સોશિયલ મીડિયા પર એક વિડીયો શેર કરવામાં આવી રહ્યો છે. જેમાં એક રોડ ચાલુ વરસાદમાં ધસી પડતો જોવા મળે છે. દાવો કરવામાં આવી રહ્યો છે કે આ વિડીયો ગુજરાતનો છે. ક્યાંક વિડીયો અયોધ્યાનો હોવાનો પણ દાવો કરવામાં આવ્યો. અનેક યુઝરોએ આ વિડીયો શૅર કર્યો છે અને ગુજરાત કે UPનો હોવાના દાવા કર્યા છે.
પ્રજ્ઞા ગુપ્તા નામના એક અકાઉન્ટે 4 જુલાઈની સવારે એક 6 સેકન્ડનો વિડીયો પોસ્ટ કર્યો હતો, જે CCTV ફૂટેજ હતા. જેમાં એક મહિલાને રસ્તા પર ચાલતી જોઈ શકાય છે. તે થોડી આગળ વધે છે ત્યાં એક ખાડામાં પગ પડતાં જ તે અંદર પડી જાય છે. ત્યારબાદ આસપાસના લોકો દોડી આવે છે.
વિડીયો પોસ્ટ કરીને લખવામાં આવ્યું કે, “અયોધ્યામાં બનાવવામાં આવેલા રામપથની પહેલા જ વરસાદમાં આવી હાલત છે. તેની લંબાઈ 13 કિલોમીટર જેટલી છે અને ખર્ચ ₹844 કરોડ થયો હતો. એટલે કે એક કિલોમીટરના રોડના બાંધકામમાં 65 કરોડ રૂપિયાનો ખર્ચ કરવામાં આવ્યો.” અહીંથી આગળ ગુજરાતવિરોધી પ્રોપગેન્ડા પણ ચલાવવમાં આવ્યો. લખવામાં આવ્યું કે, જે કંપનીએ આ રોડ બનાવ્યો હતો તે ગુજરાતની છે અને તેનું નામ છે ભુવન ઇન્ફ્રાકોમ પ્રાઇવેટ લિમિટેડ. એવું પણ કહેવામાં આવ્યું કે, લોકો પોતાની રીતે તથ્યો જાણે નહિંતર રામનામ સત્ય થઈ જશે.
આવા જ દાવા સાથે ઘણી પોસ્ટ સોશિયલ મીડિયા પર ફરતી કરવામાં આવી હતી. જેમાં વિડીયો પોસ્ટ કરીને દાવા કરવામાં આવ્યા કે આ વિડીયો અયોધ્યાના રામપથનો છે, જેને કરોડોના ખર્ચે ગુજરાતની કંપનીએ બનાવ્યો છે.
अयोध्या का शानदार रामपथ ? जिसे सिर्फ 13 किमी, एक गुजराती कंपनी ने बनाया है, मात्र 844 करोड़ में। प्रति किलोमीटर सिर्फ 66 करोड़!
— Rama @ Blunt (@667b153884b24dd) July 4, 2024
जबरदस्त सड़क, जिसमे राह चलते स्नान का पुण्य!
😂😂 pic.twitter.com/V3mrbDwBwx
દાવો કરવામાં આમ આદમી પાર્ટીના સમર્થકો પણ સામેલ છે. તેમના ઘણા નેતાઓ ભ્રષ્ટાચારના આરોપમાં જેલમાં સજા કાપી રહ્યા છે અને અહીં તેમણે વિડીયો પોસ્ટ કરીને UPની ભાજપ સરકાર અને ગુજરાતની કંપની પર ભ્રષ્ટાચારના આરોપ લગાવ્યા અને સરકાર પર કંપનીને બચાવવાનો પણ આક્ષેપ લગાવ્યો.
अयोध्या में हज़ारों को उजाड़ कर रामपथ बनाया,
— Dr. Namdeo Bhagile Patil (@BbNamdeo) July 4, 2024
इसका ठेका अपनी गुजराती कम्पनी को दिया
जनता की मेहनत के 844 करोड़ यानी प्रति किलोमीटर 65 करोड़ रुपया मिला उसे इसके लिए!
अब देखिये यहा रोड की क्या हालत हैं!
भ्रष्टाचार साफ दिखता हैं!
सरकार किसे और क्यों बचा रही है। pic.twitter.com/HyjgDS4H22
અમુકે આ વિડીયો ગુજરાતનો ગણાવીને ‘ગુજરાત મોડેલ’ પર કટાક્ષ કર્યો હતો.
શું છે હકીકત?
હકીકતે આ વિડીયો ન તો અયોધ્યાનો છે કે ન ગુજરાતનો. વિડીયો ભારતના કોઇ પણ શહેરનો નથી. તે બ્રાઝિલનો છે, તે પણ જૂનો. રિવર્સ ઇમેજ સર્ચિંગ થકી જાણવા મળ્યું કે, આ ઘટના જૂન, 2022ની બ્રાઝિલના એક શહેરની છે. સ્થાનિક મીડિયામાં તેને લગતા સમાચાર પણ પ્રકાશિત થયા હતા. સાથે વિડીયો પણ મીડિયા દ્વારા પોસ્ટ કરવામાં આવ્યો હતો, જે મેળ ખાય છે.
સોશિયલ મીડિયા પર અપપ્રચાર બાદ અયોધ્યા પોલીસે ફેક ન્યૂઝ ફેલાવનારાઓ સામે ગુનો નોંધ્યો છે. X પર જાણકારી આપતાં અયોધ્યા પોલીસે કહ્યું કે, ‘સોશિયલ મીડિયા પ્લેટફોર્મ પર ભ્રામક વિડીયો શૅર કરીને અયોધ્યાનો રામપથ ગણાવવા સંદર્ભે પોલીસ મથકે ગુનો દાખલ કરવામાં આવ્યો છે. બાઇટમાં પોલીસકર્મીએ જણાવ્યું કે, હાલ આ મામલે વધુ તપાસ હાથ ધરવામાં આવી રહી છે. ત્યારબાદ તે તથ્યો સામે આવે, તેના આધારે કાર્યવાહી હાથ ધરવામાં આવશે.
सोशल मीडिया प्लेटफार्म पर भ्रामक वीडियो शेयर कर जनपद अयोध्या के रामपथ का बताने के सन्दर्भ में थाना को0 नगर पर अभियोग पंजीकृत किया गया, पुलिस द्वारा की जा रही कार्यवाही के सम्बन्ध में पुलिस अधीक्षक नगर की बाईट। #UPPolice #ayodhyapolice pic.twitter.com/FWCp1858ab
— AYODHYA POLICE (@ayodhya_police) July 4, 2024
પોલીસે કાર્યવાહી શરૂ કર્યા બાદ હવે એક પછી એક ફેક ન્યૂઝનાં ટ્વિટ અને પોસ્ટ ડિલીટ કરવામાં આવી રહ્યાં છે.
