ગત મહિને વડાપ્રધાન નરેન્દ્ર મોદી અમેરિકાની રાજકીય મુલાકાતે ગયા હતા, જ્યાં ભારતીય સમુદાય માટે યોજાયેલા એક કાર્યક્રમમાં ભારતનું રાષ્ટ્રગીત ગાઈને તેમજ ખાસ કરીને વડાપ્રધાન નરેન્દ્ર મોદીના ચરણસ્પર્શ કરીને ચર્ચામાં આવેલ અમેરિકી ગાયક મેરી મિલબેને તાજેતરમાં એક ઇન્ટરવ્યૂમાં રાહુલ ગાંધી વિશે ટિપ્પણી કરી હતી.
મેરી મિલબેને મીડિયા સંસ્થા ‘ધ ન્યૂ ઇન્ડિયન’ના એડિટર રોહન દુઆને તાજેતરમાં એક ઇન્ટરવ્યૂ આપ્યો હતો. આ ઇન્ટરવ્યૂમાં તેમને રાહુલ ગાંધી વિશે પૂછવામાં આવતાં કહ્યું કે, તેઓ તેમના વિશે બહુ જાણતાં નથી પરંતુ જે નેતા પોતાના જ દેશ વિશે નકારાત્મક બાબતો કહ્યા કરતો હોય તેને સમર્થન આપવું અઘરું છે. સાથે તેમણે આ જ બાબતને લઈને પીએમ મોદીની પ્રશંસા પણ કરી.
White House’s official singer Mary Millben Slams Rahul Gandhi
— Rohan Dua (@rohanduaT02) June 30, 2023
In listening to some of the speeches by Rahul on his ambitions, I can say that it’s very hard for any country or its citizens to sign up or vote for a leader who doesn’t speak well of his own country. The mark of a… pic.twitter.com/DY4Kn5i6Bb
મિલબેને કહ્યું, “પ્રણામિકતાથી કહું તો હું તેમને (રાહુલ ગાંધીને) વ્યક્તિગત રીતે ઓળખતી નથી જેથી કોઈ અયોગ્ય ટિપ્પણી નહીં કરું. પરંતુ મેં તેમનાં અમુક ભાષણો અને વિચારો થોડાંઘણાં સાંભળ્યાં છે અને મને લાગે છે કે કોઈ પણ દેશ માટે જો કોઈ નેતા તે દેશ માટે સારી વાતો ન કહેતો હોય તો તેને સમર્થન કરવું અઘરું બની જાય છે અને આ મહાશય ઘણી એવી વાતો કરતા હોય છે જે નકારાત્મક લાગે છે.”
આગળ તેમણે કહ્યું કે, “સાચો નેતા હંમેશા તેના દેશનાં મૂલ્યો અને વારસાની કદર કરે. એ જ કારણ છે કે વડાપ્રધાન નરેન્દ્ર મોદીને દેશમાં જ નહીં પણ દુનિયાભરમાં સન્માન મળી રહ્યું છે.”
ઉલ્લેખનીય છે કે તાજેતરમાં જ રાહુલ ગાંધી પણ અમેરિકાની યાત્રાએ ગયા હતા અને જ્યાં તેમણે અનેક વિવાદાસ્પદ ટિપ્પણીઓ કરી હતી તો ઘણાં જુઠ્ઠાણાં પણ ફેલાવ્યાં હતાં.
અગાઉ પીએમ મોદીના ચરણસ્પર્શ કરીને આશીર્વાદ મેળવ્યા હતા
વડાપ્રધાન નરેન્દ્ર મોદીની (PM Narendra Modi) ઐતિહાસિક અમેરિકા યાત્રાના અંતિમ તબક્કામાં તેમણે વોશિંગ્ટન ડીસીના રોનાલ્ડ રીગન સેન્ટરમાં ભારતીય અમેરિકન સમુદાયને સંબોધિત કર્યો હતો. આ દરમિયાન પુરસ્કાર વિજેતા આંતરરાષ્ટ્રીય ગાયક મેરી મિલબેને (Mary Millben) ભારતનું રાષ્ટ્રગીત ‘જન..ગણ..મન…’ ગાયું હતું. ત્યારબાદ તેણે પીએમ મોદીના ચરણસ્પર્શ કરીને આશીર્વાદ મેળવ્યા હતા. આ ક્ષણો કેમેરામાં કેદ થઇ ગઈ હતી.
देखिए जब अमेरिकी सिंगर मैरी मिलबेन ने छुए पीएम मोदी के पैर…
— India TV (@indiatvnews) June 24, 2023
अमेरिका दौरे के अपने आखिरी दिन पीएम नरेंद्र मोदी ने रोनाल्ड रीगन सेंटर में अप्रवसी भारतीयों संबोधित किया। इस कार्यक्रम के समापन में हॉलीवुड सिंगर मैरी मिलबेन ने मंच से भारतीय राष्ट्रगान जन-गण-मन गया। राष्ट्रगान के बाद… pic.twitter.com/VNL0xCA53u
મેરી મિલબેને પીએમ મોદી વિશે કહ્યું કે, “અહીં હાજર રહેવું મારા માટે સન્માનની વાત છે. વડાપ્રધાન ખરેખર અદભૂત વ્યક્તિ છે. તેમની રાજકીય મુલાકાતનો ભાગ બનવું મારા માટે ગર્વની વાત છે. લોકોનું રાષ્ટ્રગીત ગાવું મને ખૂબ પસંદ આવ્યું. તમે તેમના અવાજમાં એક પ્રકારનો જુસ્સો જોઈ શકો છો. આજે અહીં ઉપસ્થિત રહેવું ખરેખર ગર્વપૂર્ણ બાબત છે.”
