Thursday, July 18, 2024
More
    હોમપેજદેશધર્મ પરિવર્તન કરીને પરિવાર સાથે મુસ્લિમ બન્યો, પછી પહેલાની જાતિના આધારે સરકારી...

    ધર્મ પરિવર્તન કરીને પરિવાર સાથે મુસ્લિમ બન્યો, પછી પહેલાની જાતિના આધારે સરકારી નોકરી માંગી: HCએ અરજી રદ કરી, કહ્યું- પરત આવ્યા બાદ જ મળે લાભ

    તેનું સામુદાયિક પ્રમાણપત્ર 28-ઓક્ટો-2015 ના રોજ રામનાથપુરમના ઝોનલ નાયબ તહસીલદાર દ્વારા જારી કરવામાં આવ્યું હતું. તેમાં કહેવામાં આવ્યું હતું કે અરજદાર 'લબ્બાઈસ સમાજ'નો છે.

    - Advertisement -

    શું કોઈ વ્યક્તિ હિંદુ ધર્મમાંથી ઈસ્લામ અથવા ખ્રિસ્તી ધર્મમાં પરિવર્તિત થઈ શકે છે અને તેમ છતાં તેની જૂની જાતિ જાળવી શકે છે અને તેના આધારે આરક્ષણ વગેરેના લાભો ભોગવવાનું ચાલુ રાખી શકે છે? મદ્રાસ હાઈકોર્ટના ચુકાદાથી આ સંદર્ભમાં બાબતો સ્પષ્ટ થઈ ગઈ છે. ઇસ્લામ ધર્મ અંગીકાર કરનાર વ્યક્તિ પોતાની અરજી લઈને મદ્રાસ હાઈકોર્ટ પહોંચી હતી. જસ્ટિસ જીઆર સ્વામીનાથને સ્પષ્ટતા કરી હતી કે તેઓ જે જાતિમાં જન્મ્યા છે તે જ્ઞાતિને ધર્માંતરણ પછી પણ તેમની ઓળખ તરીકે ઉપયોગમાં લઈ શકાય નહીં.

    આ દરમિયાન મદ્રાસ હાઈકોર્ટ ટીપ્પણી કરતા કહે છે કે “જ્યારે હિંદુ ધર્મનો વ્યક્તિ બીજા ધર્મમાં ધર્મ પરિવર્તન કરે છે ત્યારે તેની જાતિ પૃષ્ઠભૂમિમાં જાય છે. જેવો તે પોતાના ધર્મમાં પાછો ફરે છે, તેની જ્ઞાતિની ઓળખ પણ પાછી આવે છે અને તે તેનો ઉપયોગ કરી શકે છે.” આ અરજી કરનાર વ્યક્તિએ 2008માં તેના પરિવાર સાથે મુસ્લિમ ધર્મ અપનાવ્યો હતો. તેણે પોતાનું નામ બદલી નાખ્યું હતું અને ગેઝેટમાં દર્શાવ્યું ન હતું.

    સામુદાયિક પ્રમાણપત્ર 28-ઓક્ટો-2015 ના રોજ રામનાથપુરમના ઝોનલ નાયબ મામલતદાર દ્વારા જારી કરવામાં આવ્યું હતું. તેમાં કહેવામાં આવ્યું હતું કે અરજદાર ‘લબ્બાઈસ સમાજ’નો છે. જાતિ પ્રમાણપત્રનો મુદ્દો ત્યારે સામે આવ્યો જ્યારે તે વ્યક્તિ તમિલનાડુ પબ્લિક સર્વિસ કમિશન (TNPSC)ની પરીક્ષામાં હાજર થયો. તેણે ગ્રુપ-2 માટેની પ્રિલિમિનરી પરીક્ષા પાસ કરી અને મેઈન્સમાં હાજર થયો. પરંતુ, અંતિમ પસંદગી યાદીમાં તેનો સમાવેશ કરવામાં આવ્યો ન હતો.

    - Advertisement -

    જ્યારે તેણે આરટીઆઈ દ્વારા આનું કારણ જાણવા મળ્યું, ત્યારે તેને કહેવામાં આવ્યું કે તેઓ ‘બેકવર્ડ ક્લાસ (બીસી) મુસ્લિમ’માં સામેલ નથી, તેથી જ આવું થયું. તેને ‘જનરલ’ શ્રેણી હેઠળ ગણવામાં આવ્યો હતો. આ પછી તે હાઈકોર્ટ પહોંચ્યો હતો.

    25 ડિસેમ્બર, 2012ના રોજ કાઝી દ્વારા જારી કરાયેલા સર્ટિફિકેટમાં લખવામાં આવ્યું છે કે તે મુસ્લિમ જમાતમાં સામેલ થયો છે. ધર્માંતરણ પછીના આરક્ષણના દાવાની સુપ્રીમ કોર્ટમાં સુનાવણી પણ ચાલી રહી હોવાથી, મદ્રાસ હાઈકોર્ટે તેના પર વધુ ટિપ્પણી કરવાનો ઇનકાર કર્યો હતો અને અરજદારની અરજીને ફગાવી દીધી હતી.

    - Advertisement -
    Join OpIndia's official WhatsApp channel

    સંબંધિત લેખો

    - Advertisement -

    તાજા સમાચાર

    ચૂકશો નહીં