છેલ્લા કેટલાક સમયથી હિંદુ મહિલાઓ/યુવતીઓ બળાત્કારનો ભોગ બનતી હોય તેવી ઘટનાઓ સતત વધી રહી છે. તેવામાં રાજકોટમાં રહેતી 22 વર્ષીય કૉલેજિયન યુવતીને ફસાવીને ગોંડલના મુસ્લિમ યુવકે બળાત્કાર આચર્યો હોવાનું સામે આવ્યું છે. પીડિત યુવતીએ રાજકોટના પ્રદ્યુમ્ન નગર પોલીસ મથકમાં ફરીયાદ નોંધાવતા પોલીસે કાર્યવાહી શરૂ કરી છે.
મળતી માહિતી અનુસાર ભોગ બનનાર યુવતીની ઉમર 22 વર્ષ છે અને તે કૉલેજના દ્વિતીય વર્ષમાં અભ્યાસ કરે છે. તેણે નોંધાવેલી ફરિયાદ અનુસાર આરોપીની નામ મહંમદ અખ્તર ડેલા છે અને તે ગોંડલની સુખરામ સોસાયટીમાં રહે છે. યુવતીની ફરિયાદ બાદ પોલીસે ગણતરીના કલાકોમાં આરોપીની ધરપકડ કરી લીધી છે. અત્યાર સુધી સામે આવેલી માહિતી અનુસાર પોલીસે આરોપી વિરુદ્ધ બળાત્કારનો ગુનો નોંધી તપાસ હાથ ધરી છે.
યુવતીએ નોંધાવેલી ફરિયાદ અનુસાર તે કૉલેજના દ્વિતીય વર્ષમાં અભ્યાસ કરે છે. લગભગ 6 મહિના અગાઉ તે સોશિયલ મીડિયા પ્લેટફોર્મ ઈન્સ્ટાગ્રામ મારફતે મહંમદ અખ્તર ડેલાના સંપર્કમાં આવી હતી. તે અવારનવાર તેને મેસેજ કરતો રહેતો હતો, દરમિયાન થોડો પરિચય વધતા ડેલાએ યુવતીનો મોબાઈલ નંબર મેળવી લીધો હતો. ત્યાર બાદ મહંમદ અવારનવાર તેને ફોન કરીને વાત કરતો હતો. શરૂઆતમાં સામાન્ય વાતચીત બાદ બંનેનો પરિચય ગઢ બન્યો હતો.
ઉલ્લેખનીય છે કે મહંમદ ગોંડલ ખાતે રહેતો હતો અને રાજકોટમાં નોકરી કરતો હતો. તેવામાં એક દિવસ તેણે મળવાના બહાને પીડિત યુવતીને શહેરની એક હોટેલમાં બોલાવી હતી. પ્રથમ વાર જ મળવા ગયેલી યુવતી પર મહંમદે બળજબરીથી બળાત્કાર ગુજાર્યો હતો. બળાત્કાર બાદ મહંમદે યુવતીને ધમકી પણ આપી હતી કે જો તે આ વિશે કોઈને કહેશે તો તેના પરિવારને જાનથી મારી નાંખશે.
મહંમદની ધમકીથી યુવતી ડરી ગઈ હતી અને તેણે આ વિશે કોઈને વાત નહતી કરી. બીજી તરફ યુવતી પોતાના તાબામાં હોવાનું જાણીને મહંમદ અવારનવાર તેની પાસે શારીરિક સંબંધ બાંધવા માંગણી કરતો રહેતો. અંતે કંટાળેલી યુવતીએ પોતાના પરિવારને આ વિશે જણાવ્યું હતું. પરિવારે પણ યુવતીને હિંમત આપતા તેણે મહંમદ અખ્તર ડેલા વિરુદ્ધ પોલીસ ફરિયાદ કરવાનો નિર્ણય લીધો હતો.
રાજકોટમાં રહેતી 22 વર્ષીય કૉલેજિયન યુવતીને ફસાવીને ગોંડલના મુસ્લિમ યુવકે બળાત્કાર આચર્યો હોવાના મામલે હાલ પ્રદ્યુમ્નનગર પોલીસે આરોપી મહંમદ અખ્તર ડેલાની ધરપકડ કરીને તેના વિરુદ્ધ ધારાધોરણ અનુસાર કાર્યવાહી શરૂ કરી છે.
