ED સામે દિલ્હીના મુખ્યમંત્રી અરવિંદ કેજરીવાલે બે AAP નેતાઓ અને સરકારમાં મંત્રી આતિશી અને સૌરભ ભારદ્વાજનાં નામ લીધાં હોવાનો ઘટસ્ફોટ થયા બાદ હવે આતિશીએ એક પ્રેસ કૉન્ફરન્સ કરીને મોટા-મોટા દાવા કર્યા છે. તેમણે દાવો કર્યો કે ભાજપે તેમને પાર્ટીમાં સામેલ થઈ જવા માટે ઑફર આપી છે તો બીજી તરફ તેમના સહિત 4 AAP નેતાઓની ધરપકડ કરવામાં આવશે એવી ‘ભવિષ્યવાણી’ પણ કરી.
પ્રેસ કૉન્ફરન્સમાં આતિશીએ ‘સનસનીખેજ’ ખબર જણાવતાં હોવાનો દાવો કરીને કહ્યું કે, “ભાજપે મારા એક નજીકના વ્યક્તિના માધ્યમથી મને ભારતીય જનતા પાર્ટીમાં સામેલ થવા માટે સંપર્ક કર્યો. મને કહેવામાં આવ્યું કે કાં તો હું ભાજપમાં સામેલ થઈ જાઉં અને પોતાની રાજકીય કારકિર્દી બચાવી લઉં, અથવા તો ભાજપમાં સામેલ ન થાઉં તો આવનાર 1 મહિનામાં ED દ્વારા મારી ધરપકડ કરી લેવામાં આવશે.”
‼️ सनसनी खेज खुलासा ‼️
— AAP (@AamAadmiParty) April 2, 2024
मेरे एक करीबी के द्वारा भाजपा की तरफ से मुझे अप्रोच किया गया और कहा गया BJP जॉइन कर लो वरना आने वाले 1 महीने के अंदर ED मेरे घर पर रेड करेगी और मुझे गिरफ्तार कर लिया जाएगा।
BJP का इरादा है कि आने वाले 2 महीने के अंदर मुझे, सौरभ भारद्वाज, राघव चड्ढा और… pic.twitter.com/181ZTctvXz
આગળ કહ્યું કે, “વડાપ્રધાન મોદી અને ભાજપે મન બનાવી લીધું છે કે આમ આદમી પાર્ટી અને તેના તમામ નેતાઓને તેઓ કચડવા અને ખતમ કરવા માંગે છે. પહેલાં તેમણે આમ આદમી પાર્ટીના શીર્ષ નેતૃત્વની ધરપકડ કરીને જેલમાં નાખી દીધા. હવે તેમનો ઇરાદો છે કે આવનાર 2 મહિનામાં મને, સૌરભ ભારદ્વાજ, રાઘવ ચઢ્ઢા અને દુર્ગેશ પાઠકની પણ ધરપકડ કરી લેવામાં આવશે.”
આગળ તેમણે કહ્યું કે, “મને કહેવામાં આવ્યું છે કે આગામી દિવસોમાં ED મારા નિવાસસ્થાને દરોડા પડશે અને ત્યારબાદ મને સમન પાઠવીને ધરપકડ કરી લેશે. હું ભાજપને કહેવા માંગું છું કે અમે ધમકીઓથી ડરતા નથી. અમે કેજરીવાલના સૈનિકો છીએ. અમે ભગત સિંઘના ‘ચેલાઓ’ છીએ. કેજરીવાલના નેતૃત્વમાં અમે અંતિમ શ્વાસ સુધી આ દેશને બચાવવા માટે લડતા રહીશું.”
જોકે, તેમણે આ માટે કોઇ પુરાવો આપ્યો નહીં કે ભાજપના કયા નેતાએ કોનો સંપર્ક કર્યો તેનો પણ કોઇ ખુલાસો કર્યો નહીં. મજાની વાત એ છે કે આતિશી આવો દાવો કરશે તેવું અનુમાન ઘણા લોકોએ આગલા દિવસે રાત્રે જ લગાવી લીધું હતું.
BJP ne mujhe 10 cr offer kiye BJP join karne ke liye aisa expose
— desi mojito 🇮🇳 (@desimojito) April 1, 2024
#Scoop: Bhardwaj and Marlena exchanged looks with Sunita in court when ED took their name.
— Akshat Deora (@tigerAkD) April 1, 2024
Sunita has them convinced that ED doesn't have anything against them else they would have been arrested before AK
At 10am tomorrow, Marlena will allege that BJP is offering her cabinet…
ઘણી પોસ્ટ જોવા મળી, જેમાં લોકોએ કહ્યું હતું કે આતિશી પોતાને ભાજપમાં સામેલ થવા માટે કહેવામાં આવ્યું હોવાનો દાવો કરશે. કારણ એ છે કે આમ આદમી પાર્ટી ભૂતકાળમાં પણ આવા દાવા કરી ચૂકી છે, પણ પુરાવા આપ્યા નથી.
નોંધનીય છે કે 1 એપ્રિલે EDએ કોર્ટ સમક્ષ જણાવ્યું હતું કે પૂછપરછમાં કેજરીવાલે આતિશી અને સૌરભ ભારદ્વાજનાં નામ આપીને કહ્યું હતું કે AAPનો પૂર્વ કોમ્યુનિકેશન ઇન્ચાર્જ વિજય નાયર તેમને રિપોર્ટ કરતો હતો. વિજય નાયર આ દિલ્હી એક્સાઈઝ પોલિસી કૌભાંડમાં મુખ્ય ચહેરો છે. તે કેજરીવાલના ઘરની બાજુમાં જ રહેતો હતો અને પોલિસી ઘડવામાં મોટો ભાગ ભજવ્યો હતો.
