Saturday, November 16, 2024
More
    Home Blog Page 1160

    વારાણસીના વિવાદિત માળખામાં થતા સર્વે વિરુદ્ધ કોર્ટમાં પહોંચ્યો મુસ્લિમ પક્ષ; ઔવેસીએ કહ્યું- ખૂનામરકીનો રસ્તો ખુલી રહ્યો છે

    ઑપઇન્ડિયા સ્ટાફ
    -
    0
    વારાણસીના વિવાદિત માળખામાં થતા સર્વે વિરુદ્ધ કોર્ટમાં પહોંચ્યો મુસ્લિમ પક્ષ; ઔવેસીએ કહ્યું- ખૂનામરકીનો રસ્તો ખુલી રહ્યો છે

    ઉત્તરપ્રદેશના વારાણસી સ્થિત વિવાદિત માળખા ‘જ્ઞાનવાપી મસ્જિદ’માં શૃંગાર ગૌરીની વિડીયોગ્રાફીનો આજે બીજો દિવસ છે. બપોરે ત્રણ વાગ્યે કોર્ટ કમિશ્નર અજય કુમાર મિશ્રા પક્ષ અને પ્રતિપક્ષ સાથે જ્ઞાનવાપી પરિસર પહોંચ્યા હતા. જોકે, તે પહેલાં મુસ્લિમ પક્ષે કોર્ટમાં એક અરજી દાખલ કરીને કમિશ્નર પર નિષ્પક્ષ રીતે કામ ન કરવાનો આરોપ લગાવ્યો હતો. આ ઉપરાંત કમિશ્નર બદલવાની પણ માંગ કરી હતી. તો બીજી તરફ આ મામલે AIMIM પ્રમુખ અસદુદ્દીન ઓવૈસી દ્વારા પણ પ્રતિક્રિયા આપવામાં આવી છે.

    રિપોર્ટ અનુસાર, મુસ્લિમ પક્ષના વકીલ અભયનાથ યાદવનું કહેવું છે કે કોર્ટમાં મસ્જિદની અંદર વિડીયોગ્રાફી કરવાનો આદેશ આપવામાં આવ્યો નથી. વિડીયોગ્રાફી માત્ર બહારના ચબૂતરાની કરવામાં આવનાર છે. મુસ્લિમ પક્ષના વકીલોએ આરોપ લગાવ્યો હતો કે મસ્જિદની દીવાલોને નુકસાન પહોંચાડવાના પ્રયાસો કરવામાં આવ્યા હતા, જેથી કોર્ટ કમિશ્નર બદલી નાંખવામાં આવે.

    દરમ્યાન, સર્વેના એક દિવસ પહેલાં મુસ્લિમોએ નારાબાજી કરવાના કારણે સુરક્ષા વ્યવસ્થા કડક બનાવવામાં આવી હતી. તંત્રે 1000 પોલીસ અને પીએસીના જવાનોને એક કિલોમીટરના વિસ્તારમાં તહેનાત રાખવામાં આવ્યા હતા.

    વિવાદિત માળખા જ્ઞાનવાપી પરિસરમાં થતા સર્વે મામલે AIMIM પ્રમુખ ઔવેસી દ્વારા પણ પ્રતિક્રિયા આપવામાં આવી છે. તેમણે કહ્યું કે આ નિર્ણય મુસ્લિમ વિરોધી હિંસાના રસ્તા ખોલી આપશે. તેમણે ટ્વીટમાં કહ્યું, ‘કોર્ટ દ્વારા સુપ્રીમ કોર્ટની ખુલ્લેઆમ અવગણના કરવામાં આવી રહી છે તે દુર્ભાગ્યપૂર્ણ બાબત છે. આ આદેશથી કોર્ટ 1980-1990 ના દાયકાની રથયાત્રા દરમિયાન થયેલ ખૂનામરકી અને મુસ્લિમ વિરોધી હિંસાનો રસ્તો ખોલી રહી છે.

    વિવાદિત માળખાના સર્વેના એક દિવસ પહેલાં કાશી વિશ્વનાથ મંદિરમાં ગેટ નંબર 4માંથી સર્વે ટીમ અંદર જતી હતી તે દરમિયાન ત્યાં અલ્લાહુ અકબરના નારા લાગ્યા હતા. જ્યાં બીજી તરફ હિંદુ પક્ષે પણ હરહર મહાદેવના નારા લગાવ્યા હતા. નોંધવું જોઈએ કે આ વિવાદિત માળખાના એક ભાગની દેખરેખ કરનાર અંજુમન ઇન્તેજામિયા મસ્જિદ સમિતિ સતત આ સર્વેનો વિરોધ કરી રહી છે. કોર્ટનો આદેશ આવ્યા બાદ સમિતિના સંયુક્ત સચિવે કહ્યું હતું કે કોઈને પણ માળખામાં પ્રવેશવા દેવામાં આવશે નહીં અને તેઓ તે માટેના પરિણામો માટે તૈયાર છે.

    શું છે મામલો?

    18 ઓગસ્ટ 2021 ના દિવસે વારાણસીમાં પાંચ મહિલાઓએ શૃંગાર ગૌરી મંદિરમાં દરરોજ દર્શન કરવાની માંગ સહિત અન્ય માંગોને લઈને વારાણસીની સિવિલ કોર્ટમાં કેસ દાખલ કર્યો હતો. કોર્ટે આ અરજી સ્વીકારતા સ્થળ પરની સ્થિતિ જાણવા માટે એક કમિશન રચવાનો આદેશ આપ્યો હતો. તેમ છતાં વિવાદિત સ્થળનું નિરીક્ષણ થઇ શક્યું ન હતું.

    વારાણસી સિવિલ જજ (સિનીયર ડિવીઝન ફાસ્ટટ્રેક) જસ્ટિસ રવિ કુમાર દિવાકરે 18 ઓગસ્ટ 2021ના પોતાના પહેલા આદેશને યથાવત રાખી 8 એપ્રિલ 2022 ના રોજ કોર્ટે કમિશ્નર અજય કુમાર મિશ્રાને નિયુક્ત કરી સર્વેક્ષણ અને વિડીયોગ્રાફીની કાર્યવાહી ફરી શરૂ કરવાની પરવાનગી આપી હતી. કોર્ટે સુનાવણી બાદ અરજી ફગાવીને પોતાના પહેલા આદેશને યથાવત રાખ્યો હતો અને 10 મે પહેલાં ઈદ બાદ સર્વેક્ષણ અને વિડીયોગ્રાફીની કાર્યવાહી કરીને આ મામલે રિપોર્ટ માંગીને સુનાવણીની તારીખ 10 મે 2022 મુકરર કરી છે.

    હિંદુસ્તાન ટાઈમ્સે ભાજપને ગુંડાઓની પાર્ટી ગણાવી, વિવાદ થતાં ટેકનિકલ ખામીનું બહાનું ધર્યું : તજિંદર બગ્ગાની ધરપકડ મામલે કરી હતી પોસ્ટ

    ઑપઇન્ડિયા સ્ટાફ
    -
    0
    હિંદુસ્તાન ટાઈમ્સે ભાજપને ગુંડાઓની પાર્ટી ગણાવી, વિવાદ થતાં ટેકનિકલ ખામીનું બહાનું ધર્યું : તજિંદર બગ્ગાની ધરપકડ મામલે કરી હતી પોસ્ટ

    ગઈકાલે (7 મે 2022) પંજાબ પોલીસ દ્વારા ભાજપ નેતા તેજિંદર પાલ સિંઘ બગ્ગા અને તેમની ધરપકડનો મામલો દિવસભર ચર્ચામાં રહ્યો હતો. આમ આદમી પાર્ટી શાસિત પંજાબ રાજ્યની પોલીસ ભાજપ નેતાના ઘરમાં ઘૂસી ગઈ હતી અને તેમની ધરપકડ કરી હતી તેમજ તેમના વૃદ્ધ પિતા સાથે ઝપાઝપી પણ કરી હતી. તજિંદર પાલ સિંઘની ધરપકડ મામલે ત્રણ રાજ્યોની પોલીસ સામસામે આવી ગઈ હતી. જોકે, બગ્ગાની ધરપકડ મામલે એક સમાચાર પોસ્ટ કરતા હિંદુસ્તાન ટાઈમ્સ દ્વારા ભાજપને ગુંડાઓની પાર્ટી ગણાવી દેવામાં આવતા યુઝરોએ મીડિયા હાઉસની ખૂબ ટીકા કરી હતી.

    પંજાબ પોલીસે ભાજપ નેતા તજિંદર પાલ સિંઘ બગ્ગાની ધરપકડ બાદ દિલ્હીમાં પંજાબ પોલીસ વિરુદ્ધ અપહરણનો કેસ દાખલ કરવામાં આવ્યો હતો. જે બાદ ભાજપ નેતાને લઇ જતી ગાડીને હરિયાણામાં રોકવામાં આવી હતી અને તજિંદર પાલ સિંઘને લઈને દિલ્હી પોલીસ પરત ફરી હતી. જોકે, આ સમગ્ર ઘટનાને લઈને મીડિયાએ કરેલા રિપોર્ટીંગને લઈને ચર્ચા શરૂ થઇ ગઈ છે. તેમાં પણ ‘હિંદુસ્તાન ટાઈમ્સ’ દ્વારા તો એક કદમ આગળ વધીને ભાજપને ગુંડાઓની પાર્ટી ગણાવી દેવામાં હતી.

    તજિંદર પાલ સિંઘ બગ્ગા ધરપકડ કેસ મામલે રિપોર્ટીંગ કરતા હિંદુસ્તાન ટાઈમ્સ મીડિયા હાઉસના ટ્વીટર પર સમાચાર શેર કર્યા હતા. જેની સાથે લખવામાં આવ્યું હતું, ‘શુક્રવારે નાટકીય ઘટનાક્રમ વચ્ચે ‘ભાજપ-ગુંડાઓની પાર્ટી’ના નેતા તજિંદર પાલ સિંઘ બગ્ગાને પંજાબ પોલીસે ગિરફ્તાર કરી લીધા હતા, જે બાદ કેટલાક કલાકો બાદ તેમને દિલ્હી પરત લાવવામાં આવ્યા હતા.”

    હિંદુસ્તાન ટાઈમ્સે કરેલા આ વિવાદિત ટ્વીટને લઈને ઇન્ટરનેટ અને ખાસ કરીને ટ્વીટર યુઝરોમાં ચર્ચા શરૂ થઇ ગઈ હતી તો મીડિયા હાઉસે કેટલાક યુઝરોની ટીકાનો સામનો કરવો પડ્યો હતો. દરમ્યાન, JNU પ્રોફેસર અને ટ્વીટર પર જાણીતી હસ્તી ડૉ. આનંદ રંગનાથને હિંદુસ્તાન ટાઈમ્સના ટ્વીટને ક્વોટ કરતા કહ્યું હતું કે ભાજપ વિશે જો તેઓ આવા શબ્દોનો ઉપયોગ કરતા હોય તો આમ આદમી પાર્ટીને લઈને તેઓ શું કહેશે?

    બીજી તરફ, હિંદુસ્તાન ટાઈમ્સે આ મામલે બચાવ કરતા ટેકનિકલ ખામીનું કારણ ધર્યું હતું. મીડિયા હાઉસે ટ્વીટ કરતા કહ્યું, ‘ટ્વીટડેકના ઓટોપોલ ફીચરથી ભાજપ માટે આવું હેશટેગ વપરાઈ ગયું અને તે બાબતે ધ્યાન જાય અને સુધારવામાં આવે તે પહેલાં ટ્વીટ પોસ્ટ થઇ ગયું હતું. આ ભૂલ માટે અમે દિલગીર છીએ.’ હિંદુસ્તાન ટાઈમ્સ આગળ જણાવે છે કે, ‘અમે અમારી સોશિયલ મીડિયા પ્રકાશન પ્રક્રિયાની સમીક્ષા કરી રહ્યા છીએ અને ભવિષ્યમાં આવું ન થાય તે માટે ખૂટતું કરી રહ્યા છીએ.’

    જોકે તેમ છતાં હિંદુસ્તાન ટાઈમ્સે આ દરમિયાન લોકોની ટીકાનો સામનો કરવો પડ્યો હતો. એક વ્યક્તિએ લખ્યું કે ભૂતકાળમાં HTએ નીતિ આયોગના CEO અમિતાભ કાન્તના નિવેદનને લઈને પણ જુઠ્ઠાણું ફેલાવ્યું હતું, જે બાદ તેમણે સ્પષ્ટતા કરવી પડી હતી કે તેમણે આવું કોઈ નિવેદન આપ્યું નથી. તેમના હવાલેથી ખોટા સમાચારો છપાયા હતા અને જેમાં લખવામાં આવ્યું હતું કે તેમણે ભારતમાં ‘જરૂરિયાત કરતા વધુ પડતા લોકતંત્ર’ની વાત કરી હતી, પરંતુ સ્પષ્ટતા થઇ હતી કે તેઓ મેન્યુફેક્ચરિંગ સેક્ટર અંગે વાત કરી રહ્યા હતા.

    વધુમાં, રાજકીય વિશ્લેષક ઋષિ બાગરીએ હિંદુસ્તાન ટાઈમ્સને પૂછ્યું હતું કે શું તેમનું ઓટોપોલ ફીચર માત્ર એક જ પાર્ટી વિરુદ્ધ કામ કરે છે? તેમણે આશ્ચર્ય વ્યક્ત કરતા કહ્યું કે આટલી ચોકસાઈથી કોઈ વાક્યની વચ્ચે આ પ્રકારનું હેશટેગ વાપરવું એ તકનીકી ભૂલ ન હોય શકે.

    બીજી તરફ, સોશિયલ મીડિયામાં એવું પણ કહેવામાં આવી રહ્યું છે કે ઘણી મીડિયા સંસ્થાઓને આમ આદમી પાર્ટી તરફથી જાહેરાતો મળતી રહે છે, તેથી જ તેઓ તજિંદર બગ્ગાના કેસમાં ટિપ્પણી કરવાથી દૂર રહ્યા છે અને ઉપરથી ભાજપને જ દોષી ઠેરવી રહ્યા છે.

    ઝારખંડના CM સોરેનના નજીકના IAS અને તેમના અંગત લોકોને ત્યાં EDના દરોડા; 25 કરોડ રોકડા મળી આવ્યા સસરાની ધરપકડ

    ઑપઇન્ડિયા સ્ટાફ
    -
    0
    ઝારખંડના CM સોરેનના નજીકના IAS અને તેમના અંગત લોકોને ત્યાં EDના દરોડા; 25 કરોડ રોકડા મળી આવ્યા સસરાની ધરપકડ
    IAS પૂજા તેના પતિ સાથે અને હેમંત સોરેન, તસ્વીર સાભાર Opindia Hindi

    ઝારખંડના મુખ્યમંત્રીના ખાસ તેમજ ખાણ ખનીજ તથા ભૂવિજ્ઞાન વિભાગના સચિવ અને ઝારખંડ રાજ્ય ખનીજ નિગમ લીમીટેડના પ્રબંધ નિદેશક IAS પૂજા સિંઘલ ઝા અને તેમના લગભગ 20 જેટલાં અંગત લોકોના ત્યાં ED એ દરોડા પાડયા હતા.

    આ દરોડામાં એજેન્સીને લગભગ 25 કરોડ મળ્યા હતાં, પૈસા ગણવા મશીન મંગાવવું પડ્યું હતું. સમાચાર એ પણ છે કે પુજાના ઘરેથી 25 કરોડ રોકડા ઝડપાયા છે. તો બીજી તરફ અન્ય મીડિયા રીપોર્ટ મુજબ પુજાના CA ના ત્યાંથી પણ 17 કરોડ રૂપિયા રોકડા જપ્ત થયા હોવાની ચર્ચાઓ જોર પકડી રહી છે, સાથેજ સોરેન ના અંગત ગણાતા કારોબારી અમિત અગ્રવાલના ત્યાં પણ દરોડા પડ્યા હોવાનું સામે આવ્યું છે.

    સસરા કામેશ્વર ઝાની ધરપકડ

    આ ઉપરાંત IAS અધિકારી પુજાના પતિ અભિષેક ઝા અને સસરા ના બિહાર સ્થિત મુજફ્ફરપુર અને મધુબનીના ઠેકાણાઓ પર પણ દરોડા પડ્યા હતા. મળતી માહિતી મુજબ ઝારખંડ કેડરની આ IAS અધિકારીના સસરા કામેશ્વર ઝાની મધુબની સ્થિત તેમના ઘરેથી ધરપકડ કરાઈ છે, ઝા પહેલા દરભંગાના જનસંપર્ક વિભાગના અધિકારી રહી ચુક્યા છે, અને પૂજાનાં બીજા પતિ અભિષેકના પિતા છે.

    પતિ અભિષેક ઝા ના ઠેકાણાઓ પર પણ દરોડા

    પ્રવર્તન નીદેશાલય (ED)ની ટીમે એક સાથે ઝારખંડના રાંચી, ધનબાદ,ખુંટી,જયપુર,ફરીદાબાદ,ગુરુગ્રામ, કલકત્તા, મુજફ્ફરપુર, દરભંગા, મધુબની, અને દિલ્હી NCRમાં દરોડા પડ્યા છે. પૂજા સિંઘલે IAS પતિ રાહુલ પુરવાર સાથે છુટાછેડા બાદ કારોબારી અભિષેક ઝા સાથે લગ્ન કર્યા છે. ED એ અભિષેક ઝા ના રાંચી સ્થિત કાંકે રોડના ચાંદની ચોક્માવેલા પંચવટી રેસીડેન્સી, લાલપુરના હરિઓમ ટાવર સ્થિત નવી બિલ્ડીંગ અને બરીયાતુના પલ્સ હોસ્પીટલમાં પણ દરોડા પડયા હતા.

    ED એ મનરેગા ભ્રષ્ટાચારના સંબંધિત એક મામલામાં આ દરોડા પડયા હતા,ED એ ઝારખંડ હાઈકોર્ટને જણાવ્યું હતું કે ઝારખંડના ખુંટી જીલ્લામાં મનરેગામાં 18.06 કરોડનો ભ્રષ્ટાચાર થયો તે સમયે ત્યાંના ડેપ્યુટી કમિશ્નર પૂજા સિંઘલ હતા. આ જ મામલે ત્યાના જુનીયર એન્જીનીયર રામ વિનોદ પ્રસાદ સિન્હાની પહેલાજ ધરપકડ કરી જેલના સળિયા પાછળ ધકેલી દેવામાં આવ્યો છે. તેણે ED ને જાણકારી આપી હતી કે ભ્રષ્ટાચારમાં કમીશનની રકમ ડેપ્યુટી કમિશ્નર કચેરી સુધી પહોંચતી હતી.

    અહીને નોંધનીય છે કે ઝારખંડ ઉચ્ચ ન્યાયાલયના વરિષ્ઠ સલાહકાર રાજીવ કુમારે પૂજા સિંઘલના વિરુદ્ધમાં આવક કરતા વધુની સંપત્તિને લઈને EDને ફરિયાદ પણ સોંપી હતી. ફેબ્રુઆરી 2022મા મોકલેલી પોતાની ફરિયાદમાં રાજીવે આરોપ લગાવ્યા હતા કે પૂજા પોતાની મન મરજીથી રેતી ખનનના કોન્ટ્રાકટ પોતાના પસંદના કોન્ટ્રાકટરને આપતી રહી છે.

    જયારે CM પાસે પૂજાની હાજરીમાં ફરિયાદીએ લાંચ લેવામાં જણાવ્યું પૂજાનું નામ

    પૂજા સિંઘલ પર અવારનવાર લાંચખોરીના આરોપો લગતા રહ્યા છે. એક વાર તો તેની સામેજ એક વ્યક્તિએ તેનું નામ લઇ લીધું હતું. સોરેન પહેલા રાજ્યમાં રઘુવર દાસના નેતૃત્વમાં ભાજપની સરકાર હતી, તે સમયે રઘુવર દાસ સુચના ભવનમાં જનસંવાદનું આયોજન કરીને સામાન્ય લોકોને મળી રહ્યા હતા, તે દરમ્યાન ધનબાદનો એક વ્યક્તિ તેમને મળવા આવ્યો હતો.

    ધનબાદથી આવેલા તે વ્યક્તિએ રઘુવર દાસને જણાવ્યું કે “ધનબાદ માર્કેટિંગ બોર્ડમાં તેની દુકાન છે, અને ત્યાનો અધિકારી તેની પાસે પૈસા માંગે છે. તે અધિકારી કહે છે કે રાંચીમાં કોઈ મેડમ છે પૂજા સિંઘલ, તેમની પાસે પણ પૈસા પહોંચાડવા પડે છે.” ફરિયાદી જયારે આ કહી રહ્યો હતો ત્યારે પૂજા સિંઘલ રઘુવર દસ સાથે ત્યાજ હાજર હતી. ફરિયાદીના મોઢે પોતાનું નામ સાંભળીને તે હેબતાઈ ગઈ હતી, અને શરમજનક પરિસ્થિતિમાં મૂકી ગઈ હતી, પૂજા તે સમયે કૃષિ સચિવ હતી.

    પૂજા સિંઘલપર ભ્રષ્ટાચારના ગંભીર આરોપ

    પૂજા સિંઘલ પર ભ્રષ્ટાચારના અનેક આરોપો છે, તેના પર રાજ્યના ચતરા, ખુંટી, અને પલામુ જીલ્લામાં ડેપ્યુટી કમિશ્નર રહેવા દરમ્યાન નાણાકીય અનિયમિતતાના આરોપો લાગેલા છે. ખુન્ટીમાં મનરેગા યોજનામાં 18.06કરોડનો ભ્રષ્ટાચાર થયો ત્યારે પણ ત્યાં પૂજા ઉપાયુક્ત હતી. તો બીજી તરફ ચતરામાં પણ ઓગસ્ટ 2007 થી 2008 દરમ્યાન પૂજા સિંઘલની નિયુક્તિ બાદ ભ્રષ્ટાચાર થયા હોવાના આરોપ છે.

    પલામુમાં ઉપાયુક્ત રહેવા દરમ્યાન પૂજાએ લગભગ 83 એકર જમીન એક ખાનગી કંપનીને ખાનન કરવા ટ્રાન્સફર કરી દીધી હતી. પૂજા સિંઘલ ઉપર મુખ્યમંત્રી હેમંત સોરેન, તેના ભાઈ અને નજીકના લોકોને કોડીઓના ભાવમાં ખાણ ખનન માટે આપવાના આરોપ છે.

    ‘મોદીજીના અશ્વમેઘને રોકવાની કોઈની તાકાત નથી’ : સુરતમાં વન ડે વન ડિસ્ટ્રિક્ટ કાર્યક્રમ દરમિયાન સી આર પાટીલ ગર્જયા

    ઑપઇન્ડિયા સ્ટાફ
    -
    0
    ‘મોદીજીના અશ્વમેઘને રોકવાની કોઈની તાકાત નથી’ : સુરતમાં વન ડે વન ડિસ્ટ્રિક્ટ કાર્યક્રમ દરમિયાન સી આર પાટીલ ગર્જયા

    ગુજરાત વિધાનસભા ચૂંટણી નજીક આવતાની સાથે તમામ રાજકીય પક્ષોએ ચૂંટણી જીતવા તૈયારી શરૂ કરી છે. જે અંતર્ગત પ્રધાનમંત્રી મોદી, દિલ્લીના મુખ્યમંત્રી અરવિંદ કેજરીવાલ અને કોંગ્રેસ નેતા રાહુલ ગાંધી પણ ગુજરાતનો પ્રવાસ કરવાના છે, એવા સમયે ભાજપ પ્રદેશ પ્રમુખ સી.આર. પાટીલ આજે સુરત જિલ્લાની મુલાકાતે છે. કડોદરા આકડા મુખી હનુમાન મંદિર ખાતે વન ડે વન ડિસ્ટ્રિક્ટ કાર્યક્રમ હેઠળ સંમેલનનું આયોજન કરવામાં આવ્યું છે. જેમાં તેઓએ ખાસ હાજરી આપી હતી.

    ભાજપ અધ્યક્ષ સી આર પાટીલનું મિશન 2022 વન ડે વન ડિસ્ટ્રિક્ટ હેઠળ આજે સુરત જિલ્લામાં કાર્યક્રમ યોજાયો હતો. જેમાં પેજ પ્રમુખોના સંમેલન સાથે ભાજપ અધ્યક્ષ કાર્યક્રમ સ્થળે પહોંચ્યા હતા. સુરતમાં વન ડે વન ડિસ્ટ્રિક્ટ કાર્યક્રમમાં ભાજપ પ્રદેશ અધ્યક્ષ સી.આર. પાટીલે અરવિંદ કેજરીવાલ અને રાહુલ ગાંધી પર આકરા પ્રહારો કર્યા હતા. તેમણે જણાવ્યું હતું કે, ‘મહાઠગ ગુજરાત આવે છે, ગુજરાતની જનતા તેનાથી ચેતીને રહેજો.’

    સુરતમાં વન ડે વન ડિસ્ટ્રિક્ટ કાર્યક્રમમાં આપ અને કોંગ્રેસ પર સી.આર. પાટીલે અરવિંદ કેજરીવાલ અને રાહુલ ગાંધી પર આકરા શબ્દોમાં વરસ્યા હતા. તેમણે જણાવ્યું હતું કે, “ગુજરાતમાં મહાઠગ આવે છે, લોકો સાવધાન રહે, એક મહાઠગ ગુજરાત આવી રહ્યો છે. ગુજરાતની જનતા જાણે છે કે આ ઠગ કોણ છે?” પાટિલે જણાવ્યું હતું કે, “હવે જ્યારે એમનો ઉલ્લેખ કરો ત્યારે માત્ર ઠગ જ કહેજો. મહાઠગની એક પણ સીટ પર ડિપોઝિટ ન બચવી જોઈએ. મહાઠગની ડિપોઝીટ ન બચે એ આપણે જોવાનું છે.”

    પાટિલે ઉમેર્યું હતું કે, “દેડકાઓ ડ્રાઉ-ડ્રાઉ કરતા-કરતા આવી જાય છે, એમ કેટલીક પાર્ટીના દેડકાઓ આવી જાય છે. તેમ ગુજરાતમાં મહાઠગ આવી રહ્યા છે. ઠગ મફતની ઓફર કરે છે. પરંતુ મારે તેમણે જણાવવાનું છે કે, ગુજરાતને મફતનું કઈ સદતું નથી. ગુજરાતને મફતની લાલચ આપવાથી લાભ નહીં થાય.” પાટીલે રાહુલ ગાંધી પર પ્રહાર કરતા જણાવ્યું હતું કે, “એક પપ્પુ છે જેણે પાર્ટીનું ધનોતપનોત કાઢી નાખ્યું છે.” સી.આર.પાટીલે વધુમાં જણાવ્યું હતું કે, “અહીં નેટવર્કના ઇસ્યુ છે ત્યાંથી પણ જજો. આટલા તાપમાં કાર્યકર્તાઓની સંખ્યા જોઈ કેટલાય ના છાતીના પાટિયા બેસી ગયા હશે. નરેન્દ્ર મોદીના યજ્ઞને રોકવાની કોઈની તાકાત નથી. ભાજપા પાર્ટી વિથ ડિફરન્સ તરીકે ઓળખાય છે.” પાટિલે જણાવ્યું કે, “બીજેપીનો એકેય કાર્યકર એક પણ રજા પર ન હતો. ચૂંટણી સામે રજા પાડે એ કાર્યકરોના લોહીમાં નથી.”

    કાર્યક્રમમાં મોટી સંખ્યામાં કાર્યકર્તાઓ હાજર રહ્યા હતા. (ફોટો : ટ્વિટર સી આર પાટીલ)

    સી.આર. પાટીલે વધુમાં જણાવ્યું હતું કે, બીજેપી દ્વારા વન ડે વન ડિસ્ટ્રિક્ટ કાર્યક્રમ 33 જિલ્લા અને 8 મહાનગરપાલિકામાં કાર્યક્રમ નું આયોજન કરવામાં આવ્યું છે. જેમાં પેજકમીટીની સભા અને રેલીનું આયોજન કરાયું છે. જેમાં પાટિલ સહિત ભાજપના નેતાઓ તબીબ, વકિલ, સાધુ તમામ લોકો સાથે મુલાકાત કરશે. પેજ કમિટીના સભ્યો સાથે કાર્યકરોની વ્યથા લેખિત સ્વરૂપે આપી શકશે. દરેક જિલ્લામાં મહાનુભવોની પ્રતિમા પણ લગાવવામાં આવશે. 

    મહત્વનું છે કે ગુજરાત વિધાનસભાની ચૂંટણીને લઇને રણનીતિ નક્કી કરવા માટે ભાજપે કમર કસી છે. વન ડે વન ડિસ્ટ્રિક્ટ કાર્યક્રમ હેઠળ સી.આર. પાટીલે સુરતના કાર્યકરો અને સંગઠન સાથે મુલાકાત કરી હતી. બપોર બાદ બારડોલી ખાતે સંમેલનમાં પણ હાજરી આપી હતી. આ ઉપરાંત સી.આર.પાટીલ પ્રવાસ દરમિયાન પદાધિકારીઓ, ધારાસભ્યો, વકીલો અને શિક્ષકો સાથે મુલાકાત કરશે. ઉપરાંત RSSના સ્થાનિક સભ્યો સાથે બેઠક કરશે. જેમાં ચૂંટણીલક્ષી ચર્ચા થવાની સંભાવના છે. 

    રાજસ્થાન હાઈકોર્ટનો આદેશ હોવા છતાં રાજસ્થાન પોલીસ ન્યૂઝ 18ના એડિટર અમન ચોપરાના ઘરે પહોંચી; યુપી પોલીસ તેમને દૂર લઈ ગઈ

    ઑપઇન્ડિયા સ્ટાફ
    -
    0
    રાજસ્થાન હાઈકોર્ટનો આદેશ હોવા છતાં રાજસ્થાન પોલીસ ન્યૂઝ 18ના એડિટર અમન ચોપરાના ઘરે પહોંચી; યુપી પોલીસ તેમને દૂર લઈ ગઈ

    ઓછામાં ઓછા દસ રાજસ્થાન પોલીસ અધિકારીઓ ઉત્તર પ્રદેશના નોઈડામાં પત્રકાર અમન ચોપરાના તેમના ટીવી ડિબેટ શોમાં અલવરમાં મંદિરો તોડવાના કવરેજ માટે તેમની ધરપકડ કરવા માટે તેમના ઘરની બહાર ભેગા થયા હતા. રાજસ્થાન હાઈકોર્ટે આ FIRમાં અમન ચોપરા સામે કોઈ જબરદસ્તી કાર્યવાહી ન કરવી જોઈએ એવો આદેશ પસાર કર્યાની ક્ષણો બાદ આ ઘટના બની છે.

    OpIndia ને માહિતી મળી છે કે રાજસ્થાન પોલીસ અધિકારીઓ નોઈડાની હાઉસિંગ સોસાયટીમાં પ્રવેશ્યા હતા જ્યાં ન્યૂઝ 18 ના પત્રકાર અમન ચોપરા રહે છે. તેમના ટીવી ડિબેટ શોમાં અલવરમાં મંદિરો તોડી પાડવા મુદ્દે કવરેજ કરવા માટે તેમની વિરુદ્ધ દાખલ કરવામાં આવેલા કેસમાં તેમની ધરપકડ કરવા તેઓ તેમના એપાર્ટમેન્ટમાં દાખલ થયા હોવાનું કહેવાય છે.

    રાજસ્થાન પોલીસ ઉપરાંત, ઉત્તર પ્રદેશ પોલીસ પણ આ પત્રકારના નિવાસસ્થાન નજીક પહોંચી છે, કદાચ અમન ચોપરાને રાજસ્થાનના બુંદી પોલીસ સ્ટેશન અને ડુંગરપુરના બિછીવાડા પોલીસ સ્ટેશનમાં નોંધાયેલી બહુવિધ એફઆઈઆર સામે રક્ષણ પૂરું પાડવા માટે.

    અમન ચોપરા વિરુદ્ધ કોર્ટ વોરંટ જારી કરવામાં આવ્યું (ફોટો : OpIndia)

    ડુંગરપુરની મેજિસ્ટ્રેટ કોર્ટ દ્વારા જારી કરાયેલા વોરંટના આધારે આ કેસમાં અમન ચોપરાની ધરપકડ કરવા રાજસ્થાન પોલીસ તેના ઘરે પહોંચી હતી. વોરંટમાં કહેવામાં આવ્યું છે કે પત્રકાર વિરુદ્ધ IPC કલમ 153A, 295A, 124A અને IT એક્ટની અન્ય જોગવાઈઓ હેઠળ કેસ નોંધવામાં આવ્યો છે.

    ન્યૂઝ 18 હિન્દીના સંપાદક ન્યૂઝ 18 સામે 24 એપ્રિલના રોજ કોમી વિખવાદને પ્રોત્સાહન આપવા અને રમખાણો ભડકાવવાના કાવતરાના આરોપમાં ઘણા કેસ નોંધવામાં આવ્યા હતા, ચોપરા વિરુદ્ધ રાજદ્રોહની ગંભીર કલમો પણ ઉમેરવામાં આવી છે.

    સૂત્રોના જણાવ્યા અનુસાર, રાજસ્થાન પોલીસે અમન ચોપરાના એપાર્ટમેન્ટના દરવાજા પર ધરપકડનું વોરંટ ચોંટાડ્યું હતું અને ત્યારબાદ ઉત્તર પ્રદેશ પોલીસ પત્રકારની ધરપકડ કર્યા વિના તેને પોલીસ સ્ટેશન લઈ ગઈ હતી.

    હાઈકોર્ટે એફઆઈઆર પર રોક લગાવી દીધી હતી અને પોલીસને અમન ચોપરા સામે કોઈ જબરદસ્તીભર્યા પગલાં લેવા પર રોક લગાવી હોવા છતાં રાજસ્થાન પોલીસ દ્વારા કરાયેલ આ કામને ડરાવવાની જૂની યુક્તિ તરીકે જોવામાં આવે છે.

    આ પહેલા 1 મેના રોજ રાજસ્થાન પોલીસની એક ટીમ નોઈડામાં ચોપરાની ઓફિસમાં આવી હતી, જો કે તેઓ પત્રકારને મળી શક્યા ન હતા.

    અલવરમાં મંદિરોના ધ્વંસ પરના તેમના શો દરમિયાન, અમન ચોપરાએ તાજેતરમાં જહાંગીરપુરીમાં યોજાયેલી અતિક્રમણ વિરોધી ઝુંબેશને ઉજાગર કરી હતી અને આશ્ચર્ય વ્યક્ત કર્યું હતું કે શું અલવરમાં કરાયેલી કાર્યવાહી જહાંગીરપુરીમાં ડ્રાઇવ-ઇનનો બદલો છે. આ શો પછી, સોશિયલ મીડિયા પર એક સંકલિત હેશટેગ ચલાવવામાં આવ્યો હતો જેમાં અધિકારીઓને ચોપરાને બે ઘટનાને લિંક કરવાનો પ્રયાસ કરવા બદલ ધરપકડ કરવા વિનંતી કરવામાં આવી હતી, જેના કારણે અધિકારીઓએ તેમની સામે કેસ નોંધવા માટે પ્રેરિત કર્યા હતા.

    કોંગ્રેસ પક્ષના સમર્થકો અને કોંગ્રેસ સાથે જોડાયેલા કેટલાક પત્રકારોની માંગને પગલે, અશોક ગેહલોતની આગેવાની હેઠળની સરકારે પત્રકાર અમન ચોપરાની ધરપકડ કરવા માટે પોલીસ દળની મોટી ટુકડી મોકલી હોવાનું જણાય છે.

    1140 માંથી 950 મસ્જિદોને મળી લાઉડસ્પીકરની મંજૂરી, જ્યારે 2400 મંદિરોમાંથી માત્ર 24 ને પરવાનગી : મુંબઈ પોલીસ

    ઑપઇન્ડિયા સ્ટાફ
    -
    0
    1140 માંથી 950 મસ્જિદોને મળી લાઉડસ્પીકરની મંજૂરી, જ્યારે 2400 મંદિરોમાંથી માત્ર 24 ને પરવાનગી : મુંબઈ પોલીસ

    મહારાષ્ટ્ર રાજ્યમાં અઝાન અને લાઉડસ્પીકર વિવાદ વચ્ચે શનિવારે (7 મે 2022) જણાવ્યું હતું કે મુંબઈમાં 1140 મસ્જિદોમાંથી 950 ને નમાઝ માટે લાઉડસ્પીકરનો ઉપયોગ કરવાની પરવાનગી આપવામાં આવી છે. જ્યારે મુંબઈમાં 2400 મંદિરો છે, જેમાંથી માત્ર 24 મંદિરોએ જ લાઉડસ્પીકરનો ઉપયોગ કરવાની મંજૂરી મેળવી છે.

    એક અધિકારી અનુસાર, મુંબઈ પોલીસ પાસે જે આંકડાં ઉપલબ્ધ છે તે અનુસાર મુંબઈમાં માત્ર એક ટકા મંદિરોએ જ પોતાના પરિસરમાં લાઉડસ્પીકરનો ઉપયોગ કરવાની પરવાનગી માંગી છે. આ ઉપરાંત ચર્ચ, ગુરુદ્વારા, બુદ્ધ વિહાર અને પ્રાથના ઘરો વગેરે જેવાં અન્ય પવિત્ર સ્થળો દ્વારા લાઉડસ્પીકરના ઉપયોગ સબંધિત આંકડા મુંબઈ પોલીસ દ્વારા એકત્ર કરવામાં આવી રહ્યા છે. અધિકારીએ વધુમાં જણાવ્યું કે, આ પ્રાર્થના સ્થળોના મેનેજમેન્ટને લાઉડસ્પીકરો લગાવવા માટે પરવાનગી મેળવવા માટે જણાવવામાં આવશે.

    રિપોર્ટ અનુસાર, શહેરની 1140 મસ્જિદોમાંથી અઝાન માટે લાઉડસ્પીકરના ઉપયોગની પરવાનગી માંગતી અરજી મળી હતી, જ્યારે શહેરના કુલ મંદિરોના માત્ર એક ટકા મંદિરો દ્વારા જ પરવાનગી માંગવામાં આવી હતી. જે બાદ શુક્રવારે પોલીસે 950 મસ્જિદો અને 24 મંદિરોને લાઉડસ્પીકરના ઉપયોગની મંજૂરી આપી હતી.

    મુંબઈની મસ્જિદોએ હજારોની સંખ્યામાં અઝાન માટે લાઉડસ્પીકરના ઉપયોગની પરવાનગી માંગી હોય તેવી આ પ્રથમ ઘટના છે. છેલ્લા બે અઠવાડિયાથી મુંબઈ પોલીસને આ પ્રકારની અરજીઓ મળી રહી છે. ખાસ કરીને મહારાષ્ટ્ર નવનિર્માણ સેનાના વડા રાજ ઠાકરેએ આ મુદ્દો ઉઠાવ્યો અને સરકારને તમામ મસ્જિદોમાંથી લાઉડસ્પીકર હટાવવા માટે અપીલ કરી હતી ત્યારબાદ આવી અરજીઓ શરૂ થઇ હતી.

    ઉલ્લેખનીય છે કે મહારાષ્ટ્ર નવનિર્માણ સેનાના અધ્યક્ષ રાજ ઠાકરે દ્વારા મસ્જિદોમાંથી લાઉડસ્પીકરો હટાવવાની માંગ વચ્ચે બુધવારે સાંજે મુંબા પોલીસના કમિશ્નર સંજય પાંડેના કાર્યાલય ખાતે એક બેઠક કરવામાં આવી હતી. જેમાં લાઉડસ્પીકરના ઉપયોગને લઈને ચર્ચા કરવામાં આવી હતી. અધિકારીઓના જણાવ્યા અનુસાર, મંદિરો, મસ્જીદો વગેરે જેવી પવિત્ર જગ્યાઓએ સવારે છ થી રાત્રે દસ વાગ્યા સુધી સુપ્રીમ કોર્ટના દિશાનિર્દેશો હેઠળ લાઉડસ્પીકર વગાડવા માટે કહેવામાં આવ્યું છે.

    બેઠકમાં સામેલ રહેલા મુંબઈના ખરદંડા મંદિરના ટ્રસ્ટી ચિંતામણી નેવતેએ જણાવ્યું કે, રાજનેતાઓએ લોકોની ધાર્મિક ભાવનાઓ સાથે રમત ન રમવી જોઈએ. તેમણે ઉમેર્યું કે, રાજનેતાઓએ ચૂંટણી માટે આવા મુદ્દાઓનો ઉપયોગ ન કરવો જોઈએ. દાદરમાં એક જૈન મંદિરના સચિવે જણાવ્યું કે, ધાર્મિક સ્થળોએ ડેસિબલની સીમા 50 નક્કી કરવામાં આવી છે. તેમણે દાવો કર્યો કે ઘરમાં વપરાતા મિક્સર અને ગ્રાઈન્ડરનો અવાજ તેનાથી વધુ હોય છે.

    મહારાષ્ટ્ર લાઉડસ્પીકર વિવાદ મામલે મનસે અધ્યક્ષ રાજ ઠાકરેએ કહ્યું, “મને જાણ છે ત્યાં સુધી મુંબઈમાં 1140 થી વધુ મસ્જીદોછે. તેમાંથી 135 મસ્જિદોએ દિશાનિર્દેશોનું ઉલ્લંઘન કરીને સવારે પાંચ વાગ્યે અઝાન કરી હતી. અમે રાજ્યમાં શાંતિ ઈચ્છીએ છીએ. હું પોલીસને પૂછવા માંગુ છું કે તેમે માત્ર અમારા કાર્યકર્તાઓ વિરુદ્ધ કાર્યવાહી કરી રહ્યા છો. મારું કહેવું છે કે મસ્જિદોમાંથી તમામ ગેરકાયદેસર લાઉડસ્પીકર હટાવી દેવામાં આવવા જોઈએ. અને જ્યાં સુધી આ લાઉડસ્પીકરો હટાવવામાં નહીં આવે ત્યાં સુધી અમારું આંદોલન ચાલુ રહેશે.

    ઉપરાંત, પહેલી મેના દિવસે ઔરંગાબાદમાં આયોજિત રેલીમાં મનસે અધ્યક્ષ રાજ ઠાકરેએ ચીમકી ઉચ્ચારતા કહ્યું હતું કે જો ચોથી મેના રોજથી મસ્જિદો પરથી લાઉડસ્પીકર હટાવવામાં નહીં આવે તો તેમની પાર્ટીના કાર્યકરો મસ્જિદની સામે લાઉડસ્પીકર પર હનુમાન ચાલીસા વગાડશે. જે બાદ ઘણા મનસે કાર્યકરોએ મુંબઈ, નાસિક, પુણે વગેરે જેવાં સ્થળોએ સવારની અઝાનના સમયે હનુમાન ચાલીસા વગાડી હતી. જે બાદ શાંતિ ભંગ કરવા બદલ તેમની અટકાયત કરી લેવામાં આવી હતી.

    મનજિન્દર સિંહ સિરસાએ મોટો દાવો કર્યો, કહ્યું કે તજિન્દર બગ્ગાની ધરપકડ પાછળ ભોલા ડ્રગ કૌભાંડમાં પંજાબ પોલીસનો હાથ હતો

    ઑપઇન્ડિયા સ્ટાફ
    -
    0
    મનજિન્દર સિંહ સિરસાએ મોટો દાવો કર્યો, કહ્યું કે તજિન્દર બગ્ગાની ધરપકડ પાછળ ભોલા ડ્રગ કૌભાંડમાં પંજાબ પોલીસનો હાથ હતો

    શુક્રવારે (6 મે) રાત્રે બીજેપી નેતા મનજિન્દર સિંહ સિરસાએ દાવો કર્યો હતો કે પંજાબમાંથી બીજેપી પ્રવક્તા તજિન્દર બગ્ગાની ધરપકડ કરવા આવેલા ડેપ્યુટી સુપરિન્ટેન્ડેન્ટ ઑફ પોલીસ (મોહાલી) કેએસ સંધુનો ભૂતકાળ ખરાબ છે. “નામ બદલવાથી વ્યક્તિની ભૂતકાળ અને બદનામ ક્રિયાઓ બદલાતી નથી. આ કે.એસ. સંધુ જે આજે તજિન્દર બગ્ગાને પસંદ કરવા આવ્યા હતા તે જ કુખ્યાત કુલજિન્દર સિંહ છે જેનો ભૂતકાળ ખરાબ છે,” તેમ તેમણે લખ્યું છે.

    સિરસાએ ખુલાસો કર્યો હતો કે ભોલા ડ્રગ કેસના પ્રાથમિક આરોપી સરબજીત સિંહના નિર્દેશ પર કુખ્યાત કુલજિંદર સિંહ સંધુને ડીએસપી (મોહાલી) તરીકે પોસ્ટ કરવામાં આવ્યો હતો. તેમણે દિલ્હીમાં તજિન્દર બગ્ગાની ગેરકાયદેસર ધરપકડ કરવા માટે સંધુને પસંદ કરવા બદલ AAPની ટીકા કરી હતી.

    “સરબજીત પણ બરતરફ કરાયેલા પોલીસ અધિકારી અને ભોલા ડ્રગ કેસમાં ઘણા રાજ્યોની પોલીસ દ્વારા વોન્ટેડ મુખ્ય આરોપી હાલમાં અડધો ડઝન ડ્રગ દાણચોરીના કેસોના સંબંધમાં પંજાબની જેલમાં છે,” સિરસાએ ઉમેર્યું.

    સિરસાએ કલંકિત કોપ સરબજીત સિંહ અને પંજાબના પૂર્વ ડીજીપી સિદ્ધાર્થ ચટ્ટોપાધ્યાય વચ્ચે કથિત રીતે લીક થયેલી વાતચીતની ઓડિયો ક્લિપ પણ શેર કરી છે. સરબજીત કબૂલતા સાંભળી શકાય છે કે કુલજિન્દર સિંઘ સંધુ તેના ‘સંપૂર્ણ વિશ્વાસ’ નો માણસ છે અને તેના ઇશારે ગેરકાયદેસર કામગીરી કરી શકે છે.

    “ડીએસપી કુલજિન્દરને ડ્રગ લોર્ડ સરબજીતની સૂચના પર પોસ્ટ કરવામાં આવ્યો હતો, જેની એનઆઈએ દ્વારા આતંકવાદીઓ અને ડ્રગ સ્મગલરો સાથેના તેના સંબંધો માટે પણ તપાસ કરવામાં આવી રહી છે, ચંદીગઢ સ્થિત અખબાર, ડેઈલી વર્લ્ડે એક રેકોર્ડિંગનો પર્દાફાશ કર્યા પછી, જેમાં સરબજીત સ્પષ્ટ રીતે સાંભળી શકાય છે.” એમણે જણાવ્યુ.

    “સરબજીતે પંજાબના તત્કાલિન ડીજીપી સિદ્ધાર્થ ચટ્ટોપાધ્યાયને ડીએસપી કુલજિંદરને મોહાલીમાં પોસ્ટ કરવા સૂચના આપી હતી. આ “ડિફોલ્ટર કોપ” કુલજિન્દર કે જેઓ ગુનેગારો સાથે સંબંધ ધરાવે છે અને સરબજીત જેવા ડ્રગ સ્મગલરો દ્વારા આશ્રયદાતા છે તેનો આજે AAP પંજાબ સરકાર દ્વારા તેના ગુનેગાર તરીકે ઉપયોગ કરવામાં આવ્યો હતો,” સિરસાએ તેમના દાવાઓને પુનરોચ્ચાર કર્યો.

    તેમણે વધુમાં AAP (પંજાબ) પર કુખ્યાત કુલજિન્દર સિંહ સંધુનો ઉપયોગ ગેરકાયદેસર કામગીરી કરવા અને તેમના રાજકીય વિરોધીઓને ડરાવવાનો આરોપ લગાવ્યો હતો.

    કુખ્યાત ભોલા ડ્રગ કેસ

    ફેબ્રુઆરી 2019 માં, મોહાલીની વિશેષ સીબીઆઈ કોર્ટે પંજાબ પોલીસના ભૂતપૂર્વ ડીએસપી જગદીશ ભોલાને ડ્રગની દાણચોરીના કેસમાં તેની સંડોવણી બદલ 12 વર્ષની સખત કેદની સજા ફટકારી હતી. તેમની પાસેથી અફીણમળી આવ્યા બાદ 2004માં તેમને સેવામાંથી બરતરફ કરવામાં આવ્યા હતા.

    ભારતમાંથી અન્ય દેશોમાં સિન્થેટિક ડ્રગ સ્યુડોફેડ્રિનની દાણચોરી કરવા બદલ તેની 2013માં ધરપકડ કરવામાં આવી હતી. ભોલાએ ડ્રગ્સના પૈસાથી કરોડોની સંપત્તિ ખરીદી હતી. તેનું સમગ્ર રેકેટ આશરે ₹6000 કરોડનું હોવાનો અંદાજ છે. ભોલા ઉપરાંત 23 અન્ય લોકોને વિવિધ આરોપોમાં દોષિત ઠેરવવામાં આવ્યા હતા.

    સરબજીત સિંહ ભોલા ડ્રગ કેસમાં ઘોષિત અપરાધી છે. પૂર્વ ડીએસપી ચટ્ટોપાધ્યાયની સહી બનાવટી બનાવવા અને બઢતીના નકલી ઓર્ડર જારી કરવા બદલ તે હાલમાં જેલમાં છે. 2013માં તેના નયાગાંવના ઘરમાંથી 2.6 કિલો અફીણ જપ્ત કરવામાં આવ્યા બાદ તેની ધરપકડ કરવામાં આવી હતી. કુખ્યાત કુલજિન્દર સિંહ સંધુ એ આ સરબજીતનો માંસ હોવાનું સિરસાએ ખુલાસો કર્યો છે.

    1993 મુંબઈ બ્લાસ્ટમાં RDXના લેન્ડીગ પોઈન્ટ રહી ચુકેલા ગોસાબારા બંદર ખાતે માછીમારી પરવાના નથી અપાતા

    Krunalsinh Rajput
    -
    0
    1993 મુંબઈ બ્લાસ્ટમાં RDXના લેન્ડીગ પોઈન્ટ રહી ચુકેલા ગોસાબારા બંદર ખાતે માછીમારી પરવાના નથી અપાતા

    ગુજરાતના પોરબંદર જીલ્લાનું ગોસાબારા બંદર ફરી એક વખત ચર્ચામાં છે, 600 જેટલાં મુસ્લિમ માછીમારોની ગુજરાત હાઇકોર્ટમાં વિવાદિત અરજી બાદ ગોસાબારા બંદર ફરી સમાચારપત્રો તેમજ મેઈન સ્ટ્રીમ મીડિયામાં છવાયું છે.

    સભાર : ગુજરાત હાઇકોર્ટ

    ગુજરાત 1600 કિલોમીટર જેટલો દરિયાકિનારો ધરાવે છે, જે દેશમાં સૌથી લાંબો દરિયાઈ તટ છે. લગભગ 30 હજાર કરતાં વધુ બોટ તથા નાનાં જહાજો ગુજરાતના સરકારી ચોપડે નોંધાયેલાં છે.ખુલ્લા દરિયામાં આંતરરાષ્ટ્રીય જળસીમામાં તેમની પ્રવૃત્તિઓ ઉપર નજર રાખવી સુરક્ષા વિભાગો દ્વારા પડકાર રૂપ હોવા છતાં રાજ્ય તથા રાષ્ટ્રીય સુરક્ષા એજન્સીઓ ગુજરાતની દરિયાઈ સીમાઓ પર બાજ નજર રાખે છે.

    કાશ્મીર,પંજાબ,રાજસ્થાન તથા અન્ય ભૂ.સરહદીય વિસ્તારોપર ભારતીય સુરક્ષા દળોના સુરક્ષા ઘેરના મજબુત બન્યા બાદ પાકિસ્તાન તથા અન્ય પાડોસી દેશોથી ડ્રગ્સ અને ઘાતક વિસ્ફોટકો અને હથિયારોની સાથેની આતંકવાદી ઘુસપેઠો અશક્ય બનતા છેલ્લાં કેટલાંક સમયથી ગુજરાતના દરિયાઈ વિસ્તારનો ઉપયોગ ડ્રગ્સ માફિયાઓ દ્વારા ટ્રાન્ઝિટ રૂટ તરીકે કરવાની કોશિશો કરવામાં આવે છે, પરંતુ જાંબાજ ગુજરાત ATS,કોસ્ટગાર્ડ તથા ગુજરાત પોલીસના દિલધડક ઓપરેશન ઘુસપેઠની મેલી મુરાદ પર પાણી ફેરવી દે છે.

    શા માટે ગોસાબારા ખાતે નથી અપાતા માછીમારીના પરવાના?

    પોરબંદર જિલ્લા કલેક્ટરે વહીવટી તંત્રને કર્લી જળાશય અને આસપાસમાં હોડી મારફતે ફિશિંગ નહિ કરવાના આદેશ આપ્યા છે. પોરબંદરના સ્થાનિક મીડિયા અહેવાલ મુજબ આ પહેલા પણ વર્ષ 2019માં પણ નવી બંદર ગામ ખાતે ગોસાબારાના લોકોને માછીમારીનો પરવાનો ન આપવા વિવિધ સંસ્થાઓએ જિલ્લા કલેકટરને લેખિત રજૂઆત કરી હતી, સ્થાનીક લોકોની રજૂઆત મુજબ ઝનૂની સ્વભાવ તેમજ ગુનાહિત પ્રવૃત્તિઓ ધરાવે છે. તેમના વિરૃધ્ધમાં નવીબંદર ખારવા જ્ઞાતિના પ્રમુખ,નવીબંદર ગ્રામ પંચાયતના અગ્રણીઓ બળેજ ના અગ્રણીઓ, તેમજ મોટી સંખ્યામાં ગ્રામજનોએ જીલ્લા કલેક્ટરને રજૂઆત કરી હતી.

    1993 મુંબઈ બ્લાસ્ટમાં ગોસાબારા બંદરની ભૂમિકા

    1993 મુંબઈ બ્લાસ્ટના ખોફનાક દ્રશ્યો, તસ્વીર સાભાર : opindia

    દેશના આર્થિક પાટનગર મુંબઈમાં વર્ષ ૧૯૯૩માં શ્રેણીબધ્ધ થયેલા બોમ્બ ધડાકાઓએ સમગ્ર દેશને હચમચાવી નાખ્યો હતો. સમગ્ર દેશની તપાસ એજન્સીઓ ધડાકાની તપાસમાં જોતરાઈ ગઈ હતી જેમાં મુંબઈ બોમ્બ બ્લાસ્ટમાં વપરાયેલું આરડીએક્સ અને અન્ય હથિયારો પોરબંદરમાં ગોસાબારા બંદર પર લેન્ડીંગ કરવવવામાં આવ્યા હોવાનું ખૂલ્યું હતું જેનો ગુન્હો પોરબંદરમાં નોંધાયો હતો જેમાં મમુમિંયા પંજુમિંયાનું નામના ઇસમ ની ધરપકડ કરવામાં આવી હતી.

    પોરબંદરના મુસ્લિમ સમાજ વતી અરજી દાખલ કરાઈ

    તાજેતરમાંજ ગુજરાત હાઇકોર્ટ સમક્ષ ગોસાબારાના 100 જેટલા મુસ્લિમ પરિવારોના 600 લોકોએ એકસાથે સામુહિક ઈચ્છામૃત્યુ માટેની અરજી કરી છે.ગુજરાત હાઇકોર્ટ સમક્ષ પોરબંદર જિલ્લાના ગોસાબારા મુસ્લિમ માછીમાર સમાજના અલ્લારખ્ખા ઇસ્માઇલ થીમ્મર દ્વારા અરજી દાખલ કરવામાં આવી છે. મુસ્લિમ સમાજના લોકો ગોસાબારા ખાતે માછીમારીના ક્ષેત્ર સાથે જોડાયેલા છે.

    ખરગોનના સ્થાનિકોએ કોંગ્રેસના પ્રતિનિધિમંડળને ભગાડ્યું, ગયા મહિને થયેલી હિંદુ વિરોધી હિંસાનું રાજનીતિકરણ કરવા માટે ‘દિગ્વિજય સિંહ મુર્દાબાદ’ ના નારા લગાવ્યા

    ઑપઇન્ડિયા સ્ટાફ
    -
    0
    ખરગોનના સ્થાનિકોએ કોંગ્રેસના પ્રતિનિધિમંડળને ભગાડ્યું, ગયા મહિને થયેલી હિંદુ વિરોધી હિંસાનું રાજનીતિકરણ કરવા માટે ‘દિગ્વિજય સિંહ મુર્દાબાદ’ ના નારા લગાવ્યા

    5 મેના રોજ વિવિધ સોશિયલ મીડિયા પ્લેટફોર્મ પર એક વીડિયો વાયરલ થયો હતો, જેમાં ગુરૂવારે મધ્યપ્રદેશના ખરગોનના હુલ્લડગ્રસ્ત વિસ્તારમાં આવેલા કોંગ્રેસના પ્રતિનિધિમંડળની સામે કેટલાક ગુસ્સે થયેલા સ્થાનિકો, જેમાં મોટાભાગની મહિલાઓ હતી, ‘દિગ્વિજય સિંહ મુર્દાબાદ’ સૂત્રોચ્ચાર કરતા જોવા મળ્યા હતા. કોંગ્રેસના પ્રતિનિધિમંડળ, જેમાં તેના 5 ધારાસભ્યો અને કેટલાક અન્ય નેતાઓ હતા, બાદમાં ગુસ્સે થયેલા સ્થાનિકો દ્વારા પીછો કરવામાં આવ્યો હતો જેમણે પક્ષ પર ઘટનાનું રાજનીતિકરણ કરવાનો અને ખરગોનને બદનામ કરવાનો આરોપ મૂક્યો હતો.

    અહેવાલો અનુસાર, હિંસાના 20 દિવસથી વધુ સમય પછી જ પ્રતિનિધિમંડળની મુલાકાત લેવા પર સ્થાનિકોએ વાંધો ઉઠાવ્યો હતો. તેઓએ રમખાણોના મુદ્દે કોંગ્રેસના વલણથી નારાજગી વ્યક્ત કરી અને કોંગ્રેસના નેતાઓ પર કોઈ અન્ય હેતુ સાથે વિસ્તારની મુલાકાત લેવાનો આરોપ લગાવ્યો.

    સ્થાનિકોએ ‘દિગ્વિજય સિંહ મુર્દાબાદ’ ના નારા લગાવ્યા

    અહેવાલો અનુસાર, કેટલાક સ્થાનિક લોકોએ ‘દિગ્વિજય સિંહ મુર્દાબાદ’ ના નારા પણ લગાવ્યા હતા. સ્થાનિકો કથિત રીતે કોંગ્રેસના નેતાના નિવેદનથી નારાજ થયા હતા જેમાં તેમણે ભારતીય જનતા પાર્ટીના સભ્યો પર ગરીબ મુસ્લિમ છોકરાઓને કથિત રીતે ભાડે રાખવાનો અને હિંદુ સરઘસો પર પથ્થર ફેંકવા માટે ચૂકવણી કરવાનો આરોપ મૂક્યો હતો. તેમણે કહ્યું કે તેમને કેટલીક વણચકાસાયેલ ફરિયાદો મળી છે જે નોંધે છે કે હિન્દુ સરઘસો પરના હુમલાઓ કથિત રીતે ભાજપ દ્વારા પ્રાયોજિત છે.

    “મને કેટલીક ફરિયાદો મળી છે, જેની મેં હજી સુધી ચકાસણી કરી નથી, પરંતુ આ ફરિયાદો મુજબ, ભાજપના કેટલાક લોકો પોતે જ ગરીબ મુસ્લિમ છોકરાઓને પથ્થર ફેંકવા માટે પૈસા આપે છે. હું તથ્યો તપાસીશ અને પછી મુદ્દો ઉઠાવીશ”, દિગ્વિજય સિંહને મધ્યપ્રદેશના નીમચ ખાતે ટાંકવામાં આવ્યા હતા.

    ખરગોન હિંસા

    10 એપ્રિલના રોજ, ખરગોનના તાલાબ ચોક વિસ્તારમાં શરૂ થયેલી રામ નવમીની શોભાયાત્રા પત્થરોની નીચે આવી જતાં તેને અધવચ્ચે છોડી દેવામાં આવી હતી. તોફાનો વધી ગયા કારણ કે અનેક વાહનોને આગ ચાંપવામાં આવી હતી જેમાં છ પોલીસ કર્મચારીઓ સહિત 24 થી વધુ લોકો ઘાયલ થયા હતા.

    રમખાણોના બીજા દિવસે, ખરગોન વહીવટીતંત્રે બદમાશો સામે કડક કાર્યવાહી કરી અને તેમની ગેરકાયદેસર રીતે બાંધેલી મિલકતોને બુલડોઝ કરી દીધી. આ કામગીરી માટે પાંચ જેસીબી મશીનો તૈનાત કરાયા હતા. ઉપરાંત, વહીવટીતંત્રે આ કેસમાં લગભગ 77 લોકોની ધરપકડ કરી હતી.

    ખરગોન એવા કેટલાક સ્થળો પૈકીનું એક હતું જ્યાં ગયા મહિને રામ નવમીની ઉજવણી દરમિયાન પથ્થરમારો, આગચંપી અને હિંસા જોવા મળી હતી જ્યાં મુસ્લિમો દ્વારા હિન્દુ સરઘસ પર હુમલો કરવામાં આવ્યો હતો.

    ખરગોનના પરેશાન મુસ્લિમો ‘પીડિત’ દેખાતા હતા, તેથી દિગ્વિજય સિંહે ‘ફેક તસવીર’ શેર કરી

    દિગ્વિજય સિંહે ટ્વિટ કરીને મધ્યપ્રદેશના ખરગોનમાં રામ નવમીની શોભાયાત્રા પર પથ્થરમારો કરવા બદલ શિવરાજ સિંહ ચૌહાણ સરકાર પર નિશાન સાધ્યું હતું, જેના પર ખુદ કોંગ્રેસના નેતાઓ નકલી વીડિયો દ્વારા રાજ્યને બદનામ કરવાના આરોપમાં ઘેરાયેલા જોવા મળ્યા હતા. દિગ્વિજય સિંહના ટ્વીટ પર બીજેપી ધારાસભ્ય રામેશ્વર શર્માએ તરત જ પલટવાર કર્યો, ત્યારબાદ પૂર્વ મુખ્યમંત્રી દિગ્વિજય સિંહે તેમનું ટ્વીટ ડિલીટ કરી દીધું હતું.

    આ સિવાય 26/11 હમલા બાદ ખોટી હિન્દુ આતંકવાદ થીયરી આપવાવાળા પણ દિગ્વિજય સિંહ જ હતા. અને આ એ જ દિગ્વિજય સિંહ છે જેમણે ખોટા આરોપ લગાવતા કહ્યું હતું કે ભાજપ જ ગરીબ મુસ્લિમોને પૈસા આપીને પથ્થર ફેંકાવે છે.

    માતા ઉપરાંત પુત્રી પર પણ બળાત્કાર ગુજારનાર દરગાહના કમાલ બાબા શેખને કોર્ટે સજા આપી

    ઑપઇન્ડિયા સ્ટાફ
    -
    0
    માતા ઉપરાંત પુત્રી પર પણ બળાત્કાર ગુજારનાર દરગાહના કમાલ બાબા શેખને કોર્ટે સજા આપી

    સુરત ખાતે માતા અને પુત્રી પર દુષ્કર્મ આચરનાર કમાલ બાબા અખ્તર શેખ નામના શખ્સને કોર્ટે આજીવન કેદની સજા ફટકારી છે. ગુનેગારે મહિલાની મજબુરીનો ગેરફાયદો ઉઠાવીને તેની તેમજ તેની પુત્રી ઉપર દુષ્કર્મ આચર્યું હતું. આ કેસ પાંચ વર્ષ જૂનો છે. જે મામલે હવે કોર્ટે ચુકાદો આપ્યો છે.

    વધુ વિગતો અનુસાર, સુરત ખાતે પાંચ વર્ષ પહેલાં એક મહિલાની મજબૂરીનો લાભ લઇ ખ્વાજા પીર દરગાહના કમાલ બાબા અખ્તર શેખે તેની ઉપર દુષ્કર્મ ગુજાર્યું હતું. એટલું જ નહીં, તેણે મહિલાની 14 વર્ષીય પુત્રીને પણ છોડી ન હતી અને તેની સાથે પણ દુષ્કર્મ આચર્યું હતું. આ મામલે સુરતના અઠવા પોલીસ મથકે 2017 માં ફરિયાદ નોંધાઈ હતી. જે મામલે કેસ ચાલ્યા બાદ હવે કોર્ટે ચુકાદો સંભળાવ્યો હતો. કોર્ટે ગુનેનાર કમાલ બાબા અખ્તર શેખને આજીવન કેદની સજા ફટકારી છે. તેમજ પીડિત પરિવારને ચાર લાખ ચૂકવવા માટેનો આદેશ કર્યો છે.

    આ કેસની વધુ વિગતો એવી છે કે, સુરતના બડે ખાં ચકલા વિસ્તારમાં આવેલ પ્રસિદ્ધ ખ્વાજા દાનાં દરગાહ ખાતે કમાલ બાબા અખ્તર શેખ લોકોની શારીરિક-માનસિક તકલીફો દૂર કરી આપવાનું કામ કરતો હોવાનો દાવો કરતો. ભોગ બનેલી મહિલાના પતિની માનસિક સ્થિતિ સારી ન હોવાના કારણે અને ખેંચ જેવી સમસ્યાઓ હોવાના કારણે તેણે કમાલની મદદ લેવાનું નક્કી કર્યું હતું. જે બાદ તેણે ખ્વાજા દાનાની દરગાહ ખાતે જઈ કમાલ બાબા શેખનો સંપર્ક કર્યો હતો.

    જે બાદ મહિલા અવારનવાર તેને મળવા જતી હતી. દરમ્યાન, કમાલ બાબા અખ્તર શેખે તેની મજબુરીનો લાભ લઇ અનેક વખત દુષ્કર્મ આચર્યું હતું. ઉપરાંત તેની 14 વર્ષની પુત્રીને પણ પીંખી હતી. આ મામલે સરકારે કોર્ટમાં તમામ પુરાવાઓ રજૂ કરતા કોર્ટે તે ગ્રાહ્ય રાખીને આરોપીને કલમ 376, 504, 506 (2), પોક્સો અને એટ્રોસિટીની કલમ હેઠળ ગુનેગાર જાહેર કર્યો હતો. જે બાદ આજે તેને આજીવન કેદની સજા સંભળાવવામાં આવી છે.

    આ મામલે ફરિયાદી પક્ષના વકીલ નયન સુખડવાલાએ જણાવ્યું હતું કે તાંત્રિકનું કામ કરતો કમાલ બાબાએ માતા અને પુત્રી ઉપર દુષ્કર્મ કર્યાની ફરિયાદ નોંધવામાં આવી હતી. આ બાબતે નામદાર કોર્ટ સમક્ષ રજૂ કરેલા તમામ પુરાવા કોર્ટે ગ્રાહ્ય રાખ્યા છે. જજે કલમ 376, 504, 506 (2), પોસ્કો અને એટ્રોસિટી એક્ટ હેઠળ દોષિત જાહેર કર્યો છે. આજીવન કેદની સજા સંભળાવી છે, સાથે જ પીડિત પરિવારને ચાર લાખ વળતર આપવાનો પણ હુકમ કર્યો છે.

    1...1,1591,1601,161...1,178Page 1,160 of 1,178

    © Copyright - OpIndia.com