ઈટલી પાસેના સમુદ્રમાં એક ગમખ્વાર અકસ્માત થયો છે. માહિતી મળી રહી છે કે દરિયામાં એક સાથે 2 બોટ પલટી મારી ગઈ છે. દુર્ઘટનામાં અત્યાર સુધી 11 લોકોના મોત થયા છે જયારે 60થી વધુ લોકો દરિયામાં લાપતા છે. આશંકા જતાવવામાં આવી રહી છે કે મૃત્યુઆંક હજુ પણ વધી શકે છે. એક બોટને બચાવવા ઈટાલીયન કોસ્ટગાર્ડ તો બીજી દુર્ઘટનાગ્રસ્ત બોટમાં સવાર લોકોને બચાવવા એક માલવાહક જહાજે રેસ્ક્યુ ઓપરેશન ચલાવ્યું હતું.
મળતી માહિતી અનુસાર બંને પેસેન્જર બોટ હતી અને ટેકનિકલ ખામીના કારણે આખી દુર્ઘટના ઘટી છે. પ્રથમ ઘટનામાં ભૂમધ્ય સાગરમાં ઈટલીના કોસ્ટગાર્ડ યુનિટ દ્વારા મોડે સુધી રેસ્ક્યુ ઓપરેશન ચલાવ્યું હતું. તો બીજી તરફ તેનાથી દક્ષિણ દિશામાં અંદાજેન 200 કિલોમીટર દૂર પલટી ગયેલી બોટમાં સવાર લોકોને એક મર્ચેન્ટ શીપ દ્વારા રેસ્ક્યુ કરવામાં આવ્યા. શીપે પહેલા કોસ્ટગાર્ડનો સંપર્ક કર્યો અને બાદમાં બચાવ અભિયાન ચલાવ્યું હોવાનું કહેવામાં આવી રહ્યું છે. બંને ઓપરેશનમાં કેટલાક લોકોને જીવિત બચાવી લેવામાં આવ્યા છે તો કેટલાક લોકો દરિયામાં લાપતા છે. અત્યાર સુધી 11 મૃતદેહ મળી આવ્યા છે.
Twelve migrants who were recovered from a half-sunken boat in the Ionian Sea were brought to a port in Calabria, Italy, to receive medical treatment.
— Sky News (@SkyNews) June 17, 2024
Latest ➡️ https://t.co/gUDvpTha89 pic.twitter.com/wesFhakhPE
મીડિયા રીપોર્ટ અનુસાર દુર્ઘટનામાં કૂલ 66 લોકો દરિયામાં લાપતા થયા છે. લાપતા લોકોમાં 26 સગીર વયના બાળકો હોવાનું પણ કહેવામાં આવી રહ્યું છે. આ બોટ તુર્કીથી રવાના થઈ હતી અને તેમાં ઈરાન, સીરીયા, ઈરાક, અને અફઘાનિસ્તાનના નાગરિકો સવાર હતા. ઈટાલીયન અધિકારીઓના જણાવ્યા અનુસાર દુર્ઘટના પાછળનું કારણ જાણવા માટે તપાસ શરૂ કરી દેવામાં આવી છે.
આ દુર્ઘટનાના થોડા સમય પહેલા ઈટલીના દક્ષિણ ભાગમાં લૈમ્પેડુસા દ્વીપથી થોડે દૂર માલ્ટા પાસે અન્ય એક બોટ દુર્ઘટનાગ્રસ્ત થઈ હતી. તેમાં સવાર 51 લોકોને બચાવી લેવામાં આવ્યા છે. આ બોટમાં મોટાભાગે પાકિસ્તાન, બાંગ્લાદેશ સીરીયન નાગરિકો સવાર હતા. ઈટાલીયન ગૃહમંત્રાલય દ્વારા આ બોટને લૈમ્પેડુસા ખાતે ડોક (લાંગરવા)ના આદેશ આપવામાં આવ્યા હતા. આ બોટમાં સવાર 10 લોકોના મૃત્યુ થયા છે.
