ભારતીય જનતા પાર્ટીના પૂર્વ નેતા નવીન જિંદલને (Naveen Jindal) હજુ પણ ધમકીઓ મળવાની ચાલુ જ છે. બીજી તરફ, નવીન જિંદલના ઘરની બહાર સુરક્ષામાં તહેનાત પોલીસ વાન પર જ હુમલો થવાની ઘટના બની છે. સ્વયં નવીન જિંદલ દ્વારા ટ્વિટ કરીને આ બાબતની જાણકારી આપવામાં આવી છે. તેમણે પોલીસ વાનની તસ્વીર પણ શૅર કરી હતી.
मेरे परिवार की जान को इस्लामिक जिहादियो से ख़तरा है मैं एक माह मे @DelhiPolice को कई बार सबूत सहित लिखित मे दे चुका हूँ मेरे निवास पर एक PCR एक सिपाही के साथ तैनात है
— Naveen Kumar Jindal 🇮🇳 (@naveenjindalbjp) July 17, 2022
रात मे जिहादियो ने PCR के शीशे तोड़कर संदेश दिया है@CPDelhi मेरी व मेरे परिवार की सुरक्षा का पुख़्ता प्रबंध करे pic.twitter.com/nEwGTN4TYA
ટ્વિટમાં નવીન જિંદલના જણાવ્યા અનુસાર, ‘મારા પરિવારના જીવને ઇસ્લામિક જેહાદીઓથી જોખમ છે અને એક મહિનાથી હું દિલ્હી પોલીસને અનેક વખત પુરાવા સહિત લેખિતમાં આપી ચૂક્યો છું.’ તેમણે વધુમાં જણાવ્યું કે, તેમના ઘરની બહાર એક પીસીઆર એક જવાન સાથે તહેનાત રહે છે પરંતુ રાત્રે પીસીઆર પર જ હુમલો (Police Van Attacked) થયો હતો અને કાચ તોડી નાંખવામાં આવ્યા હતા. તેમણે આ માટે ‘જેહાદીઓ’ને જવાબદાર ગણાવ્યા છે. તેમણે સાથે દિલ્હી પોલીસને તેમના પરિવારની સુરક્ષાની પૂરતી વ્યવસ્થા કરવાની પણ અપીલ કરી હતી.
નવીન જિંદલે ટ્વિટ સાથે બે તસ્વીરો શૅર કરી છે, જેમાં દેખાય છે કે એકે ગાડીનો પાછલો કાચ તોડી નાંખવામાં આવ્યો છે. કોઈ ભારે વજનવાળી વસ્તુ કાચમાં મારવામાં આવી હોય તેમ લાગી રહ્યું છે. એક તસ્વીરમાં પોલીસકર્મી પણ નજરે પડે છે, જેઓ કોઈ સાથે ફોન પર વાત કરતા દેખાય છે.
અપડેટ: આ મામલે પોલીસે કહ્યું છે કે નવીન જિંદલના ઘરની બહાર પીસીઆર વાન પર કોઈ પથ્થરમારો થયો નથી. આસપાસ કેટલાક ઘરોમાં બાંધકામ ચાલી રહ્યું છે, જેના માલસામાનમાંથી એક પથ્થર એક વાહન નીચે આવી જતાં ઉછળીને પીસીઆરની વિન્ડ સ્ક્રીન પર લાગતા કાચ તૂટી ગયો હતો.
Some media channels are wrongly stating that thr hs been stone pelting at residence of Sh. @naveenjindalbjp.
— Delhi Police (@DelhiPolice) July 17, 2022
Back glass of PCR Van outside his house broke due to a spinning stone from the wheel of a passing vehicle.
All are advised not to propagate false information. @PIB_India
ઉલ્લેખનીય છે કે મોહમ્મદ પયગંબર મુદ્દે કથિત વિવાદિત ટિપ્પણી મામલે ચાલેલા વિવાદને પગલે ભારતીય જનતા પાર્ટીએ બે નેતાઓ નૂપુર શર્મા અને નવીન જિંદલને બરતરફ કરી દીધા હતા. ત્યારથી સતત આ બંને નેતાઓને ધમકીઓ મળી રહી છે અને દેશ-વિદેશમાંથી તેમની વિરુદ્ધ ફતવા બહાર પાડવામાં આવી રહ્યા છે. બંને નેતાઓ અને તેમના પરિવારને જોખમ જોતાં તેમને પોલીસ સુરક્ષા પૂરી પાડવામાં આવી છે.
આ પહેલાં ગત મહિને રાજસ્થાનના ઉદયપુરમાં હિંદુ ટેલર કન્હૈયાલાલની હત્યા બાદ બીજા દિવસે નવીન જિંદલને પણ ધમકીભર્યા મેઈલ મળ્યા હતા અને જેમાં તેમને જાનથી મારી નાંખવાની ધમકી આપવામાં આવી હતી. તેમણે આ વિગતો ટ્વિટર મારફતે શૅર કરી હતી.
आज सुबह क़रीब 6:43 बजे मुझको तीन ईमेल आयी है, जिसमें #उदयपुर में भाई कन्हैया लाल की गर्दन काटने का विडियो अटैच करते हुए मेरी और मेरे परिवार की भी ऐसी गर्दन काटने की धमकी दी गई है मैंने PCR को सूचना दे दी है।@DCPEastDelhi @CellDelhi @CPDelhi तुरंत संज्ञान ले। pic.twitter.com/rhzyLbbdNg
— Naveen Kumar Jindal 🇮🇳 (@naveenjindalbjp) June 29, 2022
નવીન જિંદલને ત્રણ ધમકીભર્યા ઈ-મેઈલ મળ્યા હતા. જેમાં ઉદયપુરમાં કન્હૈયા લાલની ગરદન કાપવાનો વિડીયો પણ મોકલીને નવીન જિંદલ અને તેમના પરિવારને પણ આ જ રીતે ગળું કાપીને મારી નાંખવાની ધમકી આપવામાં આવી હતી.
ભાજપ નેતાએ ટ્વીટમાં બંને ઈમેલના સ્ક્રીનશોટ પણ શેર કર્યા હતા. પહેલા ઈમેલના સ્ક્રીનશોટમાં અકબર આલમનું નામ દેખાય છે. જેમાં અકબરે લખ્યું છે કે “નવીન કુમાર આતંકવાદી હવે તારો વારો છે. બહુ જલ્દી આ જ રીતે તારી ગરદન પણ કાપી નાંખીશ.” અન્ય એક ઈમેઇલમાં પણ વિડીયો મોકલીને ધમકી આપવામાં આવી હતી.
