Friday, November 15, 2024
More
    Home Blog Page 1082

    ‘વિદેશથી કોઈ ડૉનેશન નથી મળ્યું’: ઝુબૈર ખોટું બોલે છે કે પ્રતીક સિન્હા? નિવેદન તો જારી કર્યું પણ Razorpay અકાઉન્ટ કેમ ડિલીટ કર્યાં એ ન જણાવ્યું

    ઑપઇન્ડિયા સ્ટાફ
    -
    0
    ‘વિદેશથી કોઈ ડૉનેશન નથી મળ્યું’: ઝુબૈર ખોટું બોલે છે કે પ્રતીક સિન્હા? નિવેદન તો જારી કર્યું પણ Razorpay અકાઉન્ટ કેમ ડિલીટ કર્યાં એ ન જણાવ્યું

    ફેક્ટચેક મીડિયા હોવાનો દાવો કરનાર પ્રોપેગેન્ડા પોર્ટલ ઑલ્ટ ન્યૂઝે (AltNews) વિદેશી ડોનેશનને લઈને સ્પષ્ટતા કરી છે. જોકે, આ સ્પષ્ટતા બહુ અસ્પષ્ટ છે અને તેમાં ઘણી બાબતોના જવાબો આપવામાં આવ્યા નથી. નિવેદનમાં મીડિયા સંસ્થાએ કહ્યું છે કે તેની ઉપર અને તેની પેરન્ટ કંપની ‘પ્રવદા મીડિયા’ પર છેલ્લા કેટલાક દિવસોમાં ઘણા આરોપ લાગ્યા છે. આગળ કહેવામાં આવ્યું કે આ આરોપોમાં કહેવામાં આવી રહ્યું છે કે અમે વિદેશથી ડૉનેશન લીધું છે, પરંતુ અમે તેમ કરી શકતા નથી.

    આ આરોપોને ‘તદ્દન ખોટા’ ગણાવીને ઑલ્ટ ન્યૂઝે કહ્યું કે જે પેમેન્ટ પ્લેટફોર્મના માધ્યમથી તેઓ ફંડ પ્રાપ્ત કરે છે તે વિદેશી ડૉનેશનની અનુમતિ આપતું નથી. સાથે જ દાવો કરવામાં આવ્યો કે તેમને માત્ર ભારતીય બેંકોના માધ્યમથી જ ડોનેશન મળ્યા છે. મોહમ્મદ ઝુબૈર અને પ્રતીક સિન્હાના આ મીડિયા સંસ્થાને કહ્યું કે તેમને જે પણ ડૉનેશન મળે છે તે સીધા સંસ્થાના બેન્ક ખાતામાં જાય છે. સાથે તેમણે કોઈ વ્યક્તિના અંગત ખતમ ડોનેશનના રૂપિયા જવાના આરોપોને પણ ખોટા ગણાવ્યા હતા. 

    મીડિયા સંસ્થાએ કહ્યું કે, જેટલા પણ કર્મચારીઓ સંસ્થા સાથે જોડાયેલા છે તે તમામને માસિક પગાર તેમના વ્યક્તિગત બેન્ક ખાતા મારફતે મળે છે અને તે સિવાય કશું જ નહીં. સાથે દાવો કરવામાં આવ્યો કે તેમના દ્વારા થતાં કાર્યોને અટકાવવા માટે આ બધું કરવામાં આવી રહ્યું છે. કંપનીએ કહ્યું કે, તેઓ લડશે અને ટોચ પર પહોંચશે. જોકે, તેમાં અદાલતમાં લાગેલા આરોપોના જવાબ આપવામાં આવ્યા ન હતા. 

    પ્રતીક સિન્હા (Pratik Sinha) તો એમ કહે છે કે ઑલ્ટ ન્યૂઝના ડૉનેશનનો કોઈ રૂપિયો મોહમ્મદ ઝુબૈર પાસે નથી ગયો અને મીડિયા સંસ્થાને વિદેશી ડૉનેશન લીધું જ નથી, પરંતુ તે એ વાતનો જવાબ આપી રહ્યો નથી કે તેમણે પોતાનું Razorpay અકાઉન્ટ કેમ ડિએક્ટિવેટ કરી દીધું છે. આમ કરીને તેઓ શું છુપાવવા માંગે છે. પેમેન્ટ જો Razorpay પ્લેટફોર્મના માધ્યમથી આવતું હોય અને જો તેઓ તેને ડિએક્ટિવેટ કરીને શું છુપાવવા માંગે છે?

    કે પછી મોહમ્મદ ઝુબૈરે (Mohammad Zubair) કોર્ટમાં જૂઠું કહ્યું હતું? ઝુબૈરના વકીલ વૃંદા ગ્રોવરે કોર્ટમાં ઑલ્ટ ન્યૂઝ દ્વારા વિદેશી ડૉનેશન પ્રાપ્ત કરવાની વાત સ્વીકારી હતી. પબ્લિક પ્રોસિક્યુટર પણ કહી ચૂક્યા છે કે મોહમ્મદ ઝુબૈરે FCRA નિયમોનું ઉલ્લંઘન કર્યું છે. પાકિસ્તાન, સીરિયા વગેરે દેશોમાંથી ડૉનેશન મળ્યું હોવાની વાતો પણ સામે આવી હતી. વૃંદા ગ્રોવરનું કહેવું હતું કે વિદેશી ફંડ ઝુબૈર નહીં પરંતુ ઑલ્ટ ન્યૂઝને મળ્યા હતા. ઑલ્ટ ન્યૂઝે પોતાની વેબસાઈટ પર લખ્યું છે કે તેમને વિદેશથી ડૉનેશન મળી રહ્યું નથી.

    મોટા પત્રકારોના ખોટા સમાચારોથી કોંગ્રેસ ગેલમાં અને RAND કોર્પોરેશનના સમાચારથી ટ્વીટર યુઝર્સને મજા પડી ગઈ

    ઑપઇન્ડિયા સ્ટાફ
    -
    0
    મોટા પત્રકારોના ખોટા સમાચારોથી કોંગ્રેસ ગેલમાં અને RAND કોર્પોરેશનના સમાચારથી ટ્વીટર યુઝર્સને મજા પડી ગઈ

    મોટા પત્રકારોના ખોટા સમાચારોથી કોંગ્રેસના નેતા રાહુલ ગાંધી માટે પ્રશંસાની ટ્વીટ્સની લહેર સોશિયલ મીડિયામાં છલકાઈ ગઈ, જ્યારે એવો દાવો કરવામાં આવ્યો કે રાહુલ ગાંધી ‘સમગ્ર દક્ષિણ એશિયામાં તકનીકી અને નીતિના ક્ષેત્રોમાં સૌથી વધુ અપડેટ થયેલા નેતા છે’. આ ‘સમાચાર’ને વધુ પ્રમાણિકતા આપવા માટે એક અમેરિકન થિંક-ટેન્ક RAND કોર્પોરેશનનો હવાલો આપવામાં આવ્યો હતો, અને મોટા પત્રકારોના ખોટા સમાચારોથી કોંગ્રેસ ગેલમાં આવી ગઈ હતી.

    આ ઘટનાક્રમની શરૂઆત ઈન્વેસ્ટિગેટિવ પત્રકાર અને દેશ 24×7ના સ્થાપક સંપાદક દીપક શર્મા દ્વારા કરવામાં આવેલી ટ્વિટથી થઈ હતી. તેમના હમણા ડિલીટ કરાયેલા ટ્વિટમાં શર્માએ દાવો કર્યો હતો કે, “અમેરિકન થિંક ટેન્ક RAND કોર્પોરેશને કહ્યું છે કે રાહુલ ગાંધી ટેકનોલોજી અને નીતિના ક્ષેત્રોમાં સૌથી વધુ અપડેટ થયેલા રાજકારણી છે. પણ ‘સાહેબ’ એ જનતાને શીખવ્યું છે કે તે ‘પપ્પુ’ છે. પ્રચારતંત્ર અદ્ભુત છે. ઉદારવાદીઓ દ્વારા પીએમ મોદી માટે ‘સાહેબ’શબ્દનો વારંવાર ઉપયોગ કરવામાં આવે છે,

    દીપક શર્મા દ્વારા ડીલીટ કરાયેલ ટ્વીટ નો સ્ક્રીનશોટ સાભાર: Opindia English

    BefittingFacts જેવા ઘણા ટ્વિટર યુઝર્સે તેમના ટ્વીટ પર ટિપ્પણી કરી અને શર્માએ જે માહિતી શેર કરી હતી તેના સ્ત્રોતની શોધ કરી હતી.

    સ્ત્રોત વિશે કોઈપણ માહિતી શેર કરવાને બદલે, શર્માએ તેમના ટ્વીટ પર ટિપ્પણીઓને પ્રતિબંધિત કરવાનું નક્કી કર્યું. અને બાદમાં તેમણે ટ્વીટજ ડિલીટ કરી દીધી હતી.

    જો કે, ત્યાં સુધીમાં, કથિત ‘ખુશીની લહેર’ સમગ્ર કોંગ્રેસ ઇકોસિસ્ટમમાં ફેલાઈ ગઈ હતી, અને માત્ર રાહુલ ગાંધીના સમર્થકો જ નહીં, પરંતુ કોંગ્રેસના નેતાઓ અને સત્તાવાર હેન્ડલ્સ પણ આ ખોટા સમાચાર ફેલાવીને ગેલમાં આવી ગયા હતા.

    ઈન્ડિયન એક્સપ્રેસ જર્નાલિસ્ટ પ્રણવ મિશ્રાએ લખ્યું હતું કે, “અમેરિકન થિંક ટેન્ક RAND કોર્પોરેશને કહ્યું છે કે રાહુલ ગાંધી આજે ટેક્નોલોજી અને નીતિના ક્ષેત્રમાં દક્ષિણ એશિયામાં સૌથી અપડેટેડ નેતા છે.” તેણે પોતાના ટ્વિટમાં રાહુલ ગાંધી અને કોંગ્રેસ નેતા શ્રીનિવાસને ટેગ કર્યા હતા.

    મધ્ય પ્રદેશ કોંગ્રેસ સેવાદલે કહ્યું હતું કે, “અમેરિકન થિંક ટેન્ક RAND કોર્પોરેશને કહ્યું છે કે રાહુલ ગાંધી ટેકનોલોજી અને નીતિના ક્ષેત્રોમાં સૌથી વધુ અપડેટ થયેલા રાજકારણી છે. કેટલાક લોકો પ્રચાર તંત્રમાં અટવાઈ જાય છે અને રાહુલ ગાંધી પર હસે છે. આજે સત્ય બધાની સામે છે.

    સાભાર:Opindia English
    સાભાર:Opindia English

    સામાજિક ‘કાર્યકર’ ચિનુ મહાપાત્રા પણ ઉજવણીમાં જોડાયા અને કહ્યું, “પત્રકાર દીપક શર્માના જણાવ્યા અનુસાર, અમેરિકન થિંક ટેન્ક RAND CORPORATION એ કહ્યું છે કે રાહુલ ગાંધી ટેક્નોલોજી અને નીતિના ક્ષેત્રમાં દક્ષિણ એશિયામાં શ્રેષ્ઠ નેતા છે. પરંતુ અમારા સમ્રાટ મોદી અને તેમની ટીમ હંમેશા તેમને પપ્પુ તરીકે બદનામ કરવાનો પ્રયાસ કરે છે.

    સાભાર:Opindia English

    બિહાર પ્રદેશ કોંગ્રેસ સમિતિના કાર્યકારી પ્રમુખ, શ્યામ સુંદર સિંહ ધીરજે ખુશીમાં ટવીટ કર્યું હતું કે, “અમેરિકન થિંક ટેન્ક RAND કોર્પોરેશને કહ્યું છે કે રાહુલ ગાંધી ટેકનોલોજી અને નીતિના ક્ષેત્રોમાં સૌથી વધુ અપડેટેડ રાજકારણી છે. પણ સાહેબને’ (શાળામાંથી ભાગી ગયેલા અને યુવાનીમાં ભીખ માંગનાર) ગોદી મીડિયાએ ખોટા સપનાના દલાલને વિશ્વગુરુ બનાવી દીધા છે.

    સાભાર:Opindia English

    OpIndiaને તેની તપાસ દરમિયાન શું મળ્યું?

    તપાસ દરમિયાન, અમે RAND ઓર્ગેનાઈઝેશનની વેબસાઈટ અને સોશિયલ મીડિયા હેન્ડલ્સ તપાસ્યા કે શું તેઓએ તાજેતરના સમયમાં રાજકારણીઓ માટે કોઈ રેન્કિંગ બહાર પાડ્યું છે કે કેમ. અમે આને લાગતું કોઈજ પરિણામ શોધી શક્યા નથી. રસપ્રદ વાત એ છે કે, ઘણા ટ્વિટર યુઝર્સે પત્રકારો સાથે કોંગ્રેસના કાર્યકરો અને નેતાઓ દ્વારા કરવામાં આવેલા દાવા અંગે સ્પષ્ટતા માટે સંસ્થાને ટેગ કરી છે, પરંતુ હજુ સુધી તેમના દ્વારા કોઈપણ સત્તાવાર જાહેર નિવેદન આવ્યું નથી.

    મહારાષ્ટ્ર વિધાનસભામાં શિંદેએ બહુમતી સાબિત કરી: કોંગ્રેસ મહા વિકાસ અઘાડીથી અલગ થઈ શકે તેવા અહેવાલો વચ્ચે કોંગ્રેસ પ્રદેશ ઇન્ચાર્જનું નિવેદન

    ઑપઇન્ડિયા સ્ટાફ
    -
    0
    મહારાષ્ટ્ર વિધાનસભામાં શિંદેએ બહુમતી સાબિત કરી: કોંગ્રેસ મહા વિકાસ અઘાડીથી અલગ થઈ શકે તેવા અહેવાલો વચ્ચે કોંગ્રેસ પ્રદેશ ઇન્ચાર્જનું નિવેદન

    શિવસેનાના નેતા ઉદ્ધવ ઠાકરે અને રાષ્ટ્રવાદી કોંગ્રેસ પાર્ટી (NCP)ના સુપ્રીમો શરદ પવાર માટે મુશ્કેલીમાં વધારો, કોંગ્રેસ મહારાષ્ટ્રમાં મહા વિકાસ અઘાડી ગઠબંધન (MVA)થી અલગ થવાનું વિચારી રહી હોવાના અહેવાલો ફરતા થયા છે.

    સૂત્રોના જણાવ્યા પ્રમાણે મહારાષ્ટ્રમાં કોંગ્રેસ મહા વિકાસ આઘાડી ગઠબંધન (MVA)માંથી બહાર નીકળી શકે છે. સૂત્રોએ ઉમેર્યું હતું કે આગામી થોડા દિવસોમાં આ ઘટનાક્રમ અપેક્ષિત છે. NCP અને શિવસેના સાથે કોંગ્રેસ પક્ષની નારાજગીનો સંકેત સોમવારે વિશ્વાસ મત દરમિયાન દેખાઈ આવ્યો હતો જ્યારે અશોક ચવ્હાણ, વિજય વડેટ્ટીવાર, જીશાન સિદ્દીકી અને ધીરજ દેશમુખ સહિત પક્ષના કેટલાય ધારાસભ્યો ગેરહાજર હતા.

    પરિણામે, 288 સભ્યોના ગૃહમાં વિપક્ષને માત્ર 99 મત મળ્યા હતા જ્યારે શાસક ગઠબંધને 164 મતો સાથે આરામથી બહુમતી સાબિત કરી હતી. આ પહેલા મહારાષ્ટ્રમાં 30 જૂને MVA સરકાર પડી ભાંગી હતી.

    કોંગ્રેસ ઘણા સમયથી હતી MVA ગઢબંધનથી નારાજ

    છેલ્લા કેટલાક વર્ષોમાં, બહુવિધ કોંગ્રેસના નેતાઓએ ગઠબંધન સરકારમાં તેમની પાર્ટીની અવગણના કરવા પર તેમની ચિંતા વ્યક્ત કરી હતી. મે 2020 માં, રાહુલ ગાંધીએ જાહેરમાં કહ્યું કે કોંગ્રેસ મહારાષ્ટ્રમાં મુખ્ય નિર્ણય લેનાર નથી.

    કોંગ્રેસની વધતી જતી અસ્વસ્થતાનો સંકેત આપતા, પાર્ટીના મહારાષ્ટ્ર એકમના વડા નાના પટોલેએ વારંવાર ભારપૂર્વક જણાવ્યું છે કે તેમની પાર્ટી આગામી વિધાનસભા ચૂંટણીમાં પોતાના દમ પર બહુમતી જીતશે. રાજ્યમાં કોંગ્રેસના “વધતા પ્રભાવ” થી ઘણા લોકો નારાજ છે તે વાત પર ભાર મૂકતા, તેમણે એવો પણ દાવો કર્યો કે તત્કાલીન સીએમ ઉદ્ધવ ઠાકરે અને ડેપ્યુટી સીએમ અજિત પવાર તેમની ચાલ પર નજર રાખી રહ્યા છે.

    આ સિવાય આજે સંખ્યાબંધ કોંગ્રેસી ધારાસભ્યોએ ફ્લોર ટેસ્ટમાં ગેરહાજર રહતા આ વાતને વધુ બળ મળ્યું છે કે હવે કોંગ્રેસને મહા વિકાસ અઘાડી સાથે પહેલા જેવો મનમેળ નથી રહ્યો.

    મહારાષ્ટ્ર કોંગ્રેસ ઇનચાર્જે આ વાતને આપ્યો રદિયો

    કોંગ્રેસનાં મહા વિકાસ અઘાડી ગઠબંધન (MVA)થી દૂર થવાની અટકળો પર પ્રેસ સાથે વાત કરતાં કોંગ્રેસનાં મહારાષ્ટ્રના ઇન્ચાર્જ એચકે પાટિલે આ વાતને રદિયો આપ્યો હતો.

    એચકે પાટિલે કહ્યું, “મેં કેટલાક અહેવાલો જોયા છે જેમાં જણાવવામાં આવ્યું છે કે કોંગ્રેસ મહારાષ્ટ્રમાં MVA ગઠબંધનમાંથી બહાર નીકળી શકે છે. તે મિથ્યા છે. કોંગ્રેસે આ અંગે ન તો કોઈ ચર્ચા કરી અને ન તો કોઈ નિર્ણય લીધો. અફવાઓ સત્યથી ઘણી દૂર છે. MVA જોડાણ સ્થિર અને સ્થાયી છે.”

    પોલીસની હાજરીમાં ભડકાઉ ભાષણ અને ધમકી આપનાર મૌલાનાને 24 કલાકમાં જ જામીન મળી ગયા, હિંદુઓએ કહ્યું- આ તો થવાનું જ હતું

    ઑપઇન્ડિયા સ્ટાફ
    -
    0
    પોલીસની હાજરીમાં ભડકાઉ ભાષણ અને ધમકી આપનાર મૌલાનાને 24 કલાકમાં જ જામીન મળી ગયા, હિંદુઓએ કહ્યું- આ તો થવાનું જ હતું

    રાજસ્થાનમાં કલેક્ટર ઑફિસની બહાર પોલીસની હાજરીમાં જ ભડકાઉ ભાષણ અને ધમકી આપનાર મૌલાનાની ધરપકડ થયાના 24 કલાકમાં જ જામીન મળી ગયા છે. આ મૌલાનાનું નામ મુફ્તી નદીમ અખ્તર સકાફી છે. તેની સાથે મોહમ્મદ આલમ ગૌરીની પણ ધરપકડ કરવામાં આવી હતી. બંનેની જામીન અરજીની સુનાવણી કરતા કોર્ટે 2-2 લાખના અંગત બોન્ડ અને 1-1 લાખ ભરવાનો આદેશ આપીને કોર્ટે મૌલાનાને જામીન આપ્યા હતા. 

    શુક્રવારે બપોરે બુંદી પોલીસ મૌલાના મુફ્તી નદીમ અને મોહમ્મદ આલમ રાજા ગૌરીની ધરપકડ કરી હતી. જે બાદ કડક સુરક્ષા વચ્ચે કોર્ટમાં રજૂ કરવામાં આવ્યા હતા. કોર્ટે બંનેને 14 દિવસની ન્યાયિક હિરાસતમાં મોકલવાનો આદેશ કર્યો હતો. જે બાદ તેમના વકીલે કોર્ટમાં જામીન અરજી કરી હતી. બંને તરફથી વકીલો શ્રીરામ આર્ય અને સગીર અહેમદે કોર્ટમાં દલીલો કરી હતી.

    ઉલ્લેખનીય છે કે ગત 3 જૂનના રોજ મુફ્તી નદીમે બુંદી ખાતે ડીએમ ઑફિસે નૂપુર શર્મા વિરુદ્ધ આવેદનપત્ર પાઠવ્યું હતું. દરમિયાન તેણે રાજસ્થાન પોલીસની હાજરીમાં જ કહ્યું હતું કે, “અમે અમારા આકાની શાનમાં કરવામાં આવેલ ગુસ્તાખીનો બદલો કેવી રીતે લેવો તે જાણીએ છીએ. મારા નબીની શાનમાં એક શબ્દ પણ બોલ્યા તો યાદ રાખજો કે જીભ કાપી લેવામાં આવશે. હાથ ઉઠાવો તો હાથ કાપી લેવામાં આવશે. આંગળી ઉઠાવો તો આંગળી કાપી લેવામાં આવશે. આંખો પણ ઉઠાવી તો આંખ કાઢીને બહાર ફેંકી દઈશું.” આ દરમિયાન ત્યાં હાજર ભીડ મુફ્તી નદીમનું સમર્થન કરતી રહી હતી અને તંત્ર મૂકદર્શક બનીને બેસી રહ્યું હતું. 

    મીડિયા રિપોર્ટ્સ અનુસાર, મુફ્તી નદીમ અખ્તર બુંદી શહેરનો કાજી પણ છે. ઉદયપુરમાં હિંદુ ટેલર કન્હૈયાલાલની હત્યા બાદ તેનો વિડીયો સોશિયલ મીડિયા પર ઝડપથી વાયરલ થઇ રહ્યો હતો અને તેની ધરપકડની માંગ કરવામાં આવી રહી હતી. જોકે, સાંપ્રદાયિક માહોલ ખરાબ કરવા અને ભડકાઉ ભાષણ આપવાના આરોપસર તેની ધરપકડ તો કરવામાં આવી પરંતુ પછી 24 કલાકમાં જ તેને જામીન મળી ગયા હતા.

    મૌલાના મુફ્તી નદીમને જામીન મળ્યા બાદ આ ઘટના અંગે સોશિયલ મીડિયા પર પ્રતિક્રિયા જોવા મળી હતી. એક યુઝરે કહ્યું કે, આ તો થવાનું જ હતું. તેમણે સાથે એક વિડીયો પણ શૅર કર્યો છે, જેમાં મૌલાના જેલમાંથી બહાર આવતો જોવા મળે છે. 

    અન્ય એક યુઝરે મૌલાનાને મળેલ જામીનના સમાચારને શૅર કરીને લખ્યું હતું કે, ‘મૌલાનાને 24 કલાકમાં જ જામીન મળી ગયા, અને ગેહલોત સરકારે તેનો વિરોધ પણ નહીં કર્યો!’

    RRR ફિલ્મના પ્રેરણા સ્ત્રોત અલ્લૂરી સીતારામના બલિદાનને યાદ કરતા પ્રધાનમંત્રી નરેન્દ્ર મોદીઃ અંગ્રેજોએ બધી ક્રુરતાની હદો પાર કરી હતી, દગો કરી ઝાડથી બાંધીને ગોળીઓ મારી હતી

    ઑપઇન્ડિયા સ્ટાફ
    -
    0
    RRR ફિલ્મના પ્રેરણા સ્ત્રોત અલ્લૂરી સીતારામના બલિદાનને યાદ કરતા પ્રધાનમંત્રી નરેન્દ્ર મોદીઃ અંગ્રેજોએ બધી ક્રુરતાની હદો પાર કરી હતી, દગો કરી ઝાડથી બાંધીને ગોળીઓ મારી હતી

    પ્રધાનમંત્રી નરેન્દ્ર મોદી હંમેશા ક્રાંતિકારીઓને સન્માનમાં વધારો કરવાની કોઈ તક ચુકતા નથી. તેઓ પોતાના પ્રવાસ દરમિયાન પણ પોતાના ઉદ્દબોધનમાં સ્થાનિક ક્રાંતિકારીઓને પણ યાદ કરતા હોય છે. આજ રોજ વડા પ્રધાન નરેન્દ્ર મોદીએ પ્રસિદ્ધ ક્રાંતિકારી અને જેમની પ્રેરણાથી RRR ફિલ્મ બની છે તેના ‘અલ્લુરી સીતારામ રાજુ’ની 125મી જન્મજયંતિના દિવસે આંધ્ર પ્રદેશના ભીમાવરમના લોકોને સંબોધિત કર્યા. અહીં તેમણે મહાન ક્રાંતિકારીની 30 ફૂટ ઊંચી પ્રતિમાનું પણ અનાવરણ પણ કર્યું હતું. આ પ્રસંગે તેમણે સંત અલ્લુરી સીતારામના બલિદાનને વંદન કરતા કહ્યું કે “સુખદ સંયોગ એ છે કે આ વર્ષે રામપા ક્રાંતિના 100 વર્ષ પૂર્ણ થઈ રહ્યા છે.”

    વધુમાં તેમણે ઉમેર્યું હતું કે “અલ્લુરી સીતારામ રાજુ ગરુની 125મી જન્મજયંતિ અને રામ્પા ક્રાંતિની 100મી વર્ષગાંઠ આખા વર્ષ દરમિયાન ઉજવવામાં આવશે. તેમના જન્મસ્થળ પાંડરંગીની પુનઃસ્થાપના, ચિંતપલ્લી પોલીસ સ્ટેશનનું નવીનીકરણ અને મોગલ્લુ ખાતે અલ્લુરી ધ્યાન મંદિરનું નિર્માણ કરાશે.”

    RRR ફિલ્મ અને અલ્લૂરી સીતારામનું કનેક્શન

    વર્તમાનમાં આખા ભારતમાં દક્ષિણ ભારતની ફિલ્મો પ્રત્યે લગાવ વધ્યો છે. દક્ષિણ ભારતની ઘણી ફિલ્મો બોલીવૂડ પર ભારી પડી છે તેમાની જ એક ફિલ્મ એટલે RRR, આ ફિલ્મે બોળ ઓફિસ પરના તમામ રેકોર્ડ પોતાના નામે કર્યા હતા. આ ફિલ્મ અલ્લૂરી સીતારામના જીવનથી પ્રેરિત હતી.

    કોણ હતા અલ્લૂરી સીતારામ રાજુ?

    અલ્લુરી સીતારામ રાજુ એક ભારતીય ક્રાંતિકારી હતા જેમણે ભારતમાં બ્રિટિશ શાસન સામે સશસ્ત્ર ચળવળ ચલાવી હતી. તેમનો જન્મ ઈ.સ.1897માં વિશાખાપટ્ટનમમાં થયો હતો. તેમનું સાચું નામ શ્રીરામરાજુ હતું, જે તેમના દાદાના નામ પરથી હતું. તેઓ નાની ઉંમરે જ સંત બન્યા. સીતારામ રાજુ 1882 ના ‘મદ્રાસ ફોરેસ્ટ એક્ટ’ વિરુદ્ધ બ્રિટિશ વિરોધી ચળવળમાં જોડાયા. તે સમયે ભારતની બ્રિટિશ સરકારે આદીવાસી વિરુદ્ધ મદ્રાસ ફોરેસ્ટ એક્ટ પસાર કર્યો હતો જેમા સ્થાનિક આદિવાસીઓને જંગલમાં જવા પર પ્રતિબંધ મૂક્યો હતો. આ માટે તેમણે આદિવાસીઓ માટે લડત ચલાવી અને બ્રિટિશરો સામે સશસ્ત્ર બળવો પોકાર્યો હતો.

    27 વર્ષની નાની વયે સિમિત સંશાધનો સાથે તેમણે બ્રિટીશરો સામે સશસ્ત્ર બળવો કર્યો હતો તેમણે ગરીબ આદીવાસીઓને એકત્ર કરીને વિદ્રોહ કર્યો હતો. ઈ.સ. 1922ના રામ્પા બળવાનું નેતૃત્વ પણ કર્યું હતું. આ વિદ્રોહ દરમિયાન ઘણા અંગ્રેજ અધિકારીઓ પણ હમલા પણ કર્યા કેટલાય પોલીસ સ્ટેશનોને આગ લગાડી દીધી હતી. તેમના પરાક્રમી કાર્યોને કારણે જ સ્થાનિક લોકોએ તેમને ‘મન્યમ વીરુડુ’ (જંગલોનો હીરો) ઉપનામ આપ્યું હતું. વર્ષ 1924માં જ્યારે અલ્લુરી સીતારામ રાજુનો વિદ્રોહ ચરમસીમાએ હતો ત્યારે પોલીસે આદિવાસીઓને શોધવા માટે તેમના પર અત્યાચાર કરવાનું શરૂ કર્યું હતું. આવી સ્થિતિમાં રાજુને જ્યારે આ વાતની ખબર પડી ત્યારે તેનું દિલ દ્રવી ઉઠ્યું. તેણે આત્મસમર્પણ કરવાનો નિર્ણય કર્યો અને પોતાની માહિતી આપતાં પોલીસને જણાવ્યું કે તે કોઈર માં છે. આવો અને તેમની ધરપકડ કરો.

    તેમના આ સાહસિક કાર્યોને કારણે જ સ્થાનિક લોકોએ તેમને ‘મન્યમ વીરુડુ’ (જંગલોના નાયક) ઉપનામ આપ્યું હતું. વર્ષ 1924માં જ્યારે અલ્લુરી સીતારામ રાજુનો વિદ્રોહ ચરમસીમાએ હતો ત્યારે પોલીસે તેમને શોધવા માટે આદિવાસીઓ પર અત્યાચાર કરવાનું શરૂ કર્યું હતું. આવી સ્થિતિમાં તેમને જ્યારે આ વાતની ખબર પડી ત્યારે તેનું હ્દય દ્રવી ઉઠ્યું અને તેમણે આત્મસમર્પણ કરવાનો નિર્ણય કર્યો, પોતાની માહિતી આપતાં પોલીસને જણાવ્યું કે તે કોઈર માં છે. આવો અને તેમની ધરપકડ કરો.

    બ્રિટિશ પોલીસે થોડી પણ પળનો વિલંબ કર્યા વગર તેમને કસ્ટડીમાં લઈ લીધા અને બાદમાં તેને ઝાડ સાથે બાંધીને જાહેરમાં ગોળીઓ મારીને હત્યા કરી દગો કર્યો હતો. તેમની નિર્દયતાથી હત્યા કરવામાં આવી હતી પરંતુ તે આદિવાસીઓ માટે હીરો બની ગયા હતા. માટે જ એકવાર સુભાષ ચંદ્ર બોઝે કહ્યું હતું કે “ભારતીય યુવાનોએ અલ્લુરી સીતારામ રાજુ પાસેથી પ્રેરણા લેવી જોઈએ.”

    ગ્રાઉન્ડ પર વિરાટ કોહલી કરી રહ્યા હતા ડાન્સ, કૉમેન્ટ્રી કરતા સેહવાગે મર્યાદા ઓળંગી અને ફેન્સ એમના પર ભડક્યા

    ઑપઇન્ડિયા સ્ટાફ
    -
    0
    ગ્રાઉન્ડ પર વિરાટ કોહલી કરી રહ્યા હતા ડાન્સ, કૉમેન્ટ્રી કરતા સેહવાગે મર્યાદા ઓળંગી અને ફેન્સ એમના પર ભડક્યા

    પૂર્વ ભારતીય ક્રિકેટર વીરેન્દ્ર સેહવાગ આમ તો સોશિયલ મીડિયા પર અવારનવાર ચર્ચામાં રહે છે પરંતુ હવે તેઓ વિવાદમાં આવ્યા છે. પોતાના અલગ અંદાજમાં કૉમેન્ટ્રી કરવા માટે જાણીતા વીરેન્દ્ર સેહવાગે એક મેચ દરમિયાન કૉમેન્ટ્રીમાં એવું કંઈક કહી દીધું કે જેનાથી સોશિયલ મીડિયા ઉપર યુઝરો તેમને ભાંડી રહ્યા છે અને તેમને કૉમેન્ટ્રીમાંથી હટાવવાની પણ માંગ કરવામાં આવી રહી છે. 

    રવિવારે (3 જૂન 2022) ભારત અને ઇંગ્લેન્ડ વચ્ચે એઝબેસ્ટનમાં રમાતી ટેસ્ટ મેચ દરમિયાન વીરેન્દ્ર સેહવાગ કૉમેન્ટ્રી કરી રહ્યા હતા. દરમિયાન તેમણે ભારતીય ક્રિકેટર વિરાટ કોહલી માટે ‘છમિયા’ શબ્દનો ઉપયોગ કરી નાંખ્યો હતો. 

    મેચના ત્રીજા દિવસે ઇંગ્લેન્ડની પહેલી ઇનિંગ દરમિયાન સેમ બિલિંગ્સની વિકેટ પડી ત્યારે વિરાટ કોહલી ખુશીથી નાચવા માંડ્યા હતા. વિરાટ કોહલીએ બંને હાથ ઉપર ઉઠાવીને પોતાની અલગ જ શૈલીમાં વિકેટનો ઉત્સવ માનવતા દેખાયા હતા. દરમ્યાન, સેહવાગે કહ્યું, “જુઓ છમિયા નાચી રહી છે.” જે બાદ વીરેન્દ્ર સેહવાગ વિવાદમાં આવી ગયા હતા.

    આ સાંભળ્યા બાદ સોશિયલ મીડિયા પર યુઝરોએ સેહવાગની ટીકા કરવાનું શરૂ કરી દીધું હતું અને કહ્યું કે આ કયા પ્રકારની કૉમેન્ટ્રી છે? લોકોએ કહ્યું કે સેહવાગે પોતાની ભાષા પર ધ્યાન આપવું જોઈએ.

    એક યુઝરે લખ્યું, સેહવાગ દ્વારા બહુ ખરાબ કૉમેન્ટ્રી. કૉમેન્ટ્રીમાં આવા ખરાબ જોક્સ સાંભળીને કંટાળી ગયા છીએ. આ કોઈ લાફ્ટર ચેલેન્જ નથી. તેમણે સાથે ‘માફી માંગો સેહવાગ’ હેશટેગ પણ લખ્યું હતું.

    એક યુઝરે કહ્યું કે, ટીવી પર કૉમેન્ટ્રી કરતા હોવા છતાં સેહવાગનું વર્તન જાણે કોઈ ટ્રોલ હોય તેવું હતું.

    એક યુઝરે સેહવાગની ટિપ્પણીઓને વખોડી કાઢીને કહ્યું કે, ક્રિકેટના જ પૂર્વ ખેલાડી આવું વર્તન કરે તે માનવામાં આવતું નથી. તેમણે સેહવાગને ટેગ કરીને વિરાટ કોહલીની માફી માંગવા માટે કહ્યું અને એમ પણ કહ્યું કે તેમની આવી વાહિયાત રમૂજ બિલકુલ પણ મનોરંજક નથી.

    અન્ય એક યુઝરે બીસીસીઆઈ અને સેહવાગ બંનેને ટેગ કરીને બળાપો કાઢ્યો હતો અને કહ્યું હતું કે, બીસીસીઆઈએ પ્રોફેશનલ કોમેન્ટેટર નિયુક્ત કરવા જોઈએ.

    રાજ ચૌધરી નામના એક યુઝરે કહ્યું કે, સેહવાગ કંઈ પણ બોલે છે અને તમે આ રીતે કોઈ વ્યક્તિનું અપમાન કરી ન શકો. 

    ઇંગ્લેન્ડ વિરુદ્ધ એઝબેસ્ટન ટેસ્ટમાં ભારતીય ક્રિકેટ ટીમે પહેલી ઇનિંગમાં 416 રન બનાવ્યા હતા જે બાદ ઇંગ્લેન્ડની ટિમને 284 રન પર ઓલઆઉટ કરી નાંખી હતી. તેથી ભારતીય ટિમને પહેલી ઇનિંગમાં 132 રનની લીડ મળી હતી. બીજી ઇનિંગમાં ટીમ ઇન્ડિયાએ દિવસ પૂરો થવા સુધીમાં 125 રન બનાવ્યા હતા. જેથી કુલ લીડ 257 રનની થઇ ચૂકી છે.

    અમરાવતી હત્યાકાંડમાં ચોંકાવનારો ખુલાસો, 10-10 હજાર આપીને કરવી હત્યા, સંડોવાયેલા NGO નું નીકળ્યું પાકિસ્તાન કનેક્શન: 7 ની ધરપકડ

    Krunalsinh Rajput
    -
    0
    અમરાવતી હત્યાકાંડમાં ચોંકાવનારો ખુલાસો, 10-10 હજાર આપીને કરવી હત્યા, સંડોવાયેલા NGO નું નીકળ્યું પાકિસ્તાન કનેક્શન: 7 ની ધરપકડ

    અમરાવતી હત્યાકાંડમાં ચોંકાવનારો ખુલાસો થયો છે. મહારાષ્ટ્રના અમરાવતીમાં કેમિસ્ટ ઉમેશ કોલ્હેની હત્યાના મુખ્ય કાવતરાખોર ઈરફાન ખાનની ધરપકડ કર્યા પછી, કોર્ટે આજે (3 જુલાઈ, 2022) તેને 7 જુલાઈ સુધી પોલીસ કસ્ટડીમાં મોકલી દીધો છે. તેની ધરપકડ બાદ પોલીસે તેના પાકિસ્તાન સાથેના કનેક્શનનો ખુલાસો કર્યો હતો. અમરાવતી હત્યાકાંડમાં ચોંકાવનારો ખુલાસો થયા બાદ નાયબ મુખ્યમંત્રી દેવેન્દ્ર ફડણવીસે પણ સંકેત આપ્યો હતો કે આ સમયે વિદેશી શક્તિઓ દેશમાં તણાવ વધારવાનું કામ કરી રહી છે.

    કોલ્હેની જિંદગીની કીમત 10 હજાર

    રાષ્ટ્રીય તપાસ એજન્સીએ આ મામલામાં પોતાની એફઆઈઆર નોંધી અને કહ્યું હતું કે દેશના એક વર્ગને નિશાન બનાવવાનું કાવતરું છે. તપાસ બાદ વધુ ખુલાસાઓ થશે. ટીવી 9ના અહેવાલમાં જણાવવામાં આવ્યું છે કે હત્યાના માસ્ટરમાઈન્ડ શેખ ઈરફાને બાકીના આરોપીઓને 10 હજાર રૂપિયાની લાલચ આપીને હત્યા કરાવી હતી.

    ઈરફાન સિવાય આ કેસમાં અત્યાર સુધીમાં 7ની ધરપકડ કરવામાં આવી છે. તેમની ઓળખ મુદસ્સીર અહેમદ (22), શાહરૂખ પઠાણ (25), અબ્દુલ તૌફીક (24), શોએબ ખાન (22), અતિબ રશીદ (22) અને યુસુફ ખાન બહાદુર ખાન (44) તરીકે થઈ છે. આ લોકો વિરુદ્ધ આઈપીસીની કલમ 302, 120 અને 109 હેઠળ કેસ નોંધવામાં આવ્યો છે.

    મૃતકના પરિવારજનોએ કેસ ફાસ્ટટ્રેક કોર્ટમાં ચલાવવા જણાવ્યું છે. મૃતકના ભાઈએ એમ પણ જણાવ્યું હતું કે પોલીસના હાથે ઝડપાયેલા આરોપીઓમાંથી એક વેટરનરી ડોક્ટર યુસુફ છે અને તેની ઉમેશ કોલ્હે સાથે સારી મિત્રતા હતી. પરિવાર તેને 2006-07થી ઓળખતો હતો. યુસુફ પર કોલ્હેની પોસ્ટને શંકાસ્પદ વોટ્સએપ ગ્રુપમાં શેર કરવાનો પણ આરોપ છે.

    ઈરફાન અને તેની એનજીઓનું પાકિસ્તાન કનેક્શન

    તપાસમાં બહાર આવ્યું છે કે સ્કૂલ ડ્રોપ આઉટ ઈરફાન ખાન અમરાવતીમાં રેહબરિયા ફાઉન્ડેશનને પાકિસ્તાન અને આરબ દેશોના ભંડોળથી ચલાવતો હતો અને કથિત રીતે મુસ્લિમ સમુદાયના ગરીબ લોકોને સમયસર એમ્બ્યુલન્સ સેવા પૂરી પાડતો હતો. તેની NGOની હેલ્પલાઈન સાથે 21 લોકો જોડાયેલા હોવાના અહેવાલ છે. હત્યામાં કથિત રીતે સામેલ અન્ય લોકો પણ આ એનજીઓ સાથે સંકળાયેલા હતા.

    તેના પર અન્ય આરોપીઓને ઉમેશ કોલ્હેની હત્યા માટે ઉશ્કેરવાનો આરોપ છે. આ પહેલા ફ્રાંસના રાષ્ટ્રપતિ ઈમેન્યુઅલ મેક્રોનની કટ્ટરપંથીઓ વિરુદ્ધ ટિપ્પણી સાંભળ્યા બાદ તેમણે ફ્રાન્સના સામાન પર પ્રતિબંધ લગાવવાની પણ હાકલ કરી હતી.

    ડેપ્યુટી સીએમ ફડણવીસની પ્રતિક્રિયા

    એક અહેવાલ મુજબ અમરાવતીમાં કેમિસ્ટની હત્યા કેસમાં નાયબ મુખ્યમંત્રી દેવેન્દ્ર ફડણવીસે કહ્યું છે કે શું આ કેસમાં કોઈ બહારનું કનેક્શન છે? તેમણે કહ્યું કે એ નોંધવામાં આવી રહ્યું છે કે કેટલીક વિદેશી શક્તિઓ દેશમાં તણાવ વધારવાનો પ્રયાસ કરી રહી છે. આ તમામની તપાસ કરવામાં આવશે. આ કેસને શરૂઆતમાં લૂંટનો કેમ બતાવવામાં આવ્યો તેની પણ તપાસ કરવામાં આવશે. અમરાવતીની ઘટનાને ગંભીર ગણાવતા ડેપ્યુટી સીએમએ કહ્યું કે આ ઘટના બર્બર છે. ઉમેશની ખૂબ જ ક્રૂરતાથી હત્યા કરવામાં આવી હતી. આરોપીઓ ઝડપાયા, NIA તપાસ કરી રહી છે. જણાવી દઈએ કે પોલીસે આ મામલામાં એમ પણ કહ્યું છે કે અત્યાર સુધીમાં 7 લોકોની ધરપકડ કરવામાં આવી છે પરંતુ આ સંખ્યા હજુ વધી શકે છે.

    5 કિમી પીછો કરીને કન્હૈયા લાલના હત્યારાઓની ધરપકડ કરાવી, ધમકી છતાં શક્તિસિંહ અને પ્રહલાદસિંહ રહ્યા અડગ: રાજસ્થાન પોલીસે પણ તેમની હિંમત વખાણી

    ઑપઇન્ડિયા સ્ટાફ
    -
    0
    5 કિમી પીછો કરીને કન્હૈયા લાલના હત્યારાઓની ધરપકડ કરાવી, ધમકી છતાં શક્તિસિંહ અને પ્રહલાદસિંહ રહ્યા અડગ: રાજસ્થાન પોલીસે પણ તેમની હિંમત વખાણી

    રાજસ્થાનના ઉદયપુરમાં દરજી કન્હૈયા લાલના હત્યારાઓને પકડવામાં પોલીસને મદદ કરનાર રાજસમંદના બે યુવકો દ્વારા દર્શાવાયેલ બહાદુરીના વખાણ થઈ રહ્યા છે. તેમના નામ શક્તિ સિંહ અને પ્રહલાદ સિંહ છે. કહેવામાં આવી રહ્યું છે કે બંનેએ સતત બાઇક પર આરોપી રિયાઝ અને મોહમ્મદ ગૌસનો પીછો કર્યો અને પોલીસને પોતાનું લોકેશન જણાવ્યું હતું. રાજસ્થાનની ભીમ વિધાનસભાના કોંગ્રેસના ધારાસભ્ય સુદર્શન સિંહ રાવતે પણ 28 જૂન, 2022ના રોજ શક્તિ અને પ્રહલાદની પ્રશંસા કરી હતી.

    કોંગ્રેસના ધારાસભ્યએ લખ્યું, “ઉદયપુરની ઘટના ઘૃણાસ્પદ અને બર્બર છે. ક્રૂરતાથી હત્યા અને તેનું પ્રસારણ કોઈપણ માનવ સંસ્કૃતિમાં અસ્વીકાર્ય છે. તે બિલકુલ સહન કરી શકાતું નથી. ભીમ દેવગઢના રહેવાસી પ્રહલાદ સિંહ અને શક્તિ સિંહે સતત આરોપીનો પીછો કર્યો અને અહીંની જાગૃત જનતાની મદદથી ભીમ દેવગઢ પોલીસે આરોપીની ધરપકડ કરી છે. વહીવટીતંત્રને વિનંતી કરવામાં આવે છે કે તેઓ આ બર્બરતા કરનાર આરોપીઓ સામે કડક કાર્યવાહી કરે અને તેમને ફાંસીની સજા આપે.”

    દૈનિક ભાસ્કર અનુસાર, ધારાસભ્ય સુદર્શન સિંહ રાવતે મુખ્યમંત્રી અશોક ગેહલોતને પત્ર લખીને રાજસમંદના બે યુવકો, શક્તિ અને પ્રહલાદનું સન્માન કરવાની માંગ કરી છે. આ સાથે જ રાજસમંદ પોલીસના એસપી શિવલાલ બૈરવાએ જણાવ્યું કે, “તે બે યુવકોનો સહયોગ હતો જેમણે આરોપીનો પીછો કર્યો અને પોલીસને જાણ કરી.”

    દૈનિક ભાસ્કર સાથે વાત કરતાં શક્તિ સિંહે કહ્યું, “અમને સોશિયલ મીડિયા પરથી કન્હૈયા લાલની હત્યાની માહિતી મળી હતી. અમને અમારા જ વિસ્તારના પોલીસકર્મીનો ફોન આવ્યો હતો જેમાં આરોપીના બાઇક નંબર આપીને ભીલવાડા-દેવગઢ રોડ પરથી ભાગી જવાની માહિતી આપવામાં આવી હતી. આ બાતમી પરથી અમે બાઇકમાંથી બહાર નીકળ્યા ત્યારે આરોપીના દેખાવ જેવા જ 2 લોકો બહાર આવ્યા હતા. તે બાઇકનો નંબર પણ 2611 હતો. જ્યારે અમે પોલીસને બોલાવી ત્યારે તે દૂર હતી. અમે આરોપીઓનો પીછો કરતા રહ્યા. આ દરમિયાન અમને ધમકીઓ પણ આપવામાં આવી હતી પરંતુ અમે તેમને અનુસરતા રહ્યા. આખરે 5 કિમી પછી બંને આરોપીઓ પોલીસના હાથે ઝડપાઈ ગયા હતા.

    રાજપૂત કરણી સેનાના મહિપાલ સિંહે શક્તિ અને પ્રહલાદ સિંહના વખાણ કર્યા છે અને તેમના માટે રાષ્ટ્રપતિ એવોર્ડની માંગ કરી છે.

    રાહુલ ગાંધીના રસ્તે ચાલતા ડીએમકે સાંસદ એ. રાજા: ‘અલગ તમિલનાડુ’ માટે ચળવળ શરૂ કરવાની ચીમકી ઉચ્ચારી, કહ્યું- મજબુર ન કરે કેન્દ્ર

    ઑપઇન્ડિયા સ્ટાફ
    -
    0
    રાહુલ ગાંધીના રસ્તે ચાલતા ડીએમકે સાંસદ એ. રાજા: ‘અલગ તમિલનાડુ’ માટે ચળવળ શરૂ કરવાની ચીમકી ઉચ્ચારી, કહ્યું- મજબુર ન કરે કેન્દ્ર

    તમિલનાડુની સત્તાધારી પાર્ટી ડીએમકેના સાંસદ એ. રાજાએ (A Raja) કેન્દ્ર સરકારને તામિલનાડુને સ્વાયત્તતા આપવા માટે કહ્યું છે અને સાથે ચીમકી પણ આપી છે. તેમણે કહ્યું કે, કેન્દ્ર તેમને ફરીથી અલગ તમિલનાડુ રાજ્યની માંગ ઉઠાવવા માટે મજબુર ન કરે. મુખ્યમંત્રી એમકે સ્ટાલિનની હાજરીમાં સ્થાનિક સંસ્થામાં પક્ષના પ્રતિનિધિઓની બેઠકમાં સાંસદ રાજાએ આ વાત કહી હતી. તેમણે કહ્યું કે જ્યાં સુધી તમિલનાડુને સ્વાયત્તતા નહીં મળે ત્યાં સુધી તેમની લડાઈ અટકશે નહીં.

    ‘ટાઈમ્સ ઑફ ઇન્ડિયા’ના રિપોર્ટ અનુસાર, નમક્કલમાં રવિવારે આયોજિત આ સમારોહમાં એ. રાજાએ કહ્યું, “પેરિયાર (પાર્ટીના સ્થાપક) જ્યાં સુધી જીવિત રહ્યા ત્યાં સુધી અલગ તમિલનાડુની માંગ કરતા રહ્યા. આપણા મુખ્યમંત્રી (સ્ટાલિન) અન્નાના (અન્નાદુરાઈ) માર્ગે ચાલી રહ્યા છે. અમને પેરિયારનો રસ્તો અપનાવવા માટે મજબુર કરશો નહીં. તેમણે એમ પણ કહ્યું કે, અમે વડાપ્રધાન નરેન્દ્ર મોદી અને ગૃહમંત્રી અમિત શાહ સમક્ષ વિનમ્રતાપૂર્વક માંગ કરીએ છીએ કે અમારા રાજ્યને સ્વ-શાસનનો અધિકાર આપવામાં આવે.

    એ રાજાએ વધુમાં કહ્યું કે અમે તમિલનાડુમાં સત્તા પર છીએ પરંતુ સત્તાના અભિમાનમાં આવીને આવું કહી રહ્યા નથી. ડીએમકેએ અલગ તમિલનાડુ રાજ્યની માંગ છોડી દીધી છે, પરંતુ હવે અમે રાજ્ય માટે સ્વાયત્તતાની માંગ કરી રહ્યા છીએ. નોંધનીય છે કે જ્યારે ડીએમકે સાંસદે પાર્ટીના નેતાઓને સંબોધિત કરતા આ વાત કહી ત્યારે તમિલનાડુ સીએમ એમ.કે સ્ટાલિન પણ ત્યાં હાજર હતા. મીડિયા રિપોર્ટ્સ અનુસાર, તેમણે આ મુદ્દે કંઈ પણ કહ્યું ન હતું અને મૌન રહેવાનું પસંદ કર્યું હતું. 

    રિપોર્ટ અનુસાર, તામિલનાડુને (Tamilnadu) સ્વાયત્તતા આપવા મામલે ચીમકી ઉચ્ચારતા DMK સાંસદ રાજાએ આરોપ લગાવ્યો કે કેન્દ્ર સરકાર પાસે વધુ સત્તા છે, જ્યારે રાજ્ય સરકારોને ઘણી બાબતોમાં કેન્દ્ર પર આધાર રાખવો પડે છે. તેમણે કહ્યું કે તમિલનાડુ GSTમાં 6.5 ટકાનું યોગદાન આપે છે, જ્યારે રાજ્યને માત્ર 2.2 ટકા જ પરત મળી શકે છે. નાની નાની બાબતોમાં પણ રાજ્ય સરકારોએ કેન્દ્ર પર આધારિત રહેવું પડે છે તેવો તેમણે આક્ષેપ કર્યો હતો. 

    ઉલ્લેખનીય છે કે કોંગ્રેસના કાર્યકાળ દરમિયાન થયેલા સૌથી મોટા ગોટાળાઓ પૈકીના એક 2G સ્કેમ મામલે તત્કાલીન ટેલિકોમ મંત્રી એ. રાજા પર પણ આરોપ લાગ્યો હતો. રાજા પર વર્ષ 2001 માં નક્કી કરવામાં આવેલ કિંમત પર સ્પ્રેક્ટમ વેચવાનો અને પોતાની મનપસંદ કંપનીઓને પ્રાધાન્ય આપવાનો આરોપ લાગ્યો હતો. આ મામલે તેમણે 15 મહિના જેલમાં પણ વિતાવવા પડ્યા હતા. જોકે, વર્ષ 2017 માં તેમને નિર્દોષ છોડી મૂકવામાં આવ્યા હતા.

    અહીં એ પણ નોંધવું જરૂરી છે કે તાજેતરમાં વિદેશમાં પોતાના એક ભાષણ દરમિયાન કોંગ્રેસના પૂર્વ અધ્યક્ષ અને સાંસદ રાહુલ ગાંધીએ (Rahul Gandhi) પણ દાવો કર્યો હતો કે ભારત એક ‘રાજ્યોનો સંઘ’ (Union of states) છે. કેમ્બ્રિજમાં એક વાતચીત દરમિયાન તેમણે કહ્યું હતું કે, “ભારત બ્રિટન જેવો દેશ નથી પરંતુ યુરોપીય યુનિયનની જેમ રાજ્યોનો સંઘ છે.” રાહુલ ગાંધીની આ ટિપ્પણી મામલે વિવાદ પણ ખૂબ થયો હતો.

    અમરાવતી મર્ડર કેસ: હત્યારાઓએ આ પહેલા પણ બે વાર ઉમેશ કોલ્હેને મારવાના કર્યા હતા પ્રયત્ન, સીસીટીવી ફૂટેજમાં થયો ખુલાસો

    ઑપઇન્ડિયા સ્ટાફ
    -
    0
    અમરાવતી મર્ડર કેસ: હત્યારાઓએ આ પહેલા પણ બે વાર ઉમેશ કોલ્હેને મારવાના કર્યા હતા પ્રયત્ન, સીસીટીવી ફૂટેજમાં થયો ખુલાસો

    અમરાવતીમાં હિન્દુ કેમિસ્ટ ઉમેશ કોલ્હેની હત્યા મામલે નવો ખુલાસો થયો છે. સૂત્રોએ જણાવ્યું કે આ અગાઉ બે વખત ઉમેશ કોલ્હેને મારવાના પ્રયાસ થયા હતા, પરંતુ હુમલાખોરો નિષ્ફળ ગયા હતા. જોકે, ત્રીજી વખત હત્યારાઓ પોતાના આ ગુનાને અંતિમ ઓપ આપવામાં સફળ રહ્યા હતા.

    ગત 21 જૂનના રોજ કટ્ટરપંથી ઇસ્લામવાદીઓ દ્વારા અમરાવતીમાં ઉમેશ કોલ્હે પર ઘાત લગાવીને હુમલો કરીને તેમને મોતને ઘાટ ઉતારવામાં આવ્યા હતા. પરંતુ સીસીટીવી ફૂટેજની તપાસ કરતાં જાણવા મળ્યું હતું કે આ પહેલા 19 જૂન અને 20 જૂનના રોજ પણ આ હત્યારાઓએ ઉમેશ કોલ્હેને મારવાના પ્રયાસ કર્યા હતા, પરંતુ તેઓ નિષ્ફળ રહ્યા હતા.

    આરોપીઓ દ્વારા 19 જૂને પહેલીવાર કોલ્હેને મારી નાખવાની તૈયારી કરવામાં આવી હતી, પરંતુ મુખ્ય આરોપી ઈરફાન શેખ રહીમ ત્યારે ડરી ગયો હતો અને તે દિવસે આ હત્યાકાંડને અંજામ આપવામાં આવ્યો ન હતો.

    આ પછી, 20 જૂનના રોજ આરોપીઓએ ફરીથી હત્યાનો પ્લાન બનાવ્યો, પરંતુ ઉમેશને ઘરેથી ફોન આવ્યો અને હત્યારાઓ ગુનાના સ્થળે પહોંચે તે પહેલા જ તેઓએ દુકાન બંધ કરી દીધી હતી. આનાથી આરોપીઓની યોજના પર ફરી પાણી ફરી વળ્યું હતું.

    નોંધનીય છે કે આ આરોપીઓ 21 જૂનના રોજ કોલ્હે પર હુમલો કરવામાં સફળ રહ્યા હતા. પરંતુ CCTVમાં જોવા મળ્યું હતું કે આરોપીઓ માત્ર કોલ્હેને મોતને ઘાટ ઉતારીને સંતોષાયા નહોતા પરંતુ તેઓ કોલ્હેનું માથું ધડથી અલગ કરવા માંગતા હતા અને તેનો પ્રયત્ન કરી રહ્યા હતા. પરંતુ પાછળથી આવી રહેલ કોલ્હેના પુત્ર અને પુત્રવધૂએ બૂમાબૂમ કરી મૂકતાં આરોપીઓ ત્યાથી ભાગી છૂટ્યા હતા.

    ઉમેશ કોલ્હેના 16 વર્ષ જૂના ‘ખાસ મિત્ર’ એ ઘડ્યું હત્યાનું કાવતરું

    આ વાતનો ખુલાસો પીડિત ઉમેશ કોલ્હેના ભાઈ મહેશ કોલ્હેએ કર્યો હતો. તેણે કહ્યું કે આ કેસની પોલીસની નોંધથી તેને જાણવા મળ્યું છે કે નુપુર શર્મા પર તેની પોસ્ટ માટે તેના ભાઈની હત્યા કરવામાં આવી હતી.

    મહેશ કોલ્હેએ ઉમેર્યું હતું કે ઉમેશ કોલ્હે પ્રેક્ટિસ કરતા પશુચિકિત્સક યુસુફ ખાન સાથે સારા મિત્રો હતા, જેની આ કેસમાં સંડોવણી બદલ અમરાવતીથી ધરપકડ કરવામાં આવી હતી. તેણે માહિતી આપી કે તેઓ ખાનને 2006થી ઓળખે છે.

    1...1,0811,0821,083...1,178Page 1,082 of 1,178

    © Copyright - OpIndia.com