તેલંગાણા રાષ્ટ્રીય સમિતિ (TRS) નું નામ બદલીને ભારત રાષ્ટ્રીય સમિતિ (BRS) કરવામાં આવ્યાના થોડા દિવસો બાદ જ સીએમ કે ચંદ્રશેખર રાવ (KCR) વિવાદમાં છે. ચંદ્રશેખર રાવ પર નેશનલ કમિટિ ઓફ ઈન્ડિયાના બેનરો અને પોસ્ટરમાં ભારતનો ખોટો નકશો બતાવવાનો અને દેશની અખંડિતતાનું અપમાન કરવાનો આરોપ છે. રાજધાની હૈદરાબાદમાં ઘણી જગ્યાએ આ બેનર-પોસ્ટર્સ લગાવવામાં આવ્યા છે.
ભારતના અધૂરા નકશામાં બીઆરએસ સુપ્રીમો કેસીઆરના ફોટો સિવાય ખૈરતાબાદના ધારાસભ્ય દાનમ નાગેન્દ્ર અને તેમની પાર્ટીના અન્ય નેતાઓની તસવીરો પણ લગાવવામાં આવી છે. ભારતનો ખોટો નકશો બતાવતું આ પોસ્ટર સામે આવ્યા બાદ સત્તાધારી પક્ષ સામે કાર્યવાહીની માંગ કરવામાં આવી રહી છે. તેલંગાણાના નિઝામાબાદથી બીજેપી સાંસદ અરવિંદ ધર્મપુરીએ ટ્વિટર પર KCRની પાર્ટીનું પોસ્ટર શેર કર્યું છે, જેમાં અડધુ કાશ્મીર ગાયબ છે. બીજેપી સાંસદનો આરોપ છે કે કેસીઆરની પાર્ટીએ ભારતનો ખોટો નકશો દર્શાવ્યો છે, તે ભારતના બંધારણ અને અખંડિતતાનું અપમાન છે.
By removing PoK frm Indian map,he is supporting Pakistan
— Arvind Dharmapuri (@Arvindharmapuri) October 10, 2022
This map is promoted&supported by Pakistan
Is KCR following legacy of Nizam who wanted to merge erstwhile Hyd. State with Pakistan? Is this the motive behind launching National Party?
(Image:https://t.co/IIO81b3eYE)(2/2) pic.twitter.com/IelWsLek3m
બીજેપી સાંસદે પોતાના બીજા ટ્વીટમાં લખ્યું છે કે, “ભારતીય બંધારણના અનુચ્છેદ 1માં દેશના પ્રદેશની વ્યાખ્યા કરવામાં આવી છે. સમગ્ર જમ્મુ અને કાશ્મીર ભારતનો એક ભાગ છે. કેસીઆરની પાર્ટી પીઓકેને દેશના નકશામાંથી હટાવીને પાકિસ્તાનને સમર્થન આપી રહી છે.” તે જ સમયે, બીજેપીના ઓબીસી મોરચાના રાષ્ટ્રીય મંત્રી ડૉ. પાર્થસારથીએ પોતાના ટ્વિટર હેન્ડલ પર લખ્યું કે, આ દેશના નેતા નથી પરંતુ દેશદ્રોહી છે. નોંધનીય છે કે દશેરાના અવસર પર તેલંગાણાના મુખ્યમંત્રી કેસીઆરએ તેમની પાર્ટી (તેલંગાણા રાષ્ટ્ર સમિતિ)નું નામ બદલીને ભારત રાષ્ટ્ર સમિતિ રાખવાની જાહેરાત કરી હતી.
यह देश का नेता नहीं है । यह देशद्रोही है।
— Dr Parthasarathi / डॉ पार्थसारथी / డా పార్థసారథి (@drparthabjp) October 10, 2022
He is not a so called "LEADER". He acts like a traitor .
అతను దేశానికి నాయకుడు కాదు. ఇతను దేశద్రోహి.@BJP4OBCMorcha @amitmalviya @krg_reddy @tarunchughbjp @bandisanjay_bjp @aruna_dk@BJP4Telangana @republic @abntelugutv @TV9Telugu pic.twitter.com/6iglTmaHPn
થોડા સમય પહેલા અન્ય એક દિગ્ગજ નેતાએ કરી હતી આ જ ભૂલ
નોંધનીય છે કે આ પહેલીવાર નથી જ્યારે કોઈ પાર્ટીએ ભારતનો ખોટો નકશો બતાવીને દેશનું અપમાન કર્યું હોય. આ પહેલા કોંગ્રેસ નેતા શશિ થરૂરે પણ આવી જ ભૂલ કરી હતી. સપ્ટેમ્બર 2022 માં, શશિ થરૂરે તેમની પાર્ટીના મેનિફેસ્ટો સાથે ટ્વિટર પર ભારતનો નકશો શેર કર્યો હતો. આ નકશામાં જમ્મુ-કાશ્મીર અને લદ્દાખના કેટલાક ભાગો ગાયબ હતા. જો કે તેના પર થયેલા વિવાદ બાદ તેમણે તેને પોતાના ટ્વિટર હેન્ડલ પરથી હટાવી દીધો હતો.
