15 ઑગસ્ટે 78મો સ્વાતંત્ર્ય દિવસ ઉજવાય તે પહેલાં ઠેરઠેર તિરંગા યાત્રાઓનું આયોજન થઈ રહ્યું છે. બુધવારે (14 ઑગસ્ટ) સુરેન્દ્રનગર જિલ્લાના સાંગણી ગામની એક શાળાનાં બાળકો આવી જ તિરંગા યાત્રા લઈને નીકળ્યાં હતાં, પરંતુ તેમાં કોંગ્રેસ નેતાઓને બાળકોએ પહેરેલી ટી-શર્ટ જોઈને વાંધો પડ્યો હતો. વાસ્તવમાં વિદ્યાર્થીઓની ટી-શર્ટ પર વીર વિનાયક સાવરકર અને સુભાષચંદ્ર બોઝની તસવીરો છાપવામાં આવી હતી. કોંગ્રેસીઓએ યાત્રા અડધેથી જ રોકીને આ બાબત પર વાંધો ઉઠાવ્યો અને રાજકારણ રમવાનું શરૂ કરી દીધું હતું.
ઘટનાના વિડીયો સોશિયલ મીડિયા પર વાયરલ થઈ રહ્યા છે, જેમાં યાત્રા લઈને જતાં બાળકોને રોકીને અમુક કોંગ્રેસીઓ તેમની ટી-શર્ટને લઈને વાંધો ઉઠાવતા જોવા મળે છે. એક વ્યક્તિ કહેતો સંભળાય છે કે, “સ્કૂલ ડ્રેસને દબાવી દેવામાં આવ્યો અને RSSના સાવરકરવાળો ફોટો લઈને ફરે છે, તે બરાબર ન કહેવાય.” ત્યારબાદ તે બાળકોને સંબોધીને કહે છે કે, “તમારે નક્કી કરવાનું કે આપણે ગાંધી બાપુની તસવીરો પહેરીને નીકળીશું, કે સાવરકરની.” જેના જવાબમાં બાળકો ‘ગાંધી બાપુને’ એવો જવાબ આપતાં સંભળાય છે.
गुजरात के सुरेंद्रनगर जिले के सांगणी गाँव में तिरंगा यात्रा को कांग्रेस के लोकल नेताओं ने रोका .. तिरंगा यात्रा निकाल रहे बच्व्चों द्वारा पहने T-shirts उतरवाए गए क्योकि उन पर वीर सावरकर की तस्वीर छपी थी , उस T-shirt पर सुभाषचंद्र बोज़ की तस्वीर भी छपी हुई थी .. #NewsUpdates… pic.twitter.com/bvhQU13xs3
— Nirnay Kapoor (@nirnaykapoor) August 14, 2024
ત્યારબાદ એક નેતા આગળ કહે છે કે, “ગાંધી બાપુની હત્યામાં જેમણે ષડ્યંત્ર કર્યું હતું, તે સાવરકરની ટી-શર્ટ પહેરાવીને સાંગાણી સ્કૂલના શિક્ષકો અને આચાર્યો….” અહીં નોંધવું જોઈએ કે ગાંધી હત્યા કેસમાં સાવરકરની ભૂમિકા હોવાનો એક પણ પુરાવો નથી અને કેસમાં પણ તેમને નિર્દોષ મુક્ત કરવામાં આવ્યા હતા.
પછીથી વિડીયોમાં અમુક પોલીસ અધિકારીઓ પણ જોવા મળે છે અને કોંગ્રેસ નેતાઓને શાળાના શિક્ષકો સાથે દાદાગીરી પણ કરતા જોઈ શકાય છે. અંતે કોંગ્રેસ નેતાઓ બાળકોને યુનિફોર્મ ઉપર પહેરેલી સાવરકર અને સુભાષચંદ્ર બોઝના ફોટાવાળી ટીશર્ટ કાઢી નાખવા માટે કહે છે અને બાળકો તેનું પાલન કરીને કાઢી નાખે છે. અહીં કોંગ્રેસ નેતાઓ ગાંધી-સરદારને ભૂલાવીને સાવરકરને સ્થાન આપવામાં આવી રહ્યું હોવાનાં રોદણાં રડે છે, પરંતુ વિડીયોમાં અનેક વ્યક્તિઓ કોંગ્રેસની ‘ભારત જોડો ન્યાય યાત્રા’ની ટીશર્ટ પહેરીને ફરતા જોવા મળે છે. જેમાં ન ગાંધીને સ્થાન છે, ન સરદાર પટેલને. સાવરકરને હોવાનો તો કોઇ પ્રશ્ન જ નથી.
નૌશાદ સોલંકીએ પત્ર લખીને ટી-શર્ટ પર પ્રતિબંધ મૂકવા કહ્યું
મીડિયામાં એક પત્ર પણ સામે આવ્યો છે, જે સુરેન્દ્રનગર જિલ્લા કોંગ્રેસ સમિતિના અધ્યક્ષ નૌશાદ સોલંકીએ જિલ્લા કલેક્ટરને લખ્યો છે. જેમાં સુરેન્દ્રનગરની શાળાની આ યાત્રાનો ઉલ્લેખ કરીને કહેવામાં આવ્યું કે સાવરકરના ફોટાવાળી ટીશર્ટને મોહનદાસ ગાંધી અને સરદાર પટેલનાં નામ ભૂંસી નાખવાના ષડયંત્રનો ભાગ ગણાવ્યો હતો. પત્રમાં સાવરકરની તસવીરોવાળી ટી-શર્ટ પર પ્રતિબંધ મૂકવાની પણ માંગ કરવામાં આવી હતી.
ભાસ્કરે પણ ‘ગાંધી-સરદાર’ વિશેનો એજન્ડા આગળ ધપાવ્યો
એક તરફ કોંગ્રેસીઓ વીર સાવરકર વિશે જુઠ્ઠાણાં ફેલાવીને પોતાનો દ્વેષ છલકાવી રહ્યા છે, ત્યાં બીજી તરફ મીડિયા પણ જાણે એજન્ડા આગળ વધારી રહ્યું છે. આ સમાચાર અંગેની ‘દિવ્ય ભાસ્કર’ની હેડલાઈનમાં લખવામાં આવ્યું છે- ‘ગુજરાતમાં જ ગાંધી-સરદાર ભુલાયા’. પરંતુ મહત્વની વાત એ છે કે ભૂલાયું કોઇ નથી, માત્ર અન્ય સ્વાતંત્ર્યવીરોને યાદ કરવામાં આવ્યા છે. શાળાના શિક્ષકો કે વિદ્યાર્થીઓ રેલીમાં નીકળીને ગાંધી-સરદાર વિરુદ્ધ નારા નથી લગાવ્યા, માત્ર સાવરકરને યાદ કર્યા છે. ને એવું ક્યાંય લખ્યું નથી કે ગુજરાતમાં મોહનદાસ ગાંધી અને સરદાર પટેલ સિવાય અન્ય કોઇ સ્વાતંત્ર્યસેનાનીઓનાં નામ પણ ન લઇ શકાય. બંને આદરણીય છે, પરંતુ આવી માનસિકતા દેશના કોઇ પ્રદેશમાં નથી.
એક સંસ્થાએ દાનમાં બાળકોને આપી હતી આ ટી-શર્ટ, અનેક શાળાઓમાં વહેંચાઇ
चोटिला तहसील के 9 गांव में मुंबई स्थित "श्रीमती इंदुमती वसंतलाल शाह चेरिटेबल ट्रस्ट" द्वारा स्टेशनरी की कुछ चीज और टीशर्ट बांटे गए.
— Aaditya. (@DrAadityaMehta) August 14, 2024
भगवा रंग के यह टीशर्ट पर वीर सावरकर की तस्वीर है, कांग्रेस ने वीर सावरकर को RSS के साथ जोड़ कर इसकी प्रस्तुति की गई.! https://t.co/GcxBgHxhJk https://t.co/PZ0HoRrYmy
આ મામલે વધુમાં જાણવા મળ્યું છે કે મુંબઈની એક સંસ્થા ‘શ્રીમતી ઇન્દુમતી વસંતલાલ શાહ ચેરિટેબલ ટ્રસ્ટ’ દ્વારા તાજેતરમાં જ સ્ટેશનરીની અમુક ચીજો વહેંચવામાં આવી હતી. જેની સાથે આ સાવરકર અને સુભાષચંદ્ર બોઝની તસવીરોવાળી ટીશર્ટ પણ બાળકોને અપાઈ હતી. હવે, કોઇ પણ સંસ્થા કોઇ પણ પ્રકારની સ્ટેશનરી અને સામગ્રી વહેંચી શકે. સંભવતઃ તિરંગા યાત્રા જેવો કાર્યક્રમ યોજાયો હોવાના કારણે શાળાનાં બાળકો ટી-શર્ટ પહેરીને આવ્યાં હશે. તેમાં કોંગ્રેસીઓએ RSS અને બીજા જાતજાતના પ્રોપગેન્ડા ચલાવ્યા હતા.
