હૈદરાબાદ સ્થિત એક કોલેજની હોસ્ટેલમાં હિંદુ વિદ્યાર્થી સાથે અન્ય વિદ્યાર્થીઓએ મારપીટ કરીને ‘અલ્લાહુ અકબર’ના નારા લગાવવા માટે મજબુર કર્યો હોવાનો મામલો સામે આવ્યો છે. આ ઘટનાનો વિડીયો સોશિયલ મીડિયા પર વાયરલ થઇ રહ્યો છે. વિદ્યાર્થીનું નામ હિમાંક બંસલ હોવાનું અહેવાલો જણાવે છે.
આ ઘટના હૈદરાબાદ સ્થિત ‘ICFAI ફાઉન્ડેશન ફોર હાયર એજ્યુકેશન’ની હોવાનું કહેવાય છે. સોશિયલ મીડિયા પર વાયરલ વિડીયોમાં હિમાંક બંસલને અન્ય વિદ્યાર્થીઓ બહુ ખરાબ રીતે મારતા જોવા મળે છે. તેઓ તેને બેડ પરથી નીચે પણ પાડી નાંખે છે. આ ઘટના બાદ હિમાંકે પોલીસ ફરિયાદ પણ દાખલ કરી છે.
Himank Bansal studying in IFHE Hyderabad assaulted and forced to chant "Allah Hu akbar" in campus by senior students of another religion.
— Vishnu Vardhan Reddy (@SVishnuReddy) November 12, 2022
IFHE comes under Hyderabad parliamentary constituency of @asadowaisi but not a single word by him yet!
Also no media reporting this matter. pic.twitter.com/qGy5Xyvi6H
ફરિયાદમાં તેણે જણાવ્યું છે કે, BA-LLBના પહેલા વર્ષમાં ભણતી તેની મિત્ર દિપાશા શર્માએ તેને તેનાથી સાડા ત્રણ વર્ષ નાની છોકરી સાથે મિત્રતા કરવા બદલ ‘પિડોફાઇલ’ (બાળકો પ્રત્યે આકર્ષિત થતો હોય તેવો વ્યક્તિ) ગણાવ્યો હતો. હિમાંકે જવાબમાં કહ્યું કે તેનો તે છોકરી સાથે કોઈ શારીરિક સબંધો બાંધવાનો ઈરાદો નથી અને તે પોતે ખોટો નથી તે સાબિત કરવા માટે ઇસ્લામી ગ્રંથોનો સંદર્ભ આપ્યો હતો. આ મેસેજ તેની મિત્રે કોલેજના અન્ય વિદ્યાર્થીઓમાં પણ શૅર કરી દીધો હતો.
હૈદરાબાદ પોલીસને આપેલ ફરિયાદમાં બંસલ આગળ જણાવે છે કે, આ ઘટના પછી 15 થી 20 છોકરાઓ તેની હોસ્ટેલમાં રૂમમાં ધસી આવ્યા હતા અને ધાર્મિક ભાવનાઓને ઠેસ પહોંચાડવાનું કહીને મારપીટ કરવા માંડ્યા હતા. ત્યારબાદ તેમણે તેને ‘અલ્લાહુ અકબર’ના નારા લગાવવા માટે કહ્યું હતું અને તેના પરિજનોને પણ ધમકી આપી હતી. એટલું જ નહીં, પરંતુ તેને નિર્વસ્ત્ર કરવાના પણ પ્રયત્નો કરવામાં આવ્યા હતા અને તેણે ઇનકાર કરતાં વધુ માર મારવામાં આવ્યો હતો.
પીડિત હિમાંકે ફરિયાદમાં આરોપીઓનાં નામો પણ લખ્યાં છે તેમજ ઘટનાના વિડીયો અને ફોટોગ્રાફ પણ પોલીસને જમા કરાવ્યા છે. ત્યારબાદ સાયબરાબાદ પોલીસે ફરિયાદના આધારે શુક્રવારે (11 નવેમ્બર 2022) આઇપીસીની કલમ 307, 342, 450, 323, 506, R/W 149 અને રેગિંગ એક્ટની કલમ 4 (1), (2) અને (3) હેઠળ કેસ દાખલ કરીને આગળની તપાસ હાથ ધરી હતી.
In the incident reported at IBS Institute, A case was registered on 11.11.2022 by Shankarpally PS, agansit the culprits under the provisions of 307, 342, 450, 323, 506, R/W 149, IPC and Sec 4(I),(II), and (III) of the Prohibition of Raising Act of 2011. The action is being taken. https://t.co/uknlITNxbJ
— Cyberabad Police (@cyberabadpolice) November 12, 2022
પોલીસ આ મામલે આગળની તપાસ કરી રહી છે, બીજી તરફ શૈક્ષણિક સંસ્થાએ પણ આ મામલે જવાબદારો તમામ સામે કાર્યવાહી શરૂ કરી હોવાનું જાણવા મળ્યું છે.
