પૂર્વ આરજેડી એમએલસી અનવર અહેમદના પુત્ર અને વોર્ડ 40ના પૂર્વ કાઉન્સિલર અસફર અહેમદે હંગામો મચાવ્યો હતો, જે બિહારની રાજધાની પટનામાં પોલીસ પર હુમલા કેસમાં દુકાનદાર સરફરાઝને છોડાવવા માટે શુક્રવારે સાંજે પીરબહોર પોલીસ સ્ટેશન પહોંચ્યો હતો. અસફર અહેમદે અડધો ડઝન પોલીસકર્મીઓની સામે ટાઉન ડીએસપી અશોક પ્રસાદ સિંહ સાથે પણ ગેરવર્તણૂક કરી હતી. તેણે પોલીસને યુનિફોર્મ ઉતરાવી નાખવાની ધમકી પણ આપી હતી.
Clashes broke out when police were probing a shopkeeper in connection with a scuffle that ensued on Wednesday.#Patna #LaluPrasadYadav | @sujjha https://t.co/UkptQPHKas
— IndiaToday (@IndiaToday) September 9, 2022
નોંધનીય છે કે ગુરુવારે રાત્રે અસામાજિક તત્વોએ પટનામાં પોલીસ પર હુમલા બાદ પોલીસને દોડાવી દોડાવીને માર માર્યો હતો. હુમલામાં એક પોલીસ કોન્સ્ટેબલ ગંભીર રીતે ઘાયલ થયો હતો, જેને સારવાર માટે પીએમસીએચમાં દાખલ કરવામાં આવ્યો હતો. આ પછી તરત જ પીરબહોર પોલીસ સ્ટેશન વિસ્તારના પટના માર્કેટ પાસે ચાર લોકો હથિયારો સાથે બેઠેલા હોવાની માહિતી મળી હતી. આ પછી પોલીસ ટીમ ઘટનાસ્થળે પહોંચી હતી, જેમાં પોલીસ ટીમે શિયા મસ્જિદ પાસે ઉભેલા ચાર યુવકોની તલાશી લીધી હતી.
ડીએસપી સાથેના દુર્વ્યવહાર અંગે પીરબહોર પોલીસ સ્ટેશનના એસએચઓએ જણાવ્યું હતું કે, ‘એક દિવસ પહેલા પોલીસ સાથે મારપીટની ઘટના અંગે વરિષ્ઠ અધિકારીઓ તપાસ માટે આવ્યા હતા. ઘટનાસ્થળનું નિરીક્ષણ કર્યા પછી, જ્યાં ઘટના બની હતી ત્યાંથી એક દુકાનદારને પૂછપરછ માટે લાવવામાં આવ્યો હતો.
એસએચઓના જણાવ્યા અનુસાર, વોર્ડ કાઉન્સિલર અશરફ અહેમદ આવ્યા અને તેમના તેને છોડી દેવા માટે દબાણ કરવાનું શરૂ કર્યું. આ બાબતે ડીએસપી સાથે બોલાચાલી અને ગેરવર્તણૂક શરૂ કરી હતી. પોલીસ સ્ટેશનની અંદર ફરજ પરના અધિકારી સાથે ખૂબ જ ખોટા શબ્દોનો ઉપયોગ કરવામાં આવ્યો હતો, ત્યારબાદ તેને અટકાયતમાં લેવામાં આવ્યો છે.
કબાબ મંત્રી તરીકે ઓળખાતા પૂર્વ MLC અનવર અહેમદ
નોંધનીય છે કે અનવર અહેમદ RJDના કોઈ સામાન્ય મંત્રી ન હતા. તેઓ કબાબ મંત્રી તરીકે પણ જાણીતા હતા. લાલુ યાદવ જ્યારે મુખ્યમંત્રી હતા ત્યારે તેમને કબાબ મંત્રી કહેવામાં આવતા હતા. તે લાલુ યાદવ માટે કબાબની વ્યવસ્થા કરતો હતો. ઘરથી જેલ સુધી.
તાજી જાણકરી મુજબ પોલીસે અનવર અહેમદને મુક્ત કરવાની ખાતરી આપી છે. જે બાદ લોકોએ પોલીસ સ્ટેશન પરિસર ખાલી કરી દીધું હતું.
