જેમ જેમ સમય આગળ વધી રહ્યો છે તેમ તેમ શિવસેનાના એક પછી એક ધારાસભ્યો એકનાથ શિંદે (Eknath Shinde) સાથે જોડાઈ રહ્યા છે. મહારાષ્ટ્રના સંગ્રામમાં હાલ એકનાથ શિંદેનો હાથ ઉપર જોવા મળી રહ્યો છે. ઉદ્ધવની ભાવનાત્મક અપીલની કોઈ અસર ના થતાં શિંદે ગ્રુપના ધારાસભ્યો પર ઉશ્કેરાયેલા સંજય રાઉતની ધમકી સામે આવી છે.
Maharashtra | Eknath Shinde faction that’s challenging us must realise that Shiv Sena workers are yet to come on the roads. Such battles are fought either through law or on the roads. If need be then our workers would come on the roads: Shiv Sena leader Sanjay Raut pic.twitter.com/Cs1CJPvpHE
— ANI (@ANI) June 24, 2022
આજે (24 જૂન) સવારે મીડિયા કર્મીઓના સવાલોના જવાબ આપતી વખતે શિવસેનાના રાજ્યસભાના સંસદ સભ્ય અને પ્રવક્તા એક સંજય રાઉતે (Sanjay Raut) ધમકીના સ્વરમાં કહ્યું હતું કે તેમને ટક્કર આપતા પહેલા એકનાથ શિંદે ગ્રુપના ધારાસભ્યોએ જાણવું જોઈએ કે હજુ તેમના કાર્યકર્તાઓ રસ્તાઓ પર નથી ઉતાર્યા.
Process underway to disqualify 12 MLAs (of Eknath Shinde faction), their numbers are only on the papers. Shiv Sena is a big ocean such waves come and go: Shiv Sena leader Sanjay Raut#MaharashtraPoliticalCrisis pic.twitter.com/3WnLs4u0wM
— ANI (@ANI) June 24, 2022
શિવસેના નેતા સંજય રાઉતની ધમકી દરમિયાન આગળ જણાવ્યુ કે, “12 ધારાસભ્યોને ગેરલાયક ઠેરવવાની પ્રક્રિયા ચાલી રહી છે (એકનાથ શિંદે જૂથના), તેમની સંખ્યા માત્ર કાગળ પર છે. શિવસેના એક મોટો મહાસાગર છે આવા મોજા આવે છે અને જાય છે.” એટ્લે કે સંજય રાઉતને હજુ આશા છે કે આ પૂરો મામલો હજુ તેમની બાજુ ઢળી શકે છે.
ઉદ્ધવે કરી હતી ભાવનાત્મક અપીલ
નોંધનીય વાત છે કે 2 દિવસ પહેલા મહારાષ્ટ્રના સીએમ ઉદ્ધવ ઠાકરેએ ફેસબુક પર લાઈવ થઈને શિંદે ગ્રુપના નેતાઓને ભાવનાત્મક અપીલ કરી હતી.
Uddhav Facebook live: बागी विधायकों को सीएम का संदेश, सामने आकर जताएं नाराजगी, छोड़ देंगे सीएम की कुर्सी –https://t.co/geBEn1kNjw
— Jansatta (@Jansatta) June 22, 2022
શિવસેના નેતા એકનાથ શિંદેને મનાવવાના પ્રયાસમાં ફેસબુક પર લાઈવ થઈને ઉદ્ધવ ઠાકરેએ અપીલ કરતાં કહ્યું કે “ધારાસભ્યોએ મારી સામે આવીને પોતાની વાત કહેવી જોઈએ. મને મુખ્યમંત્રી પદમાં કોઈ રસ નથી. હું મારું રાજીનામું આપવા તૈયાર છું. હું મુખ્યમંત્રી આવાસ વર્ષા બંગલો છોડવા પણ તૈયાર છું, પરંતુ આ બધી વાતો મારી સામે થવી જોઈએ અને દૂરથી બેસીને વાત કરવી યોગ્ય નથી.”
પરંતુ તેમની તે ભાવનાત્મક અપીલનો શિંદે ગ્રુપના ધારાસભ્યો પર કોઈ અસર ના થતાં હવે સંજય રાઉત પોતાના મૂળ રૂપમાં પાછા ફર્યા છે અને શિવસૈનિકોના નામ પર શિંદે ગ્રુપના ધારાસભ્યો સામે રસ્તા પર ઉતારવાની ધમકી આપી દીધી છે.
આ પહેલા ગઈ કાલે પણ એક ટીવી ચેનલ સાથે વાત કરતી વખતે સંજય રાઉતે એકનાથ શિંદે અને તેમની સાથે ગયેલા ધારાસભ્યોને ધમકી આપી હતી.
એકનાથ શિંદેની આગેવાની હેઠળના પક્ષના વિધાનસભ્યો દ્વારા બળવો કરવા અંગે ગઇકાલે NDTV સાથે વાત કરતી વખતે રાઉતે ધમકીભર્યું નિવેદન આપ્યું હતું. ઉદ્ધવ ઠાકરે મુખ્ય પ્રધાન રહેશે કે નહીં તે અંગેના ચોક્કસ પ્રશ્નના જવાબમાં, શ્રી રાઉતે કહ્યું હતું કે, “તમામ ધારાસભ્યોને ગૃહના ફ્લોર પર આવવા દો. અમે પછી જોઈશું. આ ધારાસભ્યો જેઓ છોડી ગયા છે… તેઓ કરશે. મહારાષ્ટ્રમાં પાછા ફરવું અને ફરવું મુશ્કેલ લાગે છે.”
ત્યારપછી સેનાએ પોતાનું વલણ નરમ કર્યું હતું. પરંતુ આજે ફરી સંજય રાઉત પોતાના ગુસ્સા પર કાબૂ કરવામાં અસફળ રહ્યા હતા.
