આપ વખાણમાં આપનો કરોડોનો ધુમાડો, આ કોઈ તુક્કાબાજી નથી, પણ એક વાયરલ થયેલી RTIમાં થયેલો વિસ્ફોટક ખુલાસો છે. પંજાબ આમ આદમી પાર્ટીની સરકાર આપ વખાણમાં એટલી અધીરી બની ગઈ છે કે એક મહિનામાં અધધ 24 કરોડ રૂપિયા ફૂંકી નાંખ્યા. એ તો ઠીક પણ તાજેતરમાં સોસિયલ મીડિયા પર વાયરલ થયેલી એક RTI કોપી મુજબ પંજાબ આપ સરકારે ખાલી સાત દિવસમાંજ 5 કરોડની જાહેરાત આપી હતી.
શું છે RTIની માહિતીમાં
પંજાબના ભટિંડાથી થયેલી અને મહિપાલસિંહ ગરેવાલ દ્વારા કરવામાં આવેલી આ RTIમાં સ્પષ્ટ રીતે જોઈ શકાય છે કે તા- 29/4/2022 ના રોજ થયેલી અરજીના જવાબમાં તા-10/4/2022 થી તા- 17/4/2022 એટલેકે માત્ર 7 દિવસની અંદર અંદર પંજાબની ભગવંત માન સરકારે 5,03,05,702/- રૂપિયા, એટલેકે 5 કરોડ 3 લાખ 5 હજાર 702 રૂપિયા માત્ર જાહેરખબર આપવા માટે વાપર્યા હતાં. જેમાં 3,55,54,184 રૂપિયા ગુજરાત,હિમાચલ અને અન્ય રાજ્યમાં પ્રચાર કરવામાં વાપર્યા હતાં.
ભાજપે કર્યા આકરા પ્રહાર
ભાજપ યુવા નેતા તાજીન્દર પાલ સિંહ બગ્ગા એ આ RTIના સામે આવ્યા બાદ પંજાબની આપ સરકારને ઘેરતા જોવા મળ્યા હતા. બગ્ગાએ આ RTIની કોપી શેર કરતા ટ્વીટ કર્યું હતું કે એક સપ્તાહમાં 5 કરોડ છાપામાં જાહેરાત માટે ઉડાવ્યા. જેમાં 3.5 કરોડ ગુજરાત અને અન્ય રાજ્ય પર. જ્યાં અરવિંદ કેજરીવાલ ને ચૂંટણી લડવી છે. કેજરીવાલ પંજાબને દેવામાં ડૂબાડવા કોઈ કસર નથી મૂકી રહ્યા.
पंजाब सरकार ने केवल एक सप्ताह (10 से 17 april ) में 5 करोड़ के अख़बारों को विज्ञापन दिए जिसमें से 3.5 करोड़ रुपए के विज्ञापन गुजरात,हिमाचल और उन राज्यों को दिए गये जहाँ @ArvindKejriwal चुनाव लड़ना चाहते है । केजरीवाल पंजाब को क़र्ज़ में डुबाने की कोई कसर नही छोड़ रहा pic.twitter.com/WWzfZX8Pci
— Tajinder Pal Singh Bagga (@TajinderBagga) June 19, 2022
આ ખુલાસા પર પંજાબ બીજેપી નેતા મનજિંદર સિરસાએ આ RTIની કોપી ટ્વીટ કરતા પંજાબ સરકાર પર કટાક્ષ કરતાં લખ્યું હતું કે “પૈસા પંજાબના પ્રચાર કેજરીવાલનો? 10 થી 17 એપ્રિલ દરમિયાન રૂપિયા 5 કરોડ રૂપિયા ખર્ચ્યા, જેમાંથી 3.5 કરોડ રૂપિયા તો ગુજરાત, હિમાચલ અને અન્ય ચૂંટણી વાળા રાજ્યોમાં વાપર્યા. ભગવંત માન માટે પંજાબ નહિ પણ કેજરીવાલનો પ્રચાર વધારે જરૂરી છે.
पैसा पंजाब का
— Manjinder Singh Sirsa (@mssirsa) June 19, 2022
प्रचार केजरीवाल का
10 से 17 अप्रैल के दौरान ₹5cr+ के विज्ञापन अख़बारों को दिए गए जिसमें से ₹3.5cr के गुजरात, हिमाचल और चुनाव वाले राज्यों में ख़र्चे गये@bhagwantmann के लिये पंजाब नही, @ArvindKejriwal का प्रचार priority है! pic.twitter.com/ZjRDhY8E8A
એક બીજી ટ્વીટમાં મનજિંદર સિરસાએ પંજાબની ભગવંત માન સરકારને ઘેરતા કહ્યું કે “આમ આદમી પાર્ટીની સરકારે છેલ્લા 3 મહિનામાં 9 હજાર કરોડની લોન લીધી. માત્ર એપ્રિલ મહિનામાં જ સરકારના પ્રચાર અને જાહેરાતો પાછળ 24.40 કરોડ રૂપિયા ખર્ચવામાં આવ્યા હતા. અત્યાર સુધી પંજાબની કોઈ મહિલાને મહિને 1000 રૂપિયા આપવામાં આવ્યા નથી. વીજળી અને પાણી પર કોઈ સબસિડી આપવામાં આવી નથી. સિરસાએ કહ્યું કે સીએમ ભગવંત માનને જવાબ આપવો જોઈએ કે જ્યારે કોઈ કામ જ નથી થતું તો પછી પ્રચાર શેનો? આ ઈન્કલાબ નથી, કેજરીવાલનું દિલ્હી મોડલ છે.”
•@AapPunjab सरकार ने पिछले 3 महीने में
— Manjinder Singh Sirsa (@mssirsa) June 17, 2022
👉🏻₹9000 Cr का और क़र्ज़ा लिया
👉🏻 केवल अप्रैल के महीने में सरकार की पब्लिसिटी और इश्तहारों पर ₹24,40,37,000 ख़र्चे गए
काम के मामले में
❌ पंजाब की किसी महिला को ₹1000 monthly allowance नहीं दिया
❌ कोई बिजली पानी की सब्सिडी नहीं दी गई pic.twitter.com/PhFbzRRZbM
કોંગ્રેસનો આપ વિરોધ
કોંગ્રેસ પુર્વાધ્યક્ષ રાહુલ ગાંધી નેશનલ હેરાલ્ડમાં કરોડોના કૌભાંડ કેસમાં ED ઓફીસના ચક્કર ફરી રહ્યા છે. તેવામાં પંજાબ કોંગ્રેસના અધ્યક્ષ અમરિંદર સિંહ રાજા વાડિંગ પણ આ મામલે ટ્વીટર પર ચર્ચા કરતા જોવા મળ્યા હતા. જેમાં તેમણે ટ્વીટ કરીને કહ્યું હતું કે આમ આદમી પાર્ટીની સરકાર પ્રચારના ઓક્સિજન પર ચાલી રહી છે. સાથેજ આક્ષેપ લગાડ્યો હતો કે દરરોજ એક કરોડ રૂપિયાનો ખર્ચ થઈ રહ્યો છે.
. @AAPPunjab govt is surviving on Oxygen of Publicity, it purchases for almost ONE CRORE a day.
— Amarinder Singh Raja Warring (@RajaBrar_INC) June 18, 2022
As it has nothing credible to its credit for survival, it keeps on ‘pumping’ in crores to maintain its ‘oxygen levels’. Spent 24 cr in first month; certainly not a sign of good health pic.twitter.com/DsIWG99k26
કેજરીવાલ સરકારની મફત લ્હાણીની સ્કીમથી દેશની તિજોરી પર કેટલું ભારણ વધ્યું છે તેનાથી લગભગ કોઈ અજાણ નહીંજ હોય. તેવામાં આપ વખાણની લ્હાયમાં પંજાબની સરકારે પંજાબની જનતાના કરોડો રૂપિયાનું આંધણ કરી નાખ્યું, અરવિંદ કેજરીવાલનાં ચૂંટણી લડવાનાં અભરખામાં ભગવંત માન પંજાબને દેણાના ભાર નીચે ડુબાડી દે તેવા અણસાર નજરે પડી રહ્યાં છે.
