ઉત્તર પ્રદેશના કૌશામ્બીના સરાય અકીલમાં ‘લવ જેહાદ’નો એક કિસ્સો સામે આવ્યો છે. ગુમ થયેલી હિંદુ છોકરી (હવે પાછી મેળવાઈ) એક મુસ્લિમ યુવક દ્વારા ઇસ્લામમાં પરિવર્તિત થઈ હોવાનું જાણવા મળ્યું હતું. તે પછી તેણે તેની સાથે લગ્ન પણ કર્યા હતા. આ આરોપ લગાવતા યુવતીના પિતાએ પોલીસની કાર્યવાહી પર સવાલો ઉઠાવ્યા હતા. ‘સમાધાન દિવસ’ પર ડીએમને પણ ફરિયાદ કરી હતી.
વિષય એમ છે કે છોકરી સોમવારે (27 જૂન, 2022) તેના ભાઈ સાથે ઘરની બહાર ગઈ હતી. આ પછી યુવતીએ સ્કૂટી તેના ભાઈને આપી ડિશિ હતી. એણે એમ પણ કહ્યું કે તે તેના દાદાના ઘરે જઈ રહી છે. થોડીવારમાં પાછા આવવાની વાત કરીને તે નીકળી ગઈ હતી. મોડી સાંજ સુધી તે પરત ન આવતાં પરિવારજનોએ શોધખોળ શરૂ કરી હતી. કોઈ ભાળ ન મળતાં પરિવારે પોલીસમાં ફરિયાદ નોંધાવી હતી. આ દરમિયાન તેમને ખબર પડી કે એક મુસ્લિમ યુવક તે યુવતીને ઉપાડી ગયો છે. આ અંગે પરિવારજનોએ પોલીસને પણ જાણ કરી હતી. 29 જૂને મોટી સંખ્યામાં લોકો સાથે તેમણે પોલીસ સ્ટેશનનો ઘેરાવ કર્યો હતો.
कौशाम्बी- डान्स क्लास गई युवती के गायब होने से सनसनी,परिजनों ने मामले की पुलिस से की शिकायत,कार्रवाई न होने पर सैकड़ों लोगों ने थाने का किया घेराव,कौशाम्बी के सराय अकिल थाना क्षेत्र का मामला.
— Vishwa Media (@VishwaMedia) July 1, 2022
તેમની માંગણી હતી કે નવી માહિતી મળ્યા બાદ પોલીસે તપાસ બદલવી જોઈએ અને બાળકીને પાછી મેળવવી જોઈએ. પોલીસે યુવતીના અપહરણનો કેસ નોંધ્યો અને વરિષ્ઠ અધિકારીઓએ તપાસ અધિકારીની બદલી પણ કરી હતી. ત્યારપછી પોલીસને યુવતીને પાછી મેળવવામાં સફળતા મળી હતી. હાલમાં બાળકીને તેના સંબંધીઓને સોંપવામાં આવી છે. પરિવારનો આરોપ છે કે યુવતીને પ્રયાગરાજના કારેલી સ્થિત એક મદરેસામાં લઈ જઈને ઈસ્લામ કબૂલ કરાવવામાં આવ્યો હતો અને ત્યાં જ લગ્ન પણ કરાવવામાં આવ્યા હતા.
પીડિતાના પિતાએ કહ્યું કે પ્રશાસનને ધર્માંતરણ કરતા પહેલા અરજી કરવાની હોય છે, પરંતુ તે અહીં કરવામાં આવ્યું નહોતું. 30 જૂને બાળકી પાછી મેળવવામાં આવી હતી. આ પછી કોર્ટમાં તેમનું નિવેદન પણ નોંધવામાં આવ્યું હતું. ‘સમાધાન દિવસ’ અવસર પર પિતાએ ડીએમને ફરિયાદ પત્ર આપ્યો, ત્યારબાદ આ મામલો સામે આવ્યો. ઉત્તર પ્રદેશમાં ‘લવ જેહાદ‘ વિરુદ્ધ પણ કાયદો છે. પોલીસે હવે આગળની કાર્યવાહી હાથ ધરી છે.
