Friday, September 20, 2024
More
    Home Blog Page 1041

    મોહમ્મદ પયગંબર અને આયેશાના નિકાહ અંગે સાઉદીના મૌલાનાએ કહ્યું- વાત સો ટકા સત્ય, એ જ નિવેદન બદલ નૂપુર શર્માને મળી હતી ધમકીઓ

    ઑપઇન્ડિયા સ્ટાફ
    -
    0
    મોહમ્મદ પયગંબર અને આયેશાના નિકાહ અંગે સાઉદીના મૌલાનાએ કહ્યું- વાત સો ટકા સત્ય, એ જ નિવેદન બદલ નૂપુર શર્માને મળી હતી ધમકીઓ

    ભારતીય જનતા પાર્ટીનાં પૂર્વ પ્રવક્તા નૂપુર શર્માએ ઇસ્લામના પયગંબર મોહમ્મદને લઈને કરેલ કથિત વિવાદિત ટિપ્પણીને લઈને દેશ-દુનિયામાં ભારે હોબાળો થયો હતો. તેમના નિવેદનને પયગંબરનું અપમાન ગણાવીને આરબ દેશો પણ આ વિવાદમાં કૂદી પડ્યા હતા તો દેશમાં પણ ઠેરઠેર પ્રદર્શનો થયા હતા. પરંતુ નૂપુર શર્માએ પયગંબર અંગે જે નિવેદન આપ્યું હતું તેને સાઉદી અરબના એક મૌલાના દ્વારા સત્ય ઠેરવવામાં આવ્યું છે.

    સાઉદી અરેબિયાના મૌલાના અસીમ અલ હકીમને મૌલાના ફયાઝ નામના યુઝરે ટ્વિટર પર પૂછ્યું હતું કે, “ભારતમાં એવું કહેવાય છે કે પયગંબર મોહમ્મદે 6 વર્ષની ઉંમરે આયશા સાથે લગ્ન કર્યાં હતાં, શું તે સાચું છે? કૃપા કરીને સ્પષ્ટતા કરશો.”

    મૌલાના અસીમ અલ-હકીમે આનો જવાબ હામાં આપ્યો હતો. મૌલાના ફયાઝ નામના યુઝરના પ્રશ્નના જવાબમાં તેમણે કહ્યું કે, આ વાત સો ટકા સાચી છે.

    આ ઉપરાંત એક વિદેશી પત્રકારે પણ અગાઉ મૌલાના અલ-હકીમને પૂછ્યું હતું કે, આયેશા જયારે પયગંબર પાસે આવી હતી ત્યારે નવ વર્ષની હતી એ શું સાચું છે? હું અન્ય સાહિત્ય વાંચી રહી છું તેમાં જણાવવામાં આવ્યું છે કે તે ત્યારે 17 વર્ષની હતી.”

    જે મામલે મૌલાના અલ-હકીમે કહ્યું, “આ બધું જુઠ્ઠું છે! આયેશાએ પોતે અમને (મુસ્લિમોને) કહ્યું હતું કે તે નવ વર્ષની હતી! જે શાહી બુખારી અને અન્ય હદીસોમાં પણ છે.”

    શું છે હદીસ-અલ-બુખારી?

    હદીસ અલ-બુખારી એ કુરાન પછી ઇસ્લામની બે સૌથી વિશ્વસનીય હદીસોમાંની એક છે. તેનું સંકલન મૌલાના બુખારી (પૂરું નામ- અબુ અબ્દુલ્લા મુહમ્મદ બિન ઇસ્માઇલ બિન ઇબ્રાહિમ બિન અલ-મુગીરા અલ-જાફા) દ્વારા પયગંબરના મૃત્યુના 200 વર્ષ બાદ સન 846 માં કરવામાં આવ્યું હતું. 

    તેનું સંકલન કરવામાં 16 વર્ષ લાગ્યાં હોવાનું કહેવાય છે. તેમજ તેના સંકલન માટે તેમણે અનેક યાત્રાઓ કરી હતી. બુખારીનો જન્મ ઈરાનમાં (ત્યારના પર્શિયા) થયો હતો. મુસ્લિમોને અલ-બુખારીની આયતો પર પૂર્ણ વિશ્વાસ હોય છે.

    નૂપુર શર્માના નિવેદન પર વિવાદ

    ઇસ્લામના જ મૌલાના સત્ય કહી રહ્યા છે ત્યારે બીજી તરફ નૂપુર શર્માએ એક ટીવી ડિબેટ દરમિયાન આ વાત કહી હતી ત્યારે સાઉદી અરેબિયા, કતાર, કુવૈત, ઈરાન જેવા ઘણા મુસ્લિમ દેશોએ ભારતને નિશાન બનાવીને બેવડાં ધોરણો દર્શાવ્યાં હતાં. આ દેશોએ નૂપુરના નિવેદનને પયગંબરનું અપમાન ગણાવ્યું હતું. જે બાદ સરકારે નુપુર શર્મા અને નવીન જિંદાલને પાર્ટીમાંથી બરતરફ કર્યાં હતાં.

    એટલું જ નહીં, પયગંબરના આ કથિત અપમાનને લઈને દેશભરમાં તોફાનો પણ થયાં હતાં. કાનપુરથી હૈદરાબાદ અને બિહાર સુધી મુસ્લિમ ટોળાંએ પથ્થરમારો, આગચંપી, હિંસા અને સુરક્ષા દળો પર હુમલો કર્યો હતો. સમગ્ર દેશમાં સુવ્યવસ્થિત આયોજન સાથે આ ઘટનાઓ બની હતી. 

    નૂપુર શર્માએ શું કહ્યું હતું?

    26 મેના રોજ ટીવી ન્યૂઝ ચેનલ ટાઈમ્સ નાઉની એક ડિબેટ દરમિયાન શિવલિંગ પર ઉડાવવામાં આવતી મજાક મામલે નૂપુર શર્માએ કહ્યું હતું કે જેવી રીતે હિંદુઓની મજાક ઉડાવવામાં આવી રહી છે તેવી રીતે અન્ય લોકો પણ તેમના મજહબની મજાક ઉડાવી શકે છે. જે બાદ તેમણે પયગંબરના નિકાહનો ઉલ્લેખ કર્યો હતો. 

    નૂપુર શર્માના આ નિવેદન બાદ ઑલ્ટ ન્યૂઝના મોહમ્મદ ઝુબૈર દ્વારા તેની ક્લિપ સોશિયલ મીડિયા પર શૅર કરવામાં આવ્યા બાદ ઇસ્લામીઓ તરફથી નૂપુર શર્માને ધમકીઓ મળવાની શરૂ થઇ ગઈ હતી. જોકે, નૂપુર શર્માએ એમ પણ કહ્યું હતું કે જો કોઈ સ્થાપિત ઇસ્લામી જાણકાર તેમને ખોટાં ઠેરવે તો તેઓ નિવેદન પરત ખેંચી લેવા માટે પણ તૈયાર છે. 

    કોણ છે મૌલાના અલ હકીમ?

    અલ હકીમ એ જ મૌલાના છે જેમણે વર્ષ 2020માં કહ્યું હતું કે ઇસ્લામમાં વિરોધ પ્રદર્શન અને ધરણાં કરવાની મંજૂરી નથી. તે હરામ છે. અલ હકીમે લોકશાહીને ઈસ્લામ વિરોધી પણ ગણાવી હતી. તેમણે કહ્યું હતું કે લોકશાહી ઈસ્લામિક શરિયા વિરુદ્ધ છે.

    આ જ મૌલાનાએ વર્ષ 2021માં નવરાત્રિને કુફર (કાફિરો દ્વારા થતું કાર્ય) ગણાવીને કહ્યું હતું કે જો કોઈ મુસ્લિમ વ્યક્તિની પત્ની તેમાં ભાગ લે કે ઉપવાસ રાખે તો તેને તુરંત તલાક આપી દેવા જોઈએ. મૌલાના બીટકોઈનને પણ હરામ ગણાવી ચુક્યા છે.

    મૌલાના આસિમ અલ હકીમ સાઉદી અરેબિયામાં જાણીતું નામ છે અને તેઓ ટીવી અને રેડિયો દ્વારા ઇસ્લામ વિશે અંગ્રેજી અને અરબીમાં અવારનવાર વાતો કરતા જોવા મળે છે. તે ‘હુડા ટીવી’ અને ઝાકિર નાઈકની ‘પીસ ટીવી’ દ્વારા કુરાન અને હદીસ શીખવે છે. તેણે ‘કિંગ અબ્દુલ અઝીઝ યુનિવર્સિટી’માંથી ‘ભાષાશાસ્ત્ર’માં ગ્રેજ્યુએશન કર્યું છે.

    ભારતના ઝારખંડમાં ‘પાકિસ્તાન ઝિંદાબાદ’ના નારા સાથે ઓવૈસીનું સ્વાગત કરવામાં આવ્યું, પોલીસે વાયરલ વીડિયોની નોંધ લીધી

    ઑપઇન્ડિયા સ્ટાફ
    -
    0
    ભારતના ઝારખંડમાં ‘પાકિસ્તાન ઝિંદાબાદ’ના નારા સાથે ઓવૈસીનું સ્વાગત કરવામાં આવ્યું, પોલીસે વાયરલ વીડિયોની નોંધ લીધી

    હૈદરાબાદના સાંસદ રવિવારે (19 જૂન, 2022) બપોરે રાંચી પહોંચ્યા હતા. એરપોર્ટથી બહાર નીકળતાની સાથે જ તેમની પાર્ટીના કાર્યકર્તાઓએ તેમનું ફૂલો અને હાર પહેરાવી સ્વાગત કર્યું હતું. આ દરમિયાન પાકિસ્તાન ઝિંદાબાદના નારા પણ લગાવવામાં આવ્યા હતા.

    તે વાયરલ વીડિયોમાં સાંભળી શકાય છે એમ ઝારખંડની રાજધાની રાંચીમાં AIMIM પ્રમુખ અસદુદ્દીન ઓવૈસીનું મુસ્લિમ ભીડ દ્વારા પાકિસ્તાન ઝિંદાબાદના નારા સાથે સ્વાગત કરવામાં આવ્યું હતું. આ સૂત્રોચ્ચાર તેમના સમર્થકો દ્વારા જ કરવામાં આવ્યા હતા.

    હજુ સુધી, ભીડમાં સૂત્રોચ્ચાર કરનારાઓની ઓળખ થઈ નથી. નારા લાગી રહ્યા હતા તે દરમિયાન મીડિયાકર્મીઓનું ધ્યાન ઓવૈસી પર હતું, જેઓ એરપોર્ટથી બહાર નીકળી રહ્યા હતા. અસદુદ્દીન ઓવૈસી અહીં ચૂંટણી પ્રવાસ પર આવ્યા છે, તેથી આ મામલો ગરમ મુદ્દો બની શકે છે. ઓવૈસીનું કહેવું છે કે તેઓ રાંચીની હિંસામાં જીવ ગુમાવનારા ‘બાળકો’ના પરિવારને મળવા આવ્યા છે. તેમણે કહ્યું કે વહીવટીતંત્ર અને સરકાર દ્વારા લાદવામાં આવેલા પ્રતિબંધોને કારણે તેઓ તેમને મળી શક્યા નથી.

    આ દરમિયાન ‘અગ્નિપથ’ યોજનાનો વિરોધ કરતા તેમણે કેન્દ્ર સરકાર પાસે સંસદનું વિશેષ સત્ર બોલાવવાની માંગ કરી હતી. તેમણે દાવો કર્યો હતો કે ભારતીય સેનામાં લાખો જગ્યાઓ ખાલી છે, તેથી 4 વર્ષ માટે કોન્ટ્રાક્ટ પર ભરતી કરવી યોગ્ય નથી.

    નોંધનીય છે કે રાંચીના જ મંદાર વિધાનસભા ક્ષેત્ર માટે ગુરુવારે (23 જૂન, 2022) પેટાચૂંટણી યોજાવાની છે. ઓવૈસી ત્યાં અપક્ષ ઉમેદવાર દેવ કુમાર થાનના પ્રચાર માટે પહોંચ્યા હતા. ઝારખંડ પોલીસે પણ સૂત્રોચ્ચાર પર પ્રતિક્રિયા આપી છે.

    રાંચી સિટી એસપી અંશુમન કુમારે કહ્યું કે પાકિસ્તાન ઝિંદાબાદના નારા લાગવાની વાત તેમના ધ્યાન પર આવી છે અને સામે આવેલા વીડિયો-ઓડિયોની સત્યતાની ચકાસણી કર્યા બાદ યોગ્ય કાર્યવાહી શરૂ કરવામાં આવશે. ઉલ્લેખનીય છે કે CAA વિરોધી વિરોધમાં એક રેલી દરમિયાન ઓવૈસીના મંચ પરથી એક છોકરીએ પાકિસ્તાન ઝિંદાબાદના નારા લગાવ્યા હતા. તેમની સામે રાજદ્રોહનો કેસ હતો. તાજેતરની રેલીમાં ઓવૈસીએ મુખ્યમંત્રી હેમંત સોરેનને ‘લોભી’ ગણાવ્યા અને કહ્યું કે કોંગ્રેસ પણ હવે વૃદ્ધ થઈ ગઈ છે, તેનાથી કંઈ થશે નહીં.

    આપ વખાણમાં આપનો કરોડોનો ધુમાડો, પંજાબ સરકારે છાપામાં જાહેરાત આપવા એક અઠવાડિયામાં 5 કરોડ અને મહિનામાં 24 કરોડ ખર્ચ્યા

    ઑપઇન્ડિયા સ્ટાફ
    -
    0
    આપ વખાણમાં આપનો કરોડોનો ધુમાડો, પંજાબ સરકારે છાપામાં જાહેરાત આપવા એક અઠવાડિયામાં 5 કરોડ અને મહિનામાં 24 કરોડ ખર્ચ્યા

    આપ વખાણમાં આપનો કરોડોનો ધુમાડો, આ કોઈ તુક્કાબાજી નથી, પણ એક વાયરલ થયેલી RTIમાં થયેલો વિસ્ફોટક ખુલાસો છે. પંજાબ આમ આદમી પાર્ટીની સરકાર આપ વખાણમાં એટલી અધીરી બની ગઈ છે કે એક મહિનામાં અધધ 24 કરોડ રૂપિયા ફૂંકી નાંખ્યા. એ તો ઠીક પણ તાજેતરમાં સોસિયલ મીડિયા પર વાયરલ થયેલી એક RTI કોપી મુજબ પંજાબ આપ સરકારે ખાલી સાત દિવસમાંજ 5 કરોડની જાહેરાત આપી હતી.

    શું છે RTIની માહિતીમાં

    પંજાબ આપ સરકારના 5 કરોડ ખર્ચના ખુલાસા વળી RTI ની કોપી (સાભાર ટ્વીટર)

    પંજાબના ભટિંડાથી થયેલી અને મહિપાલસિંહ ગરેવાલ દ્વારા કરવામાં આવેલી આ RTIમાં સ્પષ્ટ રીતે જોઈ શકાય છે કે તા- 29/4/2022 ના રોજ થયેલી અરજીના જવાબમાં તા-10/4/2022 થી તા- 17/4/2022 એટલેકે માત્ર 7 દિવસની અંદર અંદર પંજાબની ભગવંત માન સરકારે 5,03,05,702/- રૂપિયા, એટલેકે 5 કરોડ 3 લાખ 5 હજાર 702 રૂપિયા માત્ર જાહેરખબર આપવા માટે વાપર્યા હતાં. જેમાં 3,55,54,184 રૂપિયા ગુજરાત,હિમાચલ અને અન્ય રાજ્યમાં પ્રચાર કરવામાં વાપર્યા હતાં.

    ભાજપે કર્યા આકરા પ્રહાર

    ભાજપ યુવા નેતા તાજીન્દર પાલ સિંહ બગ્ગા એ આ RTIના સામે આવ્યા બાદ પંજાબની આપ સરકારને ઘેરતા જોવા મળ્યા હતા. બગ્ગાએ આ RTIની કોપી શેર કરતા ટ્વીટ કર્યું હતું કે એક સપ્તાહમાં 5 કરોડ છાપામાં જાહેરાત માટે ઉડાવ્યા. જેમાં 3.5 કરોડ ગુજરાત અને અન્ય રાજ્ય પર. જ્યાં અરવિંદ કેજરીવાલ ને ચૂંટણી લડવી છે. કેજરીવાલ પંજાબને દેવામાં ડૂબાડવા કોઈ કસર નથી મૂકી રહ્યા.

    આ ખુલાસા પર પંજાબ બીજેપી નેતા મનજિંદર સિરસાએ આ RTIની કોપી ટ્વીટ કરતા પંજાબ સરકાર પર કટાક્ષ કરતાં લખ્યું હતું કે “પૈસા પંજાબના પ્રચાર કેજરીવાલનો? 10 થી 17 એપ્રિલ દરમિયાન રૂપિયા 5 કરોડ રૂપિયા ખર્ચ્યા, જેમાંથી 3.5 કરોડ રૂપિયા તો ગુજરાત, હિમાચલ અને અન્ય ચૂંટણી વાળા રાજ્યોમાં વાપર્યા. ભગવંત માન માટે પંજાબ નહિ પણ કેજરીવાલનો પ્રચાર વધારે જરૂરી છે.

    એક બીજી ટ્વીટમાં મનજિંદર સિરસાએ પંજાબની ભગવંત માન સરકારને ઘેરતા કહ્યું કે “આમ આદમી પાર્ટીની સરકારે છેલ્લા 3 મહિનામાં 9 હજાર કરોડની લોન લીધી. માત્ર એપ્રિલ મહિનામાં જ સરકારના પ્રચાર અને જાહેરાતો પાછળ 24.40 કરોડ રૂપિયા ખર્ચવામાં આવ્યા હતા. અત્યાર સુધી પંજાબની કોઈ મહિલાને મહિને 1000 રૂપિયા આપવામાં આવ્યા નથી. વીજળી અને પાણી પર કોઈ સબસિડી આપવામાં આવી નથી. સિરસાએ કહ્યું કે સીએમ ભગવંત માનને જવાબ આપવો જોઈએ કે જ્યારે કોઈ કામ જ નથી થતું તો પછી પ્રચાર શેનો? આ ઈન્કલાબ નથી, કેજરીવાલનું દિલ્હી મોડલ છે.”

    કોંગ્રેસનો આપ વિરોધ

    કોંગ્રેસ પુર્વાધ્યક્ષ રાહુલ ગાંધી નેશનલ હેરાલ્ડમાં કરોડોના કૌભાંડ કેસમાં ED ઓફીસના ચક્કર ફરી રહ્યા છે. તેવામાં પંજાબ કોંગ્રેસના અધ્યક્ષ અમરિંદર સિંહ રાજા વાડિંગ પણ આ મામલે ટ્વીટર પર ચર્ચા કરતા જોવા મળ્યા હતા. જેમાં તેમણે ટ્વીટ કરીને કહ્યું હતું કે આમ આદમી પાર્ટીની સરકાર પ્રચારના ઓક્સિજન પર ચાલી રહી છે. સાથેજ આક્ષેપ લગાડ્યો હતો કે દરરોજ એક કરોડ રૂપિયાનો ખર્ચ થઈ રહ્યો છે.

    કેજરીવાલ સરકારની મફત લ્હાણીની સ્કીમથી દેશની તિજોરી પર કેટલું ભારણ વધ્યું છે તેનાથી લગભગ કોઈ અજાણ નહીંજ હોય. તેવામાં આપ વખાણની લ્હાયમાં પંજાબની સરકારે પંજાબની જનતાના કરોડો રૂપિયાનું આંધણ કરી નાખ્યું, અરવિંદ કેજરીવાલનાં ચૂંટણી લડવાનાં અભરખામાં ભગવંત માન પંજાબને દેણાના ભાર નીચે ડુબાડી દે તેવા અણસાર નજરે પડી રહ્યાં છે.

    ‘અગ્નિપથ’ પર ફેક ન્યૂઝ ફેલાવનારાઓ પર લગામ: વોટ્સઍપ ગ્રુપ્સ પર આવી તવાઈ, કેટલાકની ધરપકડ, સોશિયલ મીડિયા પર કડક નજર

    ઑપઇન્ડિયા સ્ટાફ
    -
    0
    ‘અગ્નિપથ’ પર ફેક ન્યૂઝ ફેલાવનારાઓ પર લગામ: વોટ્સઍપ ગ્રુપ્સ પર આવી તવાઈ, કેટલાકની ધરપકડ, સોશિયલ મીડિયા પર કડક નજર

    સરકારે જાહેર કરેલી અગ્નિપથ યોજનાનો એક તરફ વિરોધ થઇ રહ્યો છે તો બીજી તરફ સોશિયલ મીડિયા પર કેટલીક ખોટી માહિતી પણ ફેલાઈ રહી છે. જેની ઉપર લગામ લગાવવા માટે રવિવારે (19 જૂન 2022) કેન્દ્ર સરકારે ફેક ન્યૂઝ ફેલાવતાં લગભગ 35 જેટલાં વોટ્સઍપ ગ્રુપ પર પ્રતિબંધ મૂકી દીધો હતો. બીજી તરફ, સરકારની આ નવી યોજના અંગે ખોટી માહિતી ફેલાવતા અને યુવાનોને ગેરમાર્ગે દોરતા કુલ 10 લોકોની ધરપકડ કરવામાં આવી છે.

    મીડિયા અહેવાલોમાં ટેલિકોમ મંત્રાલયને ટાંકીને કહેવામાં આવ્યું હતું કે કેન્દ્ર સરકારે લોકોને ચેતવણી આપી છે કે અગ્નિપથ યોજના વિશે આવી ગેરસમજો ફેલાવનારાઓ સામે કાર્યવાહી કરવામાં આવશે. હાલમાં 50 જેટલા વોટ્સએપ ગ્રુપ અંગે તપાસ કરવામાં આવી રહી છે. ગૃહ મંત્રાલયના જણાવ્યા અનુસાર કેન્દ્રએ વોટ્સઍપ ફેક્ટ-ચેકિંગ માટે 8799711259 નંબર પણ જારી કર્યો છે.

    ગૌતમ બુદ્ધ નગર કમિશનરેટ દ્વારા પ્રદર્શનની આડમાં શાંતિ ભંગ કરવાનો પ્રયાસ કરી રહેલા અસામાજિક તત્વોને કડક ચેતવણી આપવામાં આવી છે. એડિશનલ ડેપ્યુટી કમિશનર ઓફ પોલીસ લૉ એન્ડ ઓર્ડર આશુતોષ દ્વિવેદીએ કહ્યું કે તેમને સોશિયલ મીડિયા પરથી જાણકારી મળી રહી છે કે 20 જૂને કેટલાંક અસામાજિક તત્વો ભારત બંધ અને દિલ્હી કૂચના નામે કાયદો અને વ્યવસ્થાની સ્થિતિ બગાડવાનો પ્રયાસ કરી શકે છે. ગૌતમ બુદ્ધ નગરમાં કલમ 144 લાગુ છે. તેમ છતાં પણ જો કોઈ કાયદો-વ્યવસ્થા ભંગ કરવાના પ્રયાસ કરશે તો તેની સામે કાર્યવાહી કરવામાં આવશે.

    વધુમાં જાણવા મળી રહ્યું છે કે પોલીસે યુપીના સહારનપુરમાંથી 5 લોકોની ધરપકડ કરી હતી. આ લોકો સરકારની નવી યોજના સામે યુવાનોને ભડકાવી રહ્યા હતા. જોકે, જ્યારે પોલીસે તેમને પકડીને તેમની તપાસ કરી તો જાણવા મળ્યું કે આ લોકો કોઈ રાજકીય પાર્ટી સાથે જોડાયેલા છે. 

    અહીં ઉલ્લેખનીય છે કે અગ્નિપથ યોજનાનો સૌથી વધુ વિરોધ બિહારમાં જોવા મળી રહ્યો છે. જેના કારણે બિહાર સરકારે 17 જૂને સુરક્ષા કારણોસર અને ખોટી માહિતીના પ્રસારને રોકવા માટે રાજ્યના 12 જિલ્લામાં ઇન્ટરનેટ સેવાઓ સ્થગિત કરી દીધી હતી. આ ઉપરાંત, ધરપકડ કરાયેલા પ્રદર્શનકારીઓના મોબાઈલ ફોનની તપાસમાં જાણવા મળ્યું છે કે આ પ્રદર્શનોમાં કોચિંગ સેન્ટરોની પણ ભૂમિકા હતી.

    કેન્દ્ર સરકારે 15 જૂને અગ્નિપથ યોજના જાહેર કરી હતી. જે અનુસાર, 17.5 થી 21 વર્ષ સુધીના યુવાનોને સેનામાં સેવા આપવાની તક મળશે. જોકે, આ યોજના જાહેર થવાની સાથે જ બિહાર, ઉત્તર પ્રદેશ જેવાં રાજ્યોમાં વિરોધ પ્રદર્શનો શરૂ થઇ ગયાં હતાં અને જેણે હિંસક સ્વરૂપ ધારણ કરી લીધું હતું. કેટલેક ઠેકાણે ટ્રેન સળગાવી દેવામાં આવી તો ક્યાંક ટ્રાફિક રોકવામાં આવ્યો હતો. 

    દરમ્યાન, કેન્દ્ર સરકાર અને ભારતીય સેનાએ સ્પષ્ટ કર્યું છે કે યોજના કોઈ પણ સંજોગોમાં પરત ખેંચવામાં આવશે નહીં. બીજી તરફ, જે યુવાનો રસ્તા પર ઉતરીને ઉપદ્રવ મચાવી રહ્યા છે તેઓ અગ્નિપથ યોજનામાં સામેલ થઇ શકશે નહીં તેવું એલાન કરવામાં આવ્યું છે. તેમજ તેમણે ફોર્મ ભરતાં પહેલાં જણાવવું પડશે કે પોતે કોઈ હિંસક પ્રદર્શનમાં સામેલ ન હતો. 

    રાત્રે 9વાગ્યા પછી પાકિસ્તાનમાં પૈસા ચૂકવીને પણ કંઈ નહીં મળેઃ વીજળીના દરમાં રૂ.8/યુનિટનો વધારો, એક જ સપ્તાહમાં બે વાર રેલ ભાડું વધાર્યું

    ઑપઇન્ડિયા સ્ટાફ
    -
    0
    રાત્રે 9વાગ્યા પછી પાકિસ્તાનમાં પૈસા ચૂકવીને પણ કંઈ નહીં મળેઃ વીજળીના દરમાં રૂ.8/યુનિટનો વધારો, એક જ સપ્તાહમાં બે વાર રેલ ભાડું વધાર્યું

    રાત્રે 9વાગ્યા પછી પાકિસ્તાનમાં પૈસા ચૂકવીને પણ કંઈ નહીં મળે, પરીસ્થિતિ દિવસેને દિવસે બગડી રહી છે અને તેની સાથે વડાપ્રધાન શાહબાઝ શરીફની મુશ્કેલીઓ પણ વધી રહી છે. લોકોને ચા પીવામાં ઘટાડો કરવાની અપીલ કર્યા બાદ હવે ઉર્જા સંકટને પહોંચી વળવા પાકિસ્તાનમાં કામકાજના કલાકો ઘટાડી દેવામાં આવ્યા છે. પંજાબ અને સિંધ બાદ ઈસ્લામાબાદમાં પણ રાત્રે 9 વાગ્યા પછી બજારો અને શોપિંગ મોલ બંધ થઈ જશે, રાત્રે 9વાગ્યા પછી પાકિસ્તાનમાં પૈસા ચૂકવીને પણ કંઈ નહીં મળે.

    ઈસ્લામાબાદના ડેપ્યુટી કમિશનરે પોતાના આદેશમાં કહ્યું છે કે તમામ દુકાનો, શોપિંગ મોલ, બેકરી અને કન્ફેક્શનરી, ઓફિસ, સ્ટોર રૂમ, ગોડાઉન અને પશુ બજારો રાત્રે 9 વાગ્યે બંધ કરી દેવામાં આવે. આ ઉપરાંત મેરેજ હોલ, માર્કી અને એક્ઝિબિશન હોલનો સમય રાત્રે 10:00 વાગ્યા સુધી મર્યાદિત રહેશે.

    આદેશમાં વધુ લખ્યું છે કે તમામ વાણિજ્યિક અથવા ઔદ્યોગિક સંસ્થાઓ, રેસ્ટોરાં, ક્લબ, તંદૂર, ખાણીપીણી, કાફે, સિનેમા, થિયેટર અથવા જાહેર મનોરંજનના અન્ય સ્થળો અને જાહેર ઉદ્યાનો રાત્રે 11:30 વાગ્યેથી બંધ રહેશે. જો કે, હોસ્પિટલો, પ્રયોગશાળાઓ, ક્લિનિક્સ, ફાર્મસી અને મેડિકલ સ્ટોર્સ, પેટ્રોલ પંપ, દૂધની દુકાનો અને અન્ય આવશ્યક વ્યવસાયોને આમાંથી મુક્તિ આપવામાં આવી છે .

    ડીઝલ અને ફર્નેસ ઓઈલમાંથી ઉત્પાદિત થતી વીજળીની ઊંચી કિંમતને કારણે વીજળી વિતરણ કંપનીઓએ જુલાઈના બિલમાં યુનિટ દીઠ રૂ. 7.96થી વધુના વધારાની માગણી કરી છે . સેન્ટ્રલ પાવર પરચેસિંગ એજન્સી (CPPA) એ પાવર સેક્ટર રેગ્યુલેટરને એક અરજી સબમિટ કરી છે કે મે મહિના દરમિયાન વિવિધ સ્ત્રોતોમાંથી વીજ ઉત્પાદનની કુલ કિંમત રૂ. 13.8969 પ્રતિ યુનિટ હતી.

    તે જ સમયે, તેલની વધતી કિંમતો અને અન્ય નાણાકીય સમસ્યાઓના કારણે, પાકિસ્તાન રેલ્વેએ શનિવારે (18 જૂન 20222) તમામ એક્સપ્રેસ પેસેન્જર ટ્રેનોના ભાડામાં 5 ટકા અને તમામ માલવાહક ટ્રેનોના ભાડામાં 10 ટકાનો વધારો કરવાની જાહેરાત કરી હતી. છેલ્લા એક સપ્તાહમાં ભાડામાં આ બીજો વધારો છે.

    આ અઠવાડિયાની શરૂઆતમાં, રેલ્વે મંત્રીએ ઇંધણના ભાવમાં વધારાના બહાને એક્સપ્રેસ ટ્રેનોના ભાડામાં 10 ટકા અને માલગાડીના ભાડામાં 15 ટકાનો વધારો કરવાની જાહેરાત કરી હતી . આ રીતે મોંઘવારીનો સામનો કરી રહેલા પાકિસ્તાનના લોકોનું જીવન દયનીય બની ગયું છે.

    પાકિસ્તાન મોંઘવારી સાથે આર્થિક સંકટના સમયગાળામાંથી પસાર થઈ રહ્યું છે. તેની સાથે જ ત્યાં ઉર્જા સંકટ પણ શરૂ થઈ ગયું છે. અગાઉ, ત્યાંના આયોજન અને વિકાસ પ્રધાન અહેસાન ઈકબાલે 14 જૂન 2022ના રોજ કહ્યું હતું કે પાકિસ્તાનીઓ દરરોજ તેમના ચાના વપરાશમાં ‘એક કે બે કપ’ ઘટાડો કરી શકે છે, કારણ કે ચાની આયાત સરકાર પર વધારાનું નાણાકીય દબાણ લાવી રહી છે. તેણે કહ્યું હતું કે, “આપણે જે ચા આયાત કરીએ છીએ તે ઉધારીમાં આયાત કરીએ છીએ.”

    પાકિસ્તાનમાં ખાદ્યપદાર્થો, તેલ, ગેસથી લઈને દરેક વસ્તુના ભાવમાં સતત વધારો થઈ રહ્યો છે. આ દરમિયાન વિદેશી મુદ્રા ભંડારમાં પણ તીવ્ર ઘટાડો જોવા મળ્યો છે. ત્યાં વિદેશી હૂંડિયામણનો ભંડાર હવે માત્ર બે મહિનાની આયાત જેટલો બાકી છે. પાકિસ્તાનની સેન્ટ્રલ બેંક પાસે ફોરેન એક્સચેન્જ રિઝર્વ ફેબ્રુઆરીના અંતમાં $16.3 બિલિયન (રૂ. 1274 બિલિયન) થી ઘટીને મે મહિનામાં $10 બિલિયન (રૂ. 781 બિલિયન) થઈ ગયું છે.

    પંજાબના LPUએ કાશ્મીર-પૂર્વોત્તરને ભારતના નકશામાંથી કાઢી નાખ્યા, AAP સાંસદ અશોક મિત્તલ યુનિવર્સિટી ચાન્સેલર છે

    ઑપઇન્ડિયા સ્ટાફ
    -
    0
    પંજાબના LPUએ કાશ્મીર-પૂર્વોત્તરને ભારતના નકશામાંથી કાઢી નાખ્યા, AAP સાંસદ અશોક મિત્તલ યુનિવર્સિટી ચાન્સેલર છે

    પંજાબના LPUએ કાશ્મીર-પૂર્વોત્તરને ભારતના નકશામાંથી કાઢી નાંખતા વિવાદ થયો છે. પંજાબના ફગવાડામાં આવેલી લવલી પ્રોફેશનલ યુનિવર્સિટી (LPU) એ તેના સ્ટડી ઈન્ડિયા કાર્યક્રમમાં એક વિવાદાસ્પદ વીડિયો ચલાવ્યો છે. આ વીડિયોમાં કાશ્મીર અને પૂર્વોત્તર ભારતને ભારતના નકશામાંથી હટાવી દેવામાં આવ્યું છે. આ વિડિયો પહેલીવાર 7 જૂન, 2022ના રોજ યુનિવર્સિટીના ઓફિસિયલ હેન્ડલ દ્વારા શેર કરવામાં આવ્યો હતો. આમ આદમી પાર્ટીના રાજ્યસભા સાંસદ અશોક કુમાર મિત્તલ આ યુનિવર્સિટીના ચાન્સેલર છે. પંજાબના LPUએ કાશ્મીર-પૂર્વોત્તરને ભારતના નકશામાંથી કાઢી નાંખ્યું

    આ વિડિયોમાં આફ્રિકન દેશ ઘાનાનો રહેવાસી ઓમર તૌફીક સૌથી પહેલા દેખાય છે. તે યુનિવર્સિટીમાં ઉપલબ્ધ તમામ અભ્યાસક્રમોની પ્રશંસા કરે છે. આ જ બાબતોની વચ્ચે એક વીડિયો દેખાય છે. આ વીડિયોમાં ભારતનો અધૂરો નકશો જોવા મળે છે. તે નકશામાં કાશ્મીર અને પૂર્વોત્તર ભારત દેખાતું નથી.

    થોડી જ વારમાં આ વીડિયો વાયરલ થઈ ગયો. લોકોએ આ કૃત્ય પાછળ જવાબદાર વ્યક્તિની માહિતી પણ શેર કરી. તે વ્યક્તિ લવલી પ્રોફેશન યુનિવર્સિટીનો અધિકારી છે. આ યુનિવર્સિટી વર્ષ 2005 માં બનીને પૂર્ણ થઈ હતી અને 1 વર્ષ પછી 2006 માં તેણે કામકાજ અને શિક્ષણ શરૂ કર્યું હતું. હાલમાં શારદા યુનિવર્સિટી નોઇડાના પ્રોફેસર અને સોશિયલ મીડિયા પર નરેન્દ્ર મોદી વિરોધી પોસ્ટ કરવા માટે જાણીતા અહરાર અહેમદ લોન પણ અગાઉ આ લવલી યુનિવર્સિટીના પ્રોફેસર હતો.

    યુનિવર્સિટી દ્વારા ભારતનો વિકૃત નકશો દર્શાવવાની આ ઘટના પહેલી નથી. આ પહેલા પણ 15 જૂન 2022ના રોજ ચંદીગઢ યુનિવર્સિટીના ભૂતપૂર્વ વિદ્યાર્થીઓના વિભાગમાં ભારતનો વિવાદાસ્પદ નકશો બતાવવામાં આવ્યો હતો. આ નકશામાં POK (પાક અધિકૃત કાશ્મીર)ને પાકિસ્તાનના ભાગ તરીકે દર્શાવવામાં આવ્યું હતું. ઘણા નેટીઝનોએ આ નકશા સામે વાંધો ઉઠાવ્યો હતો અને કાર્યવાહીની માંગ કરી હતી. લોકોની માંગ પર, યુનિવર્સિટીએ સંજ્ઞાન લીધું અને યુનિવર્સિટીની સત્તાવાર વેબસાઇટ પરથી ભૂતપૂર્વ વિદ્યાર્થી વિભાગને દૂર કરવામાં આવ્યો. ચંદીગઢ યુનિવર્સિટી પણ લવલી પ્રોફેશનલ યુનિવર્સિટી જેવી ખાનગી યુનિવર્સિટી છે.

    બુરખાધારી કોર્પોરેટરોએ રાષ્ટ્રગીતનું અપમાન કર્યું, સદનમાં સહુ ઉભા હતા, 4 મુસ્લિમ મહિલા કોર્પોરેટર આરામથી બેસી રહી

    ઑપઇન્ડિયા સ્ટાફ
    -
    0
    બુરખાધારી કોર્પોરેટરોએ રાષ્ટ્રગીતનું અપમાન કર્યું, સદનમાં સહુ ઉભા હતા, 4 મુસ્લિમ મહિલા કોર્પોરેટર આરામથી બેસી રહી

    બુરખાધારી કોર્પોરેટરોએ રાષ્ટ્રગીતનું અપમાન કર્યું હોય તેવો વિડીયો વાયરલ થઇ રહ્યો છે. ઉત્તર પ્રદેશના મુઝફ્ફરનગરમાં મ્યુનિસિપલ મીટિંગમાં મુસ્લિમ કાઉન્સિલરો પર રાષ્ટ્રગીતનું અપમાન કરવાનો આરોપ છે. વાયરલ વીડિયોમાં જોઈ શકાય છે કે જ્યારે રાષ્ટ્રગીત ‘વંદે માતરમ’ ગાવામાં આવી રહ્યું છે ત્યારે તમામ કાઉન્સિલર રાષ્ટ્રગીતને માન આપીને ઉભા છે પરંતુ 4 મુસ્લિમ બુરખાધારી કોર્પોરેટરોએ રાષ્ટ્રગીતનું અપમાન કરતી બેસી રહી. સોશિયલ મીડિયા પર લોકોએ તેને રાષ્ટ્રગીતનું અપમાન પણ ગણાવ્યું. આ બેઠકમાં કેન્દ્રીય પશુપાલન, ડેરી અને મત્સ્ય વિભાગના મંત્રી સંજીવ બાલ્યાન પણ હાજર હતા.

    સંજીવ બાલ્યાન મુઝફ્ફરનગરના સ્થાનિક સાંસદ પણ છે. મ્યુનિસિપલ બોર્ડની બેઠકમાં મુસ્લિમ મહિલા કાઉન્સિલરો દ્વારા રાષ્ટ્રગીતના અપમાનનો મામલો વધુ જોર પકડી રહ્યો છે. શનિવારે (18 જૂન, 2022) મ્યુનિસિપલ સભાગૃહમાં યોજાયેલી બેઠકમાં ઉત્તર પ્રદેશ સરકારના વ્યાવસાયિક શિક્ષણ અને કૌશલ્ય વિકાસ મંત્રી કપિલ દેવ અગ્રવાલ પણ હાજર હતા, જેઓ મુઝફ્ફરનગર નગરપાલિકાના અધ્યક્ષ પણ રહી ચૂક્યા છે. ઘણા વરિષ્ઠ અધિકારીઓની હાજરીમાં રાષ્ટ્રગીતના અપમાનની ઘટના બની હતી.

    જે બેઠકમાં શહેરના વિકાસ માટે રૂ. 196 કરોડની દરખાસ્ત પસાર કરવામાં આવી હતી, તેમાં મહિલા મુસ્લિમ સભ્યો સિવાય આખું ગૃહ રાષ્ટ્રગીત ‘વંદે માતરમ’ના સન્માનમાં ઊભું હતું. મુસ્લિમ મહિલા કોર્પોરેટરોના આ કૃત્યથી ગૃહનાં સભ્યો પણ હેરાન થઈ ગયા હતા. ગૃહની કાર્યવાહી શરૂ થતાં પહેલા રાષ્ટ્રગીત ગવડાવવામાં આવ્યું હતું. કેન્દ્રીય મંત્રી સંજીવ બાલ્યાને દરેકને રાષ્ટ્રગીત અને રાષ્ટ્રગીતનું સન્માન કરવાનું સુચન આપ્યું હતું. આ અંગે કાઉન્સિલરોએ ચર્ચા પણ કરી હતી. કેન્દ્રીય મંત્રીએ કહ્યું કે જ્યારે કોઈ મહિલાજ રાષ્ટ્રગીતનું અપમાન કરે, તો તે સમાજને કેવી રીતે મજબૂત કરશે?

    ઉલ્લેખનીય છે કે, રાષ્ટ્રગીતને રાષ્ટ્રગીત ‘જન ગણ મન’ જેવો જ દરજ્જો આપવાની અપીલ કોર્ટમાં ચાલી રહી છે અને મે 2022ના છેલ્લા સપ્તાહમાં દિલ્હી હાઈકોર્ટે પણ કેન્દ્રનો અભિપ્રાય માંગ્યો હતો. આ અંગે સરકાર. ભાજપના નેતા અને એડવોકેટ અશ્વિની ઉપાધ્યાયે આ સંદર્ભમાં જાહેર હિતની અરજી (PIL) દાખલ કરી છે . તેમણે કહ્યું કે રાષ્ટ્રગીતને લઈને કોઈ માર્ગદર્શિકા ન હોવાને કારણે અસભ્ય રીતે તેનો ઉપયોગ થઈ રહ્યો છે અને ફિલ્મો અને પાર્ટીઓમાં પણ તેનું અપમાન થઈ રહ્યું છે.

    તેમણે પોતાની અરજીમાં કહ્યું હતું કે 24 જાન્યુઆરી 1950ના રોજ બંધારણ સભાના અધ્યક્ષ ડૉ. રાજેન્દ્ર પ્રસાદે કહ્યું હતું કે ‘વંદે માતરમ’ ગીતે ભારતીય સ્વતંત્રતાની લડાઈમાં ઐતિહાસિક ભૂમિકા ભજવી હતી. ‘જન મન ગણ’ સાથે સમાન સન્માન આપવામાં આવશે. તેમણે કહ્યું કે તમામ સંસ્થાઓમાં બંનેને સમાન રીતે સન્માનિત કરીને વગાડવાની માંગ કરી હતી.

    બોગસ વોટિંગ રોકવા માટે મોદી સરકારનું ઐતિહાસિક પગલું: હવે ચૂંટણીકાર્ડને આધાર સાથે લિંક કરવું પડશે, ખોટાં કાર્ડ ધારકો પર થશે કડક કાર્યવાહી

    ઑપઇન્ડિયા સ્ટાફ
    -
    0
    બોગસ વોટિંગ રોકવા માટે મોદી સરકારનું ઐતિહાસિક પગલું: હવે ચૂંટણીકાર્ડને આધાર સાથે લિંક કરવું પડશે, ખોટાં કાર્ડ ધારકો પર થશે કડક કાર્યવાહી

    ભારતીય કાયદા મંત્રાલયે ચૂંટણીકાર્ડને આધાર નંબર સાથે લિંક કરવા માટે નોટિફિકેશન બહાર પાડ્યું છે. આ નોટિફિકેશન બાદ હવે ચૂંટણીકાર્ડને આધાર સાથે લિંક કરવું જરૂરી બની ગયું છે. ફેક વોટર આઈડી આધાર સાથે લિંક થયા બાદ તેને રદ કરવામાં આવશે. ચૂંટણી કાયદા સુધારા અધિનિયમ 2021ની દિશામાં સરકારનું આ એક મહત્વપૂર્ણ પગલું છે. આ અંગે કાયદા મંત્રી કિરેન રિજિજુએ ટ્વીટ કરીને માહિતી આપી હતી.

    રિજિજુએ શુક્રવારે (17 જૂન, 2022) ટ્વીટ કર્યું અને કહ્યું, “દરેક મતદારને સશક્તિકરણ તરફ પગલું! માનનીય વડાપ્રધાન શ્રી નરેન્દ્ર મોદીની સરકાર દ્વારા ચૂંટણી પ્રક્રિયાને સુધારવા માટે ઐતિહાસિક પગલું. ભારત સરકારે ભારતના ચૂંટણી પંચ સાથે પરામર્શ કરીને ચૂંટણી કાયદા સુધારા અધિનિયમ, 2021 હેઠળ ચાર સૂચનાઓ બહાર પાડી છે.”

    કાયદા મંત્રાલયે ચૂંટણી પંચ સાથે પરામર્શ કર્યા પછી ચૂંટણી નોંધણી નિયમો- 1960 અને ચૂંટણીના આચાર નિયમો- 1961માં સુધારો કર્યો છે. આ સંદર્ભમાં, શુક્રવારે (17 જૂન, 2022) સરકાર દ્વારા ચાર સૂચનાઓ જારી કરવામાં આવી હતી.

    આ સૂચનાઓ ગયા વર્ષના અંતમાં સંસદમાં પસાર થયેલા ચૂંટણી કાયદા સુધારા અધિનિયમ, 2021નો ભાગ છે. સરકારના આ નિર્ણય બાદ હવે કોઈ વ્યક્તિ બે મતદાર કાર્ડ રાખી શકશે નહીં. આ સાથે, સરકારે મતદાર ઓળખ કાર્ડને લગતા વધુ 3 મહત્વપૂર્ણ નિર્ણયો લીધા છે.

    સરકારના મહત્વના નિર્ણયો

    નવા નિર્ણય અનુસાર, 18 વર્ષની ઉંમર પૂર્ણ કરી ચૂકેલા યુવાનો મતદાર યાદીમાં નામ નોંધાવવા માટે વર્ષમાં 4 વખત અરજી કરી શકશે. અગાઉ આ વ્યવસ્થા વર્ષમાં માત્ર એક જ વાર હતી. જેના કારણે મતદાર યાદીમાં નામ ઉમેરવા માટે એક વર્ષ સુધી રાહ જોવી પડી હતી.

    ત્રીજા નિર્ણયમાં સરકારે મતદાર આઈડી કાર્ડમાં પત્નીને લાઈફ પાર્ટનર શબ્દ સાથે બદલવાનો નિર્ણય લીધો છે. આ સેવા મતદારની પત્ની અથવા પતિને તેમનો મત આપવા માટે સુવિધા આપશે. તેમને સામાન્ય માણસ સિવાય પોતાનો મત આપવા માટે વિશેષ સુવિધા આપવામાં આવશે. સેવા મતદારો તે છે જેઓ દૂરના વિસ્તારોમાં અથવા વિદેશમાં પોસ્ટેડ હોય છે.

    આ નિર્ણય હેઠળ, ચૂંટણી પંચ ચૂંટણીમાં રોકાયેલા કર્મચારીઓ અને સુરક્ષા દળોને સમાવવા અથવા ચૂંટણી સંબંધિત સામગ્રી રાખવા માટે કોઈપણ જગ્યાની માંગ કરી શકે છે. આનાથી ચૂંટણી ફરજ બજાવતા કર્મચારીઓને પણ સુવિધા મળશે.

    દિલ્હી હાઈકોર્ટનો ચૂંટણી પંચને નિર્દેશ

    ચૂંટણી સુધારણા તરફ એક મહત્વપૂર્ણ પગલું ભરતા, દિલ્હી હાઈકોર્ટે 16 જૂન, 2019 ના રોજ ચૂંટણી પંચને મતદાર કાર્ડને આધાર કાર્ડ સાથે લિંક કરવાનો નિર્દેશ આપ્યો હતો. બીજેપી નેતા અને સુપ્રીમ કોર્ટના એડવોકેટ અશ્વિની ઉપાધ્યાયે આ અંગે દિલ્હી હાઈકોર્ટમાં અરજી દાખલ કરી હતી.

    તેમની અરજીમાં ઉપાધ્યાયે કહ્યું હતું કે મતદાર આઈડીને આધાર કાર્ડ સાથે લિંક કરવાથી દેશમાં ચૂંટણી દરમિયાન નકલી મતદાનને રોકવામાં મદદ મળશે અને મહત્તમ નાગરિકોની ભાગીદારી સુનિશ્ચિત થશે.

    એડવોકેટ ઉપાધ્યાયે દિલ્હી હાઈકોર્ટમાં દાખલ કરેલી તેમની અરજીમાં દલીલ કરી હતી કે આધાર નંબરને મતદાર આઈડી કાર્ડ સાથે લિંક કરવાથી કોઈપણ રીતે બંધારણમાં સમાવિષ્ટ મૂળભૂત અધિકારોનું ઉલ્લંઘન થશે નહીં, પરંતુ તે સુધારા તરફનું એક મહત્વપૂર્ણ પગલું હશે.

    અશ્વિની ઉપાધ્યાયે અરજી દાખલ કરીને સૂચન કર્યું હતું

    એડવોકેટ ઉપાધ્યાયે પોતાની અરજીમાં ઈ-વોટિંગ સિસ્ટમ વિશે જણાવ્યું હતું કે આ સિસ્ટમમાં ચૂંટણી પહેલા દર વખતે ડેટાબેઝ અપડેટ કરવામાં આવશે. વેરિફિકેશન પછી, સિસ્ટમ મતદારની વિગતો જેમ કે આધાર નંબર, નામ, સરનામું અને જન્મ તારીખ બતાવશે, જે પહેલાથી જ આધારના ડેટાબેઝમાં સંગ્રહિત હશે. ત્યારબાદ સિસ્ટમ મતદારની ફિંગર પ્રિન્ટ માંગશે.

    તેમણે વધુમાં કહ્યું હતું કે જો આધારના ડેટાબેઝમાં ફિંગરપ્રિન્ટ એક સાથે મેળ ખાય છે, તો પછીનું પેજ ખુલશે અને પાર્ટીના ચિન્હ સાથે ઉમેદવારની યાદી બતાવવામાં આવશે. જ્યારે મતદાર ઉમેદવારને પસંદ કરે છે અને તેની પસંદગીની પુષ્ટિ કરે છે, ત્યારે સિસ્ટમ ‘વોટ સક્સેસફુલ’ બતાવશે.

    અગ્નિપથ યોજના પાછી ખેંચાશે નહીં, આ મહિનાથી 1.25 લાખ અગ્નિવીરોની ભરતી કરાશે: ત્રણેય સેના દળની ભેગી પ્રેસ કોન્ફરન્સનની મુખ્ય જાહેરાતો

    ઑપઇન્ડિયા સ્ટાફ
    -
    0
    અગ્નિપથ યોજના પાછી ખેંચાશે નહીં, આ મહિનાથી 1.25 લાખ અગ્નિવીરોની ભરતી કરાશે: ત્રણેય સેના દળની ભેગી પ્રેસ કોન્ફરન્સનની મુખ્ય જાહેરાતો

    રવિવારે ભારતીય સેના, નૌકાદળ અને વાયુસેનાના વરિષ્ઠ સૈન્ય અધિકારીઓએ કેન્દ્રની અગ્નિપથ યોજના અંગે સંયુક્ત પત્રકાર પરિષદ યોજી હતી. જેના કારણે યુવાનોના કેટલાક વર્ગોમાં રોષ ફેલાયો હતો તેવી સંરક્ષણ દળોમાં ભરતી પ્રક્રિયા વિશેની ગેરસમજોને દૂર કરવા માટે દિલ્હીમાં ટ્રાઇ-સર્વિસ પ્રેસ કોન્ફરન્સ યોજવામાં આવી હતી.

    ટ્રાઇ-સર્વિસ પ્રેસ કોન્ફરન્સ દરમિયાન પ્રેસવાર્તાની અધ્યક્ષતા લશ્કરી બાબતોના વિભાગના અધિક સચિવ લેફ્ટનન્ટ જનરલ અનિલ પુરી, સેના તરફથી લેફ્ટનન્ટ જનરલ બંસી પોનપ્પા, નૌકાદળના વાઇસ એડમિરલ દિનેશ ત્રિપાઠી અને વાયુસેનાના એર માર્શલ સૂરજ ઝાએ કરી હતી. પ્રેસ વાર્તા દરમિયાન, અધિકારીઓએ નીતિના નવા મુખ્ય લક્ષણોની વિગતે જાહેરાત કરી.

    શરૂઆતમાં, લેફ્ટનન્ટ જનરલ અનિલ પુરીએ અગ્નિવીર યોજના પાછળની જરૂરિયાત અને ઉદ્દેશ્ય પર ભાર મૂક્યો. પુરીએ વ્યક્ત કર્યું કે આ સુધારો લાંબા સમયથી પેન્ડિંગ હતો. “અમે આ સુધારા સાથે યુવાની અને અનુભવ લાવવા માંગીએ છીએ. આજે, મોટી સંખ્યામાં જવાન તેમના 30 ના દાયકામાં છે અને અધિકારીઓને ભૂતકાળની તુલનામાં ખૂબ પાછળથી આદેશ મળી રહ્યો છે. અગ્નિવીર અનુભવ અને યુવાનોનું આદર્શ મિશ્રણ લાવશે,” તેમણે ઉમેર્યું.

    પુરીએ ઉમેર્યું હતું કે કારગિલ સમીક્ષા સમિતિ અને અરુણ સિંહ સમિતિની ભલામણો અનુસાર આ યોજના રજૂ કરવામાં આવી છે. “અમને જોશ અને હોશનું મિશ્રણ જોઈએ છે અને તેથી જ અમે વય પ્રોફાઇલ ઘટાડવા માગીએ છીએ. હાલમાં સરેરાશ ઉંમર 32 વર્ષ છે અને અમે કારગીલ સમીક્ષા સમિતિ અને અરુણ સિંહ સમિતિના અહેવાલની ભલામણો અનુસાર તેને ઘટાડવા માંગીએ છીએ.” તેમણે કહ્યું.

    તેમણે માહિતી આપી હતી કે અગ્નિવીરોને સિયાચીન જેવા વિસ્તારોમાં અને અન્ય વિસ્તારોમાં સમાન ભથ્થાં મળશે જે હાલમાં નિયમિત સૈનિકોને લાગુ પડે છે. સેવાની શરતોમાં તેમની સાથે કોઈ ભેદભાવ નહીં થાય તેવું લેફ્ટનન્ટ જનરલ પુરીએ ઉમેર્યું. ‘અગ્નિવીર’ને 1 કરોડ રૂપિયાનું વળતર પણ મળશે જો તેઓ રાષ્ટ્રની સેવામાં પોતાનું જીવન બલિદાન આપે છે.

    અધિકારીઓએ એ પણ માહિતી આપી હતી કે ડિફેન્સના ટોચના અધિકારીઓએ આ યોજનાને ડિઝાઇન કરતી વખતે હિંસાની અપેક્ષા નહોતી કરી.

    યોજના પાછી નહીં ખેંચાય

    લેફ્ટનન્ટ જનરલ અનિલ પુરીએ સ્પષ્ટ કર્યું હતું કે કેટલાક વિરોધ પક્ષો અને હિંસક વિરોધીઓની માંગણી મુજબ અગ્નિપથ યોજના પાછી ખેંચવામાં આવશે નહીં. “આ યોજનાના રોલબેક પર આવી રહ્યા છીએ, ના. શા માટે તેને પાછું ફેરવવું જોઈએ? દેશને યુવાન બનાવવા માટે આ એકમાત્ર પ્રગતિશીલ પગલું છે. શા માટે તેને યુવાન બનાવવામાં આવે છે? લોકો ‘દેશ કી રક્ષા’ સાથે ટીખળ કરી રહ્યા છે જેના માટે કોઈ જગ્યા નથી. હું તમને એક ઉદાહરણ આપીશ. શું તમે જાણો છો કે માત્ર ઊંચાઈવાળા વિસ્તારોમાંથી સ્વાસ્થ્યના હેતુ માટે કેટલી જાનહાનિ નોંધાય છે? તેના વિશે વાંચો, પછી તમને ખબર પડશે કે યુવાન શા માટે મહત્વપૂર્ણ છે,” અધિકારીએ કહ્યું.

    તોફાનીઓને નહીં મળે સેનાની નોકરી

    લેફ્ટનન્ટ જનરલ પુરીએ જાહેરાત કરી હતી કે જેઓ અગ્નિપથ યોજના સામે હિંસાનો ભાગ છે તેમને સંરક્ષણ દળોમાં જોડાવાની મંજૂરી આપવામાં આવશે નહીં. એમ કહીને કે “સશસ્ત્ર દળોમાં અનુશાસન માટે કોઈ સ્થાન નથી”, તેમણે માહિતી આપી હતી કે યોજના હેઠળના તમામ અરજદારોએ લેખિત પ્રતિજ્ઞા જમા કરવી પડશે કે તેઓ કોઈપણ હિંસા અથવા અગ્નિદાહમાં સામેલ નથી. તેમણે એ પણ માહિતી આપી હતી કે ઉમેદવારોનું પોલીસ વેરિફિકેશન કરવામાં આવશે અને જો કોઈની સામે એફઆઈઆર દાખલ કરાયેલ આવશે, તો તેમને સશસ્ત્ર દળોમાં જોડાવાથી અટકાવવામાં આવશે.

    ભવિષ્યમાં ભરતીની સંખ્યામાં વધારો કરવાની યોજના

    ટ્રાઇ-સર્વિસ પ્રેસ કોન્ફરન્સ દરમિયાન અગ્નિપથની ભરતી પ્રક્રિયા વિશે વધુ માહિતી આપતા, લેફ્ટનન્ટ જનરલ અનિલ પુરીએ જાહેરાત કરી કે નજીકના ભવિષ્યમાં ‘અગ્નિવીર’ની સંખ્યા વધીને 1.25 લાખ થઈ જશે અને તે 46,000 પર રહેશે નહીં જે હાલનો આંકડો છે. “આગામી 4-5 વર્ષોમાં, અમારી જરૂર 50,000-60,000 હશે અને તે પછીથી વધીને 90,000 થી 1 લાખ થઈ જશે. અમે યોજનાનું વિશ્લેષણ કરવા અને ત્યાં સુધી ઇન્ફ્રા ક્ષમતા વધારવા માટે 46,000 થી નાની શરૂઆત કરી છે,” લેફ્ટનન્ટ જનરલ અનિલ પુરીએ જણાવ્યું હતું કે, જેઓ હાલમાં સંરક્ષણ મંત્રાલયમાં લશ્કરી બાબતોના વિભાગમાં વધારાના સચિવ તરીકે સેવા આપે છે.

    પુરીએ ઉમેર્યું હતું કે વિવિધ મંત્રાલયો અને વિભાગો દ્વારા જાહેર કરાયેલ ‘અગ્નિવીર’ માટેના આરક્ષણો અંગેની ઘોષણાઓ પૂર્વ આયોજિત હતી અને ‘અગ્નિપથ યોજનાની જાહેરાત પછી થયેલી આગની પ્રતિક્રિયામાં નથી’. હરિયાણા, યુપી અને અન્ય કેન્દ્રીય મંત્રાલયો સહિત અનેક રાજ્ય સરકારોએ ચાર વર્ષ પછી અગ્નિપથ સ્નાતકો માટે ઘણી તક અને ભરતી પસંદગીઓની જાહેરાત કરી છે.

    સેનામાં 4 વર્ષની નોકરી અંગેના પ્રશ્નના જવાબમાં લેફ્ટનન્ટ જનરલ પુરીએ માહિતી આપી હતી કે પહેલેથી જ દર વર્ષે લગભગ 17000 લોકો સશસ્ત્ર દળોમાં નોકરી છોડી દે છે અને એવું નથી કે દરેક જણ લાંબા ગાળા માટે સશસ્ત્ર દળોમાં સેવા આપવા માંગે છે. . “આશરે 17,600 લોકો દર વર્ષે ત્રણેય સેવાઓમાંથી અકાળ નિવૃત્તિ લઈ રહ્યા છે. નિવૃત્તિ પછી તેઓ શું કરશે તે વિશે કોઈએ ક્યારેય તેમને પૂછવાનો પ્રયાસ કર્યો નથી.” તેમણે કહ્યું.

    અગ્નિવીરોને મળનાર લાભ અને તકો

    લેફ્ટનન્ટ જનરલ પુરીએ ઉમેદવારોને ટર્મના અંતે રૂ. 11.71 લાખના સેવા નિધિ પેકેજ પર પ્રકાશ પાડ્યો, જેને જો રૂ. 16.74 લાખના કુલ પગાર સાથે જોડીએ તો એક અગ્નવીરની ચાર વર્ષમાં કુલ રૂ. 23.24 લાખની આવકનો ઉમેરો થાય છે.

    ચાર વર્ષ પછી અગ્નિપથ કાર્યક્રમ પૂર્ણ કર્યા પછી, અગ્નિવીરોને કેન્દ્રીય સશસ્ત્ર પોલીસ દળ CAPF અને આસામ રાઈફલ્સમાં ગૃહ મંત્રાલય દ્વારા જાહેર કરવામાં આવેલ 10% અનામતનો આનંદ મળશે. વધુમાં, નાગરિક ઉડ્ડયન મંત્રાલય, બંદરો, શિપિંગ અને હાઇવે મંત્રાલય અને શિક્ષણ મંત્રાલય સહિત કેટલાક મંત્રાલયોએ ઇચ્છુકો માટે પ્રમાણપત્ર, ડિગ્રી અને બ્રિજિંગ કાર્યક્રમોની જાહેરાત કરી છે.

    લેફ્ટનન્ટ જનરલ અનિલ પુરીએ ટ્રાઇ-સર્વિસ પ્રેસ કોન્ફરન્સ દરમિયાન કહ્યું કે, જો કોઈ અગ્નિવીર સેવા દરમિયાન રાષ્ટ્રની સેવામાં પોતાનું જીવન બલિદાન આપે તો તેને એક કરોડ રૂપિયાનું વળતર મળશે. વધુમાં, ‘અગ્નિવીર’ને સિયાચીન જેવા હરીફાઈવાળા વિસ્તારોમાં અને અન્ય વિસ્તારોમાં સમાન ભથ્થું મળશે જે હાલમાં સેવા આપતા નિયમિત સૈનિકોને લાગુ પડે છે. “સેવાની શરતોમાં તેમની સાથે કોઈ ભેદભાવ નથી,” તેમણે ઉમેર્યું.

    નૌકાદળમાં મહિલા અગ્નિવીર

    વાઈસ એડમિરલ દિનેશ ત્રિપાઠીએ કહ્યું કે આ વર્ષે 21 નવેમ્બરથી પ્રથમ નૌકાદળ અગ્નિવીર ઓડિશાના INS ચિલ્કા પ્રશિક્ષણ સંસ્થાનમાં પહોંચવાનું શરૂ કરશે. “મહિલા અને પુરૂષ અગ્નિવીર બંનેને આ માટે મંજૂરી છે,” તેમણે ઉમેર્યું.

    “ભારતીય નૌકાદળમાં હાલમાં 30 મહિલા અધિકારીઓ છે જે ભારતીય નૌકાદળના વિવિધ જહાજો પર સફર કરે છે. અમે નક્કી કર્યું છે કે અગ્નિપથ યોજના હેઠળ અમે મહિલાઓની પણ ભરતી કરીશું. તેમને યુદ્ધ જહાજો પર પણ તૈનાત કરવામાં આવશે,” વાઈસ એડમિરલ ત્રિપાઠીએ વ્યક્ત કર્યું.

    24 જૂન, 2022 થી ભરતી પ્રક્રિયા શરૂ થશે

    લેફ્ટનન્ટ જનરલ બંસી પોનપ્પાએ અગ્નિપથ યોજનાના ભરતી સમયપત્રક વિશે વાત કરી. “ડિસેમ્બરના પ્રથમ સપ્તાહ સુધીમાં, અમને 25,000 ‘અગ્નિવીર’ની પ્રથમ બેચ મળશે અને બીજી બેચ ફેબ્રુઆરી 2023 ની આસપાસ સામેલ કરવામાં આવશે અને તે 40,000 થશે,” તેમણે ઉમેર્યું. એર માર્શલ એસકે ઝાએ જાહેરાત કરી હતી કે અગ્નિપથની પ્રથમ બેચ માટે નોંધણી પ્રક્રિયા 24 જૂન, 2022ના રોજથી શરૂ થશે.

    નોઈડામાં મફત શિક્ષણના નામે ગરીબ બાળકોનું ધર્માંતરણ: કેરળના પાદરી વિરુદ્ધ કેસ દાખલ, જૂની હવેલીમાં NGO ખોલવામાં આવી હતી

    ઑપઇન્ડિયા સ્ટાફ
    -
    0
    નોઈડામાં મફત શિક્ષણના નામે ગરીબ બાળકોનું ધર્માંતરણ: કેરળના પાદરી વિરુદ્ધ કેસ દાખલ, જૂની હવેલીમાં NGO ખોલવામાં આવી હતી

    નોઈડામાં મફત શિક્ષણના નામે ગરીબ બાળકોનું ધર્માંતરણ થઇ રહ્યું હતું.ઉત્તર પ્રદેશના નોઈડાના સેક્ટર-12ના બી બ્લોકમાંથી ધર્મ પરિવર્તનની ઘટના સામે આવી છે. વિશ્વ હિંદુ પરિષદ (વીએચપી) એ આરોપ લગાવ્યો છે કે બી બ્લોક સ્થિત કોઠીમાં ગરીબ ઝૂંપડપટ્ટીમાં રહેતા બાળકોને મફત શિક્ષણના બદલામાં ખ્રિસ્તી ધર્મ અપનાવવામાં આવી રહ્યો છે. હિન્દુ સંગઠનોના હંગામા વચ્ચે પોલીસ અધિકારીઓની ટીમ પણ ત્યાં પહોંચી ગઈ હતી. નોઈડામાં મફત શિક્ષણના નામે ગરીબ બાળકોનું ધર્માંતરણ કરવામાં આવી રહ્યું હતું.

    રિપોર્ટ અનુસાર, આ ઘટના અંગે VHP દ્વારા નોઈડા સેક્ટર 24 પોલીસ સ્ટેશનમાં લેખિત ફરિયાદ દાખલ કરવામાં આવી છે. આ ઘટના અંગે નોઈડાના એડિશનલ પોલીસ કમિશનર રણવિજય સિંહે કહ્યું છે કે તપાસ બાદ કાર્યવાહી કરવામાં આવશે. કહેવાય રહ્યું છે કે સેક્ટર 12માં લિટલ ફ્લોક નામની એનજીઓ ચલાવવામાં આવી રહી છે. તેનો સંચાલક કેરળનો રહેવાસી ફિલિપ અબ્રાહમ છે, જે તેની કોઠીના ભોંયરામાં તેનું સંચાલન કરે છે. VHP નેતા ઉમાનંદન કૌશિકે પૂજારી વિરુદ્ધ લેખિત ફરિયાદ કરી છે. પોલીસ આસપાસના લોકો સાથે વાત કરીને હકીકત ચકાસી રહી છે. બાળકોના વાલીઓ પાસેથી પણ માહિતી લેવામાં આવી રહી છે.

    એવો દાવો કરવામાં આવી રહ્યો છે કે છેલ્લા 29 વર્ષથી નોઈડામાં રહેતો ફિલિપ પોતાની એનજીઓ ચલાવી રહ્યો છે. તેમની જૂની હવેલીના ભોંયરામાં મફત શિક્ષણની સાથે, તેઓ મફત સીવણ તાલીમ અને તબીબી શિક્ષણ આપવાનો પણ દાવો કરે છે. નોઈડા ઉપરાંત દિલ્હીના ભાંગેલ અને દલ્લુપુરામાં પણ આટલી જ સંખ્યામાં પૂજારીઓ સમાન કાર્ય કરી રહ્યા છે.

    ઘટના અંગે ઉમાનંદન કૌશિકે કહ્યું, “જ્યારે કોઈના ધર્મ પર હુમલો થાય છે, ત્યારે તેને દુઃખ થાય છે. હિન્દુ સમાજના 5-12 વર્ષના બાળકોને લલચાવી ફોસલાવીને તેમનું ધર્માંતરણ કરાવવાનું કામ કરવામાં આવી રહ્યું છે. ફિલિપ અબ્રાહમના ઘરમાં રામાયણ તો નહિજ ભણાવતો હોય ને. સીએમ યોગી આદિત્યનાથ આ મામલે તાત્કાલિક ધ્યાન આપે તેવી માંગ ઉઠી છે. જ્યારે અમે અહીં લાવેલા નાના બાળકોને આ વિશે પૂછ્યું તો તેઓએ કહ્યું કે અમે અહીં ઈસુ ખ્રિસ્તની પ્રાર્થના શીખવા આવ્યા છીએ.” જોકે, આ મામલે પોલીસનું કહેવું છે કે કેસ નોંધવામાં આવ્યો છે અને તેની તપાસ કરવામાં આવી રહી છે.

    1...1,0401,0411,042...1,115Page 1,041 of 1,115

    © Copyright - OpIndia.com