અફઘાનિસ્તાનના (Afghanistan) સંરક્ષણ મંત્રાલયે શનિવારે જણાવ્યું હતું કે પાકિસ્તાની વિમાનોએ (Pakistan) અફઘાનિસ્તાનની અંદર એર સ્ટ્રાઈક (Air Strike) કર્યાના દિવસો બાદ અફઘાન તાલિબાની દળોએ (Taliban Forces) પાડોશી દેશ પાકિસ્તાનમાં કેટલાક સ્થળોને નિશાન બનાવ્યા હતા.
સંરક્ષણ મંત્રાલયના નિવેદનમાં પાકિસ્તાનનું નામ લેવામાં આવ્યું ન હતું પરંતુ જણાવ્યું હતું કે હુમલાઓ ‘કાલ્પનિક સીમાની બહાર’ કરવામાં આવ્યા હતા. આ શબ્દ અફઘાન અધિકારીઓ દ્વારા પાકિસ્તાન સાથેની સરહદનો સંદર્ભ આપવા માટે વપરાય છે, જેના પર તેઓ લાંબા સમયથી દલીલ કરી રહ્યા છે.
Afghan Taliban forces target ‘several points’ in #Pakistan in retaliation for deadly airstrikes#Afghanistan #Islamabad https://t.co/jeVVaHpu7s
— News9 (@News9Tweets) December 28, 2024
“કાલ્પનિક સીમાની બહારના એવા કેટલાક સ્થળો પર દેશના દક્ષિણ-પૂર્વ દિશામાંથી જવાબી કાર્યવાહીમાં હુમલો કરવામાં આવ્યો હતો, જે આતંકી તત્વો અને તેમના સમર્થકો માટે અફઘાનિસ્તાનમાં હુમલાઓનું આયોજન અને સંકલન કરતા હતા.” તાલિબાની મંત્રાલયે જણાવ્યું હતું.
એવું પૂછવા પર કે શું નિવેદનમાં પાકિસ્તાનનો ઉલ્લેખ છે, મંત્રાલયના પ્રવક્તા ઇનાયતુલ્લા ખોવારઝમીએ કહ્યું, “અમે તેને પાકિસ્તાનનો વિસ્તાર માનતા નથી, તેથી, અમે પ્રદેશની પુષ્ટિ કરી શકતા નથી, પરંતુ તે કાલ્પનિક રેખાની અંદર છે.”
19 પાકિસ્તાની સૈનિકોના મોતનો દાવો
નોંધનીય છે કે અફઘાનિસ્તાને દાયકાઓથી સરહદને નકારી કાઢી છે, જેને ડ્યુરન્ડ લાઇન (Durand Line) તરીકે ઓળખવામાં આવે છે, જે 19મી સદીમાં બ્રિટિશ વસાહતી સત્તાવાળાઓ દ્વારા હાલના અફઘાનિસ્તાન અને પાકિસ્તાન વચ્ચેના પર્વતીય અને ઘણીવાર કાયદા વિનાના આદિવાસી પ્રદેશ દ્વારા દોરવામાં આવી હતી.
આ હુમલામાં અત્યાર સુધીમાં 19 પાકિસ્તાની સૈનિકો માર્યા ગયાનો દાવો કરવામાં આવી રહ્યો છે. જો કે સત્તાવાર આંકડા હજુ આવવાના બાકી છે. તાલિબાનની આ કાર્યવાહી બાદ પાકિસ્તાન તરફથી કોઈ સત્તાવાર પ્રતિક્રિયા આપવામાં આવી નથી.
પાકિસ્તાનની એર સ્ટ્રાઈકમાં મર્યા હતા 13 અફઘાનીઓ
થોડા દિવસો પહેલા અફઘાનિસ્તાનના પક્તિકા પ્રાંતના બર્મલ જિલ્લા પર શ્રેણીબદ્ધ પાકિસ્તાની હવાઈ હુમલામાં મહિલાઓ અને બાળકો સહિત ઓછામાં ઓછા 15 લોકોના મોત થયા હતા. 24 ડિસેમ્બરની રાત્રે થયેલા હુમલામાં લામન સહિત સાત ગામોને નિશાન બનાવવામાં આવ્યા હતા, જ્યાં એક પરિવારના પાંચ સભ્યો માર્યા ગયા હતા.
