Friday, November 15, 2024
More
    Home Blog Page 1027

    સચિન તેંદુલકરના સાથી વિનોદ કાંબલી આર્થિક ભીંસમાં, નાણાકીય કટોકટી દૂર કરવા પૂર્વ ક્રિકેટરે બે હાથ જોડીને વિનંતી કરી

    ઑપઇન્ડિયા સ્ટાફ
    -
    0
    સચિન તેંદુલકરના સાથી વિનોદ કાંબલી આર્થિક ભીંસમાં, નાણાકીય કટોકટી દૂર કરવા પૂર્વ ક્રિકેટરે બે હાથ જોડીને વિનંતી કરી

    ભારતીય ક્રિકેટ ટીમના પૂર્વ બેટ્સમેન વિનોદ કાંબલી આ દિવસોમાં આર્થિક સંકટમાંથી પસાર થઈ રહ્યા છે. તેમની પરીસ્થિતિ એટલી કથળી ચુકી છે કે તેઓ ગુજરાન ચલાવવા માટે ક્રિકેટ સાથે જોડાયેલ કોઈપણ કામ કરવા માટે તૈયાર છે. અખબાર મિડ-ડે માં છપાયેલા સમાચાર મુજબ, આ 50 વર્ષીય પૂર્વ ક્રિકેટર મંગળવારે જ્યારે મુંબઈમાં કોફી શોપમાં બેઠા હતા ત્યારે તેમને ઓળખવા પણ મુશ્કેલ હતા. સામાન્ય રીતે સોનાની ચેન, સ્ટાઇલિશ કેપ અને શાનદાર કપડામાં જોવા મળતા કાંબલી ખૂબ જ સામાન્ય વ્યક્તિ લાગી રહ્યા હતા અને તેમના સેલફોનની સ્ક્રીન ડાબી બાજુએથી ક્ષતિગ્રસ્ત દેખાઈ રહી હતી.

    જાગરણના અહેવાલ અનુસાર કાંબલીની આર્થિક હાલત એટલી ખરાબ છે કે ક્લબ પહોંચવા માટે પણ તેમને મિત્રની કારમાં આવવું પડ્યું હતું. મિડ-ડેને જણાવ્યાં અનુસાર હાલ તેમને કામની જરૂર છે અને હાલમાં તેમની આવકનો સ્ત્રોત માત્ર BCCI પેન્શન છે જેના પર તેમનું ગુજરાન ચલાવી રહ્યા છે. અત્યારે કાંબલીને BCCI તરફથી પેન્શન તરીકે 30,000 રૂપિયા મળે છે. પોતાની આર્થિક તંગી વિશે વાત કરતાં કાંબલીએ કહ્યું કે હું નિવૃત્ત ક્રિકેટર છું અને સંપૂર્ણપણે બીસીસીઆઈ પેન્શન પર નિર્ભર છું. મારી આવકનો એકમાત્ર સ્ત્રોત પેન્શન છે અને આ માટે હું ભારતીય ક્રિકેટ બોર્ડનો આભાર માનું છું.

    કોઇપણ કામ કરવા તૈયાર: કાંબલી

    વધુમાં કાંબલીએ કહ્યું કે મને અસાઇનમેન્ટ જોઈએ છે, જેથી હું યુવા ક્રિકેટરોને મદદ કરી શકું. હું જાણું છું કે મુંબઈએ અમોલ મજુમદારને તેમના મુખ્ય કોચ તરીકે રાખ્યા છે અને જો તેમને મારી જરૂર હોય તો હું કામ કરવા તૈયાર છું. મેં તેમને ઘણી વાર કહ્યું પણ છે કે જો તને મારી જરૂર હોય તો હું તમારી સાથે છું. મારો પણ પરિવાર છે અને મારે તેમની સંભાળ લેવાની છે. તમારે જીવનમાં સ્થિરતા જોઈતી હોય તો અસાઈનમેન્ટ્સનું હોવું આવશ્યક છે. હું એમસીએ પ્રમુખને વિનંતી કરી શકું છું કે જો મારી જરૂર હોય તો હું તૈયાર છું.

    અહેવાલો અનુસાર આગળ કાંબલીએ કહ્યું કે સ્થિતિઓ એવી નિર્માણ પામી છે કે હવે તે પરેશાન કરી રહી છે. હું અમીર જન્મ્યો નથી, અને જે કશું પણ કરી શક્યો તે ક્રિકેટ રમીને જ, મેં ગરીબી જોઈ છે અને ક્યારેક-ક્યારેક તો મારી પાસે પુરતું ભોજન પણ નહોતું હોતું. હું શારદા આશ્રમ શાળામાં જતો હતો જ્યાં હું ટીમમાં હતો ત્યારે મને પુરતું ભોજન મળતું હતું, અંતે તે જ સમયે સચિન તેંડુલકર મારો મિત્ર બની ગયો હતો. હું ખૂબ જ ગરીબ પરિવારમાંથી આવ્યો છું, હાલની સ્થિતિમાં મારા માતા-પિતાને ખૂબ જ યાદ કરું છું. ખેર, મને ક્રિકેટમાંથી ઘણું મળ્યું છે.

    અહી નોંધનીય છે કે વિનોદ કાંબલીએ ભારત માટે 17 ટેસ્ટ મેચ રમી છે. જેમાં તેમણે કુલ 1084 રન બનાવ્યા હતા, જ્યારે 104 વનડેમાં તેમણે કુલ 2477 રન બનાવ્યા હતા. તેમણે ટેસ્ટમાં 4 સદી અને વનડેમાં 2 સદીઓ પણ ફટકારી હતી.

    બિહારમાં નવી સરકાર બનવાની સાથે જ આંતરિક વિખવાદ શરૂ: મંત્રીપદ ન મળવાથી JDUના 5 ધારાસભ્યો નારાજ, શપથ ગ્રહણનો કર્યો બહિષ્કાર

    ઑપઇન્ડિયા સ્ટાફ
    -
    0
    બિહારમાં નવી સરકાર બનવાની સાથે જ આંતરિક વિખવાદ શરૂ: મંત્રીપદ ન મળવાથી JDUના 5 ધારાસભ્યો નારાજ, શપથ ગ્રહણનો કર્યો બહિષ્કાર

    10 ઓગસ્ટના રોજ બિહારમાં નવા મુખ્યમંત્રી અને નાયબ મુખ્યમંત્રીના શપથ ગ્રહણ બાદ બિહારમાં નીતીશ કુમાર કેબિનેટનું મંગળવારે વિસ્તરણ કરવામાં આવ્યું હતું. મંગળવારે (16 ઓગસ્ટ) રાજ્યમાં કુલ 31 ધારાસભ્યોએ મંત્રી તરીકે શપથ લીધા હતા. અહેવાલો અનુસાર મંત્રીપદ ન મળવાથી JDUના 5 ધારાસભ્યો નારાજ છે.

    નોંધનીય છે કે નીતિશ કેબિનેટમાં આરજેડી ક્વોટામાંથી 16 મંત્રીઓએ શપથ લીધા છે. બીજી બાજુ, નીતિશ કુમારની પાર્ટી જેડીયુમાંથી કુલ 11 લોકોને મંત્રી બનાવવામાં આવ્યા છે. કોંગ્રેસમાંથી 2, હિન્દુસ્તાની આવામ મોરચામાંથી 1 અને અપક્ષ ક્વોટામાંથી 1 મંત્રી બનાવવામાં આવ્યા છે. નીતિશ કુમાર અને તેજસ્વી યાદવે 10 ઓગસ્ટના રોજ અનુક્રમે મુખ્યમંત્રી અને નાયબ મુખ્યમંત્રી તરીકે શપથ લીધા હતા. બાકીના 31 મંત્રીઓએ મંગળવારે ​​શપથ લીધા હતા.

    મંત્રીઓને પોર્ટફોલિયોની વહેંચણી પણ કરી દેવામાં આવી હતી. નાણા અને ગૃહ વિભાગ નીતિશ કુમારની જેડીયુ પાસે આવી ગયા છે. જ્યારે ડેપ્યુટી સીએમ તેજસ્વીને આરોગ્ય અને તેજ પ્રતાપને વન અને પર્યાવરણ મંત્રાલય મળ્યું છે.

    JDUના 5 ધારાસભ્યો નારાજ, પાંચેય ભૂમિહાર

    પરબત્તાના ધારાસભ્ય ડૉ. સંજીવ કુમાર, રૂન્નિસૈદપુરના ધારાસભ્ય પંકજ કુમાર મિશ્રા, બરબીઘાના ધારાસભ્ય સુદર્શન કુમાર, મટિહાનીના ધારાસભ્ય રાજકુમાર સિંહ અને કેસરિયાના ધારાસભ્ય શાલિની મિશ્રા રાજભવનમાં આયોજિત સમારોહમાં હાજર રહ્યા ન હતા. યોગાનુયોગ આ તમામ ધારાસભ્યો ભૂમિહાર જાતિના છે. આ પાંચેયને કેબિનેટમાં મંત્રીપદ ન મળવાથી તેમણે નારાજગી વ્યક્ત કરી હતી.

    જ્યારે શાલિની મિશ્રાને શપથ ગ્રહણ સમારોહમાં હાજર ન રહેવા અંગે પૂછવામાં આવ્યું ત્યારે તેમણે કહ્યું કે તે હાલમાં તેની સાસુની સારવાર માટે દિલ્હીમાં છે. બીજી તરફ જેડીયુના ધારાસભ્ય ડો.સંજીવ કુમારે ફેસબુક પર પોસ્ટ લખીને હાવભાવ અને હરકતોથી નારાજગી વ્યક્ત કરી છે. તેમણે બાકી ત્રણ ધારાસભ્યો સાથે ફોટો શેર કરતા લખ્યુ છે કે, “જે વ્યક્તિ તમારી પહેલા અહીં હતી, તેને પણ પોતાના ભગવાન હોવામાં એટલી જ શ્રદ્ધા હતી!!’

    મંત્રી મંડળમાં જગ્યા ન મળતા આ ધારાસભ્યોની સાથે સાથે ઉપેન્દ્ર કુશવાહા પણ નારાજ હોવાનું સામે આવ્યું છે. કહેવામાં આવ્યું છે કે તે નારાજ થઈને મહારાષ્ટ્ર જતા રહ્યા છે.

    નોંધનીય છે કે હવે આગામી 24 ઓગસ્ટના રોજ નીતીશ કુમારે વિધાનસભામાં પોતાનો બહુમત સાબિત કરવાનો છે. એવામાં પોતાના જ પક્ષના ધારાસભ્યોની આ નારાજગી નીતીશ કુમાર માટે સમસ્યા ઉભી કરી શકે છે.

    VNSGUમાં ફરી ભગવો લહેરાયો: ABVPને 11માંથી 9 સીટ પર જીત મળી, નેગેટિવ વાતાવરણ ઉભું કર્યા બાદ પણ AAPની વિદ્યાર્થી પાંખની ડિપોઝીટ ડૂલ

    Lincoln Sokhadia
    -
    0
    VNSGUમાં ફરી ભગવો લહેરાયો: ABVPને 11માંથી 9 સીટ પર જીત મળી, નેગેટિવ વાતાવરણ ઉભું કર્યા બાદ પણ AAPની વિદ્યાર્થી પાંખની ડિપોઝીટ ડૂલ

    સુરત ખાતે વીર નર્મદ દક્ષિણ ગુજરાત યુનિવર્સીટી VNSGUની સેનેટ ચૂંટણી યોજાયા બાદ તેનું પરિણામ આવ્યું છે. બુધવાર (17 ઓગસ્ટ) વહેલી સવારે જાહેર થયેલ પરિણામ અનુસાર રાષ્ટ્રીય સ્વયંસેવક સંઘ (RSS)ની વિદ્યાર્થી પાંખ એવી અખિલ ભારતીય વિદ્યાર્થી પરિષદ (ABVP) એ યુનિવર્સીટીની 11 બેઠકોમાંથી 9 બેઠકો જીતી લીધી છે. આમ ફરી એકવાર VNSGUમાં ભગવો લહેરાયો છે.

    નોંધનીય છે કે VNSGUની ચૂંટણીમાં આ વખતે ત્રિપાંખિયો જંગ જોવા મળ્યો હતો. ABVP અને કોંગ્રેસની વિદ્યાર્થી પાંખ NSUI ઉપરાંત આ વખતે આમ આદમી પાર્ટીની વિદ્યાર્થી પાંખ CYSSએ પણ ચૂંટણીમાં ઝંપલાવ્યું હતું. આમ આદમી પાર્ટીની જેમ જ તેમની વિદ્યાર્થી પાંખ CYSS એ પણ આ ચૂંટણી દરમિયાન સમાચારમાં રહેવા અનેક ગતકડાં કરીને પોતાના તરફી માહોલ બનાવવાનો પૂરો પ્રયત્ન કર્યો હતો. તેમણે એવી અફવા’ પણ ફેલાવી હતી કે ABVP દ્વારા તેમને માર મારવામાં આવ્યો હતો.

    VNSGUની સેનેટ ચૂંટણીનું અંતિમ પરિણામ

    પરંતુ પરિણામ આવતાની સાથે જ ચિત્ર સ્પષ્ટ થઇ ગયું કે આમ આદમી પાર્ટીની વિદ્યાર્થી પાંખ દૂર દૂર સુધી સ્પર્ધામાં હતી જ નહીં. કુલ 11 બેઠકોના પરિણામમાં ABVP ને 9 બેઠકો, NSUI ને માત્ર 1 બેઠક તથા CYSSને શૂન્ય બેઠકો મળી હતી. 1 બેઠક અપક્ષ ઉમેદવારને મળી હતી જેણે પાછળથી ભગવો ધારણ કરી લીધો હતો. AAP ની વિદ્યાર્થી પાંખની હાલત એટલી ખરાબ થઇ હતી કે તેને દરેક બેઠકો પર પોતાની ડિપોઝીટ ગુમાવવાનો વારો આવ્યો હતો.

    આપની વિદ્યાર્થી પાંખના કાર્યકરો પર છેડતીનો આરોપ

    ઑપઇન્ડિયા સાથેની એક્સક્લુઝિવ વાતચીત દરમિયાન ABVPના ગુજરાત પ્રદેશ મંત્રી યુતી ગજરેએ જણાવ્યું હતું કે VNSGU ફરીથી ABVPની ભવ્ય જીત એ વિદ્યાર્થીઓમાં તેમના પ્રત્યે રહેલો વિશ્વાસ દર્શાવે છે. ગઈ વખત કરતા આ વખતે બેઠકો જે વધારો થયો છે એ તેમને વધુ સારી રીતે વિદ્યાર્થીહિતમાં કામ કરવા માટે પ્રેરશે.

    ગજરેએ આગળ જણાવ્યું કે, “ABVPએ VNSGUની આર્ટ્સ, કોમર્સ અને સાયન્સ ત્રણેય મોટી બેઠકો પર કબ્જો કર્યો છે. વિરોધીઓએ અમને હરાવવા સામ દામ દંડ ભેદ એમ દરેક રીત અપનાવી હતી પરંતુ વિદ્યાર્થીઓએ અમારા પર ભરોસો ટકાવી રાખ્યો હતો.”

    આમ આદમી પાર્ટીની વિદ્યાર્થી શાખા CYSS પર આરોપ લગાવતા યુતી ગજરેએ ઑપઇન્ડિયાને જણાવ્યું કે, “CYSSએ શરૂઆતથી જ પોતાનું નામ ચમકાવવા ગંદી રાજનીતિ રમવાનું શરૂ કર્યું હતું. મતદાનના દિવસે પણ તેમના કાર્યકર્તાઓએ ABVPના મહિલા કાર્યકરને અભદ્ર ઈશારાઓ કરીને છંછેડ્યા હતા જે બાદ કેમ્પસમાં માહોલ ગરમાયો હતો. હવે પરિણામ આવ્યા બાદ VNSGUમાં ભગવો લહેરાતા એ સાબિત થયું છે કે તેમણે સ્પર્ધામાં ક્યાંય હતા જ નહિ એ માત્ર સમાચારમાં રહેવાનો અને ABVPને બદનામ કરવાનો એક સ્ટંટ જ હતો.”

    અત્રે નોંધનીય છે કે 2021માં યોજાયેલ સુરત મ્યુનિસિપલ કોર્પોરેશનની ચૂંટણીઓમાં આમ આદમી પાર્ટીએ 27 સીટ જીતતા તે રાતોરાત ચર્ચામાં આવી હતી. એ પણ સત્ય છે કે એ બાદ ઘણા આપ કોર્પોરેટરો ભાજપમાં જોડાઈ ગયા હતા. છતાંય એવું મનાઈ રહ્યું હતું કે સુરતમાં યોજાયેલ VNSGU ની આ ચૂંટણીમાં AAP જરુર મોટી અસર કરશે. પરંતુ પરિણામો બાદ એક વાત સાફ થઇ ગઈ છે કે ગુજરાતના યુવાનો અને વિદ્યાર્થીઓને આમ આદમી પાર્ટીની રેવડીઓમાં રસ નથી.

    ગુલામ નબી કોંગ્રેસથી આઝાદ? J&K કોંગ્રેસમાં ઓછા મહત્ત્વના પદનો અસ્વીકાર કરી બહાનું આગળ ધર્યું

    ઑપઇન્ડિયા સ્ટાફ
    -
    0
    ગુલામ નબી કોંગ્રેસથી આઝાદ? J&K કોંગ્રેસમાં ઓછા મહત્ત્વના પદનો અસ્વીકાર કરી બહાનું આગળ ધર્યું

    ગુલામ નબી કોંગ્રેસથી આઝાદ થઇ રહ્યા હોય તેવું લાગી રહ્યું છે. કોંગ્રેસ નેતા ગુલામ નબી આઝાદે મંગળવારે જમ્મુ અને કાશ્મીર કોંગ્રેસ પ્રચાર સમિતિના વડા પદેથી નિમણૂક થયાના ગણતરીના કલાકોમાં રાજીનામું આપી દીધું છે, સ્વાસ્થ્યના કારણોને ટાંકીને, ગુલામ નબી આઝાદે નવી જવાબદારી લેવાનો ઇનકાર કર્યો હતો, મંગળવારે કોંગ્રેસ પ્રચાર સમિતિની નવી રચના કરવામાં આવી હતી. પ્રચાર સમિતિમાં 11 નેતાઓનો સમાવેશ થાય છે જેમાં PCC પ્રમુખ અને કાર્યકારી પ્રમુખ તેના કાયમી આમંત્રિતો છે.

    મળતા અહેવાલો અનુસાર, ગુલામ નબી આઝાદની નારાજગી એ છે કે તેમની ભલામણોની અવગણના કરવામાં આવી રહી છે, જેના કારણે તેમણે નવી જવાબદારી લેવાનો ઇનકાર કરી દીધો છે. જો કે, કોંગ્રેસનું કહેવું છે કે આઝાદે નાદુરસ્ત તબિયતને કારણે પ્રચાર સમિતિના અધ્યક્ષ તરીકેનો હોદ્દો સંભાળવાનો ઇનકાર કર્યો છે. તો બીજી તરફ સોનિયા ગાંધીએ પણ તેમનું રાજીનામું સ્વીકારી લીધું હોવાની માહિતીઓ પણ મળી રહી છે.

    ન્યૂઝ એજન્સીના જણાવ્યા અનુસાર, તેમણે પાર્ટી હાઈકમાન્ડને આ જાણકારી આપી છે. આઝાદે તેમને નવી જવાબદારી આપવા બદલ પાર્ટી નેતૃત્વનો આભાર માન્યો હતો. ગુલામ નબી આઝાદ પાર્ટી સિવાય G23 જૂથનો પણ ભાગ છે જે પાર્ટીમાં ઘણા મોટા ફેરફારોની હિમાયત કરે છે. આ તમામ ગતિવિધિઓ વચ્ચે આ રાજીનામાથી ગુલામ નબી આઝાદ અને કોંગ્રેસ સાથેના તેમના સંબંધો ઉપર પણ હવે સવાલો ઉભા થઇ રહ્યા છે.

    પાંચ મહિના પહેલા કોંગ્રેસની હાર પર આઝાદના ઘરે G23 જૂથની બેઠક યોજાઈ હતી

    પાંચ રાજ્યોમાં કારમી હાર બાદ કોંગ્રેસના અસંતુષ્ટ G23 જૂથની ડિનર બેઠક આઝાદના ઘરે યોજાઈ હતી. ગુલામ નબી આઝાદ. આ પછી પાર્ટીમાં નેતૃત્વને લઈને બળવાની અટકળો શરૂ થઈ ગઈ હતી. CWCની બેઠકમાં, સોનિયા અને રાહુલ-પ્રિયંકાએ તેમના રાજીનામાની ઓફર કરી હતી, જેને બેઠકમાં હાજર નેતાઓએ નકારી કાઢી હતી, પરંતુ ત્યારથી G-23 જૂથ લોકસભા ચૂંટણી માટે વિશ્વસનીય વિકલ્પ ઓફર કરવાની વાત કરી રહ્યો છે. જેનાથી પાર્ટીના ભાંગી પાડવાનો ખતરો હતો.

    કોંગ્રેસમાં ધરમૂળથી પરિવર્તન લાવવા માંગતા હતા ગુલામ

    રિપોર્ટ મુજબ, કોંગ્રેસ અધ્યક્ષ સોનિયા ગાંધીએ રાજ્યસભાની ચૂંટણી માટે પાર્ટીના ઉમેદવારોની જાહેરાત કરવા પહેલાં ગુલામ નબી આઝાદ સાથે મુલાકાત કરી હતી. આ દરમિયાન તેમણે આઝાદ સમક્ષ પાર્ટીમાં બીજા ક્રમે રહીને જવાબદારી નિભાવવા માટે પ્રસ્તાવ મૂક્યો હતો. જોકે, ગુલામ નબી આઝાદે એ પ્રસ્તાવ ફગાવી દીધો હતો. ગુલામ નબી આઝાદે કહ્યું હતું કે, પાર્ટી ચલાવનારા યુવાઓ અને દિગ્ગ્જ્જોના વિચારોમાં ઘણો અંતર છે. તે સમયે તેમણે કહ્યું હતું કે, “આજે પાર્ટી ચલાવનારા યુવાનો અને મારી વચ્ચે એક પેઢીનું અંતર આવી ગયું છે. અમારા વિચાર અને તેમના વિચારમાં અંતર છે. આ માટે યુવાઓ પાર્ટીના દિગ્ગ્જ્જો સાથે કામ કરવા માટે તૈયાર થતા નથી.”

    જોકે, ગુલામ નબી આઝાદે તે સમયે પ્રસ્તાવ ફગાવવા પાછળનું એક કારણ એ પણ માનવામાં આવી રહ્યું હતું કે સોનિયા ગાંધીએ તેમને પાર્ટીમાં તેમની ભૂમિકા અંગે કંઈ કહ્યું ન હતું. એટલે કે તેમને સંગઠનના ઉપાધ્યક્ષ કે કાર્યકારી અધ્યક્ષ બનાવવામાં આવશે કે મહાસચિવ બનાવવામાં આવશે તે પણ સ્પષ્ટતા કરી ન હતી. તે સમયે તેવું પણ માનવામા આવીબ રહ્યું હતું કે ગુલામ નબી આઝાદ કોંગ્રેસ પાર્ટીમાં કોંગ્રેસમાં ધરમૂળથી પરિવર્તન લાવીને કોંગ્રેસને નવા રંગરૂપ અને નેતૃત્વ આપવાની મંશા રાખતા હતા.

    વિકાર રસૂલ વાની જમ્મુ અને કાશ્મીર કોંગ્રેસના નવા અધ્યક્ષ

    તો બીજી તરફ વિકાર રસૂલ વાનીને જમ્મુ અને કાશ્મીર કોંગ્રેસના અધ્યક્ષ બનાવવામાં આવ્યા છે. અગાઉ અહેમદ મીર પ્રદેશ અધ્યક્ષ હતા, જેમનું રાજીનામું સ્વીકારી લેવામાં આવ્યું છે. 47 વર્ષીય વાનીને ગુલામ નબી આઝાદની ખૂબ નજીક માનવામાં આવે છે. વાની કોંગ્રેસના વરિષ્ઠ નેતા છે અને બનિહાલથી ધારાસભ્ય રહી ચૂક્યા છે. તે જ સમયે, હિમાચલ પ્રદેશમાં કોંગ્રેસે ધારાસભ્ય પવન કાજલને પ્રદેશ કાર્યકારી અધ્યક્ષ પદ પરથી હટાવી દીધા છે. હવે ચંદ્ર કુમાર નવા પ્રદેશ અધ્યક્ષ બનશે.

    બોલીવુડને યાદ આવી રહ્યા છે જુના દિવસો: સેક્યુલારિઝમના નામે હિન્દૂદ્વેષ બતાવવાની, કાળા ધનને ધોઈને ચોખ્ખા કરવાની મજા હવે ક્યાં? કાર્તિકેયા 2 પણ તેમને આવી નાપસંદ

    Lincoln Sokhadia
    -
    0
    બોલીવુડને યાદ આવી રહ્યા છે જુના દિવસો: સેક્યુલારિઝમના નામે હિન્દૂદ્વેષ બતાવવાની, કાળા ધનને ધોઈને ચોખ્ખા કરવાની મજા હવે ક્યાં? કાર્તિકેયા 2 પણ તેમને આવી નાપસંદ

    કથિત મેગા બ્લોકબસ્ટર સ્ટાર આમિર ખાનની મેગા બજેટવાલી ફિલ્મ ‘લાલ સિંહ ચઢ્ઢા’ ને દર્શકોએ એવી રીતે નકારી કાઢી છે કે આમિર પોતે હજુ આઘાતમાં છે. આ સાથે જ બીજા અનેક કથિત સ્ટાર્સ અને સ્ટારકિડ્સ પણ સદમામાં છે કે જેમના રોટલા અંડરવર્લ્ડના કાળા પૈસા ધોવા માટે હિંદુદ્વેષ બતાવીને ચાલતા હતા. લાલ સિંહ ચઢ્ઢાને ફ્લોપ થતી જોયા બાદ એ બધાએ પોતાના દુઃખ-દર્દ-પીડા સોશિયલ મીડિયા પર ઠાલવવા માંડ્યા છે.

    બોલીવુડનું વહાણ ડુબતું જોઈને હવે તેના પર સવાર થયેલા અનેક લોકો નાછૂટકે સામે આવી રહ્યા છે. જે લોકોને ખ્યાલ જ છે કે તેમણે ભૂતકાળમાં કેવા કેવા પ્રોપગેન્ડા ચલાવ્યા છે અને જેમને વિશ્વાસ જ છે કે સમય આવતા તેમનો અને તેમની ફિલ્મોનો પણ આ જ રીતે બહિષ્કાર થવાનો છે તેમણે હમણાંથી પાણી પહેલા પાળ બાંધવાની શરુ કરી દીધી છે.

    ઘણા લોકોએ નક્કી કરી લીધું છે કે આગળથી આવા કોઈ પ્રોપગેન્ડામાં ફસાશે નહિ અને માત્ર મનોરંજન પીરસવાનું જ કામ કરશે. પરંતુ હજુય બહુમતી લોકો આ સત્ય પચાવી નથી શકતા, અથવા એમ કહીએ તો તેમનામાં ટેલેન્ટ જેવું કાંઈ છે જ નહિ બસ પ્રોપગેન્ડા અને અંડરવર્લ્ડના કાળા નાણાંના લીધે જ હમણાં સુધી તાકી રહ્યા હતા. તેમણે એનકેન પ્રકારે હવે દર્શકો અને તેમની ફિલ્મોના બહિષ્કારને વખોડવાનું શરૂ કરી દીધું છે.

    કોણે કોણે ઠાલવ્યા પોતાના દુઃખ-દર્દ-પીડા

    પોતાના દુઃખ-દર્દ-પીડા ઠાલવવાની હારમાળામાં સૌથી તાજું નામ સામે આવ્યું છે અભિનેતા અર્જુન કપૂરનું. બોલિવૂડ હંગામા સાથેના તાજેતરના ઈન્ટવ્યુમાં, અભિનેતા અર્જુન કપૂરે ફિલ્મ ઉદ્યોગને અવરોધી શકે તેવા વિવિધ કારણો વિશે વાત કરી હતી. “મને લાગે છે કે અમે આટલા લાંબા સમય સુધી મૌન રહીને ભૂલ કરી છે. અમારી શિષ્ટાચારને અમારી નબળાઈ તરીકે લેવામાં આવી હતી. અમે હંમેશા ‘કામને પોતાને માટે બોલવા દો, આ બધાથી કોઈ ફરક પડતો નથી’માં માનીએ છીએ,” તેણે બોલિવૂડ હંગામાને કહ્યું હતું.

    આ ઇન્ટરવ્યૂમાં અર્જુન કપૂરે 2020 થી ફિલ્મ ઉદ્યોગને ઘેરી લેનાર બૉયકોટ સંસ્કૃતિ વિશે વાત કરી હતી. તેણે ઉમેર્યું, “અમે ઘણું સહન કર્યું. ઘણું હવે લોકોને તેની આદત પડી ગઈ છે.”

    આમ પોતાના પિતા બોની કપૂરના નામ પર બોલીવુડમાં એન્ટ્રી મેળવનાર અર્જુન કપૂર હવે આડકતરી રીતે દર્શકોને ધમકી આપવા માંડ્યો છે. તેના કહેવા પ્રમાણે હવે બોલીવુડે વધારે સહન ના કરવું જોઈએ તથા એકજુથ થઈને બોયકોટ કરનારા દર્શકોનો સામનો કરવો જોઈએ.

    આ જ હારમાળામાં અન્ય એક કપૂર, પ્રોડ્યુસર એકતા કપૂર, પણ પોતાના દુઃખ-દર્દ-પીડા લઈને કૂદી પડી છે. એકતા કપૂર તેના પ્રોડક્શનમાં તૈયાર થયેલ ડાયરેક્ટર અનુરાગ કશ્યપની તાપસી પન્નુ સ્ટારર ફિલ્મ ‘દોબારા’ના સ્ક્રીનિંગમાં પહોંચી હતી. આ દરમિયાન, જ્યારે તેને ફિલ્મ ‘લાલ સિંહ ચઢ્ઢા‘ અને આમિર ખાનના બહિષ્કાર પર પ્રશ્ન કરવામાં આવ્યો, ત્યારે તેણે ફિલ્મ લાલ સિંહ ચઢ્ઢાનું સમર્થન કર્યું અને આમિરને ઉદ્યોગમાં સૌથી વધુ બિઝનેસ જનરેટ કરનાર સુપ્રસિદ્ધ એક્ટર ગણાવ્યો હતો.

    સુધરે એ બીજા: પૌરાણિક દ્વારકા નગરીની કથામાં તેમને ભગવાન શ્રી કૃષ્ણ વધુ પડતા લાગે છે

    પોતાના દુઃખ-દર્દ-પીડા દર્શાવવામાં બૉલીવુડ એ ભૂલી જઈ રહ્યું છે કે તેમની આ હાલત કેમ થઇ છે. જો તેઓ યોગ્ય મનોમંથન કરે તો એનો જવાબ મળશે કે તેમની ફિલ્મોમાં મનોરંજનનો અભાવ અને અકારણ દર્શવવામાં આવતા હિંદુદ્વેષને કારણે તેમની હાલત આવી થઇ છે. પરંતુ હજુ પણ ઘણા આ સત્ય સ્વીકારી નથી શકતા અને હિંદુદ્વેષ બતાવવાની પોતાની જૂની આદત છોડી નથી શકતા.

    શનિવાર (13 2022ઓગસ્ટ) ના રોજ રજુ થયેલ અભિનેતા નિખિલ સિદ્ધાર્થ અભિનીત તેલુગુ ફિલ્મ કાર્તિકેયા 2 ને તેલુગુ ઉપરાંત હિન્દી ભાષામાં પણ લોકો ખુબ પસંદ કરી રહ્યા છે. અને ફિલ્મ સારો એવો વકરો પણ કરી રહી છે. કોઈ મોટા સ્ટાર નહિ, પ્રમોશન માટે કોઈ મોટું બજેટ નહિ તો પણ આ ફિલ્મ જે રીતે સફળ થઇ રહી છે જે એ દર્શાવે છે કે ફિલ્મને સફળ થાવ માટે માત્ર સારી પ્રોપગેન્ડારહિત સ્ટોરી અને સારા અભિનયની જરૂર હોય છે. જો કોઈ ફિલ્મમાં આ બંને વસ્તુ હોય તો દર્શકો તેને જરૂર વધાવતા હોય છે.

    પરંતુ એક પ્રોપગેન્ડારહિત નાના બજેટની ફિલ્મ સફળ કઈ રીતે થઇ શકે એ પણ એવા સમયે જયારે આમિર ખાન જેવા મેગા સુપરસ્ટારની મેગા બજેટની ફિલ્મ બોક્સઓફિસ પાર પીટાઈ રહી હોય, એ વાત હજુ ઘણા લોકો પચાવી નથી શકતા. અને આ વાતથી પોતાના દુઃખ-દર્દ-પીડા દર્શવતા તેઓ રોકાઈ નથી શકતા.

    ઇન્ડિયા ટૂડેની ગ્રેસ સીરિલને કાર્તિકેયા 2 ફિલ્મમાં ભગવાન શ્રી કૃષ્ણનો સંદર્ભ વધુ પડતો લાગ્યો (ફોટો: IndiaToday)

    ઇન્ડિયા ટુડે ગ્રુપની સિનિયર સબ એડિટર, ગ્રેસ સીરિલ, જેણે કાર્તિકેયા 2 નો ફિલ્મ રિવ્યુ લખ્યો હતો તેને એ ન ગમ્યું કે આ ફિલ્મમાં ‘ભગવાન શ્રી કૃષ્ણનો સંદર્ભ વધુ પડતો લેવાયો છે’. અને આ માટે તેણે ફિલ્મને ખુબ વખોડી છે અને માત્ર 1.5 સ્ટાર જ આપ્યા છે.

    તો આ ગ્રેસબહેનને કોણ સમજાવશે કે જે ફિલ્મ પૌરાણિક દ્વારકા નગરી પર બનેલી હોય એમાં ભગવાન શ્રી કૃષણનો સંદર્ભ ના હોય તો કોનો હોય? પરંતુ આ અને એના જેવા અનેક ફિલ્મ રિવ્યુઅર અને ક્રિટીક્સ હમેશાથી હિંદુદ્વેષથી ભરપૂર ફિલ્મોના રિવ્યુ કરવા ટેવાયેલા છે એટલે તેમને આવી સરસ ફિલ્મો ન જ ગમે એ સ્વાભાવિક છે.

    હવે જોવાનું એ છે કે બૉલીવુડ અને તેની સાથે જોડાયેલા લોકો પોતાની ભૂલોમાંથી કોઈ શિખામણ લે છે કે નહિ. કે પછી હમેશની જેમ પોતાની નિષ્ફ્ળતાનું ઠીકરું દર્શકો પર જ ફોડ્યા કરશે.

    ગુજરાતને બદનામ કરવા માટે કેજરીવાલે ઈન્સ્ટાગ્રામ કલાકાર શાહબાઝને આગળ કર્યોઃ ઈન્સ્ટાગ્રામ પર શાબબાઝનો ડાયલોગ “મેરી અંદર કા જાનવર સોયા હૈ મરા નહી”

    ઑપઇન્ડિયા સ્ટાફ
    -
    0
    ગુજરાતને બદનામ કરવા માટે કેજરીવાલે ઈન્સ્ટાગ્રામ કલાકાર શાહબાઝને આગળ કર્યોઃ ઈન્સ્ટાગ્રામ પર શાબબાઝનો ડાયલોગ “મેરી અંદર કા જાનવર સોયા હૈ મરા નહી”

    ગુજરાતને બદનામ કરવા માટે આમ આદમી પાર્ટી અને તેના સુપ્રીમો અરવિંદ કેજરીવાલ કોઈ કસર છોડી નથી રહ્યાં, વિષય બેરોજગાર ભથ્થાનો હોય, મફત વીજળીનો હોય કે પછી વિષય માજી ધારાસભ્યોને “પેન્શનની રેવડી” મળતી હોવાનો પોકળ દાવો હોય, ગુજરાતને બદનામ કરવા માટે કેજરીવાલ અને પાર્ટી રોજ અવનવા કીમીયાઓ અપનાવતી નજરે પડી રહી છે.

    મોટા મોટા તાયફાઓ અને મફતના વાયદાઓ કરવા છતાં ગુજરાતની જનતા આપને નકારી રહી હોવાનું નજરે પડતા, હવે આપે ઈન્સ્ટાગ્રામના પ્રોફેશનલ એકટરો ભાડે કરવાનો વારો આવ્યો છે. જે તાજેતરની અરવિંદ કેજરીવાલની સભાના એક વાયરલ વિડીયોમાં નજરે પડે છે. આ વિડીયોમાં જોઈ શકાય છે કે શાહબાઝ નામનો એક યુવાન અરવિંદ કેજરીવાલ સામે સત્તા બનાવવાની ગુહાર લગાવતો નઝરે પડે છે, આ યુવાન પોતાના પુરા જોશમાં અને રાજ્યની સત્તારૂઢ પાર્ટી પર પોતાના પુરા આક્રોશમાં રાજ્યમાં બેરોજગારી વધી રહી છે તેવો દાવો કરી રહ્યો છે. આગળ આ યુવાન કેજરીવાલને કહે છે કે રાજ્યમાં પુરતી વીજળી નથી મળી રહી. અને રાજ્યમાં તમારા જેવા અને તમારી પાર્ટીના લોકોની જરૂર છે, ભણવાના સમયમાં હું 18 કલ્લાક મજુરી કરું છું, આપ આવો અને અમને ઉગારો.

    લાચાર શાહબાઝની વાસ્તવિકતા

    લાચાર શાહબાઝનો આ વિડીયો જોયા બાદ અમે તેના વિષે થોડી તપાસ હાથ ધરી. સોશિયલ મીડિયા ખંગોળતા અમને શાહબાઝનું ઈન્સ્ટાગ્રામનું આઈડી મળ્યું, અને શાહબાઝનું આઈડી જોતા ચોંકાવનારી વાસ્તવિકતાઓ અમારી સામે આવી હતી. તેણે એક અભિનેતા માફક પોતાના અનેક વિડીયો અને ડાયલોગના વિડીયો અહી શેર કર્યા હતા. જેમાં એક વિડીયોમાં તે કહી રહ્યો છે કે “મારા મૌનને મારી લાચારી સમજવા વાળાઓ, એક વાત સમજી લો, મારી અંદરનો જાનવર સુતો છે, માર્યો નથી”, આ શબ્દો તેણે હિન્દીમાં કહ્યા છે. પણ એનો અર્થ ખુબજ સારી રીતે સમજી શકાય છે કે શાહબાઝ ભાઈ શું કહેવા માંગે છે. આ સિવાય અન્ય એક વિડીયોમાં એક્ટર શાહબાઝ કહી રહ્યો છે કે “જિંદગી મેં બહુત સારા પૈસા ઈમ્પોટંટ હૈ”, તેમને ઉપરોક્ત કેજરીવાલની સભાના વિડીયો જોયા બાદ હવે આ “બહોત સારા પૈસા” તેમને ક્યાંથી અને કેવીરીતે મળ્યા છે કે મળવાના છે તેની શક્યતાઓ નકારી શકાય નહિ.

    એક્ટર શાહબાઝનું ઈન્સ્ટાગ્રામ આઈડી નો સ્ક્રીન શોટ (સાભાર Kuldipsinh Mori Facebook)

    ગુજરાતમાં યોજાનારી અગામી ચૂંટણીઓ માટે આમ આદમી પાર્ટી અને કેજરીવાલ પોતે એડી ચોટીનું જોર લગાવતા નઝરે પાડી રહ્યા છે. પણ ક્યાંકને ક્યાંક ગુજરાતની જનતાને તેમની “રેવડી સ્કીમ” હજમ ન થતી હોવાનું નજરે પડતા આપનો આ શાહબાઝ એક્ટર વાળો કીમિયો કેટલી હદે સાર્થક જાય છે તે જોવું રહ્યું.

    75 વર્ષમાં પ્રથમ વખત, ‘મેડ ઇન ઇન્ડિયા’ તોપની સલામી આપવામાં આવી, જાણો હોવિત્ઝર ATAGS તોપ વિષે પ્રાથમિક માહિતી

    ઑપઇન્ડિયા સ્ટાફ
    -
    0
    75 વર્ષમાં પ્રથમ વખત, ‘મેડ ઇન ઇન્ડિયા’ તોપની સલામી આપવામાં આવી, જાણો હોવિત્ઝર ATAGS તોપ વિષે પ્રાથમિક માહિતી

    75 વર્ષમાં પ્રથમ વખત સ્વદેશી રીતે વિકસિત હોવિત્ઝર ATAGS તોપ આજે લાલ કિલ્લા પર સ્વતંત્રતા દિવસના સમારોહ દરમિયાન 21-તોપની સલામીનો ભાગ બની હતી. DRDO દ્વારા વિકસિત, એડવાન્સ્ડ ટોવ્ડ આર્ટિલરી ગન સિસ્ટમ (ATAGS) નો ઉપયોગ પરંપરાગત બ્રિટિશ મૂળની ’25 પાઉન્ડર્સ’ આર્ટિલરી ગન સાથે કરવામાં આવ્યો હતો. 75 વર્ષમાં પ્રથમ વખત, ‘મેડ ઇન ઇન્ડિયા’ તોપની સલામી આપવામાં આવી હતી.

    અહેવાલો મુજબ વડા પ્રધાન નરેન્દ્ર મોદીએ પણ તેમના સ્વતંત્રતા દિવસના ભાષણ દરમિયાન કેન્દ્રની આત્મનિર્ભર ભારત પહેલ વિશે બોલતા તોપનો ઉલ્લેખ કર્યો હતો પીએમે કહ્યું હતું કે. “આજે, આઝાદીના 75 વર્ષોમાં પ્રથમ વખત, તિરંગાને આપવામાં આવતી 21 તોપોની સલામીમાં મેડ-ઇન-ઇન્ડિયા આર્ટિલરી ગનનો ઉપયોગ કરવામાં આવ્યો હતો. તમામ ભારતીયો આ અવાજથી પ્રેરિત અને સશક્ત થશે. અને તેથી જ, આજે, હું આત્મનિર્ભરતાની જવાબદારી તેમના ખભા પર સંગઠિત રીતે વહન કરવા માટે આપણા સશસ્ત્ર દળોનો આભાર માનું છું, ”

    ATAGS નો સમાવેશ

    મળતી માહિતી મુજબ આ વર્ષે, બે એડવાન્સ્ડ ટોવ્ડ આર્ટિલરી ગન સિસ્ટમ (એટીએજીએસ) હોવિત્ઝર્સ આર્ટીલરીમાં જોડાયા હતા જેણે અન્ય 25 પાઉન્ડર્સ તોપ સાથે ફાયરિંગ કર્યું હતું, ATAGS એ સ્વદેશી 155 mm x 52 કેલિબરની હોવિત્ઝર બંદૂક છે જેને સંરક્ષણ સંશોધન અને વિકાસ સંગઠન (DRDO) દ્વારા વિકસિત કરવામાં આવી છે અને તેની પુણે સ્થિત સુવિધા આર્મામેન્ટ રિસર્ચ એન્ડ ડેવલપમેન્ટ એસ્ટાબ્લિશમેન્ટ (ARDE) નોડલ એજન્સી છે.

    ATAGS હોવિત્ઝર તોપ

    ATAGS ને હોવિત્ઝર પણ કહેવામાં આવે છે. હોવિત્ઝર્સ નાની તોપ છે. એડવાન્સ ટોવ્ડ આર્ટિલરી ગન સિસ્ટમ એ એક તોપ છે જે ટ્રકથી ખેંચાય છે. આ ગનનું કેલિબર 155 mm છે. તેને DRDO ભારત ફોર્જ લિમિટેડ, મહિન્દ્રા ડિફેન્સ નેવલ સિસ્ટમ, ટાટા પાવર સ્ટ્રેટેજિક અને ઓર્ડનન્સ ફેક્ટરી બોર્ડ દ્વારા વિકસાવવામાં આવ્યું છે.

    આ તોપમાંથી 155 એમએમના શેલ છોડવા માટે સક્ષમ છે. તેમજ આ તોપમાંથી છોડવામાં આવેલી ગોળાઓની રેન્જ 48 કિલોમીટર જેટલી છે. આ તોપ -30 °C થી 75 °C તાપમાન ઉપર પણ સચોટ ફાયર કરી શકે છે.

    21 તોપની સલામીની પરંપરા

    અહેવાલો મુજબ 26 જાન્યુઆરી, 1950 ના રોજ, ડૉ. રાજેન્દ્ર પ્રસાદે ભારતના પ્રથમ રાષ્ટ્રપતિ તરીકે શપથ લીધા હતા. આ પછી તેમને 21 તોપોની સલામી આપવામાં આવી હતી. ત્યારે જ 21 બંદૂકોની સલામી આંતરરાષ્ટ્રીય ધોરણ બની ગઈ. 1971 પછી, 21 બંદૂકોની સલામી એ આપણા રાષ્ટ્રપતિ અને મુલાકાત લેનારા રાજ્યોના વડાઓનું સર્વોચ્ચ સન્માન બની ગયું. ભારતમાં પ્રથમ 21 તોપોની સલામી મહાત્મા ગાંધીના અંતિમ સંસ્કાર વખતે આપવામાં આવી હતી.

    ત્યાં સુધી રાજ્ય સન્માન સાથે અંતિમ સંસ્કારના નિયમો બનાવવામાં આવ્યા ન હતા. ભારતમાં, જ્યારે કોઈને રાજ્ય સન્માન આપવામાં આવે છે, ત્યારે 21 બંદૂકોની સલામી પણ આપવામાં આવે છે.

    ભારતમાં પ્રજાસત્તાક દિવસ ઉપરાંત, 15 ઓગસ્ટે સ્વતંત્રતા દિવસ, 15 જાન્યુઆરીએ આર્મી ડે, 30 જાન્યુઆરીએ શહીદ દિવસ અને રાષ્ટ્રપતિ ભવનમાં અન્ય દેશોના વડાઓનું સ્વાગત કરવા માટે તોપનો ઉપયોગ કરવામાં આવે છે.

    પોતાના ‘અર્જુન’ની સામે વામણા બન્યાં તેજ પ્રતાપ યાદવ, આ વખતે વન-પર્યાવરણનું ‘સ્વાસ્થ્ય’ જોશે: નીતિશ કુમારની નવી કેબિનેટમાં અનેક કલંકિત ચહેરાઓ, ગૃહ વિભાગ CM પાસેજ રહેશે

    ઑપઇન્ડિયા સ્ટાફ
    -
    0
    પોતાના ‘અર્જુન’ની સામે વામણા બન્યાં તેજ પ્રતાપ યાદવ, આ વખતે વન-પર્યાવરણનું ‘સ્વાસ્થ્ય’ જોશે: નીતિશ કુમારની નવી કેબિનેટમાં અનેક કલંકિત ચહેરાઓ, ગૃહ વિભાગ CM પાસેજ રહેશે

    બિહારમાં મુખ્યમંત્રી નીતિશ કુમારે કેબિનેટનું વિસ્તરણ કર્યું છે. આ કેબીનેટમાં પોતાના ‘અર્જુન’ની સામે વામણા બન્યાં તેજ પ્રતાપ યાદવ આ પહેલા માત્ર નીતિશ કુમાર તેમજ નાયબ મુખ્યમંત્રી તેજસ્વી યાદવે શપથ લીધા હતા. હવે તેજસ્વી યાદવના ભાઈ તેજ પ્રતાપ સહિત 31 નવા મંત્રીઓએ શપથ લીધા છે, જેમાં અનેક વિવાદાસ્પદ ચહેરાઓ છે. નીતીશ કુમારની જેડીયુએ ભાજપથી અલગ થયા બાદ આરજેડી સાથે ગઠબંધન કર્યું હતું. ભાજપે નીતિશ કુમાર પર જનાદેશને ઉલટાવીને દગો કરવાનો આરોપ લગાવ્યો છે. સાથેજ પોતાના ‘અર્જુન’ની સામે વામણા બન્યાં તેજ પ્રતાપ યાદવ.

    કેબિનેટ વિસ્તરણમાં સામાજિક સમીકરણોનેજ આધાર બનાવવામાં આવ્યા છે. યાદવ સમાજના સૌથી વધુ 8 નેતાઓને મંત્રી બનાવવામાં આવ્યા છે, જ્યારે 5 મુસ્લિમોને પણ સ્થાન મળ્યું છે. જોકે, ગત વખતે સવર્ણ જાતિના ક્વોટામાંથી 11 મંત્રીઓ હતા જે ઘટીને હવે 6 થઈ ગયા છે. કેબિનેટમાં 5 દલિત ચહેરાઓને સ્થાન આપવામાં આવ્યું છે. જેડીયુના ઉપેન્દ્ર કુશવાહા અને રાજદના ભાઈ વીરેન્દ્રને મંત્રી ન બનાવવાથી નારાજ છે. ડાબેરી પક્ષોએ સરકારમાં સામેલ થવાનો ઇનકાર કર્યો હતો.

    આ પછી વિભાગનું વિભાજન થયું. જ્યારે નીતિશ કુમાર ગૃહ વિભાગ રાબેતા મુજબ રાખશે, ભાજપના ક્વોટાના મોટાભાગના વિભાગ આરજેડીને આપવામાં આવ્યા હતા. બેલાગંજના ધારાસભ્ય સુરેન્દ્ર યાદવને પણ કેબિનેટમાં સ્થાન મળ્યું છે, જેમના પર 1991ની લોકસભા ચૂંટણી દરમિયાન ધારાસભ્ય જયકુમાર પાલિત સાથે મારપીટ કરવાનો આરોપ લાગ્યો હતો. ઉપરાંત તેમણે તત્કાલિન નાયબ વડા પ્રધાન લાલકૃષ્ણ અડવાણીના હાથમાંથી સંસદમાં મહિલા અનામત બિલ આંચકીને ફાડી નાખ્યું હતું.

    હત્યાનો પ્રયાસ, ગુનાહિત કાવતરા અને રમખાણો જેવા 3 ડઝનથી વધુ કેસોમાં આરોપી એવા સુરેન્દ્ર યાદવ 7 વખત વિધાનસભા ચૂંટણી અને 1 વખત લોકસભા ચૂંટણી જીતી છે. હવે તેમને સહકાર મંત્રાલય આપવામાં આવ્યું છે. તેજ પ્રતાપ યાદવને પર્યાવરણ, વન અને જળવાયુ પરિવર્તન મંત્રાલય આપવામાં આવ્યું છે. અગાઉની RJD-JDU સરકારમાં તેજપ્રતાપ પાસે સ્વાસ્થ્ય અને બાંધકામ ખાતા હતા. જે તેજસ્વી યાદવને તેમણે પોતાના ‘અર્જુન’ તરીકે ગણાવ્યા હતા, તેમને આરોગ્ય, શહેરી વિકાસ અને આવાસ, માર્ગ નિર્માણ અને ગ્રામીણ બાંધકામ વિભાગ આપવામાં આવ્યું છે .

    સરકારમાં નંબર 3 ભૂમિકામાં એક રીતે વિજય કુમાર ચૌધરી હશે, જેમને નાણાં અને વાણિજ્ય કર ઉપરાંત સંસદીય બાબતોના પ્રધાન બનાવવામાં આવ્યા છે. આ રીતે જોઈ શકાય છે કે નીતીશ કુમારની નવી કેબિનેટમાં માત્ર કલંકિત ચહેરાઓજ નથી, પરંતુ તેજ પ્રતાપ યાદવનું કદ પણ તેમના ભાઈની સામે ઓછું કરી દેવામાં આવ્યું છે.

    બિજેન્દ્ર પ્રસાદ યાદવને ઉર્જા સાથે આયોજન અને વિકાસ મંત્રાલય પણ મળ્યું છે, બંને જેડીયુના નેતા છે, અશોક ચૌધરીને ભવન નિર્માણ વિભાગ મળ્યું છે, સંજય કુમાર ઝાને જળ સંસાધનની સાથે માહિતી અને જનસંપર્ક વિભાગ આપવામાં આવ્યો છે. ચંદ્રશેખર શિક્ષણ મંત્રી બન્યા છે. આરજેડીના પ્રદેશ અધ્યક્ષ જગદાનંદ સિંહના પુત્ર સુધાકર સિંહને કૃષિ મંત્રાલય મળ્યું છે. જેડીયુએ મોટાભાગના મલાઈદાર વિભાગ પોતાની પાસે રાખ્યા છે. મંત્રીઓની સંખ્યા આરજેડીના ક્વોટા કરતા વધુ છે.

    જેડીયુના જમાન ખાનને મંત્રી બનાવતા લઘુમતી કલ્યાણ વિભાગ પણ આપવામાં આવ્યું છે. તેઓને નીતીશ કુમારના પ્રિય ગણવામાં આવે છે અને તેમની સામે 3 ગુનાહિત અપરાધો નોંધાયેલા છે. ડેપ્યુટી સીએમ તેજસ્વી યાદવ સામે પણ 11 ગુના નોંધાયેલા છે. દરભંગાના બહાદુરપુરના ધારાસભ્ય મદન સાહની જેડીયુ ક્વોટામાંથી મંત્રી બન્યા છે, જેમને સમાજ કલ્યાણ વિભાગ આપવામાં આવ્યો છે. તેમની સામે 2 ગુનાહિત અપરાધો પેન્ડિંગ છે. જમુઈથી બિહારના એકમાત્ર અપક્ષ ધારાસભ્ય સુમિત સિંહ પર છેતરપિંડી અને બનાવટનો કેસ હાલમાં પણ ચાલી રહ્યો છે.

    કેજરીવાલના અંગતના ઘરમાંથી 4આતંકી ઝડપાયા: બગ્ગાનો મોટો આરોપ; 15 ઓગસ્ટે દિલ્હીમાં મોટા હુમલાની તૈયારીઓ હતી, કેનેડાથી જોડાયેલા છે તાર

    ઑપઇન્ડિયા સ્ટાફ
    -
    0
    કેજરીવાલના અંગતના ઘરમાંથી 4આતંકી ઝડપાયા: બગ્ગાનો મોટો આરોપ; 15 ઓગસ્ટે દિલ્હીમાં મોટા હુમલાની તૈયારીઓ હતી, કેનેડાથી જોડાયેલા છે તાર

    કેજરીવાલના અંગતના ઘરમાંથી 4આતંકી ઝડપાયા હોવાનો આરોપ તજિન્દર પાલ સિંહ બગ્ગાએ લગાવ્યો છે. રવિવારે (14 ઓગસ્ટ, 2022) પાકિસ્તાની ગુપ્તચર એજન્સી ISIની આતંકી ગેંગનો દિલ્હીમાં પર્દાફાશ થયો છે, સ્વતંત્રતા દિવસના એક દિવસ પહેલા, પંજાબ પોલીસે દિલ્હીમાંથી 4 ISI આતંકવાદીઓની ધરપકડ કરી હતી. આ કાર્યવાહીમાં દિલ્હી પોલીસે પણ સહકાર આપ્યો હતો. દિલ્હી બીજેપી પ્રવક્તા તજિન્દર પાલ સિંહ બગ્ગાએ આરોપ લગાવ્યો છે કે કેજરીવાલના અંગતના ઘરમાંથી 4આતંકી પકડાયા તે ધરપકડ મુખ્યમંત્રી અરવિંદ કેજરીવાલના નજીકના સાથી વિપિન જાખડના ઘરેથી થઈ છે.

    પોલીસે કેનેડામાં રહેતા ગેંગસ્ટર અર્શ દલ્લા અને ઓસ્ટ્રેલિયાના ગુરજંત સિંહ સાથે જોડાયેલા ચાર સભ્યોની ધરપકડ કરી છે. પંજાબના પોલીસ મહાનિર્દેશક (ડીજીપી) એ માહિતી આપી છે કે આ કાર્યવાહીમાં 3 ગ્રેનેડ, 1 આઈઈડી, બે 9 એમએમ પિસ્તોલ અને 40 જીવતા કારતૂસ પણ મળી આવ્યા છે. આરોપીની પૂછપરછ કરીને આગળની કાર્યવાહી હાથ ધરવામાં આવી છે. મૂળ પંજાબના મોગાનો અરશદીપ સિંહ કેનેડામાં રહે છે. એપ્રિલ 2022માં પણ તેના બે સાથીઓની ધરપકડ કરવામાં આવી હતી.

    BJYMના રાષ્ટ્રીય સચિવ તજિન્દર પાલ સિંહ બગ્ગાએ આ કાર્યવાહી પર ટ્વીટ કર્યું હતું કે, “દિલ્હીમાં 15મી ઓગસ્ટના બોમ્બ વિસ્ફોટનું કાવતરું ઘડનાર પકડાયેલ આતંકવાદી અરવિંદ કેજરીવાલની નજીકના વિપિનના ઘરમાં છુપાયેલા હતા. કેજરીવાલનો આતંકવાદી પ્રેમનો મોટો ખુલાસો.” પંજાબ મૂળના ઘણા ગુનેગારો કેનેડા અને ઓસ્ટ્રેલિયા જેવા દેશોમાં રહીને પોતાનું નેટવર્ક ચલાવી રહ્યા છે. તેમને પાકિસ્તાન તરફથી પણ સહકાર મળે છે અને તેઓ ખાલિસ્તાની એજન્ડાને આગળ વધારવા માટે રાષ્ટ્ર વિરોધી કામ કરે છે.

    આ ધરપકડ ગોયલા ડેરી વિસ્તારમાંથી કરવામાં આવી હતી. તેઓ સ્વતંત્રતા દિવસ પર દિલ્હીમાં આતંકવાદી હુમલો કરવાના મનસૂબામાં હતા. પંજાબ પોલીસ મોગામાં બનેલી એક ઘટનાના સંદર્ભમાં દ્વારકા જિલ્લાના છાવલા પોલીસ સ્ટેશન વિસ્તારમાં છુપાયેલા આ આતંકવાદીઓને શોધી રહી હતી. આ પૈકીના બે આરોપીઓ વોન્ટેડ લિસ્ટમાં હતા. વિપિન જાખડ એક બિઝનેસમેન છે જે આ આતંકવાદીઓને લોજિસ્ટિક સપોર્ટ પૂરો પાડતો હતો . આ સાથે તે આ આતંકવાદીઓની હિલચાલ અને ઠેકાણા બદલવામાં પણ મદદ કરી રહ્યો હતો. દિલ્હી બીજેપી પ્રવક્તા તજિન્દર પાલ સિંહ બગ્ગાએ આરોપ લગાવ્યા બાદ અનેક સવાલો કેજરીવાલ સરકાર ઉપર ઉભા થઇ રહ્યા છે.

    હૈદરાબાદથી 12 યાત્રીઓ સાથે ઊડેલું ચાર્ટર પ્લેન અચાનક કરાચીના જિન્નાહ એરપોર્ટ પર ઉતર્યું: સ્વતંત્રતા દિવસની ઘટનાથી શંકા વધુ ઘેરાઈ

    ઑપઇન્ડિયા સ્ટાફ
    -
    0
    હૈદરાબાદથી 12 યાત્રીઓ સાથે ઊડેલું ચાર્ટર પ્લેન અચાનક કરાચીના જિન્નાહ એરપોર્ટ પર ઉતર્યું: સ્વતંત્રતા દિવસની ઘટનાથી શંકા વધુ ઘેરાઈ

    ભારતથી 12 મુસાફરોને લઈને એક ચાર્ટર પ્લેન સોમવારે 15 ઓગસ્ટના રોજ પાકિસ્તાનના કરાચી એરપોર્ટ પર ઉતર્યું હતું. મીડિયા રિપોર્ટ્સ અનુસાર, આ પ્લેન સોમવારે પાકિસ્તાનના કરાચી શહેરમાં જિન્ના ઇન્ટરનેશનલ એરપોર્ટ પર લેન્ડ થયું હતું. હૈદરાબાદના રાજીવ ગાંધી ઈન્ટરનેશનલ એરપોર્ટ પરથી આ વિમાને ઉડાન ભરી હતી. વિમાન સ્થાનિક સમય અનુસાર સવારે 12.10 વાગ્યે કરાચી એરપોર્ટ પર લેન્ડ થયું હતું.

    પાકિસ્તાન સિવિલ એવિએશન ઓથોરિટી (CAA)ના પ્રવક્તાએ આ વાતની પુષ્ટિ કરી છે. તેમણે કહ્યું છે કે આ આંતરરાષ્ટ્રીય ચાર્ટર પ્લેન ભારતના હૈદરાબાદથી ઉડાન ભરી હતી. આ સિવાય પ્લેનનો પાકિસ્તાન સાથે કોઈ સંબંધ નથી. કરાચીમાં ઉતરાણ કર્યાના થોડા સમય પછી, વિમાને તમામ 12 મુસાફરો સાથે ફરીથી ઉડાન ભરી. જોકે, પ્લેન કરાચી એરપોર્ટ પર શા માટે લેન્ડ થયું તે હજુ સુધી જાણી શકાયું નથી. જોકે, આ ઘટનાક્રમથી શંકા વધુ ઘેરી બની છે અને પ્લેનના લેન્ડિંગના કારણોની તપાસ કરવામાં આવી રહી છે.

    અગાઉ જુલાઈમાં ટેકનિકલ કારણોસર બે વિમાન પાકિસ્તાનમાં લેન્ડ થયા હતા. 5 જુલાઈના રોજ, સ્પીજેટની દિલ્હી-દુબઈ ફ્લાઈટમાં ફ્યુઅલ ઈન્ડિકેટરમાં ખામી હતી, જેના કારણે તેને કરાચી તરફ વાળવામાં આવી હતી.

    17 જુલાઈના રોજ, ઈન્ડિગોની શાહજાહ-હૈદરાબાદ ફ્લાઈટમાં એન્જિનમાં ખામી હોવાનું જાણવા મળ્યું હતું, જેના કારણે તેને પણ સાવચેતી તરીકે કરાચી તરફ વાળવામાં આવી હતી.

    જુલાઈમાં પાકિસ્તાનમાં લેન્ડ થયેલા આ પ્લેન પાછળ એક ટેકનિકલ કારણ હતું, પરંતુ ભારતના સ્વતંત્રતા દિવસે 15 ઓગસ્ટના રોજ હૈદરાબાદથી ટેકઓફ કરાયેલું આ ચાર્ટર પ્લેન કરાચીમાં લેન્ડ થયું તેનું કારણ હજુ સ્પષ્ટ થયું નથી.

    આ સમગ્ર ઘટનાક્રમને લઈને જુદી જુદી શંકા કુશંકાઓ કરાઈ રહી છે. ભારતીય એજન્સીઓએ આ વિષયમાં તપાસ શરુ પણ કરી દીધી છે.

    1...1,0261,0271,028...1,177Page 1,027 of 1,177

    © Copyright - OpIndia.com