ઝારખંડ વિધાનસભાની ચૂંટણીને (Jharkhand Assembly Elections) લઈને તમામ રાજકીય પક્ષો તૈયારીમાં લાગી ગયા છે. પ્રથમ ચરણના મતદાન પહેલાં ઝારખંડના સ્વાસ્થ્ય મંત્રી અને કોંગ્રેસી નેતા બન્ના ગુપ્તાનું (Banna Gupta) એક નિવેદન (Statement) વિરોધનું કારણ બની ગયું છે. બન્ના ગુપ્તાએ જાહેરમાં જનસભાને સંબોધિત કરતી વખતે હિંદુઓને (HIndus) કટ્ટરપંથી (Radical) ગણાવી દીધા છે. તેમનો એક વિડીયો પણ સોશિયલ મીડિયા પર વાયરલ (Video Viral) થઈ રહ્યો છે. વિડીયોમાં જોઈ શકાય છે કે, તેઓ હિંદુઓને કટ્ટરપંથી ગણાવી રહ્યા છે. તેમણે ભાષણમાં કહ્યું છે કે, જો કોઈ કટ્ટર હિંદુ મુસ્લિમ પર હુમલો કરશે તો તેઓ મુસ્લિમોની રક્ષા માટે ત્યાં ઊભા રહેશે.
બન્ના ગુપ્તા ઝારખંડના સ્વાસ્થ્ય મંત્રી છે અને જમશેદપુર વેસ્ટથી કોંગ્રેસના ઉમેદવાર પણ છે. કોંગ્રેસી નેતાએ જમશેદપુરમાં જ જનસભાને સંબોધિત કરતી વખતે એક એવું નિવેદન આપી દીધું છે કે, હવે તેના પર રાજકારણ ગરમાયું છે. વાયરલ થઈ રહેલા વિડીયોમાં ગુપ્તા કહી રહ્યા છે કે, “તમે કહી રહ્યા છો કે, કટોગે, લડોગે તો બંટાઓગે.. તુમ કટાઓ ઔર બંટાઓ.. જો તમે તમારી માનું દૂધ પીધું છે તો કહી રહ્યો છું કે, અમારા બબલુ ભાઈ, નૌશાદ ભાઈના ઘર પર કોઈ કટ્ટર હિંદુ હુમલો કરશે તો બન્ના ગુપ્તા ત્યાં જ ઉભેલો જોવા મળશે. કોઈપણ કટ્ટર હિંદુ મુસ્લિમ પર હુમલો કરશે તો બન્ના ગુપ્તા ત્યાં જ ઉભેલો જોવા મળશે.”
‘હિંદુઓને કેટલા હેરાન કરશો?’- ભાજપ
બન્ના ગુપ્તાના નિવેદનને લઈને ભાજપ આકરા પાણીએ જોવા મળી રહ્યું છે. ભાજપના પ્રદેશ સહ પ્રભારી અને આસામના મુખ્યમંત્રી હિંમતા બિસ્વા સરમાએ બન્નાનો વિડીયો પણ સોશિયલ મીડિયા પર શેર કર્યો છે. આ સાથે જ તેમણે કેપશનમાં લખ્યું છે કે, “ઝારખંડમાં કોંગ્રેસી મંત્રીની ભાષા જુઓ. હિંદુઓને હવે તમે કેટલા હેરાન કરશો? પોતાની વોટબેંકને ખુશ કરવા માટે તમે હિંદુઓના હિતોને દબાવવાના જેટલા પણ પ્રયાસ કરશો, પરંતુ આ વખતે જનતા માફ નહીં કરે.”
झारखंड में कांग्रेसी मंत्री की भाषा सुनिए।
— Himanta Biswa Sarma (@himantabiswa) November 12, 2024
हिंदुओं को आप और कितना परेशान करेंगे? अपने वोट बैंक को खुश करने के लिए आप हिंदुओं के हितों को दबाने की जितनी भी कोशिश करें, इस बार जनता आपको माफ नहीं करेगी। https://t.co/rijMivqfG4
નોંધવા જેવું છે કે, તાજેતરમાં જ કોંગ્રેસના નેતા અને ઝારખંડના સ્વાસ્થ્ય મંત્રી બન્ના ગુપ્તાના PA પર ભ્રષ્ટાચારના આરોપ લાગ્યા હતા. જમશેદપુર વેસ્ટથી NDAના ઉમેદવાર સરયૂ રાયે એક ઓડિયો ક્લિપ જારી કરીને બન્ના ગુપ્તાની ઓફિસમાં થતાં ભ્રષ્ટાચાર વિશે વાત કરી હતી. તેમણે પોતાના હરીફ બન્ના ગુપ્તાના PA ગુડ્ડુ સિંઘ પર લાંચ માંગવાનો આરોપ લગાવ્યો હતો. કથિત ઓડિયો ક્લિપમાં ફાર્મસી કાઉન્સિલના રજિસ્ટ્રાર પદ પર નિયુક્તિને લઈને લાંચ માંગ્યાની વાત થઈ રહી હોવાનું સામે આવ્યું હતું. જે બાદ આ મુદ્દાએ ખૂબ જોર પકડયું હતું. તેવામાં હવે બન્ના ગુપ્તાએ હિંદુવિરોધી નિવેદન આપીને વિવાદને વેગ આપી દીધો છે.
