તાજેતરમાં યોજાયેલ ઓસ્કર એવોર્ડમાં ભારતીય ફિલ્મ RRRના નાટુ-નાટુ ગીતને ઓસ્કર મળ્યાં બાદ ભારતીય ફિલ્મ જગત ખુબ ગૌરવ અનુભવી રહ્યું છે, તેવામાં વિવાદનો એક નાનકડો ચમકારો પણ જોવા મળ્યો છે. નાટુ-નાટુને ઓસ્કર મળ્યાં બાદ આંધ્રપ્રદેશના મુખ્યમંત્રી વાયએસ જગન મોહન રેડ્ડીએ ટ્વીટ કરીને ખુશી વ્યક્ત કરી હતી કે ફિલ્મ RRRના ગીત ‘નાટુ-નાટુ‘ને ઓસ્કાર એવોર્ડ મળ્યો છે. આ ટ્વીટમાં સીએમ રેડ્ડીએ લખ્યું, ‘તેલુગુ ધ્વજ ઉંચો ફરકી રહ્યો છે’. આંધ્રપ્રદેશના મુખ્યમંત્રી દ્વારા કરાયેલા આ ટ્વિટ પર સિંગર અદનાન સામી વાંધો ઉઠાવતા હોય તેમ સીએમ રેડ્ડીની આલોચના કરતા કહ્યું છે કે આ તેમની સંકુચિત માનસિકતા દર્શાવે છે.
રીપોર્ટ મુજબ જગન મોહન રેડ્ડીએ ટ્વિટમાં લખ્યું હતું કે, “આભાર એસએસ રાજામૌલી, જુનિયર એનટીઆર, રામ ચરણ, એમએમ કેરાવાની, ચંદ્ર બોઝ અને આરઆરઆર ફિલ્મની સમગ્ર ટીમ. મને અને કરોડો તેલુગુઓ અને વિશ્વભરના તમામ ભારતીયોને ગૌરવ અપાવવા બદલ આખી ટીમનો આભાર. ભારતીયો અવિશ્વસનીય રીતે ગર્વ અનુભવે છે તેમની આ સફળતાથી તેલુગુ ધ્વજ ઉંચો ફરકી રહ્યો છે.” આંધ્રપ્રદેશના મુખ્યમંત્રી દ્વરા કરાયેલા ટ્વીટ બાદ અદનાન સામી દ્વારા તેમને ઘેરવામાં આવ્યાં હતા.
The #Telugu flag is flying higher!
— YS Jagan Mohan Reddy (@ysjagan) March 13, 2023
I’m filled with pride on a Telugu song, that so beautifully celebrates our folk heritage, being given its due recognition internationally today. @ssrajamouli, @tarak9999, @AlwaysRamCharan and @mmkeeravaani have truly redefined excellence! 1/2 https://t.co/jp75mpiZHv
આ પછી અદનાન સામીએ જગન મોહન રેડ્ડીના ટ્વીટ પર પ્રતિક્રિયા આપી હતી અને તેમની ‘તેલુગુ વિચારસરણી’ની ટીકા કરી હતી. અદનાન સામીએ ટ્વીટ કરી લખ્યું હતું કે, “આ સંકુચિત વિચારવાળા કુવાના દેડકા છે, જે સમુદ્ર વિશે વિચારી પણ શકતા નથી… કારણ કે તે તેમના ઈજ્જત વાળા નાના નાકની પહોંચથી બહાર છે…!! પ્રાદેશિક વિભાગોને પ્રોત્સાહન આપવામાં તમને શરમ આવવી જોઈએ. રાષ્ટ્રીય ગૌરવને સ્વીકારવામાં અને તેનો પ્રચાર કરવામાં અસમર્થ હોવા બદલ તમારા પર શરમ આવે છે! જય હિન્દ!”
What a regional minded frog in a pond who can’t think about the ocean because it’s beyond his tiny nose!! Shame on you for creating regional divides & unable to embrace or preach national pride!
— Adnan Sami (@AdnanSamiLive) March 13, 2023
Jai HIND!!🇮🇳 https://t.co/dodc3f0bfL
ત્યાર બાદ અદનાન સામીનું આ ટ્વિટ વાયરલ થઈ ગયું હતું. આ ટ્વીટ માટે કેટલાક યૂઝર્સે તેમને ટ્રોલ કરવાની કોશિશ પણ કરી હતી. એક યુઝરે ટ્વિટ કર્યું હતું કે, ” જેવી રીતે દક્ષિણ ભારતીયો હિન્દી બોલતા શીખે છે તેમ ઉત્તર ભારતીયો પણ દક્ષિણ ભારતની ભાષા કેમ નથી શીખતા.”
Then why North Indians don’t learn to speak South languages unlike souths learn hindi.
— Pokiri Zamana🔔 (@vasu1439688) March 13, 2023
Stop talking abt regional barricading. We never criticised north for the sake of us. We r praising ourselves
અદનાન સામીએ આ ટ્વિટનો પણ જવાબ આપતા કહ્યું હતું કે, “વેલ, આવી સ્થિતિમાં તમારે તમારી ફિલ્મોને હિન્દીમાં ડબ ન કરવી જોઈએ. જેના કારણે તેની ફિલ્મો મોટી હિટ થાય છે. તેને પ્રાદેશિક ભાષામાં જ રાખો!! જ્યારે દરેક ભાષા કિંમતી છે અને બધા પ્રેમ અને આદરને પાત્ર છે, ત્યારે તમારે આ હાસ્યાસ્પદ બકવાસ બંધ કરવાની અને બહુમતીને સ્વીકારવાની જરૂર છે. “
My issue has never been about the language. My issue has been very simple… All languages, regardless of their origin & dialect are ultimately under the one umbrella of being INDIAN FIRST & then anything else- That’s all!
— Adnan Sami (@AdnanSamiLive) March 13, 2023
I have sung innumerable songs in regional languages with… https://t.co/Lz62KqmZVH
આ સિવાય અદનાન સામીએ અન્ય એક ટ્વિટમાં જણાવ્યું હતું કે, “મારો મુદ્દો ક્યારેય ભાષાને લગતો રહ્યો નથી. મારી વાત ખૂબ જ સરળ રહી છે… બધી જ ભાષાઓ, તેમના મૂળ અને બોલીને ધ્યાનમાં લીધા વિના, છેવટે આપણે બધા એક ભારતીય છીએ અને પછી જ કંઈક બીજા છીએ. બસ! મેં બધી ભાષાઓને સમાન દર્શાવી છે અને પ્રાદેશિક ભાષાઓમાં આદર સાથે અસંખ્ય ગીતો ગાયા છે. ”
