છેલ્લા કેટલાક દિવસોથી અલગ-અલગ સોશિયલ મીડિયા પ્લેટફોર્મ પર એક હિંદુ મહિલાનો વિડીયો વાયરલ (Hindu Woman) થઇ રહ્યો છે. દાવો કરવામાં આવી રહ્યો છે કે આ હિંદુ મહિલા તેના ઘરની બરાબર બાજુમાં જ આવેલી ચર્ચથી પરેશાન છે. દાવો તેવો પણ કરવામાં આવી રહ્યો છે કે હિંદુ મહિલાની રજુઆતોને આંખ આડા કાન કરીને જાણીજોઈને તેમને ખલેલ પહોંચે તે રીતે ‘પ્રેયર’ (Church) વગાડવામાં આવી રહી છે. ત્યાર બાદ ખલેલનો જે ઉપાય શોધ્યો તેને લઈને હિંદુ મહિલાનો વિડીયો સોશિયલ મીડિયામાં વાયરલ (Viral Video) થઈ ગયો.
🚨 A Hindu lady was repeatedly requesting the church to lower the volume behind her house.
— Times Algebra (@TimesAlgebraIND) November 1, 2024
Despite her requests, the church continued to play the sounds at a high volume.
Hindu DIDI brought loudspeaker and responded by playing 'OM' chants even LOUDER.
The video is said to be… pic.twitter.com/dnaazylZAL
આ વિડીયો માઈક્રો બ્લોગીંગ સાઈટ X, ફેસબુક તેમજ ઈન્સ્ટાગ્રામ જેવા અલગ અલગ સોશિયલ મીડિયા પ્લેટફોર્મ પર વાયરલ થઇ રહ્યો છે. આ વિડીયોમાં મહિલા પોતાના ઘરની એક બારીમાં સ્પીકરમાં જોર-જોરથી ઓમકાર નાદ અને મહાદેવના મંત્રો તેમજ ભજન વગાડી રહી છે. વિડીયો ક્યાંનો છે તે નથી જાણી શકાયું, પરંતુ વિડીયો આંધ્રપ્રદેશનો હોવાનો દાવો કરવામાં આવી રહ્યો છે. આ વિડીયો સાથે કેપ્શનમાં લખવામાં આવી રહ્યું છે કે, આ મહિલા છેલ્લા ઘણા સમયથી તેમના ઘરની બાજુમાં આવેલા ચર્ચને વિનંતી કરી રહ્યા છે કે તેમના ત્યાં થતી પ્રેયરનો અવાજ ધીમો રાખે.
DIDI is truly a trailblazer!!🔥 🔥
— Veda Saahitya Murthy 🏡: 🇮🇳 💻: 🇿🇦 (@VedaSaahitya) November 1, 2024
Despite repeated requests to lower the volume of church, the church behind her house continued with LOUD SOUNDS
In a bold response, DIDI chose to lead by example, playing 'OM' chants even LOUDER#LeadByExample pic.twitter.com/IiWIFPlLBH
મહિલાની વારંવાર રજૂઆત કરવા છતાં ચર્ચના સંચાલકોના પેટનું પાણી ન હલ્યું અને તેમણે સ્પીકરનો અવાજ યથાવત રાખ્યો. અંતે આ હિંદુ મહિલાએ કંટાળીને એક નવતર પ્રયોગ કર્યો. તેમણે પોતાના ઘરની બારીમાં એક લાઉડસ્પીકર લગાવીને તેમાં જોર જોરથી ઓમકારનાદ કરવાનું શરૂ કરી દીધું. આટલું જ નહીં, આ મહિલા લાઉડસ્પીકરમાં હિંદુ મંત્રોચ્ચાર અને ભજન કીર્તન પણ વગાડવા લાગ્યા.
ચર્ચની ક્રિયા સામેની તેમની આ પ્રતિક્રિયાનો એક વિડીયો વિવિધ સોશિયલ મીડિયા પ્લેટફોર્મ પર મુકવામાં આવતા વિડીયો વાયરલ થઇ ગયો હતો. લોકો મહિલાની પ્રશંસા કરી રહ્યા છે. ઘર્ષણમાં ઉતરવાની જગ્યાએ મહિલાએ ‘જેસેકો તૈસા’ની જેમ કરેલા આ ઉપાયને લોકો બિરદાવી રહ્યા છે. ઑપઇન્ડિયાએ વિડીયોની પુષ્ટિ કરવા પ્રયાસ કર્યો હતો, જોકે વિડીયોની પુષ્ટિ થઇ શકી નહોતી. વિડીયો ક્યારનો છે અને ક્યાંનો છે તે પણ નથી જાણી શકાયું. પરંતુ હાલ સોશિયલ મીડિયામાં આ હિંદુ મહિલાનો વિડીયો વાયરલ થઇ રહ્યો છે.
