Saturday, November 16, 2024
More
    Home Blog Page 1070

    મધ્યપ્રદેશ: પૂર્વ મુખ્યમંત્રી કમલનાથના પુત્ર અને કોંગ્રેસ સાંસદ નકુલ નાથે મુસ્લિમ બહુમતી વિસ્તારમાં પ્રવેશતા પહેલા કપાળ પરથી તિલક લૂછી નાખ્યું, વિડીયો થયો વાયરલ

    ઑપઇન્ડિયા સ્ટાફ
    -
    0
    મધ્યપ્રદેશ: પૂર્વ મુખ્યમંત્રી કમલનાથના પુત્ર અને કોંગ્રેસ સાંસદ નકુલ નાથે મુસ્લિમ બહુમતી વિસ્તારમાં પ્રવેશતા પહેલા કપાળ પરથી તિલક લૂછી નાખ્યું, વિડીયો થયો વાયરલ

    બુધવારે (13 જુલાઇ), છિંદવાડાથી કોંગ્રેસના સાંસદ નકુલ નાથે તેમના કોંગ્રેસના સમર્થકો સાથે મધ્ય પ્રદેશમાં તેમના મતવિસ્તારમાં મુસ્લિમ બહુમતીવાળા વિસ્તારમાં પ્રવેશતા પહેલા તેમના કપાળ પરનું તિલક લૂછીને વિવાદ ઉભો કર્યો હતો. મધ્યપ્રદેશના પૂર્વ સીએમ કમલનાથના પુત્ર નકુલ નાથ ચૂંટણી પ્રચાર માટે મધ્યપ્રદેશના પરાસિયા વિસ્તારમાં હતા.

    અહેવાલો અનુસાર, નકુલ નાથે છિંદવાડા જિલ્લાના પરાસિયામાં ઇસ્લામિક પ્રભાવિત વિસ્તારમાં પ્રવેશતા પહેલા કુમકુમ તિલક જે હિંદુ ધર્મનું મહત્વપૂર્ણ પ્રતીક છે તેને દૂર કર્યું હતું. તેને એક રૂમાલ આપવામાં આવ્યો જેનાથી તેણે કપાળ પરથી તિલક લૂછ્યું. આ ઘટનાનો વીડિયો સોશિયલ મીડિયા પર વાયરલ થયો હતો અને ભાજપના નેતાઓએ તેની ટીકા કરી હતી.

    બીજેપી દિલ્હીના પ્રવક્તા તજિન્દર પાલ સિંહ બગ્ગાએ વીડિયો ટ્વીટ કર્યો અને હિંદુ ધર્મના પ્રતીકનો અનાદર કરવા બદલ છિંદવાડા કોંગ્રેસના સાંસદની નિંદા કરી. “કમલનાથના પુત્ર નકુલ નાથે ‘તેમના’ વિસ્તારમાં પ્રવેશતા પહેલા તિલક હટાવી નાખ્યું”, તેમણે વીડિયોને કેપ્શન આપ્યું હતું.

    બીજેપીના અન્ય એક સભ્યએ વીડિયો પોસ્ટ કરીને કહ્યું કે કમલનાથના પુત્ર નકુલ નાથ દ્વારા તિલકને રગદોળીને કોંગ્રેસ પાર્ટીની માનસિકતા છતી કરાઇ છે. “કમલનાથના પુત્ર, નકુલનાથે આ શાંતિપૂર્ણ વિસ્તારમાં પ્રવેશતા પહેલા માત્ર તેમનું તિલક જ હટાવ્યું ન હતું, તેમણે આમ કરીને કોંગ્રેસની માનસિકતા પણ છતી કરી હતી. તેમના જેવા લોકો તેમના કિલ્લાઓ બનાવવા માટે જનતાની નિર્દોષતા પર ખવડાવેલા ગીધ છે”, તેમણે કહ્યું.

    આ વીડિયો સૌથી પહેલા નકુલ નાથે ફેસબુક લાઈવ પર પોસ્ટ કર્યો હતો. તેના દ્વારા હિન્દુઓ ગુસ્સે ભરાતા તે વિડીયો અન્ય સોશિયલ મીડિયા પ્લેટફોર્મ પર ઝડપથી વાયરલ થઈ ગયો. દરમિયાન, કોંગ્રેસના મીડિયા સેલના પ્રભારી કે કે મિશ્રાએ નકુલ નાથનો બચાવ કર્યો અને કહ્યું કે તેઓ પ્રચાર દરમિયાન પરસેવો લૂછી રહ્યા હતા. “ભાજપના નેતાઓનું ટ્વીટ રાજકીય રીતે પ્રેરિત છે અને તે તેમની માનસિકતા દર્શાવે છે”, તેમણે કહ્યું.

    મિશ્રાએ એમ પણ ઉમેર્યું હતું કે કોઈપણ નેતા માટે રેલીઓ અને પ્રચાર દરમિયાન પરસેવો લૂછવો સામાન્ય છે અને ભાજપ તેમના રાજકીય ફાયદા માટે ‘ખૂબ જ સામાન્ય’ ઘટનાનો ઉપયોગ કરી રહી છે.

    નોંધનીય છે કે સોશિયલ મીડિયા પર વાયરલ થયેલા વીડિયોને બાદમાં નકુલ નાથના ફેસબુક એકાઉન્ટ પરથી હટાવી દેવામાં આવ્યો હતો. જો નેતા છિંદવાડામાં મુસ્લિમ બહુમતીવાળા વિસ્તારમાં પ્રવેશતા પહેલા કુમકુમ તિલક નહીં પરંતુ પોતાનો પરસેવો લૂછતા હોય તો વિડીયો અકબંધ રહેવો જોઈતો હતો.

    RBIએ રશિયા, શ્રીલંકા સહિત અનેક દેશો સાથે વેપાર કરવા માટે રૂપિયામાં વહીવટ કરવાની મંજૂરી આપી: સુરતના હીરા ઉદ્યોગને થશે ઘણી રાહત

    Lincoln Sokhadia
    -
    0
    RBIએ રશિયા, શ્રીલંકા સહિત અનેક દેશો સાથે વેપાર કરવા માટે રૂપિયામાં વહીવટ કરવાની મંજૂરી આપી: સુરતના હીરા ઉદ્યોગને થશે ઘણી રાહત

    રિઝર્વ બેંક ઓફ ઈન્ડિયા (RBI) એ જાહેરાત કરી છે કે તે રૂપિયામાં આંતરરાષ્ટ્રીય વેપાર વહીવટ માટે એક મિકેનિઝમ બનાવી રહી છે. આરબીઆઈએ જણાવ્યું હતું કે ઓર્ડર તાત્કાલિક અસરથી લાગુ થાય છે. આ મિકેનિઝમ “નિકાસ પર ભાર મૂકીને વૈશ્વિક વેપારના વિકાસને પ્રોત્સાહન આપવા માટે રચાયેલ છે.”

    “ભારતમાંથી થતી નિકાસ પર ભાર મૂકીને વૈશ્વિક વેપારના વિકાસને પ્રોત્સાહન આપવા અને ભારતીય રૂપિયામાં વૈશ્વિક વેપાર સમુદાયના વધતા રસને સમર્થન આપવા માટે, નિકાસ અને આયાતના ઇન્વૉઇસિંગ, ચુકવણી અને પતાવટ ભારતીય રૂપિયામાં કરવા માટે વધારાની વ્યવસ્થા ગોઠવવાનો નિર્ણય લેવામાં આવ્યો છે.” RBI એ સોમવારે એક સૂચનામાં જણાવ્યું હતું.

    ગયા અઠવાડિયે, સ્ટેટ બેંક ઑફ ઈન્ડિયા (SBI) એ પ્રસ્તાવ મૂક્યો હતો કે RBIએ ‘રૂપિયાને આંતરરાષ્ટ્રીયકરણ માટે સભાન પ્રયત્નો’ કરવા જોઈએ. SBI એ તેના ‘સંશોધન Ecowrap’ માં જણાવ્યું હતું કે, “રશિયા-યુક્રેન યુદ્ધ અને તેના કારણે ચૂકવણીમાં વિક્ષેપ, એ કેટલાક નાના નિકાસ ભાગીદારો સાથે શરૂ કરીને, રૂપિયામાં નિકાસ વહીવટ પર આગ્રહ રાખવાની એક સારી તક છે.”

    આયાત અને નિકાસ માટે તેનો અર્થ શું

    આ મિકેનિઝમ દ્વારા રૂપિયામાં આંતરરાષ્ટ્રીય વેપાર વહીવટ સરળ બનશે. જે અંતર્ગત આયાત કરતા ભારતીય આયાતકારોએ રૂપિયામાં ચૂકવણી કરવાની જરૂર પડશે. જે વિદેશી વિક્રેતા અથવા સપ્લાયર પાસેથી માલ અથવા સેવાઓના પુરવઠા માટેના ઇન્વૉઇસની સામે ભાગીદાર દેશની સમાંતર બેંકના સ્પેશિયલ વોસ્ટ્રો ખાતામાં જમા થવી જોઈએ.

    તેવી જ રીતે, ભારતીય નિકાસકારો, આ મિકેનિઝમ દ્વારા માલ અને સેવાઓની નિકાસ હાથ ધરે છે, તેમણે ભાગીદાર દેશની સમાંતર બેંકના નિયુક્ત સ્પેશિયલ વોસ્ટ્રો ખાતામાં બેલેન્સમાંથી રૂપિયામાં નિકાસની રકમ ચૂકવવી પડશે.

    સુરતના હીરા ઉદ્યોગ પર પાડનાર અસર

    સુરતના હીરા ઉદ્યોગ વિદેશી હૂંડિયામણને બદલે ભારતીય ચલણમાં નિકાસ અને આયાત વેપાર કરવાની છૂટ આપવાના ભારતીય રિઝર્વ બેંકના નિર્ણયનો સૌથી મોટો લાભાર્થીઓમાંનો એક છે. સુરતનો હીરા ઉદ્યોગ હવે રશિયાથી આયાત કરેલા કાચા હીરા માટે ભારતીય રૂપિયામાં ચૂકવણી કરી શકશે.

    સુરતનો હીરા ઉદ્યોગ મોટાભાગે રશિયામાંથી કાચા હીરાની આયાત કરે છે, જેની ચુકવણી મધ્યસ્થ બેંકની સેવાઓનો ઉપયોગ કરીને ભારતમાં આયાતકારની બેંક દ્વારા કરવામાં આવે છે. આમાંની મોટાભાગની મધ્યસ્થી બેંકો અમેરીકામાં આવેલ હતી. હમણાં સુધી સુરત હીરાનો વ્યવસાય કરતાં વેપારીઓ ભારતીય ચલણમાં ચુકવણી મધ્યસ્થી બેંકમાં ટ્રાન્સફર કારતા, જે તેને રશિયન પક્ષના બેંક ખાતામાં જમા કરાવતા પહેલા યુએસ ડોલર (ગ્રીનબેક)માં રૂપાંતરિત કરતી હતી.

    જો કે, યુક્રેન પરના આક્રમણ પછી અમેરિકાએ રશિયા સામે પ્રતિબંધો લાદ્યા હતા , જે અંતર્ગત ઘણી મધ્યસ્થી બેંકોને સ્વિફ્ટ પેમેન્ટ સિસ્ટમમાંથી કાપી નાખવામાં આવી હતી. પરિણામે, આ મધ્યસ્થી બેંકો ભારતીય નિકાસકાર દ્વારા કરવામાં આવેલ ચુકવણી રશિયન આયાતકારના બેંક ખાતામાં જમા કરવામાં અસમર્થ બની હતી.

    નોંધનીય છે કે સુરતના હીરાઉદ્યોગકારોએ રિઝર્વ બેંક ઓફ ઈન્ડિયા સમક્ષ પોતાની મુશ્કેલી અંગે રજૂઆત પણ કરી હતી. હવે જ્યારે આરબીઆઈએ આયાત-નિકાસ વેપારને ભારતીય રૂપિયામાં સેટલ કરવાની મંજૂરી આપી છે, ત્યારે હીરા ઉદ્યોગ હવે સીધા જ રૂપિયામાં ચુકવણી કરી શકશે. જો કે, આયાતકારે વાસ્તવમાં ચુકવણી કરવા માટે આગળ વધતા પહેલા આવી ચુકવણીઓ માટે RBI પાસેથી મંજૂરી લેવી પડશે.

    યુપીના 5 જિલ્લામાં મોહમ્મદ ઝુબૈર પર 6 FIR, દિલ્હીમાં પણ કેસ ચાલી રહ્યો છેઃ જાણો હત્યાની ધમકીથી લઈને હિંદુ દ્વેષ સુધીના તમામ 7 કેસની વિગતો

    ઑપઇન્ડિયા સ્ટાફ
    -
    0
    યુપીના 5 જિલ્લામાં મોહમ્મદ ઝુબૈર પર 6 FIR, દિલ્હીમાં પણ કેસ ચાલી રહ્યો છેઃ જાણો હત્યાની ધમકીથી લઈને હિંદુ દ્વેષ સુધીના તમામ 7 કેસની વિગતો

    યુપીના 5 જિલ્લામાં મોહમ્મદ ઝુબૈર પર 6 FIR બાદ ઉત્તર પ્રદેશ સરકારે મંગળવારે (12 જુલાઈ, 2022) Alt ન્યૂઝના સહ-સ્થાપક મોહમ્મદ ઝુબેર વિરુદ્ધ નોંધાયેલા સાત કેસની તપાસ કરવા માટે એક વિશેષ તપાસ ટીમ (SIT) ની રચના કરી હતી. સાત કેસમાંથી બે કેસ હાથરસ જિલ્લામાં નોંધાયેલા છે જ્યારે સીતાપુર, લખીમપુર ખેરી, ગાઝિયાબાદ, મુઝફ્ફરનગર અને દિલ્હીમાં એક-એક કેસ નોંધાયેલ છે. કુલ મળીને 7 અને યુપીના 5 જિલ્લામાં મોહમ્મદ ઝુબૈર પર 6 FIR નોંધાઈ છે.

    યુપી પોલીસ દ્વારા જાહેર કરવામાં આવેલી અખબારી યાદીમાં કહેવામાં આવ્યું છે કે હાલમાં જેલ પ્રશાસન અને સુધાર વિભાગમાં તૈનાત ડૉ. પ્રીતિન્દર સિંહને SITના વડા બનાવવામાં આવ્યા છે, જ્યારે નાયબ પોલીસ મહાનિરીક્ષક અમિત વર્માને SIT ના સભ્ય બનાવવામાં આવ્યા છે.

    મુઝફ્ફરનગર: મોહમ્મદ ઝુબૈરે ઉત્તર પ્રદેશના મુઝફ્ફરનગરના સ્થાનિક રહેવાસી અંકુર રાણાને મારી નાખવાની ધમકી આપી હતી. જે બાદ તેની સામે ફરિયાદ દાખલ કરવામાં આવી હતી. આ મામલો જુલાઈ 2021નો છે. વાસ્તવમાં મોહમ્મદ ઝુબૈરે ઈઝરાયેલ-પેલેસ્ટાઈન વચ્ચે ચાલી રહેલા વિવાદને લઈને સુદર્શન ન્યૂઝના એક સમાચાર પર જુઠ્ઠાણું ફેલાવ્યું હતું. ઝુબૈરે એક ગ્રાફિકનો ઉલ્લેખ મદીનાની મસ્જિદ તરીકે કર્યો હતો, જેના કારણે ઘણો વિવાદ થયો હતો. આ સંબંધમાં અંકુર રાણાએ 24 જુલાઈ, 2021ના રોજ મુઝફ્ફરનગર જિલ્લાના ચારથવલ પોલીસ સ્ટેશનમાં FIR નોંધાવી હતી.

    રાણાએ જણાવ્યું કે 13 મે, 2021ના રોજ રાણાએ સુદર્શન ન્યૂઝ દ્વારા ઈઝરાયેલ-પેલેસ્ટાઈન વિવાદ અંગે ચાલતા સમાચાર જોયા. આ પછી તેને ઝુબૈર દ્વારા ફેલાવવામાં આવેલા ખોટા સમાચાર વિશે ખબર પડી. જ્યારે અંકુરે ઝુબૈર સાથે વાત કરી અને આ અંગે પૂછપરછ કરી તો ઝુબૈરે તેની સાથે અપશબ્દો બોલ્યા અને જો આ બાબતે દરમિયાનગીરી કરશે તો જાનથી મારી નાખવાની ધમકી પણ આપી. આ પછી અંકુરે ફરિયાદ નોંધાવી હતી. ત્યારબાદ ઝુબેર વિરુદ્ધ આઈપીસીની કલમ 192, 504 અને 506 હેઠળ એફઆઈઆર નોંધવામાં આવી હતી. આ કેસમાં ચાર્જશીટ દાખલ કરવામાં આવી છે અને કોર્ટમાં ટ્રાયલ પેન્ડિંગ છે.

    ગાઝિયાબાદઃ ગાઝિયાબાદના લોની બોર્ડર પોલીસ સ્ટેશનમાં ઝુબૈર વિરુદ્ધ કેસ નોંધવામાં આવ્યો છે. આ મામલો જૂન 2021નો છે, જ્યારે મોહમ્મદ ઝુબેર, રાણા અય્યુબ, સબા નકવી સહિત ‘ધ વાયર’ અને ‘ઈન્ડિયન એક્સપ્રેસ’ જેવી મીડિયા સંસ્થાઓએ એક મુસ્લિમ યુવકને કેટલાક મુસ્લિમ યુવકો દ્વારા માર મારવામાં આવ્યો હોવાના નકલી સમાચાર ચલાવ્યા હતા. આ લોકોએ ઈન્ટરનેટ પર એક વૃદ્ધ મુસ્લિમ વ્યક્તિને માર મારતો વીડિયો પોસ્ટ કર્યો હતો અને લખ્યું હતું કે આ વ્યક્તિ પર હિન્દુ યુવકો દ્વારા ‘જય શ્રી રામ’ બોલવા માટે દબાણ કરવામાં આવી રહ્યું છે અને મારપીટ કરવામાં આવી રહી છે. બાદમાં વિડિયોમાં ખુલાસો થયો હતો કે તાવીજ બનાવવાના વિવાદમાં કેટલાક મુસ્લિમ યુવકોએ આ વ્યક્તિને માર માર્યો હતો . જેમાં આઈપીસીની કલમ 153, 153-A, 295-A, 505, 120-B અને 34 હેઠળ ઝુબેર વિરુદ્ધ FIR નોંધવામાં આવી હતી. આ મામલે તપાસ ચાલી રહી છે.

    હાથરસના સિકંદરરૌ પોલીસ સ્ટેશનમાં નોંધાયેલ ફરિયાદઃ મામલો 2018નો છે. ઝુબેરની ઉશ્કેરણીજનક પોસ્ટ બાદ પુરદીલનગરમાં શુક્રવારની નમાજ બાદ ભારે હંગામો મચી ગયો હતો. કટ્ટરપંથીઓએ પોલીસ પર પથ્થરમારો કર્યો હતો . આ કેસમાં ઝુબેરને આરોપી બનાવવામાં આવ્યો હતો. તેમની સામે IPC કલમ 147, 149, 153A, 353, 188 અને 120B હેઠળ કેસ નોંધવામાં આવ્યો છે. આ મામલે તપાસ ચાલી રહી છે.

    હાથરસના કોતવાલીમાં નોંધાયેલ ફરિયાદઃ કોતવાલી વિસ્તારમાં તેની સામે IPCની કલમ 153A, 295A અને 298 હેઠળ કેસ નોંધવામાં આવ્યો છે. આ સિવાય આઈટી એક્ટની કલમ 67 હેઠળ પણ કેસ નોંધવામાં આવ્યો છે. પોલીસે સીજેએમ કોર્ટમાંથી બી વોરંટ જારી કર્યું છે. સીતાપુર જેલમાં વોરંટ ફાઈલ કરવામાં આવ્યું છે. 14મી જુલાઈએ પોલીસ તેમને કોર્ટમાં રજૂ કરશે.

    લખીમપુર ખીરી: લખીમપુર ખીરી પોલીસે 2021 માં દુશ્મનાવટને પ્રોત્સાહન આપવા માટે નોંધાયેલી એફઆઈઆરના સંબંધમાં કોર્ટમાં હાજર થવા માટે ઝુબેર વિરુદ્ધ વોરંટ જારી કર્યું હતું. મોહમ્મદ ઝુબૈર વિરુદ્ધ એક સ્થાનિક પત્રકારે 25 નવેમ્બરે કેસ નોંધ્યો હતો. સોમવારે મોહમ્મદ ઝુબેરને વીડિયો કોન્ફરન્સિંગ દ્વારા એડિશનલ ચીફ જ્યુડિશિયલ મેજિસ્ટ્રેટની કોર્ટમાં રજૂ કરવામાં આવ્યો હતો. ફરિયાદ પક્ષે પોલીસ કસ્ટડી માંગી હતી, કોર્ટે તેને 14 દિવસની ન્યાયિક કસ્ટડીમાં મોકલી આપ્યો હતો.

    સીતાપુરઃ ઝુબૈરની દિલ્હી પોલીસે એક સપ્તાહ પહેલા ધાર્મિક લાગણીઓને ભંગ કરવાના આરોપમાં અટકાયત કરી હતી. સીતાપુરના ખૈરાબાદ પોલીસ સ્ટેશનમાં આઈપીસીની કલમ 295A અને આઈટી એક્ટની કલમ 67 હેઠળ કેસ નોંધવામાં આવ્યો હતો. ઉત્તર પ્રદેશની સીતાપુર પોલીસે સાધુઓ વિરુદ્ધ કથિત રીતે વાંધાજનક ટ્વીટ કરવાના કેસમાં તેમની અટકાયત માટે વિનંતી કરી હતી. ઝુબેરને રાહત આપતા વચગાળાના જામીનની મુદત આગામી આદેશ સુધી લંબાવવામાં આવી છે. કેસની આગામી સુનાવણી 7 સપ્ટેમ્બરે થશે.

    દિલ્હી: ઝુબેર વિરુદ્ધ 2018 માં દિલ્હી પોલીસ દ્વારા હિન્દુ દેવતા વિરુદ્ધ વાંધાજનક ટ્વીટ પોસ્ટ કરવા બદલ કેસ નોંધવામાં આવ્યો હતો . આ કેસને 15 જુલાઈ સુધી ન્યાયિક કસ્ટડીમાં મોકલી દેવામાં આવ્યો છે.

    ‘સર તન સે જુદા’ ગીત બધી મ્યુઝિક એપ્લિકેશન પર હતું: એક સોશિયલ મિડિયા યુઝરે મુહિમ ઉપાડી ‘ગીત પ્લેટફોમ સે જુદા’ કર્યું

    Mahesh Purohit
    -
    0
    ‘સર તન સે જુદા’ ગીત બધી મ્યુઝિક એપ્લિકેશન પર હતું: એક સોશિયલ મિડિયા યુઝરે મુહિમ ઉપાડી ‘ગીત પ્લેટફોમ સે જુદા’ કર્યું

    વર્તમાનમાં દેશમાં ‘સર તન સે જુદા’ નારો પ્રચલિત બન્યો છે, એક મૌલવીના શિવલિંગના અપમાનના બદલામાં નુપુર શર્માના કથિત બયાન પર આખા દેશ અને વિશ્વમાં પણ હંગામો થયો હતો, ત્યાર બાદ નુપુર શર્માના સમર્થનમાં પોસ્ટ કરવાના કારણે હત્યાઓ પણ થઈ હતી. જેમાં કનૈયાલાલની હત્યાની વિડીયો પણ જેહાદીઓએ બનવ્યો હતો. આવી જ હત્યા મહારાષ્ટ્રમાં પણ કરાઇ હતી. જોકે આવી રીતની ગળું કાપીને ઘાતકી હત્યા પહેલી વાર નથી થઈ અગાઉ કમલેશ તિવારીની પણ આવી જ રીતે હત્યા કરાઇ હતી.

    આ બધી હત્યાઓમાં એક વાત સામાન્ય છે તે છે ‘સર તન સે જુદા’ નારો આ નારાનો અર્થ છે જે પણ મોહમંદ સાહેબનું અપમાન કરે તેનું ગળું કાપી નાખો. એક સભ્ય સમાજમાં આવા પ્રકારના નારાઓ ઉચિત નથી. લોકતંત્રમાં કાયદો છે તે અનુસાર જ પગલાં લેવાતા હોય છે. પરંતુ આ નારા પર ગીત બને અને બનેલા ગીતો ભારતની પ્રચલિત મ્યુઝિક એપ્લિકેશન પર હોય તે કેટલું ધૃણિત બાબત છે?

    દેશની ટોપની મ્યુઝિક એપ્લિકેશન પર Farishte Jiske Zaair નામનું એક ઉર્દુ આલ્બમ હતું જેમાં Gustakh E Nabi Ki Ek Saza ગીત રીલીઝ કરાયેલું હતું. આ 5.50 મિનિટનું ગીત નવેમ્બર-2020માં રીલીઝ કરાયું હતું. બે વર્ષ સુધી આ ગીત દેશની ટોપ મ્યુઝિક એપ્લિકેશન પર સતત વાગતું રહ્યું જેને સાંભળીને અસંખ્ય લોકો દૂષપ્રેરિત થયા.

    આ મામલો સોશિયલ મીડિયામાં સક્રિય એવા Anshul Saxena એ ઉઠાવીને ટ્વિટર પર આ ગીતની માહિતી મૂકીને તમામ મ્યુઝિક એપ્લિકેશનના ટ્વિટર હેંડલર પર ગીત દૂર કરવાની અપીલ કરી હતી જેમાં Gaana, Hungama Music, Spotify, Wynk Music, Amazon Music અને Apple Musicનો સમાવેશ થાય છે.

    આ બાબત લોકોના ધ્યાનમાં આવતા જ સોશિયલ મીડિયા પર આકરી પ્રતિક્રિયા આપી રહ્યા હતા જેમાં ઘણા લોકોએ તો આવી એપ્લિકેશનોને ડિલીટ કરવાનું પણ કહ્યું હતું.

    મહત્વની વાત એ છે કે આ મામલો બહાર આવ્યા બાદ પણ દેશના કથિત સેકુલરો અને મીડિયા એક પણ શબ્દ બોલ્યા નથી.

    રિયા ચક્રવર્તી સુશાંતને ગાંજો લાવી આપતી હતી, NCBનો ચોંકાવનારો ખુલાસો, કહ્યું- પૂજા સામગ્રીના નામે ખરીદ્યું હતું ડ્રગ્સ

    ઑપઇન્ડિયા સ્ટાફ
    -
    0
    રિયા ચક્રવર્તી સુશાંતને ગાંજો લાવી આપતી હતી, NCBનો ચોંકાવનારો ખુલાસો, કહ્યું- પૂજા સામગ્રીના નામે ખરીદ્યું હતું ડ્રગ્સ

    રિયા ચક્રવર્તી સુશાંતને ગાંજો આપતી હોવા સહિતના મોટા અને ચોંકાવનારા ખુલાસો થયા છે. નાર્કોટિક્સ કંટ્રોલ બ્યુરોએ સુશાંત સિંહ રાજપૂત કેસમાં ચાર્જશીટનો ડ્રાફ્ટ દાખલ કર્યો છે. જેમાં રિયા ચક્રવર્તી અને તેના ભાઈ સૌવિક સહિત 35 લોકો પર 38 આરોપો લગાવવામાં આવ્યા છે. રિયા ચક્રવર્તી સુશાંતને ગાંજો આપવાનો, તેને ડ્રગ્સ એડિક્ટ બનાવવાનો અને ડ્રગ્સ ખરીદવા માટે તેના (સુશાંતના) બેંક એકાઉન્ટનો ઉપયોગ કરવાનો આરોપ છે.

    NCBને જાણવા મળ્યું છે કે રિયાએ તેના ભાઈ શૌવિક, સેમ્યુઅલ મિરાન્ડા અને દિપેશ સાવંત સહિત અન્ય કેટલાક લોકો પાસેથી ગાંજા ખરીદીને પૈસાની ચૂકવણી કરી હતી. આ ચૂકવણી માર્ચ 2020 થી સપ્ટેમ્બર 2020 દરમિયાન થઈ હતી. હવે NDPS એક્ટ 1985 ની કલમ 8(c) સાથે 20(b)(2), 27A, 28, 29 અને 30 સહિતની ધારાઓ લગાવવામાં આવી છે.

    એટલું જ નહીં, એવું પણ ચર્ચાઈ રહ્યું છે કે તમામ આરોપીઓ માર્ચ 2020 થી ડિસેમ્બર 2020 દરમિયાન ગુનાહિત ષડયંત્રમાં સામેલ હતા, જેનો હેતુ એક બીજા પાસેથી માદક દ્રવ્યો ખરીદવાનો હતો અને તેને બોલીવુડ સહિત અન્ય હાઈ સોસાયટીમાં વેચવાનો હતો.

    રિયાના ભાઈ પર આરોપ છે કે તે ડ્રગ સ્મગલરો સાથે સંપર્કમાં હતો અને ગાંજા, ચરસની ડિલિવરી માટે ઓર્ડર આપતો હતો. તેણે અબ્દેલ બાસિત, કૈઝાન ઈબ્રાહિમ, કર્મજીત સિંહ આનંદ અને સૂર્યદીપ મલ્હોત્રા સહિત અન્ય લોકો પાસેથી ગાંજાની ડિલિવરી લીધા બાદ તેને સુશાંતને સોંપી દીધા હતી.

    આ પછી NCBએ સુશાંતના મિત્ર સિદ્ધાર્થ પિઠાણી પર પણ આરોપ લગાવ્યો છે કે તે ડ્રગ ડીલર એટલે કે રિયા, શૌવિક, દિપેશના સીધા સંપર્કમાં હતો. તેણે કોટક બેંક ખાતામાંથી ડ્રગ્સની ખરીદી કરી અને ટ્રાન્જેક્શનમાં પૂજા સામગ્રી તરીકે બતાવી હતી.

    ઉલ્લેખનીય છે કે, વર્ષ 2020માં સુશાંત સિંહ રાજપૂત તેના એપાર્ટમેન્ટમાં મૃત હાલતમાં મળી આવ્યો હતો. અને કહેવામાં આવ્યું હતું કે તેણે આત્મહત્યા કરી હતી. જો કે, તેના ચાહકોએ આના પર પ્રશ્નો ઉઠાવ્યા અને ડ્રગના એંગલ પર તપાસ શરૂ થઇ. ધીરે ધીરે, સુશાંતના મિત્રથી લઈને ગર્લફ્રેન્ડ સુધીના દરેકના નામ NCB દ્વારા નોંધવામાં આવ્યા અને ઘણા બોલિવૂડ સેલિબ્રિટીઓને પણ ડ્રગ્સ વિશે પૂછપરછ કરવામાં આવી. આ પછી રિયાની 8 સપ્ટેમ્બર 2020ના રોજ ધરપકડ કરવામાં આવી હતી અને તેને 7 ઓક્ટોબરે જામીન મળી ગયા હતા . આ જામીન રૂ. 1 લાખના અંગત બોન્ડ પર આપવામાં આવ્યા હતા. સાથે જ એવી શરત પણ મુકવામાં આવી હતી કે જો રિયા ક્યાંક બહાર જાય તો તેને પરવાનગી લેવી પડશે અને જ્યારે પણ તેને પૂછપરછ માટે બોલાવવામાં આવશે ત્યારે તેણે હાજર રહેવું પડશે.

    મહારાષ્ટ્ર બે ઠાકરેની જુદી કહાની: ઉદ્ધવ ઠાકરેના હાથમાંથી યુવા સેના છટકવાની તૈયારી, બીજી બાજુ રાજ ઠાકરે સાથે શુભેચ્છા મુલાકાત કરશે ઉપ મુખ્યમંત્રી ફડણવીસ

    ઑપઇન્ડિયા સ્ટાફ
    -
    0
    મહારાષ્ટ્ર બે ઠાકરેની જુદી કહાની: ઉદ્ધવ ઠાકરેના હાથમાંથી યુવા સેના છટકવાની તૈયારી, બીજી બાજુ રાજ ઠાકરે સાથે શુભેચ્છા મુલાકાત કરશે ઉપ મુખ્યમંત્રી ફડણવીસ

    મહારાષ્ટ્રની રાજકીય ચકડોળ નવી સરકાર બન્યા બાદ પણ સ્થિર થવાનું નામ નથી લઈ રહી. રોજ મહારાષ્ટ્રની રાજનીતિને લઈને કઇંકને કઇંક નવા સમાચાર આવતા જ રહે છે. બસ આ જ ઘટનાક્રમ જાળવી રાખતા આજે પણ મહારાષ્ટ્રની રાજનીતિ પર લગતા બે મોટા સમાચાર આવી રહ્યા છે. શિવસેનાની યુવા સેના જઈ રહી છે ઠાકરે પરિવારથી દૂર જ્યારે રાજ ઠાકરે અને દેવેન્દ્ર ફડણવીસ આવી રહ્યા છે નજીક.

    યુવાસેનાના મોટા નેતાએ પકડ્યો શિંદેનો હાથ

    મહારાષ્ટ્રના પૂર્વ મુખ્યમંત્રી અને શિવસેના પ્રમુખ ઉદ્ધવ ઠાકરેના પુત્ર તથા શિવસેનાની યુવા પાંખ ‘યુવા સેના’ ના અધ્યક્ષ આદિત્ય ઠાકરેને મોટો ઝટકો લાગ્યો છે. યુવા સેનાના નેતા વિકાસ ગોગાવાલે મુખ્યમંત્રી એકનાથ શિંદેના જૂથમાં સામેલ થઈ ગયા છે. વિકાસ ગોગાવાલેના પિતા ભરત ગોગાવાલે શિંદે જૂથના મુખ્ય દંડક છે.

    અહેવાલો અનુસાર વિકાસ ગોગાવાલે મંગળવારે રાત્રે મુખ્યમંત્રી આવાસ પર જોવા મળ્યો હતો. તેઓ ગુરુ પૂર્ણિમા પહેલા સીએમ શિંદેને મળવા આવ્યા હતા. વિકાસ ગોગવાલેએ દાવો કર્યો હતો કે યુવા સેનાના ઓછામાં ઓછા 50 પદાધિકારીઓ આ સપ્તાહ સુધીમાં શિંદે જૂથમાં જોડાશે.

    નોંધનીય છે કે આદિત્ય ઠાકરે યુવા સેનાના અધ્યક્ષ છે. અગાઉ, શિવસેનાના પ્રવક્તા અને મુંબઈના ભૂતપૂર્વ કાઉન્સિલર શીતલ મ્હાત્રે અને શિવસેનાના કેટલાક કાર્યકરો મંગળવારે શિંદે જૂથમાં જોડાયા હતા. મંગળવારે મહારાષ્ટ્રના સીએમ શિંદેએ દાવો કર્યો હતો કે ઉદ્ધવ ઠાકરેના શિવસેના જૂથના ઘણા નેતાઓ તેમના સંપર્કમાં છે.

    શિંદે એવી અટકળો પર પ્રતિક્રિયા આપી રહ્યા હતા કે શિવસેનાના 18માંથી 12 લોકસભા સાંસદો તેમની છાવણી સાથે હાથ મિલાવવા તૈયાર છે. શિંદેએ બળવાખોર ધારાસભ્યોને સ્વર્ગસ્થ બાળાસાહેબ ઠાકરેની વિચારધારાને આગળ ધપાવવા અને નવી સરકારને ટેકો આપવા માટે ફરી એકવાર ભાજપ સાથે જોડાણ કરવાનો શ્રેય આપ્યો હતો.

    ફડણવીસ અને રાજ ઠાકરેની મુલાકાત

    મહારાષ્ટ્રના નાયબ મુખ્યમંત્રી દેવેન્દ્ર ફડણવીસ બુધવારે MNS પ્રમુખ રાજ ઠાકરેને મળીને સેના-ભાજપ ગઠબંધન સરકારને તેમનો ટેકો આપવા બદલ વ્યક્તિગત રીતે તેમનો આભાર માનશે. અહેવાલ અનુસાર ફડણવીસ આજે બપોરે મુંબઈમાં ઠાકરેના નિવાસસ્થાને પહોંચશે.

    આ મહિનાની શરૂઆતમાં, એમએનએસના વડાએ નવા શપથ લેનાર ડેપ્યુટી સીએમ દેવેન્દ્ર ફડણવીસને અભિનંદન આપ્યા હતા અને તેમની પોતાની રાજકીય મહત્વાકાંક્ષાઓ કરતાં તેમના પક્ષના ઉચ્ચ સંગઠનના આદેશોને વધુ પ્રાધાન્ય આપવા બદલ તેમની પ્રશંસા કરી હતી.

    આ પહેલા, રાજ ઠાકરેએ એકનાથ શિંદેને પણ રાજ્યના મુખ્યમંત્રી તરીકેનો કાર્યભાર સંભાળવા પર શુભેચ્છાઓ પાઠવી હતી અને તેને ‘ખુશીની ક્ષણ’ ગણાવી હતી. તેમણે શિંદેને સીએમ તરીકે યોગ્ય નિર્ણયો લેવા અને ‘સતર્ક રહેવા’ સલાહ આપી હતી.

    ઈરાનમાં હિજાબમાંથી મુક્તિ માટે મુસ્લિમ મહિલાઓની ક્રાંતિ, સોશિયલ મીડિયામાં ચહેરો બતાવીને વીડિયો/ફોટો શેર કર્યા

    ઑપઇન્ડિયા સ્ટાફ
    -
    0
    ઈરાનમાં હિજાબમાંથી મુક્તિ માટે મુસ્લિમ મહિલાઓની ક્રાંતિ, સોશિયલ મીડિયામાં ચહેરો બતાવીને વીડિયો/ફોટો શેર કર્યા

    ઈરાનમાં હિજાબમાંથી મુક્તિ માટે મુસ્લિમ મહિલાઓ વિરોધ કરી રહી છે, ઈરાની મહિલાઓ હિજાબથી આઝાદી ઈચ્છે છે. હિજાબ કાયદાના વિરોધમાં તેઓ સોશિયલ મીડિયા પર તસવીરો શેર કરી રહી છે, જેમાં તેમનો ચહેરો દેખાઈ રહ્યો છે. ઈરાનના રૂઢિચુસ્ત કાયદા અનુસાર, મહિલાઓ માટે જાહેરમાં તેમના વાળ ઢાંકવા ફરજિયાત છે. ઈરાનમાં હિજાબમાંથી મુક્તિ માટે મુસ્લિમ મહિલાઓ ખુલીને વિરોધ પ્રદર્શન કરી રહી છે.

    ઈરાની મહિલાઓ કડક નિયમોના વિરોધમાં હિજાબ ઉતારતી હોવાના ફોટા અને વીડિયો શેર કરી રહી છે. ઘણી મહિલાઓ હિજાબ ઉતારીને હવામાં વાળ લહેરાવતી જોવા મળી રહી છે. આ વિરોધની ઘણી તસવીરો અને વીડિયો પણ સોશિયલ મીડિયા પર વાયરલ થઈ રહ્યા છે.

    ઈરાની સત્તાધીશોએ 12 જુલાઈને ‘હિજાબ અને શુદ્ધતા દિવસ’ તરીકે જાહેર કર્યો હતો. આ અંતર્ગત એક કાર્યક્રમ યોજીને મહિલાઓને હિજાબ કાયદાનું પાલન કરવાનો સંદેશ આપવામાં આવ્યો હતો. પરંતુ આ દિવસે પણ ઈરાનમાં મહિલાઓ હિજાબ ઉતારીને વિરોધ કરતી જોવા મળી હતી. આ વિરોધ પ્રદર્શનમાં કેટલાક પુરુષો પણ તેને સહયોગ કરતા જોવા મળ્યા હતા.

    મહિલાઓએ સોશિયલ મીડિયા પર ઘણા વીડિયો શેર કર્યા છે. જેમાં મહિલાઓ ખુલ્લા વાળમાં જોવા મળે છે. તે જાહેર સ્થળોએ હિજાબને ઉડાવતી જોવા નજરે પડી રહી છે. આ દરમિયાન કેટલાક કટ્ટરપંથી મુસ્લિમો તેમનો વિરોધ કરતા જોવા મળ્યાં હતાં. આમ છતાં નીડર મહિલાઓ મક્કમતાથી તેમનો સામનો કરતી જોવા મળી રહી છે.

    ઈરાની-અમેરિકન પત્રકાર અને મહિલા અધિકાર કાર્યકર્તા મસીહ અલીનેજાદ હંમેશા આ કાયદા વિરુદ્ધ અવાજ ઉઠાવતા રહ્યા છે. તે વર્ષોથી આ પ્રથાનો વિરોધ કરી રહી છે અને તેને બદલવા માટેના સંઘર્ષમાં મહિલાઓની સાથે છે. તેમણે ટ્વીટ કર્યું હતું કે, “ઈરાની મહિલાઓ પોતાનો હિજાબ હટાવીને અને દેશની સડકો પર No2Hijab કહીને ઈરાનની સરકારને જુકાવી દેશે. આને કહેવાય મહિલા ક્રાંતિ. ઇરાનમાં Walking Unveiled અપરાધ છે. ઈરાની પુરુષો પણ અમારી સાથે આવશે.”

    ઉલ્લેખનીય છે કે ઈરાનમાં 1979ની ક્રાંતિ બાદથી અમલમાં આવેલા ઈસ્લામિક કાયદા હેઠળ હિજાબ પહેરવું ફરજિયાત છે. ઈરાનના કટ્ટરપંથીઓ તેના વિરોધને ઈસ્લામિક રિપબ્લિક સામે પશ્ચિમ દ્વારા “સોફ્ટ વોર” તરીકે જુએ છે. જો કોઈ મહિલા હિજાબ ન પહેરે તો તેને દંડથી લઈને કેદની સજા થઈ શકે છે.

    ‘દ્રૌપદી મુર્મુ ખૂબ જ દુષ્ટ ફિલસૂફીનું પ્રતિનિધિત્વ કરે છે’: કોંગ્રેસનેતા અજોય કુમારે આપ્યું વિવાદાસ્પદ નિવેદન

    ઑપઇન્ડિયા સ્ટાફ
    -
    0
    ‘દ્રૌપદી મુર્મુ ખૂબ જ દુષ્ટ ફિલસૂફીનું પ્રતિનિધિત્વ કરે છે’: કોંગ્રેસનેતા અજોય કુમારે આપ્યું વિવાદાસ્પદ નિવેદન

    કોંગ્રેસના નેતા અજોય કુમાર દ્વારા એક નવો વિવાદ શરૂ કરાયો છે, અને કહ્યું છે કે એનડીએના રાષ્ટ્રપતિ પદના ઉમેદવાર દ્રૌપદી મુર્મુ ‘ભારતની ખૂબ જ દુષ્ટ ફિલસૂફી’ રજૂ કરે છે અને તેમને આદિવાસીઓનું પ્રતીક’ બનાવવું જોઈએ નહીં. કોંગ્રેસ નેતાએ વધુમાં આરોપ લગાવ્યો કે અનુસૂચિત જાતિઓની સ્થિતિ વધુ ખરાબ થઈ ગઈ છે.

    તેમણે NDAના રાષ્ટ્રપતિ પદના ઉમેદવારને આદિવાસીઓના પ્રતિનિધિ બનાવવા સામે સલાહ આપી હતી. નરેન્દ્ર મોદી સરકાર પર દેશવાસીઓને મૂર્ખ બનાવવાનો આરોપ લગાવતા, કોંગ્રેસના નેતા અજોય કુમાર દ્વારા કહેવાયું કે જ્યારે અનુસૂચિત જાતિ સમુદાયના રામ નાથ કોવિંદ દેશના વર્તમાન રાષ્ટ્રપતિ છે, ત્યારે પણ દેશ સામે અત્યાચાર અટક્યા નથી.

    “વાત દ્રૌપદી મુર્મુ વિશે નથી. યશવંત સિંહા પણ એક સારા ઉમેદવાર છે અને મુર્મુ પણ એક શિષ્ટ વ્યક્તિ છે. પરંતુ તે ભારતની ખૂબ જ દુષ્ટ ફિલસૂફીનું પ્રતિનિધિત્વ કરે છે. આપણે તેને ‘આદિવાસી’નું પ્રતીક ન બનાવવું જોઈએ. અમારી પાસે રાષ્ટ્રપતિ રામ નાથ કોવિંદ છે, તો પણ હાથરસ થયું. શું તેણે એક શબ્દ કહ્યો છે? અનુસૂચિત જાતિની હાલત ખરાબ થઈ ગઈ છે,” કુમારે કહ્યું.

    રાષ્ટ્રપતિની ચૂંટણીને ‘રાષ્ટ્રની આત્મા માટેની લડાઈ’ ગણાવતા કોંગ્રેસના નેતાએ કહ્યું કે તમામ સમાન વિચારધારાવાળા પક્ષોએ વિપક્ષના ઉમેદવાર યશવંત સિંહાને મત આપવો જોઈએ. ‘પ્રતિકો બનાવવા અને ભારતના લોકોને મૂર્ખ બનાવવું એ જ મોદી સરકાર છે. આ રાષ્ટ્રની આત્મા માટેની લડાઈ છે અને તમામ સમાન વિચારધારાવાળા પક્ષોએ યશવંત સિંહાને મત આપવો જોઈએ,’ તેમણે કહ્યું હતું.

    દરમિયાન, એનડીએના રાષ્ટ્રપતિ પદના ઉમેદવાર વિરુદ્ધ કુમારની ટિપ્પણી પર ભારતીય જનતા પાર્ટી (ભાજપ) તરફથી તીવ્ર પ્રતિક્રિયા આવી છે.

    ભાજપના આઈટી સેલના પ્રભારી અમિત માલવિયાએ ટ્વિટર પર પોસ્ટ કર્યું, “એ સમયે જ્યારે પીએમ મોદીના નેતૃત્વમાં એનડીએએ આદિવાસી સમાજની મહિલા શ્રીમતી દ્રૌપદી મુર્મુને રાષ્ટ્રપતિના કાર્યાલય માટે ઉમેદવાર તરીકે જાહેર કર્યા છે, એક પગલું જે આદિવાસીઓને સશક્ત બનાવવામાં નોંધપાત્ર રીતે મદદ કરશે પરંતુ કોંગ્રેસ નેતા તેને દુષ્ટ કહે છે! માત્ર એટલા માટે કે તે આદિવાસી છે. શરમજનક છે.”

    કુમાર પર વળતો પ્રહાર કરતા ભાજપના રાષ્ટ્રીય પ્રવક્તા શહેઝાદ પૂનાવાલાએ કહ્યું કે કોંગ્રેસે મુર્મુનું અપમાન કર્યું છે.

    નોંધનીય છે કે જો દ્રૌપદી મુર્મુ 18 જુલાઈની રાષ્ટ્રપતિની ચૂંટણી જીતવામાં સફળ થાય છે, તો તે દેશના પ્રથમ આદિવાસી રાષ્ટ્રપતિ બનશે. સાથે જ, મુર્મુ જો જીત મેળવે તો તે ભારતના બીજા મહિલા રાષ્ટ્રપતિ હશે.

    કોંગ્રેસની આગેવાની હેઠળના વિપક્ષે, તે દરમિયાન, ભૂતપૂર્વ કેન્દ્રીય પ્રધાન અને ભૂતપૂર્વ ભાજપ નેતા યશવંત સિંહાને રાષ્ટ્રપતિની ચૂંટણી માટે તેના ઉમેદવાર તરીકે નામાંકિત કર્યા છે, જેની ગણતરી 21 જુલાઈએ થશે.

    અજમેર દરગાહનો ભડકાઉ ભાષણબાજ સરવર ચિશ્તી સદભાવના રેલીમાં દેખાયો, જેણે કહ્યું હતું કે: મુસ્લિમો સહન નહીં કરે, આખું ભારત હચમચી જશે

    ઑપઇન્ડિયા સ્ટાફ
    -
    0
    અજમેર દરગાહનો ભડકાઉ ભાષણબાજ સરવર ચિશ્તી સદભાવના રેલીમાં દેખાયો, જેણે કહ્યું હતું કે: મુસ્લિમો સહન નહીં કરે, આખું ભારત હચમચી જશે

    અજમેર દરગાહનો ભડકાઉ ભાષણબાઝ સરવર ચિશ્તી સદભાવના રેલીમાં જોવા મળ્યો હતો, રાજસ્થાનના ઉદયપુરમાં કન્હૈયા લાલની ઘાતકી હત્યા બાદ મંગળવારે (12 જુલાઈ 2022) અજમેરમાં સદ્ભાવના રેલી કાઢવામાં આવી હતી. રેલીનો હેતુ તમામ ધર્મોમાં શાંતિ અને સદ્ભાવનાનો સંદેશ ફેલાવવાનો હતો. પરંતુ રેલીમાંથી કેટલીક એવી તસવીરો સામે આવી છે, જે તેના હેતુ પર સવાલ ઉભા કરે છે. હકીકતમાં આ રેલીમાં અજમેરની દરગાહ શરીફ મેનેજમેન્ટ કમિટીના સેક્રેટરી સૈયદ સરવર ચિશ્તી પણ જોવા મળ્યા હતા.

    સરવર ચિશ્તી એ જ વ્યક્તિ છે જેણે થોડા દિવસો પહેલા નુપુર શર્મા વિશે ભડકાઉ વાતો કરી હતી. તેણે નૂપુર શર્માના સમર્થન સામે વાંધો ઉઠાવ્યો અને કહ્યું કે મુસ્લિમો તેને સહન નહીં કરે. તેમણે કહ્યું હતું કે, આ સમયે દેશમાં જે સ્થિતિ છે. રસુલની શાનમાં ગુસ્તાખી થઈ રહી છે. અમે આ ક્યારેય સ્વીકારીશું નહીં. એવું આંદોલન કરશે કે આખું ભારત હચમચી જશે.

    સરવર ચિશ્તીએ જે રીતે આ જાહેરાત કરી તે તેના ઈરાદાઓને સ્પષ્ટપણે વ્યક્ત કર્યા હતા. આવી સ્થિતિમાં સદભાવના રેલીમાં ભડકાઉ ભાષણ આપનાર સરવર ચિશ્તીની ભાગીદારી સવાલો ઉભા કરે છે.

    આ સિવાય ચિશ્તીએ તે હિન્દુ દુકાનદારોને પણ નિશાન બનાવ્યા હતા, જેમની દુકાનો દરગાહની આસપાસના વિસ્તારોમાં છે. સરવર ચિશ્તીએ કહ્યું હતું કે, “આજે અજમેર શહેરમાં જે હિંદુ ભાઈઓ સરઘસ કાઢી રહ્યા છે, અમે ગયા જુમ્માએ કાઢ્યું હતું જ્યારે અમારા પયગંબર મોહમ્મદનું અપમાન થયું હતું. આ માટે અમારી પાસે વ્યાજબી કારણ છે. અમે કોઈના દેવી-દેવતાઓનું અપમાન કરતા નથી. અમે નુપુર શર્માની ધરપકડની માંગ કરી હતી, ત્યાં સરઘસ નીકળ્યું હતું. તમે શું માટે સરઘસ કાઢો છો? નૂપુર શર્માના સમર્થનમાં આ સરઘસ હતું, પરંતુ છેલ્લી ઘડીએ પોસ્ટર-બેનર બદલાઈ ગયા હતા.

    આ સાથે ચિશ્તી પર પોપ્યુલર ફ્રન્ટ ઓફ ઈન્ડિયા (PFI) સાથે કનેક્શન હોવાનો પણ આરોપ છે. અહેવાલો અનુસાર, સરવર ચિશ્તી પોતાને પોપ્યુલર ફ્રન્ટ ઓફ ઈન્ડિયાનો સભ્ય ગણાવે છે. આ સંસ્થાના સભ્યો સાથે તે ઘણી વખત જોવા મળ્યો છે. તેમણે મંચ પરથી ઘણી વખત PFIની પ્રશંસા કરી છે. 2020 માં, તેણીએ PFI નો બચાવ કરતા કહ્યું હતું કે સંસ્થા ‘ભારતના બંધારણને બચાવી રહી છે’.

    નોંધનીય છે કે 28 જૂન 2022ના રોજ કન્હૈયા લાલની દુકાનમાં ઘૂસીને મોહમ્મદ રિયાઝ અને ગૌસ મોહમ્મદે તેમનું ગળું કાપી નાખ્યું હતું. આ હત્યારાઓના કનેક્શન અજમેર દરગાહના ખાદિમ ગૌહર ચિશ્તી પાસેથી સામે આવ્યા હતા. અહેવાલો સૂચવે છે કે ગૌહર કન્હૈયા લાલની હત્યા કરતા પહેલા ઉદયપુર ગઈ હતી. હત્યારાઓ તેની પાસે આશરો લેવા અજમેર આવી રહ્યા હતા પરંતુ રસ્તામાં જ પકડાઈ ગયા હતા. ગૌહર હાલ ફરાર છે. તે જ સમયે, અન્ય ખાદિમ સલમાન ચિશ્તીનો એક વીડિયો સામે આવ્યો હતો જેમાં તે નુપુર શર્માની હત્યા માટે ઉશ્કેરણી કરી રહ્યો હતો. તેઓ દરગાહની બહાર ઉશ્કેરણીજનક સૂત્રોચ્ચારમાં પણ સામેલ હતા.

    ‘પિતાજીને હોસ્પિટલમાં ગીતા વાંચવાથી રોકવામાં આવ્યા’ – તેજ પ્રતાપનો આરોપ: બીજી તરફ કાપલીમાં જોઈને ‘ભાષણ વાંચવામાં’ પણ તેજસ્વી યાદવને આંટા આવ્યા, જુઓ વીડિયો

    ઑપઇન્ડિયા સ્ટાફ
    -
    0
    ‘પિતાજીને હોસ્પિટલમાં ગીતા વાંચવાથી રોકવામાં આવ્યા’ – તેજ પ્રતાપનો આરોપ: બીજી તરફ કાપલીમાં જોઈને ‘ભાષણ વાંચવામાં’ પણ તેજસ્વી યાદવને આંટા આવ્યા, જુઓ વીડિયો

    આરજેડી સુપ્રીમો લાલુ પ્રસાદ યાદવ હાલના દિવસોમાં દિલ્હીની એમ્સમાં દાખલ છે, પરંતુ બિહારમાં તેમના નામ પર રાજકીય પારો ઊંચો ચડેલો દેખાય છે. લાલુના મોટા પુત્ર તેજ પ્રતાપ યાદવે પાર્ટીના નેતાઓ અને કાર્યકર્તાઓ પર પ્રહારો કર્યા છે. તેજ પ્રતાપે આવા નેતાઓ સામે તાત્કાલિક કાર્યવાહી કરીને તેમને પાર્ટીમાંથી બહાર કરી દેવાની ધમકી પણ આપી છે.

    બિહારના પૂર્વ સ્વાસ્થ્ય મંત્રી તેજ પ્રતાપ યાદવે મંગળવારે (12 જુલાઈ, 2022)ના રોજ પોતાના ટ્વિટમાં કહ્યું કે કેટલાક લોકો તેમના પિતાની સેવામાં ઓછા અને ખુશામતમાં વધુ વ્યસ્ત છે. આવા લોકોને ટૂંક સમયમાં જ પાર્ટીમાંથી બહાર કરી દેવામાં આવશે. લાલુના પુત્રએ લખ્યું, “પાપાને પરિવાર અને બિહારની જનતાની જરૂર છે, ચાપલૂસી કરવાવાળાઓની નહીં….. કેટલાક બહારના લોકો પોતાને મિયા મિઠુ કહી રહ્યા છે, નિર્દોષ બનીને પિતાની સેવા કરવાનો ડોળ કરી રહ્યા છે.. આવા દંભીઓ. અને ઢોંગી જલ્દીથી બહાર નીકળવાનો રસ્તો બતાવવામાં આવશે.”

    આ પહેલા તેજ પ્રતાપે એક અન્ય ટ્વિટ કર્યું હતું કે, “પપ્પાને હોસ્પિટલમાં શ્રીમદ ભગવદ ગીતાના પાઠ કરવાથી અને સાંભળવાથી રોકી દેવામાં આવ્યા હતા, જ્યારે પિતાને ગીતા વાંચન કરવું અને સાંભળવાનું પસંદ છે. તેમને ખબર નથી કે તેમને આ જ જન્મમાં આ પાપની મોટી કિંમત ચૂકવવી પડશે.”

    સોશિયલ મીડિયા પર ઊડી રહી છે તેજસ્વી યાદવની મજાક

    આ બધાની વચ્ચે લાલુના નાના પુત્ર તેજસ્વી યાદવની સોશિયલ મીડિયા પર બરાબર હિન્દી ન વાંચવાને લઈને મજાક ઉડાવવામાં આવી રહી છે. તેમના ભાષણમાં ‘લોકતંત્ર’, ‘સક્ષમ’ જેવા સરળ શબ્દોને જોયા પછી પણ તે બરાબર વાંચી શક્યા નહોતા.

    આ અંગે દિવ્ય કુમાર સોટીએ લખ્યું, “લેખેલું હિન્દી પણ વાંચી શકતો નથી. ધન્ય છે દેશની જનતાને જે જાતિવાદના નામે આ લોકોને સાંસદ અને ધારાસભ્ય તરીકે ચૂંટે છે.”

    આના જવાબમાં અન્ય એક યુઝરે લખ્યું કે, “સૂરજ ચંદ્ર છે ત્યાં સુધી ‘લાલુનો પુત્ર’ જ મારું નામ રહેશે.” અન્ય એક યુઝરે લખ્યું, “તેઓ રાહુલ ગાંધી સાથે ઓક્સફર્ડ યુનિવર્સિટી પણ ગયા હતા.”

    ઉલ્લેખનીય છે કે 3 જુલાઈની સાંજે લાલુ પ્રસાદ યાદવ રાબડીના નિવાસસ્થાને સીડી પરથી નીચે ઉતરતી વખતે પડી ગયા હતા. પડી જવાને કારણે લાલુ યાદવને જમણા ખભામાં સામાન્ય ફ્રેક્ચર થયું હતું. આ પછી, 4 જુલાઈની સવારે, તેમને પટનાની પારસ હોસ્પિટલમાં દાખલ કરવામાં આવ્યા હતા.

    1...1,0691,0701,071...1,178Page 1,070 of 1,178

    © Copyright - OpIndia.com