ઉત્તર પ્રદેશના મુઝફ્ફરનગરમાં (Muzaffarnagar, UP) ગોવર્ધન પૂજા (Govardhan Puja) દરમિયાન હોબાળો થયો હોવાના સમાચાર સામે આવ્યા છે. જાણવા મળી રહ્યું છે કે, કેટલાક કટ્ટરપંથી મુસ્લિમો (Muslim Mob) હિંદુ પરિવારના (Hindu Family) ઘરમાં ઘૂસી ગયા હતા એન હિંદુ યુવતીઓ સાથે છેડછાડ કરવા લાગ્યા હતા. ઉપરાંત તેઓ ગોવર્ધન પૂજા પર થૂંક્યા હોવાનું પણ સામે આવ્યું છે. તે સિવાય તેમણે હિંદુ પરિવાર સાથે મારપીટ કરી હોવાના પણ અહેવાલ સામે આવ્યા છે. ઘટનાને લઈને હિંદુ સમુદાયમાં ભારે રોષ જોવા મળી રહ્યો છે. હાલ મુઝફ્ફરનગરમાં તણાવની સ્થિતિ હોવાનું પણ કહેવાય રહ્યું છે.
ઘટના રવિવાર (3 નવેમ્બર, 2024) રોજ બનવા પામી હતી. ભાઈબીજના પવિત્ર તહેવારની સાથે હિંદુઓ આ દિવસે ગોવર્ધન પૂજા કરીને ભગવાન શ્રીકૃષ્ણની આરાધના પણ કરતાં હોય છે. દરમિયાન મુઝફ્ફરનગરના સિવિલ લાઇન પોલીસ સ્ટેશન વિસ્તારમાં પણ એક હિંદુ પરિવાર પોતાના ઘરે જ ગોવર્ધન પૂજા કરી રહ્યો હતો. તે સમયે જ કેટલાક કટ્ટરપંથી મુસ્લિમો ઘરમાં ઘૂસી ગયા હતા અને પરિવારના સભ્યો સાથે મારપીટ કરવા લાગ્યા હતા.
ઉપરાંત કટ્ટર ઇસ્લામી ટોળાંએ ઘરની બહેન-દીકરીઓ સાથે પણ છેડછાડ કરી હતી. તે સિવાય તેઓ ગોવર્ધન પૂજા પર થૂંક્યા હોવાના અહેવાલ પણ સામે આવ્યા છે. આ ઘટનાને લઈને પીડિત હિંદુ પરિવારના કેટલાક સભ્યો ઘાયલ થઈ ગયા હોવાનું પણ સામે આવ્યું છે. હાલ તેમને હોસ્પિટલમાં દાખલ ર્ક્યા હોવાનું કહેવાય રહ્યું છે.
યોગી સરકારના મંત્રી ઘટનાસ્થળે
ઘટનાની જાણ થતાં જ ભાજપના ધારાસભ્ય અને પ્રદેશ સરકારના મંત્રી કપિલદેવ અગ્રવાલ ઘટનાસ્થળે પહોંચ્યા હતા અને પોલીસ અધિકારીઓને ધરપકડના આદેશ આપ્યા હતા. ઉપરાંત જિલ્લાના મોટા અધિકારીઓ પણ ઘટનાસ્થળે આવી પહોંચ્યા હોવાનું સામે આવ્યું છે. હાલ ઘટનાસ્થળે તણાવની સ્થિતિને ધ્યાને રાખીને ભારે પોલીસ બંદોબસ્ત ખડકી દેવામાં આવ્યો છે. આ ઉપરાંત એક મુસ્લિમ યુવકની અટકાયત કરી હોવાનું પણ સામે આવ્યું છે.
પીડિત હિંદુ પરિવારના એક બાળકે ઘટનાને લઈને જણાવ્યું છે કે, “એક યુવક મારી બહેન પર થૂંક્યો હતો, જ્યારે મેં તેને આવું કરવાની ના પાડી તો તે મારપીટ કરવા લાગ્યો હતો. અમારી સાથે દુર્વ્યવહાર કરવામાં આવ્યો હતો અને વાળ પકડીને અમને મારવામાં આવ્યા હતા. મારા પિતાજી ઘટનાસ્થળે હાજર નહોતા. તે લોકો ગોવર્ધન પૂજા પર પણ થૂંક્યા હતા. અમે કાર્યવાહીની માંગણી કરીએ છીએ.”
