રાષ્ટ્રીય સુરક્ષા સલાહકાર (NSA) અજિત ડોભાલે (Ajit Doval) બુધવારે ભારત-ચીન સરહદી મુદ્દાઓ પર વાત કરી હતી અને કહ્યું કે નવી દિલ્હી બેઇજિંગ (Beijing) સાથે વ્યવહારિક રીતે ફળદાયક વાતચીત ચાલુ રાખવા તૈયાર છે. તેમણે કહ્યું કે રાષ્ટ્રનું ધ્યેય ‘અંતિમ ઉકેલ’ માટે સતત પ્રયાણ કરવાનું છે.
બુધવારે બેઇજિંગમાં ભારત અને ચીનના (China) વિશેષ પ્રતિનિધિઓની (SRs) 23મી બેઠક યોજાઈ હતી, જેમાં રાષ્ટ્રીય સુરક્ષા સલાહકાર અજીત ડોભાલ અને ચીનના વિદેશ મંત્રી વાંગ યીએ (Wang Yi) હાજરી આપી હતી.
Watch #IndiaGlobal with @GaurieD | National security advisor Ajit Doval on Wednesday met Chinese Foreign Minister Wang Yi to discuss the India-China border issue as part of the Special Representatives for the border mechanism. Doval headed the Indian delegation in the 23rd round… pic.twitter.com/1aBI2D1iOf
— NDTV WORLD (@NDTVWORLD) December 18, 2024
ડોભાલે કહ્યું, “છેલ્લા પાંચ વર્ષમાં બંને પક્ષોના સંયુક્ત પ્રયાસોએ સરહદી વિસ્તારમાં સંબંધિત મુદ્દાઓને યોગ્ય રીતે ઉકેલ્યા છે, જે ખૂબ જ મહત્વપૂર્ણ છે. ભારત ચીન સાથે વ્યવહારિક રીતે ઉત્પાદક વાતચીત જાળવવા અને સરહદ મુદ્દાને ઉકેલવા માટે ઉત્સુક છે.”
આ પહેલા કાઝનમાં થઈ હતી મોદી જિનપિંગની બેઠક
વડાપ્રધાન નરેન્દ્ર મોદી અને ચીનના રાષ્ટ્રપતિ શી જિનપિંગ વચ્ચે તાજેતરમાં કઝાનમાં થયેલી બેઠક દરમિયાન લેવાયેલા નિર્ણયને અનુરૂપ આ વાતચીત યોજાઈ હતી. જેમાં પરસ્પર સ્વીકાર્ય ઉકેલ શોધવા માટે વહેલી બેઠક યોજવાનું નક્કી કરવામાં આવ્યું હતું.
બેઠક દરમિયાન, ડોભાલ અને વાંગ બંનેએ એકંદરે દ્વિપક્ષીય સંબંધોના રાજકીય પરિપ્રેક્ષ્યને જાળવી રાખવાના મહત્વનો પુનરોચ્ચાર કર્યો, જ્યારે સીમા પ્રશ્નના નિરાકરણ માટે વાજબી અને પરસ્પર સ્વીકાર્ય માળખું શોધ્યું અને પ્રક્રિયામાં વધુ ગતિશીલતા લાવી.
બંને નેતાઓ પ્રાદેશિક અને વૈશ્વિક શાંતિ અને સમૃદ્ધિ માટે સ્થિર, અનુમાનિત અને સૌહાર્દપૂર્ણ ભારત-ચીન સંબંધોના મહત્વ પર સહમત થયા હતા. ચીનના ઉપરાષ્ટ્રપતિ હાન ઝેંગને મળવા ઉપરાંત, NSA ડોવાલે વાંગને વિશેષ પ્રતિનિધિઓની આગામી બેઠક માટે પરસ્પર અનુકૂળ તારીખે ભારત આવવા આમંત્રણ આપ્યું હતું.
