1993ના મુંબઈ બ્લાસ્ટમાં ફાંસીની સજા પામેલા યાકુબ મેમણની કબર પર આરસ નાખવાના કેસમાં એક નવો ખુલાસો થયો છે. બડા કબ્રસ્તાન ટ્રસ્ટ સાથે જોડાયેલા એક વ્યક્તિએ આ બાબતે કહ્યું હતું કે અંડરવર્લ્ડ માફિયા ટાઈગર મેમણની ધમકીને કારણે યાકુબની કબરને આરસથી શણગારવામાં આવી હતી.
ટાઈગર મેમણના નામે બડા કબ્રસ્તાનના ટ્રસ્ટના ભૂતપૂર્વ સભ્ય જલીલ નવરંગેને ધમકી આપવામાં આવી હતી. આ કબ્રસ્તાનમાં યાકુબ મેમણના મૃતદેહને દફનાવવામાં આવ્યો છે. ધમકી આપનાર વ્યક્તિએ કહ્યું હતું કે જો આ કબ્રસ્તાનની જમીન તેના નામે નહીં કરવામાં આવે તો તેના ખરાબ પરિણામ આવશે. ધમકી આપનાર વ્યક્તિએ પોતાની ઓળખ ટાઈગર મેમણના પિતરાઈ તરીકે આપી હતી.
मेमन की कब्र का अंडरवर्ल्ड कनेक्शन! धमकी देकर कहा- सजाओ, नहीं तो टाइगर करेगा कॉल#YakubMemon | #MumbaiBlasthttps://t.co/BLZNrxOEUB
— TV9 Bharatvarsh (@TV9Bharatvarsh) September 9, 2022
ટાઈગર મેમણે આપેલી ધમકીમાં કહેવામાં આવ્યું હતું કે, “યાકુબ ભાઈ શહીદ થઈ ગયા, પરંતુ ટાઈગર ભાઈ હજી જીવિત છે. તમે લોકો મોટા કબ્રસ્તાનનું મારું કામ કરો, નહીંતર હું ટાઈગર ભાઈ સાથે વાત કરીને તમને બંનેને પતાવી દઈશ. તમને ખબર નથી કે ટાઈગર ભાઈ શું છે. આજ સુધી તેઓ કોઈના હાથમાં આવ્યા નથી. તે તમને બન્નેને ક્યારે ગાયબ કરી દેશે, ખબર પણ નહિ પડે. અત્યારેજ ટાઈગર ભાઈ સાથે ફોન પર વાત કર.”
ધમકી બાદ બે ભૂતપૂર્વ ટ્રસ્ટી જલીલ નવરંગી અને પરવેઝ સરકારે વર્ષ 2020માં મુંબઈ પોલીસમાં ફરિયાદ કરી હતી. આ સાથે તેમણે મુંબઈ પોલીસ કમિશનર, મહારાષ્ટ્ર એટીએસ ચીફ અને બોમ્બે હાઈકોર્ટના ચીફ જસ્ટિસને પણ આ ધમકી અંગે પત્ર લખ્યો હતો.
પોતાને ટાઈગર મેમણનો પિતરાઈ ભાઈ જાહેર કરીને એઆર મેમણ નામના વ્યક્તિએ નવરંગને સતત ધમકીઓ આપવાનું ચાલુ રાખ્યું હતું. નવરંગે તેની ફરિયાદમાં જણાવ્યું હતું કે તેણે ધમકી આપનાર વ્યક્તિ તરફથી કોઈપણ ગેરકાયદેસર કૃત્યનો ઇનકાર કર્યો હતો.
#BREAKING | मुंबई ब्लास्ट के गुनहगार याकूब मेमन की कब्र विवाद को लेकर नया खुलासा, पूर्व ट्रस्टी को टाइगर मेमन से मिली थी जान से मारने की धमकी
— रिपब्लिक भारत (@Republic_Bharat) September 9, 2022
देखिए रिपब्लिक भारत पर : https://t.co/sV03MahUBY pic.twitter.com/y5IikdrAmF
નવરંગના જણાવ્યા અનુસાર ત્યારબાદ એઆર મેમણે નવરંગને બોમ્બે ટ્રસ્ટની જામા મસ્જિદમાં બદનામ કરવાની ધમકી આપી હતી. એટલું જ નહીં, ટ્રસ્ટમાં નવરંગે સામે ખોટી ફરિયાદ પણ દાખલ કરવામાં આવી હતી. તે સમયે એવું કહેવામાં આવ્યું હતું કે કામ કરવાના બદલામાં ટ્રસ્ટના લોકો પૈસાની માંગણી કરે છે.
બીજી તરફ મહારાષ્ટ્રના મુખ્યમંત્રી એકનાથ શિંદેએ કહ્યું હતું કે, “યાકુબ મેમણ બોમ્બે વિસ્ફોટનો આરોપી છે, તેનું મહિમામંડન ન થવું જોઈએ. અમે તેને ન તો સ્વીકારીશું અને ન તો થવા દઈશું. મેં આ અંગે BMC અને મુંબઈ પોલીસને જાણ કરી છે. ગૃહ મંત્રાલય યોગ્ય પગલાં લેશે.”
याकूब मेमन बॉम्बे ब्लास्ट का आरोपी है, उसे महिमामंडित नहीं किया जा सकता। हम ना इसे स्वीकार करेंगे और ना ऐसा होने देंगे। मैंने इसके बारे में BMC और मुंबई पुलिस को सूचित कर दिया है, गृह मंत्रालय उचित कार्रवाई करेगी: महाराष्ट्र के मुख्यमंत्री एकनाथ शिंदे pic.twitter.com/Ei8hddPPZr
— ANI_HindiNews (@AHindinews) September 9, 2022
નોંધનીય છે કે આતંકવાદી ગતિવિધિઓ માટે મૃત્યુદંડની સજા પામેલા યાકુબ મેમણને મહિમા આપવાનો પ્રયાસ કરવામાં આવી રહ્યો હતો. તેની કબરની આસપાસ લાઈટ અને માર્બલ લગાવીને તેને મઝાર બનાવવાનો પ્રયાસ કરવામાં આવ્યો હતો. મામલો સામે આવ્યા બાદ ભારે વિવાદ સર્જાયો હતો. જોકે બાદમાં પોલીસે ત્યાંથી માર્બલ અને લાઈટ હટાવી લીધી હતી.
