તિહાર જેલમાંથી આમ આદમી પાર્ટીના નેતા અને દિલ્હી સરકારના જેલ મંત્રી સત્યેન્દ્ર જૈનના એક પછી એક વીડિયો બહાર આવવાના ચાલુ છે. હવે પાછો તિહાર જેલમાંથી વધુ એક CCTV વિડીયો સામે આવ્યો છે. આ નવા વીડિયોમાં સત્યેન્દ્ર જૈન કેટલાક લોકો સાથે મીટિંગ કરતા જોવા મળી રહ્યા છે. આ લોકોમાં તિહાર જેલના સસ્પેન્ડેડ સુપ્રિટેન્ડેન્ટ પણ જોવા મળે છે.
#WATCH | More CCTV visuals of jailed Delhi Minister and AAP leader Satyendar Jain in Tihar jail come out: Sources pic.twitter.com/4c6YdJ2bAL
— ANI (@ANI) November 26, 2022
તિહાર જેલમાંથી દિલ્હી સરકારના મંત્રી અને આમ આદમી પાર્ટી (AAP)ના નેતા સત્યેન્દ્ર જૈનનું એક નવું CCTV ફૂટેજ સામે આવ્યું છે. આ વીડિયોમાં સત્યેન્દ્ર જૈન સસ્પેન્ડેડ જેલ સુપ્રિટેન્ડેન્ટ અજીત કુમાર સાથે જોવા મળે છે. આ વીડિયોમાં સત્યેન્દ્ર જૈન સસ્પેન્ડેડ જેલ સુપ્રિટેન્ડેન્ટ અજીત કુમાર સાથે વાત કરતા જોવા મળી રહ્યા છે. જણાવી દઈએ કે અજીત કુમાર પર ED દ્વારા આરોપ લગાવવામાં આવ્યો હતો કે તે સત્યેન્દ્ર જૈનને જેલમાં સુવિધાઓ આપે છે, આના પર કાર્યવાહી કરતા તેમને હટાવી દેવામાં આવ્યા છે.
બીજેપી નેતા તેજિન્દર પાલ સિંહ બગ્ગાએ વીડિયોને લઈને દિલ્હીની AAP સરકાર અને સીએમ અરવિંદ કેજરીવાલ પર પ્રહારો કર્યા છે. તેમણે કહ્યું છે કે “આ કેજરીવાલનું સુશાસન મોડલ છે. મંત્રી સત્યેન્દ્ર જૈન તિહાર જેલમાં કોર્ટ ચલાવી રહ્યા છે.”
Tihar Jail Superintendent reporting Satyendra Jain Sir. This is @ArvindKejriwal model of Governence. pic.twitter.com/Fauzn65LuM
— Tajinder Pal Singh Bagga (@TajinderBagga) November 26, 2022
સત્યેન્દ્ર જૈન જેલમાં મસાજ કરાવતા જોવા મળ્યા
નોંધનીય છે કે સૌથી પહેલા સત્યેન્દ્ર જૈનને તિહાર જેલમાં મસાજ કરાવવાનો મામલો સામે આવ્યો હતો. જેમાં એક વ્યક્તિ સત્યેન્દ્ર જૈનના પગ અને શરીર પર માલિશ કરી રહ્યો હતો. આ પછી ખબર પડી કે વીડિયોમાં જે વ્યક્તિ સત્યેન્દ્ર જૈનને મસાજ કરતો જોવા મળી રહ્યો છે તે બળાત્કારનો આરોપી કેદી છે. આ પછી બીજેપી આમ આદમી પાર્ટી પર વધુ આક્રમક બની છે.
#WATCH | CCTV video emerges of jailed Delhi minister Satyendar Jain getting a massage inside Tihar jail. pic.twitter.com/VMi8175Gag
— ANI (@ANI) November 19, 2022
જેલમાં VIP ભોજન લેતા સત્યેન્દ્ર જૈન
પહેલા વિડીયોના, બે દિવસ પછી, એક અન્ય વીડિયો સામે આવ્યો હતો જેમાં સત્યેન્દ્ર જૈન તિહાર જેલની તેમની બેરેકમાં ખોરાક ખાતા જોવા મળ્યા હતા. આમાં તે બેડ પર બેઠા છે અને એક વ્યક્તિ તેમને ખાવાનું લાવીને આપી રહ્યો છે.
सुना है सत्येंद्र जैन की जेल में ख़ाना रेडिसन और ताज से आता है लेकिन वकील कह रहे है की 28 किलो वजन कम हो गया है भाईसाब का । pic.twitter.com/2G4gAV5cW8
— Tajinder Pal Singh Bagga (@TajinderBagga) November 23, 2022
તે સ્પષ્ટપણે જોઈ શકાય છે કે જૈનનું ભોજન ટિફિનમાં છે અને બહારથી કોઈ વ્યક્તિ તેમને સલાડ સાથે થાળીમાં આપી રહ્યો છે. આ પછી ભાજપ અને અન્ય વિપક્ષી દળોએ આરોપ લગાવ્યો કે જૈનને જેલમાં VIP ટ્રીટમેન્ટ મળી રહી છે.
નોંધનીય છે કે મસાજ લેવા પર દિલ્હીના મુખ્યમંત્રી અરવિંદ કેજરીવાલે કહ્યું કે વાયરલ વીડિયોમાં સત્યેન્દ્ર જૈન ‘ફિઝિયોથેરાપી’ કરાવી રહ્યા છે. આ મસાજ નથી. તેમણે કહ્યું હતું કે ગૃહમંત્રી અમિત શાહે જ ગુજરાતમાં VIP ટ્રીટમેન્ટ લીધી હતી. અમિત શાહ ગુજરાતમાં મંત્રી હતા ત્યારે તેમને વીઆઈપી ટ્રીટમેન્ટ મળી હતી, જૈન સાથે આવું કંઈ થયું નથી.
