સગીર બાળકીને ફોસલાવીને લઈ ગયો જીશાન ઉર્ફ વહાબ, પીડિતાએ કંટાળીને આત્મહત્યા કરવાનો પ્રયાસ કર્યો કહ્યું મુસ્લિમ પક્ષ બંદૂક દેખાડીને ધમકાવે છે

પોતાની સગીર દીકરીને મુસ્લિમ યુવાન દ્વારા ફોસલાવીને લઈ જવાની લવ જેહાદની ઘટનાથી કંટાળેલા પિતાએ ગાઝિયાબાદ કલેક્ટર કચેરી ખાતે 9 તારીખ 2020 સોમવારના રોજ આત્મહત્યા કરવાનો પ્રયાસ કર્યો, સ્થળ પર હાજર પોલીસ કર્મીઓએ તેને પકડી લેતા એક મોટી ઘટના ટળી હતી. પોલીસ પિતાને પૂછપરછ માટે પોલીસ સ્ટેશન લઈ ગઈ હતી, પોલીસને શંકા છે કે પીડિતની દીકરી ઘરેથી નારાજ થઈને ગઈ છે, વહાબની પૂછપરછમાં કોઈ ખાસ જાણકારી મળી ન હતી, જોકે પોલીસે અંતિમ નિષ્કર્ષ નીકળે ત્યાં સુધી તપાસ ચાલુ રાખવાનું જણાવ્યું છે.

વીડિયોમાં પીડિતાના પિતાને એવું કહેતા સાંભળી શકાય છે, ” સાહેબ હું SSP અને SHO ને ઘણી વાર મળી ચૂક્યો છું, સામા પક્ષ વાળા મને દસ લાખ રૂપિયાની ધમકી આપે છે, તેઓ કહે છે કે તેમણે દસ લાખ રૂપિયામાં ચોકી ઇનચાર્જ ને ખરીદી લીધો છે. તેઓ કહે છે કે તમારું કશું નથી થવાનું, તને તારી દીકરી નહીં મળે. મેં મારી ઉપર પેટ્રોલ નાખ્યું છે, હું મરવા ઈચ્છું છું. મારી ઘણી બદનામી થઈ ચૂકી છે, સાહેબ મુસ્લિમ પક્ષના લોકો ઘરે આવીને ધમકી આપીને જાય છે, તે લોકોએ મારી ઉપર પિસ્તોલ પણ તાકી હતી.

બીજી તરફ આ મામલે ગાઝિયાબાદના SSP IPS મુનિરાજ એ કહ્યું કે આ ઘટના બાપુધામ પોલીસ સ્ટેશનની છે લગભગ 20 દિવસ પહેલા દીકરી પોતાના પિતાથી નારાજ થઈને ઘરેથી નીકળી ગઈ હતી ત્યાર બાદ પોલીસને સુચના મળતા પોલીસે તરત જ FIR દાખલ કરાવી હતી, દીકરીની ભાળ મેળવવા માટે SHO, DSP અને ચોકી પ્રભારીની ટીમ બનાવાઈ છે. આ મામલે એક યુવક ઉપર આરોપ લગાવાયો હતો, પરંતુ તેની પૂછપરછ બાદ પણ વધુ માહિતી મળી નથી, છોકરીના ગયા બાદ તેના જવાની સંભવિત તમામ સ્થળોએ પોલીસ તપાસ કરી રહી છે તથા સીસીટીવી ફૂટેજોની પણ તપાસ કરવામાં આવી રહી છે

IPS મુનિરાજે વધુમાં જણાવ્યું કે, “હાલ અમે સીટી SP ના નેતૃત્વમાં ફરીથી ટીમને નિર્દેશ આપ્યા છે, તે પોતાની આખી ટીમ સાથે તપાસ કરી રહ્યા છે. છોકરી પાસે મોબાઇલ ન હોવાના કારણે અમને થોડી તકલીફ પડી રહી છે, અમે છોકરીને વહેલામાં વહેલી તકે શોધવાની દિશામાં કામ કરી રહ્યા છીએ. છોકરીના પિતા જ્યારે પણ આવ્યા છે ત્યારે અમે તેમને સમજાવ્યા છે. અને પોલીસ ટીમને પણ નિર્દેશ આપ્યા છે, તેમણે પોતાની ઉપર જ્વલનશીલ પદાર્થ શા માટે નાખ્યો તેની અમને જાણ નથી.

સગીર વયની દીકરીને વહાબ દ્વારા ફોસલાવીને લઈ જવાની ફરિયાદ દાખલ કરાવનાર પીડિતાના કહેવા પ્રમાણે, “મારી દીકરી 17 વર્ષ ચાર મહિનાની સગીર વયની છે, તે 18 એપ્રિલ 2022 થી ઘરેથી ગાયબ છે. તે દિવસે તે શાળાએથી ઘરે પરત નથી પહોંચી, દીકરીના ઈન્સ્ટાગ્રામ પ્રોફાઈલ પર મોકલવામાં આવેલ ફોટો અને મેસેજથી મને ખબર પડી કે વહાબ ઉર્ફે જીશાન તેને પોતાની સાથે ફોસલાવીને લાવીને લઈ ગયો છે, મારી દીકરીને પરત લાવીને વહાબ ઉપર કડક માં કડક કાર્યવાહી કરવાની કૃપા કરો. પોલીસે આ ઘટનામાં અપહરણની ધારાઓ 363 અને 366 IPC અંતર્ગત ફરીયાદ દાખલ કર્યો છે.

ઓપ ઇન્ડિયા સાથે વાત કરતા પીડિતે કહ્યું કે, “હાલ મને પોલીસ સ્ટેશનની બહાર પૂછપરછ માટે બેસાડવામાં આવ્યો છે, હું પોલીસ કાર્યવાહી થી સંતુષ્ટ નથી, હું મજુર છું અને મજૂરી કરીને મારા પરિવારનું ગુજરાન ચલાવું છું. આજે પેટ્રોલ છાંટ્યા બાદ કે તે પછી પોલીસે મારી સાથે કોઈપણ જાતનો દુર્વ્યવહાર નથી કર્યો.”