અમૃતપાલ સિંઘની ધરપકડ બાદ શ્રેય લેવા ગયા આમ આદમી પાર્ટી નેતા, નેટિઝન્સે ઘેર્યા, પૂછ્યું- 36 દિવસ સુધી શું કરતા હતા?

ખાલિસ્તાન સમર્થક અમૃતપાલ સિંઘની આજે (23 એપ્રિલ, 2023) સવારે પંજાબના મોગામાંથી ધરપકડ કરી લેવામાં આવી હતી. તે એક ગુરુદ્વારામાં સંતાયો હતો, જ્યાં પોલીસે ઘેરી લેતાં આત્મસમર્પણ કરી દીધું હતું. જ્યાંથી તેને આસામ લઇ જવામાં આવ્યો છે, જ્યાં દિબ્રુગઢ સેન્ટ્રલ જેલમાં રાખવામાં આવશે. 

અમૃતપાલ સિંઘ છેલ્લા એક મહિનાથી વધુ સમયથી ભાગતો ફરતો હતો. આખરે આજે તે પકડાયો હતો. બીજી તરફ, પંજાબની સત્તાધારી પાર્ટી આમ આદમી પાર્ટીએ અમૃતપાલની ધરપકડ માટે યશ લેવાનું શરૂ કરી દીધું હતું અને દાવો કર્યો કે પંજાબમાં કાયદો વ્યવસ્થાની સ્થિતિ મજબૂત છે અને તેની સાથે કોઈ સમાધાન કરવામાં આવશે નહીં. 

આમ આદમી પાર્ટીના નેતા અને સાંસદ સંજયસિંઘે એક વિડીયો ટ્વિટ કર્યો અને સાથે લખ્યું કે, ‘પંજાબની ‘આપ’ સરકાર કોઈ પણ ભોગે પંજાબની શાંતિ ભંગ નહીં થવા દેશે. લોકોની સુરક્ષા અમારા માટે સર્વોપરિ છે. અમે દેખાડી દીધું કે જરૂર પડ્યે અમે લોકો માટે કડકમાં કડક પગલાં લેવાની પણ હિંમત રાખીએ છીએ. તમામ લોકો શાંતિ જાળવી રાખે. 

पंजाब की “आप” सरकार किसी भी हालत में पंजाब की शांति भंग नहीं होने देगी। लोगों की सुरक्षा हमारे लिए सर्वोपरि है। हमने दिखा दिया कि ज़रूरत पड़ने पर लोगों के लिए हम सख़्त से सख़्त कदम लेने की भी हिम्मत रखते हैं। सब लोग शांति बनाये रखें। pic.twitter.com/GpbpY5em4N

— Sanjay Singh AAP (@SanjayAzadSln) April 23, 2023

વિડીયો બાઈટમાં તેમણે કહ્યું કે, અમૃતપાલ સિંઘની ધરપકડે સાબિત કરી દીધું છે કે આમ આદમી પાર્ટીની સરકાર કાયદો-વ્યવસ્થા મામલે કોઈ સમાધાન નહીં કરે. તેમણે દાવો કર્યો કે એક મહિનાથી સતત અમૃતપાલ સામે કાર્યવાહી ચાલી રહી હતી અને હવે કોઈ વિકલ્પ ન બચ્યો ત્યારે તેણે વિવશ થઈને પકડાવું પડ્યું. તેમણે કહ્યું કે, ભગવંત માનની સરકારે પૂરેપૂરી પરિપક્વતા સાથે કાર્યવાહી કરી અને ક્યાંય હિંસક ઘટના ન બની. 

તેમના આ વિડીયોને પોસ્ટ કરીને આમ આદમી પાર્ટીએ પણ આવા જ દાવા કર્યા હતા અને તેમની સરકાર પંજાબમાં કડકમાં કડક પગલાં ઉઠાવી રહી હોવાનું કહ્યું હતું. 

#AmritpalSingh की गिरफ़्तारी ने ये साबित कर दिया है कि Punjab की AAP सरकार कानून व्यवस्था के मामले में कोई समझौता नहीं करेगी।

हमने दिखा दिया कि ज़रूरत पड़ने पर लोगों के लिए हम सख़्त से सख़्त कदम लेने की भी हिम्मत रखते हैं।

-AAP MP @SanjayAzadSlnpic.twitter.com/YdBvfSLJFe

— AAP (@AamAadmiParty) April 23, 2023

પોલીસના ઑપરેશન બાદ ભાગી ગયેલા અને 36 દિવસથી ફરાર અમૃતપાલની ધરપકડ બાદ આમ આદમી પાર્ટીનું આ પ્રકારે ક્રેડિટ લેવું નેટિઝન્સને પસંદ આવ્યું ન હતું. લોકોએ સવાલ કર્યા કે 36 દિવસ સુધી આમ આદમી પાર્ટીની સરકાર અને પોલીસ શું કરી રહી હતી? ઘણાએ એમ પણ કહ્યું કે, કેન્દ્ર સરકારના હસ્તક્ષેપ બાદ અમૃતપાલ પર સકંજો કસવામાં આવ્યો છે અને આમ આદમી પાર્ટીએ તેનો યશ લેવો જોઈએ નહીં. 

દિનેશ પંતે લખ્યું, અમૃતપાલની ધરપકડ નથી થઇ પરંતુ કેન્દ્રના ઇમિગ્રેશન વિભાગ દ્વારા તેની પત્નીને પંજાબ પોલીસને સોંપવામાં આવ્યા બાદ અને પોતાની ઉપર કેન્દ્રીય એજન્સીઓનું દબાણ વધ્યા બાદ તેણે મજબૂરીમાં સરેન્ડર કરવું પડ્યું છે. આમ આદમી પાર્ટી પર સવાલ ઉઠાવીને તેમણે લખ્યું કે, જો તેમનામાં ધરપકડ કરવાની હિંમત હોત તો જ્યારે તે પોલીસ મથકમાં બેસીને લલકારી રહ્યો હતો ત્યારે જ તેને પકડી લીધો હોત. તેમણે એ પણ જણાવ્યું કે તે સમયે કઈ રીતે પંજાબ સીએમ ભગવંત માન કેજરીવાલ સાથે મુંબઈના પ્રવાસે ઉપડી ગયા હતા. 

अमृतपाल गिरफ्तार नहीं हुआ बल्कि केंद्र के इमिग्रेशन डिपार्टमेंट द्वारा उसकी पत्नी को पंजाब पुलिस को सौंपने और खुद उस पर केंद्रीय एजेंसियों का दबाब पड़ने पर उसने मजबूरी में सरेंडर किया है

अगर AAP में उसे गिरफ्तार करने की हिम्मत होती तो तब गिरफ्तार करते जब वह थाने में बैठ कर सरकार…

— Dinesh Pant (@DineshP777) April 23, 2023

ઉલ્લેખનીય છે કે ફેબ્રુઆરીમાં અમૃતપાલ સિંઘે તેના નજીકના માણસને છોડાવવા માટે અમૃતસરના અજનાલા પોલીસ મથકે ટોળા સાથે હુમલો કરી દીધો હતો અને પોલીસને ધમકી પણ આપી હતી. 

એક વ્યક્તિએ લખ્યું કે, 36 દિવસ પછી અમૃતપાલ પકડાયો ત્યારે સંજયસિંહ ખોટો શ્રેય લઇ રહ્યા છે અને એમ પણ કહ્યું કે, પંજાબ સીએમ ભગવંત માન સ્વયં ગૃહમંત્રી અમિત શાહ પાસે ગયા હતા અને મદદની માંગ કરી હતી. 

महा झूठा इंसान हैं संजय सिंह
पंजाब के सीएम भगवत मान खुद भीख मांगने गए थे अमित शाह के पास कि हमारे पुलिस की बस की अब नहीं है

38 दिन बाद अमृतपाल पकड़ा गया तो उसका श्रेय भी संजय सिंह जबरदस्ती अपने ऊपर ले रहा है

शर्म भी नहीं आती संजय सिंह को और #ArvindKejriwal

— शिखर सिंह (@shikhar_bjp) April 23, 2023

વિનય ચૌધરીએ લખ્યું કે, ‘આમ આદમી પાર્ટીએ 9 વર્ષમાં ક્રેડિટ લેવા સિવાય બીજું કર્યું જ શું છે? પંજાબની સરકાર પોલીસ મથકે થયેલી ધમાલ રોકી શકી ન હતી અને કેન્દ્ર સરકારે જ સંજ્ઞાન લીધું ન હોત તો અમૃતપાલ બૉસ બનીને ફરતો હોત.’ 

चुप करो बेशर्मों, 9 साल में दूसरों के काम का क्रेडिट लेने के अलावा और किया ही क्या है?

वहां की सरकार थाने में हो रहे नंगनाच को तो रोक नहीं पाई, केंद्र सरकार ने संज्ञान नहीं लिया तब तक यही अमृतपाल पंजाब का बॉस बना घूम रहा था।

— Vinay Choudhary (विनय चौधरी)🇮🇳 (@vinaybjpvoice) April 23, 2023

એક વ્યક્તિએ પૂછ્યું કે આમ આદમી પાર્ટીની સરકાર 36 દિવસથી શું કરી રહી હતી? ઉલ્લેખનીય છે કે અમૃતપાલ છેલ્લા 36 દિવસથી ફરાર હતો. 

36 दिनों से तो क्या कर रहे थे??

— HVG (@harshilgondia) April 23, 2023

અન્ય એક યુઝરે લખ્યું કે, 36 દિવસ સુધી અમૃતપાલ ભાગતો રહ્યો અને ધરપકડ ન કરી શક્યા તો તે નિષ્ફ્ળતા કેમ દેખાઈ રહી નથી?

😃😃😃😃😃😃😃36 दिन तक चकमा देता रहा वो नाकामी नहीं दिखाई दी 😃😃😃😃😃

— Lodhisubhash (@Lodhisubhash1) April 23, 2023

એક યુઝરે લખ્યું કે, દોઢ મહિના સુધી એક વ્યક્તિને પકડી ન શક્યા અને હવે શ્રેય લઇ રહ્યા છે. એમ પણ પૂછ્યું કે જ્યારે અમૃતપાલે અજનાલા પોલીસ મથકે હુમલો કર્યો હતો ત્યારે તેઓ ક્યાં હતા? 

सालों डेढ़ महीने से एक आदमी को गिरफ़्तार नहीं कर पये या करना नहीं चाहते थे .. फालतू की शेखीं मत झाड़ो .. जब उसने अजनाला पुलिस थाने पर हमला बोला था तब कहाँ थी पंजाब सरकार की धाक ? छोड़ लोग .उसको भागने में मदद करने वाले अब अपनी पीठ थोक रहे है.

— Abhijit Sane (@abhijitsane) April 23, 2023

વળી એક યુઝરે સંજયસિંઘની મજાક ઉડાડતાં લખ્યું હતું કે, તેમને સિનેમાની ટિકિટ જોઈએ છે પણ મળી રહી નથી, જેથી તેઓ બ્લેકમાં જુગાડ કરી આપે. ઉલ્લેખનીય છે કે સોશિયલ મીડિયા પર એવી અફવાઓ ચાલતી રહે છે કે સંજયસિંઘ રાજકારણમાં જોડાયા તે પહેલાં બ્લેકમાં મુવી ટિકિટ વેચતા હતા. જોકે, ઑપઇન્ડિયા સ્વતંત્રપણે આ દાવાની પુષ્ટિ કરી શક્યું નથી. 

टिकट लेना था सिनेमा का आज के तारीख़ में मिल नहीं रहा है ब्लैक में दिलवा दो ना भाई 😂

— Nitin abhishek (@Nitinabhishek8) April 23, 2023