને ‘પુષ્પા’ જેવી ફિલ્મો હિન્દી બેટમાં મોટી હિટ બની છે, પરંતુ, આ બધી એક્શન ફિલ્મો હતી. જ્યારે, તમે પસંદ કરેલ જોર્ન અલગ છે.
જવાબ : હું ‘એક ભારત અને એક ફિલ્મ ઉદ્યોગ’ના કોન્સેપ્ટમાં દ્રઢપણે માનું છું. ઉપર જણાવેલ ત્રણેય ફિલ્મો એક્શનથી ભરપૂર હતી અને ‘કાર્તિકેય 2’માં પણ કેટલાક રોમાંચક એક્શન સિક્વન્સ અને શાનદાર VFX છે, જે ફિલ્મ જોવાના અનુભવને ઉચ્ચ સ્તરે લઈ જશે. અમે જે શૈલી વિશે વાત કરી રહ્યા છીએ તે છે – ભગવાન કૃષ્ણના જીવન સાથે સંબંધિત રહસ્યો અને તથ્યોની, અને તેઓ ખરેખર કોણ હતા – જે આજ સુધી કવર કરવામાં આવ્યા નથી.
પ્રશ્ન : શું તમને લાગે છે કે ભારતીય ફિલ્મ ઉદ્યોગ, ખાસ કરીને બોલીવુડ, આપણી પ્રાચીન સંસ્કૃતિ અને પુરાતત્વ બતાવવામાં પાછળ રહી ગયું છે? તમને શું લાગે છે કે આપણા ઐતિહાસિક અને આધ્યાત્મિક વિષયો પર ફિલ્મો ન બની તેની પાછળનું કારણ શું છે?
જવાબઃ હું પોતે હિન્દી ફિલ્મો જોઈને મોટો થયો છું. શાહરૂખ ખાન મારો ફેવરિટ એક્ટર હતો અને હું સ્કૂલમાં કે રોજબરોજના જીવનમાં તેની નકલ કરતો હતો. જો કે, તાજેતરના ભૂતકાળમાં, બોલીવુડના દિગ્દર્શકોની કેટલીક ફિલ્મો આપણી સંસ્કૃતિને બદનામ કરવા અને રાષ્ટ્રની લાગણીઓને ઠેસ પહોંચાડવા તરફ વળી છે. આ સાચો માર્ગ નથી અને તેને અનુસરવું પણ યોગ્ય નથી. પરંતુ, મને હજુ પણ મેઈનસ્ટ્રીમ બોલિવૂડ મૂવી જોવાનું ગમે છે અને તાજેતરમાં મેં થિયેટરોમાં ‘ભૂલ ભુલૈયા 2’ અને ‘ધ કાશ્મીર ફાઇલ્સ’ જોઈ.
પ્રશ્ન : તાજેતરમાં મહેશ બાબુએ કહ્યું હતું કે હિન્દી ફિલ્મ ઈન્ડસ્ટ્રીને તેઓ પોસાય તેમ નથી. તે જ સમયે અલ્લુ અર્જુને કહ્યું કે જો બોલિવૂડમાં કામ કરવાની જરૂર પડશે તો તે તેના માટે બધું આપી દેશે. તમે આમાંથી કોની સાથે સહમત છો? કે પછી બોલિવૂડમાં કામ કરવા અંગે તમારો અલગ મત છે?
જવાબ : મહેશ બાબુ દેવતા જેવા છે અને તેમના ચાહકો તેમને શાબ્દિક રીતે પૂજે છે. તેણે મજાકમાં એક વાત કહી, જે સંદર્ભની બહાર લેવામાં આવી હતી. શક્ય તેટલા દર્શકો સુધી પહોંચવાનું દરેક અભિનેતાનું સપનું હોય છે. સાચો સંદેશ આપતી મારી ફિલ્મો વધુમાં વધુ દર્શકો સુધી પહોંચે તે માટે હું મારું સર્વસ્વ આપીશ. આથી હું ઈચ્છું છું કે વધુને વધુ દર્શકો ‘કાર્તિકેય 2’ની વાર્તાનો આનંદ માણે. આ આપણા સનાતન ધર્મ અને ભગવાન શ્રી કૃષ્ણની કથા છે.
પ્રશ્ન : ‘કાર્તિકેય 2’ અભિષેક અગ્રવાલ દ્વારા નિર્મિત છે. તે એ જ વ્યક્તિ છે જેણે ‘ધ કાશ્મીર ફાઇલ્સ’નું નિર્માણ કર્યું હતું. તે બ્લોકબસ્ટર ફિલ્મ સાબિત થઈ. કાશ્મીરી પંડિતોની દુર્દશા અંગે તમારો શું અભિપ્રાય છે?
જવાબ : નરસંહાર એ શરમજનક બાબત છે. ‘ધ કાશ્મીર ફાઇલ્સ’ આવી જ એક ફિલ્મ છે, જે કાશ્મીરી પંડિતોને આખરે ન્યાય મળે છે તેવી ભયાનકતાનું હિંમતપૂર્વક ચિત્રણ કરે છે. તેમજ તેના વિશે જાગૃતિ ફેલાય, જેથી આવી ભયંકર ઘટનાઓ ફરી ન બને. અભિષેક અગ્રવાલજી પાસે ‘ધ કાશ્મીર ફાઇલ્સ’ બનાવવાની હિંમત અને હૃદય હતું. મને ખુશી છે કે તેમણે અમારી ફિલ્મ ‘કાર્તિકેય 2’ નું બીડું ઉઠાવ્યું, જે આપણા દેવી-દેવતાઓ, રાષ્ટ્રીય ધરોહર અને હિન્દી વાસ્તુકલા ચમત્કારના દબાવી દેવામાં આવેલા વધુ એક મહત્વપૂર્ણ મુદ્દાને ઉઠાવે છે.
જવાબ : આ પ્રશ્નનો જવાબ આપવો મુશ્કેલ છે, પરંતુ તેલુગુમાં પવન કલ્યાણ, તમિલમાં વિજય સર, મલયાલમમાં મોહનલાલ સર, કન્નડમાં સ્વ. પુનીત રાજકુમાર અને હિન્દીમાં કાયમ શાહરૂખ ખાન.
પ્રશ્ન : તાજેતરમાં કિચા સુદીપ અને અજય દેવગન વચ્ચે વિવાદ થયો હતો. જ્યાં એકે કહ્યું કે હિન્દી આપણી રાષ્ટ્રભાષા નથી, તો બીજાએ પૂછ્યું કે તમે તમારી ફિલ્મોને હિન્દીમાં જ ડબ કેમ કરો છો? આ ભાષા સંઘર્ષ અંગે તમારો શું અભિપ્રાય છે? તમારા મત મુજબ કઈ ભાષા ભારતને એક કરી શકે છે?
જવાબ : આપણા દેશની સૌથી વિશેષ સુંદરતા એ વિવિધતામાં એકતા અને ઘણી બધી ભાષાઓ છે. કોઈ એક ભાષાને ક્યારેય રાષ્ટ્રભાષા બનાવી શકાતી નથી. પરંતુ, હું એ હકીકત સાથે સહમત છું કે મેં મારી પ્રથમ ભાષા તરીકે હિન્દી શીખી છે, જેથી મોટી સંખ્યામાં લોકો સાથે વાતચીત કરવાનું સરળ બને. એ જ રીતે દરેક ભાષાને આપણી ભાવિ પેઢીઓ માટે આદર અને સાચવવો જોઈએ.
પ્રશ્ન : શું અમે તમારા આગામી પ્રોજેક્ટ વિશે જાણી શકીએ? તમે જે મૂવીઝનું શૂટિંગ કરી રહ્યાં છો અથવા તેના વિશે વાત કરી રહ્યાં છો.
જવાબઃ હું પ્રતિષ્ઠિત પ્રોડક્શન હાઉસ ‘ગીતા આર્ટ્સ’ સાથે ’18 પેજીસ’ નામની ફિલ્મ કરી રહ્યો છું. આ ઉપરાંત, હું એક્શન એક્સ્ટ્રાવેગેન્ઝા ‘SPY’માં પણ જોવા મળીશ, જેનું નિર્માણ ‘ED એન્ટરટેઈનમેન્ટ્સ’ દ્વારા કરવામાં આવી રહ્યું છે. આ ફરી એક બહુભાષી ફિલ્મ હશે.
પ્રશ્ન : ઘણી વખત વડાપ્રધાન નરેન્દ્ર મોદીએ આપણા રાષ્ટ્રીય વારસાને આંતરરાષ્ટ્રીય સ્તરે લોકપ્રિય બનાવવા માટે સતત પ્રયાસો કર્યા છે. જેમ જેમ તેમણે ચીનના રાષ્ટ્રપતિ શી જિનપિંગને તમિલનાડુના મલ્લપુરમમાં આમંત્રિત કર્યા, તેમણે તાજેતરમાં તેલંગાણાના મુચિંતલમાં સંત રામાનુજાચાર્યની ‘સ્ટેચ્યુ ઓફ ઈક્વાલિટી’નું ઉદ્ઘાટન કર્યું. તમે તેમના પ્રયત્નોને કેવી રીતે જુઓ છો? પીએમ મોદી વિશે તમારું શું માનવું છે?
જવાબઃ નરેન્દ્ર મોદી દરેક માટે પ્રેરણારૂપ છે. ચા વેચતી એક સાદી-સરળ વ્યક્તિ પણ વિશ્વની સૌથી મજબૂત વ્યક્તિત્વ બની શકે છે. ‘મેક ઇન ઇન્ડિયા’ અને ‘આત્મનિર્ભર ભારત’ તરફના તેમના તમામ પ્રયાસો અદ્ભુત ઉપક્રમો છે. જો કે, મને સૌથી વધુ ખુશી ત્યારે થશે જ્યારે સરકાર રામ સેતુ અને દ્વારકાની જાળવણીના મુદ્દાઓ પર કામ કરશે અને તેમને તાજમહેલ જેવા ‘દુનિયાનું સાંસ્કૃતિક અજાયબી’ આકર્ષણ બનાવશે.
ઓલ્ટ ન્યૂઝના સહ-સ્થાપક મોહમ્મદ ઝુબેરને ઉત્તર પ્રદેશમાં નોંધાયેલા કેસોમાં આજે (20 જુલાઈ) સુપ્રીમ કોર્ટે જામીન આપ્યા છે. જસ્ટિસ ડીવાય ચંદ્રચુડની બેન્ચે આ કેસની સુનાવણી દરમિયાન આ નિર્ણય આપ્યો હતો. કોર્ટે કહ્યું કે જ્યારે યુપી પોલીસમાં એફઆઈઆર અને દિલ્હી પોલીસની એફઆઈઆરની ગંભીરતા સમાન હોય ત્યારે પણ અરજદારને સતત કસ્ટડીમાં રાખવા યોગ્ય નથી. ઝુબૈરના ઉશ્કેરણીજનક ટ્વિટ્સથી દેશનો માહોલ બગડ્યો હતો.
Justice DY Chandrachud: There is no justification to keep the petitioner in continued detention especially since the gravamen of allegations in UP FIRs is similar to that in Delhi police FIR@AltNews#Zubairarrest#SupremeCourt
નોંધનીય છે કે સુપ્રીમ કોર્ટે આ નિર્ણય ઝુબેરની અરજીની સુનાવણી દરમિયાન આપ્યો હતો. આ અરજીમાં ઝુબૈરે માંગ કરી હતી કે યુપીમાં તેની સામેની તમામ એફઆઈઆર રદ કરવામાં આવે. તેમજ તેની અરજી પર નિર્ણય ન આવે ત્યાં સુધી તેને વચગાળાના જામીન મળી ગયા હતા.
ટ્વીટ કરવા માટે 2 કરોડ રૂપિયા લીધા હોવાનું સ્વીકાર્યું
ઉત્તર પ્રદેશ સરકાર તરફથી હાજર રહેલા વકીલે ઝુબૈરની આ અરજીનો વિરોધ કર્યો હતો. તેણે કોર્ટને કહ્યું છે કે ઝુબૈર તેના ટ્વિટ માટે પૈસા વસૂલતો હતો અને શુક્રવારે લોકોને ઉશ્કેરતો હતો અને સાંપ્રદાયિક હિંસા ફેલાવતો હતો.
Garima Parshad: He has admittedly received 2 crores in funds for these venomous tweets. Mohammad Zubair has been taking advantage of speeches, debates etc in order to take advantage of creating a communal divide. #MohammadZubair
તેણે કહ્યું કે ઝુબૈરે સ્વીકાર્યું છે કે તેને એક ટ્વીટ માટે 12 લાખ રૂપિયા અને એક માટે 2 કરોડ રૂપિયા મળ્યા છે. મોહમ્મદ ઝુબેર ભાષણો, ડિબેટ્સ વગેરેનો લાભ ઉઠાવીને સાંપ્રદાયિક વિભાજન કરી રહ્યો હતો.
ઝુબૈરના ઉશ્કેરણીજનક ટ્વિટ્સના પેમ્ફલેટ જુમ્માની નમાજ બાદ વહેંચાતા
ઉત્તર પ્રદેશ સરકારે બુધવારે સુપ્રીમ કોર્ટમાં એ દલીલ પણ કરી હતી કે 26 મેના રોજ ન્યૂઝ ડિબેટના દિવસો પછી Alt ન્યૂઝના સહ-સ્થાપક મોહમ્મદ ઝુબૈરના ઉશ્કેરણીજનક ટ્વીટ્સ શુક્રવારની નમાજ પછી પેમ્ફલેટ તરીકે વહેંચવામાં આવી હતી.
Garima Parshad: Subsequent to the TV debate on may 26, 2022, on June 5th and 6th he has shown that the people from all over the world are supporting then why aren’t you coming forward to protest. These tweets were circulated as PAMPHLETS after Friday prayers. #MohammedZubair
“26 મે, 2022 ના રોજ ટીવી ડિબેટ પછી, 5 અને 6 જૂને તેણે બતાવ્યું કે વિશ્વભરના લોકો સમર્થન કરી રહ્યા છે તો પછી તમે વિરોધ કરવા માટે આગળ કેમ નથી આવી રહ્યા. આ ટ્વીટ્સ શુક્રવારની પ્રાર્થના પછી પેમ્ફલેટ તરીકે પ્રસારિત કરવામાં આવી હતી, ” ભારતની સર્વોચ્ચ અદાલતમાં ઉત્તર પ્રદેશ રાજ્યના એડિશનલ એડવોકેટ જનરલ (એએજી) ગરિમા પાર્ષદે જણાવ્યું હતું.
કોંગ્રેસ જોવા માંગેછે ઈમરજન્સી, કોંગ્રેસે બોલિવૂડ અભિનેત્રી કંગના રણોતની આગામી ફિલ્મ ઈમરજન્સી સામે વાંધો ઉઠાવ્યો છે. કોંગ્રેસે ફિલ્મના નિર્માતા-નિર્દેશકને ઇમરજન્સી ફિલ્મ રિલીઝ પહેલા તેમને બતાવવાની માંગ કરી છે. કોંગ્રેસ જોવા માંગેછે ઈમરજન્સી કારણકે કોંગ્રેસનું માનવું છે કે આ ફિલ્મમાં પૂર્વ વડાપ્રધાનની છબી ખરાબ કરવાનો પ્રયાસ કરવામાં આવ્યો છે. મધ્ય પ્રદેશ કોંગ્રેસના મીડિયા વિભાગના ઉપાધ્યક્ષ સંગીતા શર્માએ તો કંગના રનૌતને બીજેપીની એજન્ટ ગણાવી હતી . આ અંગે, બીજેપીએ કથિત રીતે કહ્યું કે કોંગ્રેસે ફિલ્મ સામે વાંધો ઉઠાવ્યો છે કારણ કે તેઓ નર્વસ છે.
કંગના રણોત ફિલ્મ ઈમરજન્સીમાં ઈન્દિરા ગાંધીનું પાત્ર ભજવતી જોવા મળશે. આ ફિલ્મ 1975માં પૂર્વ વડાપ્રધાન ઈન્દિરા ગાંધી દ્વારા દેશમાં ઈમરજન્સીની ઘોષણા પર આધારિત છે. ભારતમાં 25 જૂન 1975 થી 21 માર્ચ 1977 સુધી એટલે કે 21 મહિના માટે કટોકટી લાદવામાં આવી હતી.
હાલમાં જ કંગનાએ ફિલ્મ ‘ઇમરજન્સી’નું ફર્સ્ટ લુક અને ટીઝર રિલીઝ કર્યું હતું . કંગના રણોત ફિલ્મ ‘ઇમરજન્સી’ના ફર્સ્ટ લુકમાં બિલકુલ ઇન્દિરા ગાંધી જેવી જ દેખાય છે. ફિલ્મમાં અભિનયની સાથે કંગના તેને પ્રોડ્યુસ પણ કરી રહી છે. આટલું જ નહીં ફિલ્મ ડાયરેક્ટર પણ તે પોતેજ છે. આ ફિલ્મ તેના પ્રોડક્શન હાઉસ મણિકર્ણિકા ફિલ્મ્સના બેનર હેઠળ બની રહી છે. ખાસ વાત એ છે કે કંગનાએ પોતે ફિલ્મ ‘ઇમરજન્સી’ લખી પણ છે. એકંદરે તેને કંગનાની ફિલ્મ કહેવું ખોટું નથી. કોંગ્રેસ આવનાર ફિલ્મનો વિરોધ કરતી જોવા મળી રહી છે ત્યારે બીજી તરફ બીજેપીએ કહ્યું કે કોંગ્રેસે ફિલ્મ સામે વાંધો ઉઠાવ્યો છે કારણ કે તેઓ નર્વસ છે.
નોંધનીય છે કે, 25 જૂન, 1975 ની રાત્રે, દેશવાસીઓ પર અચાનક અને કારણ વગર કટોકટી લાદવામાં આવી હતી . ચોક્કસપણે આ દુર્ઘટનાને ભારતીય લોકશાહીનો કાળો અધ્યાય કહી શકાય. ઈમરજન્સી દરમિયાન આખો દેશ એક વિશાળ જેલખાનામાં ફેરવી દેવામાં આવ્યો હતો. 25 જૂન, 1975ની સવારે ઓલ ઈન્ડિયા રેડિયો પર તત્કાલિન વડાપ્રધાન ઈન્દિરા ગાંધીના અવાજમાં પ્રસારિત થયેલો સંદેશ આખા દેશે સાંભળ્યો. આ સંદેશમાં ઈન્દિરા ગાંધીએ કહ્યું હતું કે “ભાઈઓ અને બહેનો! રાષ્ટ્રપતિએ કટોકટીની સ્થિતિ જાહેર કરી છે. પરંતુ સામાન્ય લોકોએ તેનાથી ડરવાની જરૂર નથી.”
સ્મૃતિ ઈરાનીએ રાહુલ ગાંધીપર આકરા પ્રહારો કર્યા હતા, કેન્દ્રીય મહિલા અને બાળ વિકાસ મંત્રી સ્મૃતિ ઈરાનીએ બુધવારે (20 જુલાઈ, 2022) વિપક્ષના હોબાળાને કારણે સંસદના બંને ગૃહોમાં કાર્યવાહી વારંવાર સ્થગિત કર્યા પછી કોંગ્રેસના નેતા રાહુલ ગાંધી પર આકરા પ્રહારો કર્યા. કેન્દ્રીય મંત્રી સ્મૃતિ ઈરાનીએ રાહુલ ગાંધીને રાજનૈતિક રૂપથી વગર કામના કહેતા કહ્યું કે, તેઓ સંસદની ઉત્પાદકતા ઓછી કરવા માટે તનતોડ મહેનત કરી રહ્યા છે
Rahul Gandhi who is politically unproductive should not dare to bring down productivity of Lok Sabha: Smriti Irani
કોંગ્રેસ નેતા રાહુલ ગાંધી પર આકરા પ્રહાર કરતાં સ્મૃતિ ઈરાનીએ કહ્યું હતું કે, રાહુલ ગાંધીએ અમેઠીના સાંસદ તરીકે સંસદમાં કોઈ પ્રશ્ન પૂછ્યો ન હતો અને જ્યારે તેઓ અમેઠી છોડીને વાયનાડ ગયા ત્યારે 2019ના શિયાળુ સત્રમાં સંસદમાં તેમની હાજરી માત્ર 40 ટકા હતી. કોંગ્રેસ નેતાએ સંસદમાં કોઈ ખાનગી બિલ રજૂ કર્યું નથી. હવે તે સંસદની ઉત્પાદકતા ઘટાડવા માંગે છે. જેઓ રાજકીય રીતે નિષ્ફળ રહ્યા છે, તેઓ સંસદમાં ચર્ચા થવા દેવા માંગતા નથી. તેમનું કામ માત્ર સંસદમાં અવરોધ સર્જવાનું જ રહ્યું છે. રાહુલ ગાંધીનું સમગ્ર રાજકીય જીવન સંસદીય પરંપરાનો અનાદર કરવામાં પસાર થયું છે.
કેન્દ્રીય મંત્રીએ કહ્યું, “લોકો ઈચ્છે છે કે તે મુદ્દાઓ અને વિષયો પર સંસદમાં ચર્ચા થવી જોઈએ જે ભારતના દરેક નાગરિક માટે મહત્વપૂર્ણ રાહુલ ગાંધીનો રાજકીય ઈતિહાસ એ વાત થી પણ પ્રતિબિંબિત થઇ શકે છે કે તેઓ ક્યારે દેશમાં છે અને ક્યારે દેશની બહાર. તેઓ પોતાની પાર્ટીમાં ચિંતાનો વિષય બની જાય છે.”
વધુમાં સ્મૃતિ ઈરાનીએ કહ્યું હતું કે, “રાહુલ ગાંધીએ ક્યારેય સંસદમાં સવાલો પૂછ્યા નથી, હંમેશા સંસદની કાર્યવાહીનું અપમાન કર્યું છે.” તેમણે કોંગ્રેસના નેતા રાહુલ ગાંધીને સંસદમાં ગતિરોધ સર્જવાના કિંગપિન ગણાવ્યા.
રાહુલ ગાંધી પર સીધો પ્રહાર કરતા કેન્દ્રીય મંત્રી સ્મૃતિ ઈરાનીએ કહ્યું કે, “હું તેમને કહેવા માંગુ છું કે તેઓ ભલે રાજકીય રીતે કોઈ કામના ન હોય. પરંતુ તેમણે સતત સંસદની ઉત્પાદકતા પર અંકુશ લગાવવાનું દુસ્સાહસ ન કરવું જોઈએ.”
નોંધનીય છે કે ચોમાસુ સત્ર 12 ઓગસ્ટ સુધી ચાલશે. આ સત્રમાં મોદી સરકાર 24 બિલ પાસ કરાવવા માંગે છે. તે જ સમયે, વિપક્ષ સતત હંગામો અને ધરણાંમાં વ્યસ્ત છે. મંગળવારે (19 જુલાઈ, 2022), ચોમાસુ સત્રના બીજા દિવસે, વિપક્ષે મોંઘવારી અને આવશ્યક ચીજવસ્તુઓ પર GSTમાં 5 ટકાના વધારાના વિરોધમાં મહાત્મા ગાંધીની પ્રતિમા સામે પ્રદર્શન કર્યું. આ સાથે જ વિપક્ષના આ વિરોધમાં રાહુલ ગાંધી પણ જોડાયા હતા.
ઉલ્લેખનીય છે કે સંસદનું ચોમાસુ સત્ર 18 જુલાઈથી શરૂ થઈ ગયું છે પરંતુ વિપક્ષના હોબાળાને કારણે બંને ગૃહોની કાર્યવાહી વારંવાર સ્થગિત કરવામાં આવી રહી છે. જ્યારે પીએમ મોદીએ વિપક્ષને શાંતિ જાળવવા અને રચનાત્મક ચર્ચામાં ભાગ લેવાની અપીલ કરી છે, ત્યારે વિપક્ષો જીએસટી, મોંઘવારી, અગ્નિપથ યોજના પર ચર્ચાની માંગ સાથે વિરોધ કરી રહ્યા છે.
પાકિસ્તાનમાં અમેરિકન ટિકટોકરપર ગેંગરેપ કરવાની ઘટના સામે આવી છે, પાકિસ્તાનમાં અમેરિકન મહિલા સાથે ગેંગરેપની ઘટના સામે આવી છે. બીજી તરફ ઇસ્લામાબાદ રોડ પરથી બુરખા પહેરેલી મહિલાને દબોચવાનો વીડિયો સામે આવ્યો છે. પાકિસ્તાનમાં અમેરિકન ટિકટોકરપર ગેંગરેપ અને મહિલાને પ્રતાડિત કરાતો વિડીયો વાયરલ થયા બાદ પાકિસ્તાની કાયદા વ્યવસ્થા પર સવાલો ઉભા થઇ રહ્યા છે.
પીડિત અમેરિકન મહિલા TikTok કન્ટેન્ટ ક્રિએટર છે. તે ડેરા ગાઝી ખાનના પર્યટન સ્થળ ફોર્ટ મુનરો ગઈ હતી. અહીં તેની સાથે હોટલમાં ગેંગરેપ કરવામાં આવ્યો હતો. પાકિસ્તાની મીડિયા અનુસાર બે આરોપીઓની ધરપકડ કરવામાં આવી છે. ડેપ્યુટી કમિશનર મુહમ્મદ અનવરના જણાવ્યા અનુસાર, ઘટનાના આઠ કલાકમાં બંને શકમંદોની ધરપકડ કરવામાં આવી હતી. મુખ્ય શંકાસ્પદ મુઝામિલ શહઝાદ ગાઈડ તરીકે કામ કરે છે.
બળાત્કાર પીડિતાએ પોતાના નિવેદનમાં કહ્યું છે કે તે 17 જુલાઈની રાત્રે ફોર્ટ મનરો હોટલમાં રોકાઈ હતી, જ્યારે શહેઝાદ અને તેના સાથીઓએ બળાત્કારની ઘટનાને અંજામ આપ્યો હતો. વિદેશી મહિલાનો આરોપ છે કે તેઓએ બળાત્કારનો વીડિયો પણ બનાવ્યો હતો. પાકિસ્તાનના પંજાબ પ્રાંતના મુખ્યમંત્રી હમઝા શાહબાઝે આ ઘટનાની નોંધ લીધી છે અને પ્રાંતના ઉચ્ચ પોલીસ અધિકારીઓ પાસેથી રિપોર્ટ માંગ્યો છે. મુખ્યમંત્રીએ કહ્યું કે દોષિતોને કાયદા મુજબ સજા કરવામાં આવશે અને પીડિતને કોઇપણ કિંમતે ન્યાય આપવામાં આવશે.
— Ehtesham Ali Abbasi⚔ (@ehtashamabbasi) July 17, 2022
આ પહેલા બુરખો પહેરેલી એક મહિલાને રોડ પર પાછળથી દબોચવાનો વીડિયો વાયરલ થયો હતો. વીડિયોમાં બુરખો પહેરેલી મહિલા રાત્રે રસ્તા પર એકલી જતી જોવા મળે છે. આ દરમિયાન પાછળથી એક વ્યક્તિ આવે છે અને તેને પકડી લે છે. મહિલાએ બૂમો પાડતાં તે વ્યક્તિ ભાગી ગયો હતો. હજુ સુધી આ વ્યક્તિની ઓળખ થઈ શકી નથી.
નોંધનીય છે કે પાકિસ્તાનમાં દર વર્ષે મહિલાઓ અને બાળકો વિરુદ્ધ અપરાધની ઘટનાઓ વધી રહી છે. સ્થિતિ એવી છે કે પંજાબ પ્રાંતમાં મહિલાઓ અને બાળકો સામે વધતી જાતીય હિંસા બાદ જૂન 2022માં કટોકટીની સ્થિતિ જાહેર કરવામાં આવી હતી. પંજાબના ગૃહપ્રધાન અત્તા તરરે કહ્યું હતું કે તેમને આ કરવાની ફરજ પડી હતી કારણ કે મહિલાઓ અને બાળકો વિરુદ્ધના ગુનાઓ સમાજ અને સરકાર બંને માટે ચિંતાજનક છે.
શ્રીલંકાના છ વખતના વડા પ્રધાન રાનીલ વિક્રમસિંઘે બુધવારે નિર્ણાયક રીતે ગોટાબાયા રાજપક્ષેના સ્થાને શ્રીલંકાના નવા રાષ્ટ્રપતિ તરીકે ચૂંટાયા હતા, જેમણે કટોકટીગ્રસ્ત દેશમાંથી ભાગી ગયા હતા અને ગયા અઠવાડિયે રાજીનામું આપ્યું હતું. શ્રીલંકાના નવનિયુક્ત રાષ્ટ્રપતિ રાનિલ વિક્રમસિંઘેના જણાવ્યા અનુસાર દેશ મુશ્કેલ સ્થિતિમાં છે અને તેમની આગળ નોંધપાત્ર મુશ્કેલીઓ છે.
ત્રિકોણીય સંસદીય મતદાનમાં વિક્રમસિંઘેને 134 મત મળ્યા, જેમાં તેમના મુખ્ય પ્રતિસ્પર્ધી દુલ્લાસ અલાહાપેરુમાને 82 અને સમાજવાદી ઉમેદવાર અનુરા દિસાનાયકેને માત્ર ત્રણ મત મળ્યા હતા. આમ તેમને પ્રથમ પસંદગીઓ પર જબરજસ્ત બહુમતી મળી હતી.
આગામી રાષ્ટ્રપતિને રાજપક્ષેનો કાર્યકાળ પૂર્ણ કરવાની સત્તા આપવામાં આવશે, જે નવેમ્બર 2024 માં સમાપ્ત થાય છે. શ્રીલંકાની સંસદે 44 વર્ષમાં પ્રથમ વખત સીધી રીતે રાષ્ટ્રપતિની પસંદગી કરી. મોટા ભાગના રાષ્ટ્રપતિઓ 1982, 1988, 1994, 1999, 2005, 2010, 2015 અને 2019 માં રાષ્ટ્રપતિની ચૂંટણીઓમાં લોકપ્રિય મત દ્વારા ચૂંટાયા હતા.
રાનિલ વિક્રમસિંઘેનો સત્તામાં ઉદય અસાધારણ રહ્યો છે. તેઓ અગાઉ બે વખત રાષ્ટ્રપતિ પદ માટે અસફળ રહ્યા હતા, પરંતુ યુનાઈટેડ નેશનલ પાર્ટીના વડા તરીકે માત્ર એક જ બેઠક ધરાવતા હોવા છતાં, તેમને સંસદસભ્યોમાં પૂરતા મત મળ્યા હતા. વિક્રમસિંઘે તાજેતરમાં ઇન્ટરનેશનલ મોનેટરી ફંડ (IMF) સાથે પણ વાટાઘાટો કરી છે અને ભારત જેવા મહત્વના દાતા દેશો સાથે કામ કરી રહ્યા છે.
નવા રાષ્ટ્રપતિનું પહેલું સંબોધન
સંસદને સંબોધતા, શ્રીલંકાના નવા ચૂંટાયેલા રાષ્ટ્રપતિ વિક્રમસિંઘેએ “આગળના માર્ગે આગળ વધવા” માટે એકતા માટે હાકલ કરી છે. છ વખતના વડા પ્રધાને અન્ય ઉમેદવારો તેમજ વિપક્ષોને દેશની કટોકટીનો સામનો કરવા સાથે મળીને કામ કરવા હાકલ કરી હતી.
“આર્થિક રીતે દેશની સ્થિતિ કેટલી ખરાબ છે તે કહેવું જરૂરી નથી,” તેમણે કહ્યું. “આપણે આગળ વધવા માટે એક નવો પ્રોગ્રામ શરૂ કરવો પડશે. હવે હું દરેકને આપણા આગળના માર્ગ માટે ચર્ચા કરવા માટે સાથે જોડાવા વિનંતી કરું છું,” તેમણે કહ્યું હતું.
નવા રાષ્ટ્રપતિ મળ્યા બાદ પણ શ્રીલંકામાં વિરોધ થોભવાનો નથી
કોલંબોથી આવતા અહેવાલ અનુસાર, સંસદ દ્વારા વિક્રમસિંઘે નવા રાષ્ટ્રપતિ તરીકે ચૂંટાયા બાદ પણ વ્યાપક અશાંતિની અપેક્ષા છે, કેમ કે તે શક્તિશાળી રાજપક્ષે પરિવાર સાથે નજીકથી જોડાયેલા છે.
સ્વાભાવિક રીતે, ઘણા પ્રદર્શનકારીઓ માની રહ્યા છે કે રાજપક્ષે પરિવાર હજુ પણ પડદા પાછળ રહીને સત્તાની દોરી પોતાની પાસે જ રાખવાનો છે.આ જ એક કારણ છે કે (વિક્રમસિંઘે) કેવી રીતે દેશમાં સર્વોચ્ચ સ્થાને પહોંચ્યા તે અંગે પ્રદર્શનકારીઓમાં ઘણો ગુસ્સો અને હતાશા છે.
સૂત્રો મુજબ પ્રદર્શનકારીઓ પોતાના રાષ્ટ્રપતિની ચૂંટણી પર ગઈકાલથી નજર રાખીને બેઠા હતા અને હવે પરિણામ જાહેર થયા બાદ એવું નથી લાગી રહ્યું કે તેઓ પ્રદર્શનસ્થળ ખાલી કરવાના કોઈ મૂડમાં હોય.
