Thursday, July 18, 2024
More
    હોમપેજક્રાઈમજાદૂટોણાંના નામે યુવતી સાથે દુષ્કર્મ, પાટણની ઘટના: આરોપીને મીડિયાએ ગણાવ્યો ‘તાંત્રિક’ અને...

    જાદૂટોણાંના નામે યુવતી સાથે દુષ્કર્મ, પાટણની ઘટના: આરોપીને મીડિયાએ ગણાવ્યો ‘તાંત્રિક’ અને ‘ભૂવો’, નામ- ઇનાયતખાન પઠાણ

    પાટણ જિલ્લાના સિદ્ધપુર તાલુકાના વાધણા ગામની 21 વર્ષીય મુસ્લિમ યુવતીએ પોતાના જ ગામમાં રહેતા અને ટ્રક ડ્રાઈવર તરીકે કામ કરતા ઈનાયતખાન હુસૈનખાન સિપાઈ (પઠાણ) નામના વ્યક્તિ પર બળાત્કારનો આરોપ લગાવ્યો છે.

    - Advertisement -

    ગુજરાતી (અને ક્યારેક અન્ય ભાષાઓમાં પણ) મેઇનસ્ટ્રીમ મીડિયા આરોપી મુસ્લિમ વ્યક્તિ હોય તોપણ તેને ‘તાંત્રિક’ કે ‘ભૂવા’ ગણાવીને સમાચાર ચલાવી દે છે, જેનાથી વાચકો ગેરમાર્ગે દોરાવાની સંભાવનાઓ રહે હે. ક્યારેક ફોટાની પસંદગી એવી રીતે થાય, જેનાથી આ ભ્રમ વધુ ફેલાય છે. આવું તાજેતરમાં બન્યું છે. પાટણના એક ગામમાં એક યુવતી, જે પોતે પણ મુસ્લિમ છે, તેણે એક ઇનાયતખાન હુસૈનખાણ પઠાણ નામના ઇસમ પર બળાત્કારનો આરોપ લગાવ્યો. તેણે ફરિયાદમાં કહ્યું કે, ઈનાયતે તેને જાદૂટોણાં કરીને આર્થિક રીતે સદ્ધર કરવાની લાલચ આપીને, ભોળવીને દુષ્કર્મ આચર્યું છે. આ મામલે પોલીસે ઇનાયતની ધરપકડ કરીને તપાસ શરૂ કરી છે, પણ મીડિયા તેને ‘તાંત્રિક’ ગણાવી રહ્યું છે.

    મળતી માહિતી અનુસાર, પાટણ જિલ્લાના સિદ્ધપુર તાલુકાના વાધણા ગામની 21 વર્ષીય મુસ્લિમ યુવતીએ પોતાના જ ગામમાં રહેતા અને ટ્રક ડ્રાઈવર તરીકે કામ કરતા ઈનાયતખાન હુસૈનખાન સિપાઈ (પઠાણ) નામના વ્યક્તિ પર બળાત્કારનો આરોપ લગાવ્યો છે. યુવતીની ફરિયાદ છે કે આરોપી ઈનાયતે તેની ગરીબી દૂર કરવા જાદુ-ટોણાં કરવાના બહાને તેની સાથે બળાત્કાર ગુજાર્યો હતો. યુવતીએ કાકોશી પોલીસ સ્ટેશનમાં ફરિયાદ નોંધાવી છે કે ઈનાયતે જાદુ-ટોણાંના નામે ઘરે તેમજ અન્ય સ્થળોએ લઈ જઈને અનેક વખત શરીર ચૂંથ્યું હતું.

    આ મામલે વધુ માહિતી લેવા ઑપઇન્ડિયાએ કેસમાં તપાસ કરી રહેલા કાકોશી પોલીસ સ્ટેશનના PSI સહદેવસિંહ સોલંકી સાથે વાત કરી હતી. કેસને લઈને માહિતી આપતાં તેમણે જણાવ્યું હતું કે, “ફરિયાદ બાદ આરોપીની ધરપકડ કરી લેવામાં આવી છે. આરોપી ટ્રક ચલાવે છે અને તે છેલ્લાં 5-7 વર્ષથી યુવતી અને તેના પરિવારના સંપર્કમાં હતો. યુવતીના પરિવારની આર્થિક સ્થિતિ કથળેલી છે જેથી આરોપીએ તેનો લાભ લઈને યુવતી સાથે દુષ્કર્મ આચર્યું છે. હાલ આરોપીનો ટ્રક વગેરે જપ્ત કરીને પંચનામું કરવાની કાર્યવાહી ચાલી રહી છે. કાર્યવાહી પૂર્ણ થયે તેના રિમાન્ડ મેળવવાની તજવીજ હાથ ધરવામાં આવશે.”

    - Advertisement -

    ઉલ્લેખનીય છે કે ઑપઇન્ડિયાએ કાકોશી પોલીસ સાથે વાત કરતા જાણવાનો પ્રયત્ન કર્યો હતો કે આરોપીના ઘરેથી હિંદુ દેવી-દેવતાઓ કે હિંદુ ધર્મને લગતા ફોટા, સાહિત્યો, ગ્રંથો, શાસ્ત્રો વગેરે કશું મળી આવ્યું છે કે કેમ. જોકે આ પ્રકારની કોઈ બાબત પોલીસે નકારી કાઢી હતી. પોલીસના જણાવ્યા અનુસાર હાલ તપાસ ચાલી રહી છે.

    ફરી એક વાર મુસ્લિમ આરોપીને મીડીયાએ ‘તાંત્રિક’ અને ‘ભૂવો’ ગણાવ્યો

    ‘તાંત્રિક’ શબ્દ તંત્રવિદ્યા પરથી આવ્યો છે. તંત્રવિદ્યાને હિંદુ ધર્મ સાથે લાગે-વળગે છે. આ જ રીતે ‘ભૂવા’થી માંડીને અન્ય કેટલાક શબ્દો પણ હિંદુઓ માટે વપરાય છે. તેમ છતાં મીડિયા કાયમ આવા શબ્દો બિનહિંદુઓ માટે પણ વાપરતું રહે છે. ઝી24 કલાકે આ વિષયના રિપોર્ટની હેડલાઈનમાં લખ્યું કે- ‘સિદ્ધપુરમાં વધુ એક ભુવાની કાળી કરતૂતનો પર્દાફાશ, આ યુવતીની કહાણી સાંભળીને હચમચી જશો.’ અહેવાલમાં આરોપીનું નામ લખવામાં આવ્યું છે, પણ સાથે ‘તાંત્રિક’ પણ લખવામાં આવ્યું છે. એકથી વધુ વખત આ શબ્દનો ઉપયોગ કરવામાં આવ્યો છે. સાથોસાથ ફિચર ઈમેજમાં પણ ભગવા કલરનાં કપડાં સાથે એક યુવતીનો ફોટો મૂકવામાં આવ્યો છે, જ્યારે અહીં પીડિતા પણ મુસ્લિમ છે.

    દિવ્ય ભાસ્કરના વેબ વર્ઝન પર પણ આ ઘટનાનો એક રિપોર્ટ જોવા મળે છે. જેમાં ‘તાંત્રિકવિધિના નામે યુવતી પર દુષ્કર્મ’ આચરવામાં આવ્યું હોવાનું જણાવવામાં આવ્યું. આ રિપોર્ટમાં પણ અંદર આરોપીના નામનો ફોડ પાડવામાં આવ્યો છે, પણ સાથે ‘તાંત્રિક’ ગણાવવામાં આવ્યો છે. હેડલાઈન પરથી ક્યાંય જાણવા મળતું નથી કે અહીં આરોપી અને પીડિત બંને સમુદાયવિશેષમાંથી આવે છે અને ‘તંત્રવિદ્યા’ કે ‘તાંત્રિક’ શબ્દને કશું લાગતુંવળગતું નથી. જોકે, બીજા દિવસના છાપાંમાં ભાસ્કરે રિપોર્ટમાં સ્પષ્ટ ઉલ્લેખ કરીને જણાવ્યું હતું કે આરોપી અને પીડિત બંને મુસ્લિમ છે, પરંતુ વેબ વર્ઝન જરા જુદું છે.

    - Advertisement -
    Join OpIndia's official WhatsApp channel

    સંબંધિત લેખો

    - Advertisement -

    તાજા સમાચાર

    ચૂકશો નહીં