ભારતથી 12 મુસાફરોને લઈને એક ચાર્ટર પ્લેન સોમવારે 15 ઓગસ્ટના રોજ પાકિસ્તાનના કરાચી એરપોર્ટ પર ઉતર્યું હતું. મીડિયા રિપોર્ટ્સ અનુસાર, આ પ્લેન સોમવારે પાકિસ્તાનના કરાચી શહેરમાં જિન્ના ઇન્ટરનેશનલ એરપોર્ટ પર લેન્ડ થયું હતું. હૈદરાબાદના રાજીવ ગાંધી ઈન્ટરનેશનલ એરપોર્ટ પરથી આ વિમાને ઉડાન ભરી હતી. વિમાન સ્થાનિક સમય અનુસાર સવારે 12.10 વાગ્યે કરાચી એરપોર્ટ પર લેન્ડ થયું હતું.
A spokesperson for the Civil Aviation Authority confirmed the development and said the international charter flight had flown in from India and it had no connection whatsoever with the country other than that#Karachi https://t.co/NF4S9HrNaX
— News18.com (@news18dotcom) August 16, 2022
પાકિસ્તાન સિવિલ એવિએશન ઓથોરિટી (CAA)ના પ્રવક્તાએ આ વાતની પુષ્ટિ કરી છે. તેમણે કહ્યું છે કે આ આંતરરાષ્ટ્રીય ચાર્ટર પ્લેન ભારતના હૈદરાબાદથી ઉડાન ભરી હતી. આ સિવાય પ્લેનનો પાકિસ્તાન સાથે કોઈ સંબંધ નથી. કરાચીમાં ઉતરાણ કર્યાના થોડા સમય પછી, વિમાને તમામ 12 મુસાફરો સાથે ફરીથી ઉડાન ભરી. જોકે, પ્લેન કરાચી એરપોર્ટ પર શા માટે લેન્ડ થયું તે હજુ સુધી જાણી શકાયું નથી. જોકે, આ ઘટનાક્રમથી શંકા વધુ ઘેરી બની છે અને પ્લેનના લેન્ડિંગના કારણોની તપાસ કરવામાં આવી રહી છે.
Malfunctioning Spicejet flight from Delhi to Dubai lands in Karachi
— NDTV (@ndtv) July 5, 2022
NDTV’s Vishnu Som reports pic.twitter.com/x8MpUK6Q7k
અગાઉ જુલાઈમાં ટેકનિકલ કારણોસર બે વિમાન પાકિસ્તાનમાં લેન્ડ થયા હતા. 5 જુલાઈના રોજ, સ્પીજેટની દિલ્હી-દુબઈ ફ્લાઈટમાં ફ્યુઅલ ઈન્ડિકેટરમાં ખામી હતી, જેના કારણે તેને કરાચી તરફ વાળવામાં આવી હતી.
Indigo flight lands in Karachi due to a technical defect. Watch the video!https://t.co/AeOh3unXdF
— WION (@WIONews) July 17, 2022
17 જુલાઈના રોજ, ઈન્ડિગોની શાહજાહ-હૈદરાબાદ ફ્લાઈટમાં એન્જિનમાં ખામી હોવાનું જાણવા મળ્યું હતું, જેના કારણે તેને પણ સાવચેતી તરીકે કરાચી તરફ વાળવામાં આવી હતી.
જુલાઈમાં પાકિસ્તાનમાં લેન્ડ થયેલા આ પ્લેન પાછળ એક ટેકનિકલ કારણ હતું, પરંતુ ભારતના સ્વતંત્રતા દિવસે 15 ઓગસ્ટના રોજ હૈદરાબાદથી ટેકઓફ કરાયેલું આ ચાર્ટર પ્લેન કરાચીમાં લેન્ડ થયું તેનું કારણ હજુ સ્પષ્ટ થયું નથી.
આ સમગ્ર ઘટનાક્રમને લઈને જુદી જુદી શંકા કુશંકાઓ કરાઈ રહી છે. ભારતીય એજન્સીઓએ આ વિષયમાં તપાસ શરુ પણ કરી દીધી છે.
