મોરબી પંથકમાં હિંદુ સગીરાઓના શોષણ બંધ થવાનું નામ નથી લઈ રહ્યા, તાજેતરમાં જ બિલાલ નામના એક મુસ્લિમ યુવકે ધમકીઓ આપીને હિંદુ સગીરા પર બળાત્કાર ગુજારવાની ઘટના સામે આવી હતી. તેવામાં મોરબીમાં દેવ ફનવર્લ્ડના મીટર રૂમમાં હસન સંધીએ હિંદુ સગીરા પર બળાત્કાર આચર્યો હોવાની ઘટનાથી આખા પંથકનો હિંદુ સમાજ રોષે ભરાયો છે. પહેલાની જેમ જ આ ઘટનામાં પણ આરોપીએ પીડિતાના વાંધાજનક ફોટા વાયરલ કરવાની ધમકીઓ આપીને પોતાની હવસ સંતોષી હતી.
મળતી માહિતી અનુસાર શહેરના કાલિકા પ્લોટ ખાતે રહેતા હાસન સંધીએ પોશ વિસ્તારમાં રહેતી અને ધોરણ 10માં ભણતી એક હિંદુ સગીરાને પ્રેમજાળમાં ફસાવીને તેના વાંધાજનક ફોટા પાડી લીધા હતા. ત્યાર બાદ તે ફોટા વાયરલ કરવાની ધમકી આપીને મોરબીના દેવ ફનવર્લ્ડના મીટર રૂમમાં હસન સંધીએ સગીરા પર બળાત્કાર આચર્યો હતો. આરોપી હસને 22 જુન 2022 અને 13 એપ્રિલ 2023ના રોજ પીડિતા પર બળાત્કાર ગુજાર્યો હોવાનો ચોંકાવનારો ખુલાસો પીડિતાના પરિવારે પોલીસ ફરિયાદમાં કર્યો હતો.
ફરિયાદમાં જણાવ્યા અનુસાર આરોપી અવારનવાર ફોન કરી પીડિતાને મળવા બોલાવતો હતો અને ધમકીઓ આપતો હતો. બાદમાં પીડિતાએ અને તેની સાથે વાતચીત કરવાનું બંધ કરી દીધું અને મોબાઈલ ફોન બંધ કરી દીધો હતો. તે છતાં હસને કોઈ રીતે પીડિત સગીરાને ધમકીઓ આપી એક બંધ દુકાનમાં લઈ ગયો હતો અને દુકાનમાં પણ જબરદસ્તી કરવાનો પ્રયાસ કર્યો હતો. હસનથી ત્રાસી ગયેલી સગીરાએ સમગ્ર આપવીતી માતાને કહી હતી.
એક જ મોડસઓપરેન્ડીથી ફસાવાય છે હિંદુ સગીરાઓને: હિંદુ સંગઠનો
આ મામલે વધુ માહિતી મેળવવા અમારી ટીમે સ્થાનિક હિંદુ સંગઠનોનો સંપર્ક કર્યો હતો, સ્થાનિક આગેવાનો સાથે વાત કરતા તેઓએ ચોંકાવનારા ખુલાસો કર્યા હતા. તેમના જણાવ્યાં અનુસાર થોડા દિવસો અગાઉ જે બિલાલે સગીરા પર બળાત્કાર આચર્યો હતો, અને તાજા કિસ્સામાં જે હસન નામનો આરોપી છે તે તમામ એક જ ટુકડીના સભ્યો છે. અને એક જ મોડસઓપરેન્ડી વાપરીને હિંદુ સગીરાઓને ફસાવે છે. બિલાલે સગીરાનો બળાત્કાર કરીને તેને ધમકી આપી અન્ય 7 થી 8 જેટલી સગીરાઓને ફ્સાવડાવી હતી, તેમ હિંદુ સંગઠનના અગ્રણીએ જણાવ્યું હતું.
આ મામલે માહિતી આપતા હિંદુ યુવા વાહિનીના અગ્રણીએ અમને જણાવ્યું હતું કે, “શરૂઆતમાં પીડીતાનો પરિવાર પોલીસ ફરિયાદ કરવામાં ડરી રહ્યો હતો, પરંતુ હિંદુ જાગરણ મંચ અને હિંદુ યુવા વાહિનીએ પરિવારને હિંમત આપતા તેઓ ફરિયાદ કરવા તૈયાર થયા હતા. પીડિતા ટ્યુશન કલાસીસ જતી હતી તે સમયે હસનના સંપર્કમાં આવી હતી. ત્યાર બાદ તેણે પીડિતા સાથે મિત્રતા કરીને તેને વિશ્વાસમાં લીધી હતી. ત્યાર બાદ ફરવા લઈ જવાના બહાને દેવ ફનવર્ડમાં સગીરા પર બળાત્કાર આચર્યો હતો.”
તેમના જણાવ્યાં અનુસાર આરોપીનું 7 થી 8 જણાનું ગ્રુપ છે, જેઓ આ પ્રકારે હિંદુ સગીરાઓને ફોસલાવી અને પ્રેમજાળમાં ફસાવીને તેમનું શોષણ કરે છે. તેમણે અમારી ટીમને જણાવ્યું કે, “આ આખું એક પ્રકારનું રેકેટ ચાલી રહ્યું છે. હિંદુ છોકરીઓને ફસાવીને તેમના ફોટા અને વિડીયો બનાવી તેમને બદનામ કરવાની ધમકીઓ આપવામાં આવે છે. અને હિંદુ બાળકીઓ તેમના ચક્રવ્યૂહમાં ઊંડે સુધી ફસાતી જાય છે. આ આરોપીઓ એક બીજાની મદદથી શાળા કોલેજોમાં ભણતી વિદ્યાર્થીનીઓને ટાર્ગેટ કરે છે, જે રીતે બિલાલે પીડિતાની બહેનોને મારી નાંખવાની ધમકીઓ આપીને તેનું શોષણ કર્યું, તે જ રીતે આ ટોળકીના સભ્યો એક છોકરીને ફસાવીને અન્યને ફસાવવા ફોટા કે અન્ય રીતે બ્લેકમેલ કરતા હોવાનું અમારા ધ્યાને આવ્યું છે.”
હિંદુ સંગઠનો અગામી સમયમાં વિદ્યાર્થીનીઓની જાગૃતિ માટે કાર્યક્રમો કરશે
આ મામલે વધુ માહિતી આપતા હિંદુ સંગઠનના અગ્રણીએ અમારી ટીમને જણાવ્યું હતું કે, “ભોગ બનનારી મોટાભાગની પીડીતાઓ સગીર વયની છે, અને આ બાબતે સમાજમાં જાગૃતિ લાવવી ખુબ જરૂરી બની છે. તેના માટે મોરબીના સ્થાનિક હિંદુ સંગઠનો શહેર તથા આસપાસની શાળા કોલેજોમાં જાગૃતિ કાર્યક્રમો કરવા માટે યોજના બનાવી રહ્યાં છે. જે અંતર્ગત વક્તવ્ય દ્વારા વિદ્યાર્થીનીઓને લવ જેહાદ અને અન્ય આ પ્રકારના દુષણોથી સચેત કરવા માટેની માહિતીઓ આપવામાં આવશે.”
આ સમગ્ર મામલે હાલ મોરબી સીટીના A ડીવીઝન પોલીસ સ્ટેશનમાં સગીર વયની હિંદુ વિદ્યાર્થીની પર બળાત્કાર બદલ આરોપી હસન સંધી વિરુદ્ધ બળાત્કાર તેમજ પોક્સો સહીતનો ગુનો દાખલ કર્યો છે. પોલીસે આરોપી હસનની ધરપકડ કરીને કોર્ટ સમક્ષ રજુ કરી તેના રિમાન્ડની માંગણી કરવા કાર્યવાહી હાથ ધરી છે.
આ પહેલા બિલાલે હિંદુ સગીરા પર વારંવાર દુષ્કર્મ આચર્યું હતું
મોરબીમાં હિંદુ સગીરા પર બળાત્કાર થયો હોય તેવી આ પહેલી ઘટના નથી, આ પહેલા થોડા સમય અગાઉ જ બિલાલ નામના મુસ્લિમ યુવકે હિંદુ સગીરાને ફોસલાવીને ધમકી આપીને વારંવાર દુષ્કર્મ આચરવાનો કિસ્સો સામે આવ્યો હતો. આરોપીએ પીડિતાને ઉપાડી લઇ જઈને રેપ કર્યો હતો અને ત્યારબાદ ધમકી આપી હતી. આરોપીની ઓળખ બિલાલ આદમ માણેક (ઉંમર- 22 વર્ષ) તરીકે થઇ છે. પીડિત સગીરાની માતાએ મોરબી એ ડિવિઝન પોલીસ મથકે ફરિયાદ નોંધાવ્યા બાદ FIR દાખલ કરીને તેની ધરપકડ કરી લેવામાં આવી હતી.
ફરિયાદમાં પીડિતાની માતાએ જણાવ્યું હતું કે, તેમની પુત્રી જ્યારે શાળાએ જતી હતી ત્યારે આરોપી બિલાલ તેનો પીછો કરતો હતો અને આંટાફેરા કરતો રહેતો હતો. એક દિવસ તે તેને લલચાવી-ફોસલાવીને વિસીપરા ખાતેના પોતાના મકાને લઇ ગયો હતો અને જ્યાં બળાત્કાર કર્યો હતો.
એક જ વખત નહીં પરંતુ ચાર વર્ષમાં બિલાલે અનેક વખત સગીરા સાથે બળાત્કાર કર્યો હોવાનું પોલીસ ફરિયાદમાં જણાવવામાં આવ્યું છે. ઉપરાંત, તેણે સગીરાને તેની બહેન અને પિતરાઈ બહેનને ઉપાડી લઇ જવાની પણ ધમકી આપી હતી અને ‘મારા માણસોને લઈને ઘરે આવીશ અને જોઈ લઈશ’ તેમ કહીને પણ તેને ધમકાવી હતી.
